Контакт

Култура

„Филмот ми откри дека можеме да комуницираме и без зборови“, рече во Битола киноматограферката на филмот „Божјата рака“ на Сорентино

Објавено пред

Дариа Д’Антонио (Daria D’Antonio), една од водечките италијански и европски кинематограферки, е специјална гостинка на 43. ИФФК „Браќа Манаки“ со гала-проекцијата на ремек-делото „Божјата рака“ (È stata la mano di Dio / The Hand of God) на култниот режисер Паоло Сорентино, кој е денес на фестивалската програма.

dobivaj vesti na viber

По прес-конференцијата Дариа Д’Антонио одржа и мастер клас во Малата сала на Центарот за култура Битола. Родена во Неапол, генерациски исписник на Сорентино, Дариа Д’Антонио најпрвин го изрази нејзиното големо задоволство што ја има честа да го претставува „Божјата рака“, кој досега освои десетици награди и номинации на филмските фестивали ширум светот, и е лична емоционална сторија на авторот за Неапол од 80-те години на минатиот век.

Со искрена скромност и голема емотивност, Дариа Д’Антонио пред присутните го сподели нејзиното чувство на своевидна засраменост откако ја видела фотогалеријата на кинематографери кои досега биле чествувани на ИФФК „Браќа Манаки“ и одржувале мастер класови.

-Имам огромно задоволство што можам да зборувам за филмот кој не само што го прикажува градот Неапол, туку и мојата страст кон филмот. Сакам да го споделам со вас задоволството што ми го овозможил филмот, бидејќи сиве овие изминати години имав прилика да работам со луѓе што ги сакам, и мислам дека тоа е спас за мене како кинематографер, бидејќи е голема привилегија да се работи она што се сака, рече Д’Антонио на почетокот, изразувајќи задоволство што пред неа во публиката се луѓе кои се репер во кинематографијата.

Дариа Д’Антонио се наврати на нејзината младост и тешкотијата да се изрази се до моментот кога ја открила фотографијата: кога ја развила првата слика во темната комора почувствувала дека тоа е откритието што потоа и го обележало животот. Но, потоа го открила и филмот како израз, но и како шанса да комуницира на поинаков начин.

-Филмот ми откри дека можеме да комуницираме и без зборови, да го прават она што отсекогаш ми се допаѓало – да гледам на нештата со различен тип на учество. Многу и должам на оваа професија и тимскиот дух во работата на филм, истакна Дариа Д’Антонио.

Таа посочи дека во снимањето филмови многу е важно да се почитува приказната што треба да се раскаже, а тоа се постигнува со многу скромност.

-Важно е да го заборавиме она што го знаеме за да можеме ја претставиме приказната на нов начин. Скромноста може само да ни помогне. Ова е втората привилегија, бидејќи работата на филм ме направи тоа што сум, вели Дариа Д’Антонио.

На прашањето колку е тешко да се биде ѕвезда, не само во Италија туку и на интернационален план, во една професија која традиционално се смета за „машка“, Д’Антонио е свесна дека е една од малкуте жени-кинемнатографери во Италија, но тоа никогаш не и претставувало некој лимит, бидејќи смета дека луѓето ја перцепираат според работата и креацијата.

-Никогаш не сум си го поставила прашањето дека сме малку жени зад камерата. Никогаш не се почувствувам потценето бидејќи имав среќа да работам со интелигентни автори. Машката доминација во филмот во Италија можеби е најмал проблем во споредба со доцнењето на многу општествени процеси во споредба со Франција, на пример, како што се законите за развод и абортус. За среќа, се менуваат и мажите и ситуацијата, посочува Д’Антонио.

Запрашана за нејзините примери во филмот, Дариа Д’Антонио ги истакна режисерите од италијанскиот неореализам, а омилени автори и се Лукино Висконти, Виторио Де Сика, Пјер Паоло Пазолини, како и американскиот режисер Теренс Малик, од кого многу научила.

-Многу работев со италијанскиот кинематографер Лука Бигаци, и научив да сфатам многу работи за себе си. Благодарна сум му бидејќи научив како функционираат многу работи на филмскиот сет, истакна Д’Антонио.

Говорејќи за „Божјата рака“ и „улогата“ на Неапол во него, Дариа Д’Антонио смета дека тој град често пати бил злоупотребуван во филмските приказни, бидејќи се работи за комплексен проблем, и не се работи само за Неапол во социолошки поглед.

-Тешко е да се опише сопствениот град, бидејќи и јас често посакувам да се разбудам еден ден и да го видам со други очи. Затоа во „Божјата рака“ сакав преку очите на детето да ја прикажам меланхолијата, чувството кога сме млади и кога не знаеме што носи иднината. Сакав да го постигнам токму тоа чувство на заборав за сето она што го знам, и големиот филмски формат ми помогна за да направам таа дистанца, објаснува Д’Антонио.

Запрашана за историската веродостојност на сцената во „Божјата рака“, кога група луѓе одат на аудиција за филм на Федерико Фелини, Дариа Д’Антонио посочи дека Сорентино често прави омажи на овој легендарен режисер во неговите филмови.

-Кај Сорентино не може да недостасува Фелини, вели Д’Антонио.

Специјалната гостинка на 43. ИФФК „Браќа Манаки“ одговараше и на прашањата од присутните за професионалниот преод од филмска лента на дигитална технологија, како и за соработката со новите генерации автори во италијанската кинематографија.

Култура

„Век со Конески, мигови со Блаже“ од Владимир Мартиновски

Објавено пред

Неодамна, во издание на издавачката куќа „Бегемот, со поддршка на Министерството за култура на Северна Македонија, од печат излезе книгата есеи „Век со Конески, мигови со Блаже“ од професор Владимир Мартиновски.

dobivaj vesti na viber

Збирката есеи „Век со Конески“, мигови со Блаже од Владимир Мартиновски е значаен влог во компаративното проучување и толкување на поезијата на Блаже Конески. Водејќи грижа и за теориските ставови на Конески, изнесени во неговите есеи, авторот Мартиновски врз анализата на поетскиот опус на доајенот на современата македонска поезија ги применил трите основни модели на компаратистичките истражувања, зацртани од еминентниот компаратист Зоран Константиновиќ: генетско-контактните врски; типолошките аналогии и интердисциплинарните поврзувања. Во првиот дел од книгата, насловен „Век со Конески“, неговата поезија ja чита низ споредбени визури, укажувајќи на врските со делата на голем број писатели и уметници од различни епохи и книжевни традиции: од Хомер, Овидиј и Кавафис до Шимборска, Бродски и Павловиќ; од Данте, Сервантес и Шекспир до Рацин, Шопов и Ренџов; од Његош, Андриќ и Скацел до Ѓузел, Ќулавкова и Дурацовски; од Болер, Пикасо и Сенгор до Мартиноски, Личеноски и Георгиевски. Во вториот дел, именуван „Мигови со Блаже“, преку серија микроесеи и куси записи, Мартиновски фрла новa светлина врз значајни аспекти на поезијата на Конески.

Владимир Мартиновски (Скопје, 1974) e поет, раскажувач, есеист, теоретичар, антологичар, книжевен преведувач. Работи како редовен професор по предметот Компаративни поетики на Катедрата за општа и компаративна книжевност при Филолошкиот факултет „Блаже Конески“, Универзитет „Св. Кирил и Методиј“ во Скопје. Докторирал на Универзитетот Париз III – Нова Сорбона. Член е на извршниот одбор на Меѓународната асоцијација за семиотика, на Претседателството на ДПМ и на Управниот одбор на СВП.
Автор е на книжевно-теориски студии, збирки есеи, поетски збирки, хаибуни, раскази и книжевни преводи.
Добитник е на неколку книжевни награди: „Нова Македонија“ (2009), „Браќа Миладиновци“ на СВП (2010), „Димитар Митрев“ (2013), „Витез на македонскиот пишан збор“ (2014), „Антеов златник“ (2020) и „Лирата на Орфеј“ (2020).

Прикажи повеќе...

концерти

Мистериозниот електро поп-бенд Nipplepeople со сценски настап во Скопје

Објавено пред

На 8 октомври, сабота, со почеток во 21 часот ќе се одржи 12. издание на ПМГ Рекордингс фестивал со наслов „Градот ме тера да пеам“. Со квалитетна музичка понуда и на два музички подиуми, фестивалот ќе се одржи во Младинскиот културен центар.

dobivaj vesti na viber

На првиот и главен подиум гости и ѕвезди на фестивалот се Ниплпипл (Nipplepeople) од Загреб, Хрватска, еден од најпопуларните електро поп-бендови во регионот. Мистериозното дуо, кое на сцената настапува маскирано во ретро – футуристички костуми, веќе десетина години егзистира на сцената. Вистински куриозитет е што досега имаат дадено само неколку интервјуа за медиуми, а во едното од нив одговориле само со музички броеви. Преферираат публиката првенствено да ја прими нивната музика и сценски перформанс, наместо да говорат за својата музика, која одлично кокетира и со трип-хопот. Музичките критичари ги дефинираат како „перверзно среќен трип-хоп“, а нивниот сценски настап го споредуваат со оној на светски познатите бендови како The Knife и Goldfrapp. Нивната песна „Фрка“ е апсолутен хит во последниве години. Уникатниот сценски настап е нивно главно обележје, а скопската публика веќе има изградено одлична комуникација со бендот.

„Луфтханса“ е еден од македонските водечки бендови на новата генерација, кој носи свежина, автентичност и неисцрпни количества младешка енергија. Периодов го издаваат нивниот нов албум „Давор“ за ПМГ Рекордингс, а на фестивалот ќе се претстават со целовечерен концерт и тоа за првпат во нивната куса, но возбудлива кариера.

„Хајка“ е бендот на годината. Настапија на сите поважни настани низ земјата и патем ги освоија срцата на публиката. За нив се пишува, се зборува, а на ПМГ Рекордингс фестивалот во МКЦ, освен фуриозна свирка, очекуваме и промоција на нивниот нов видеоспот.

Програмата на главната сцена ќе ја надополнат и младите битолчани Cut Your Nipple и феноменалниот скопски електро етно-џез состав „Кантон6“.

Вториот подиум за танц, под името PMG Tanz Digital stage, ќе биде отворен во холот пред киното „Фросина“ и ќе биде целосно посветен на електронската музика. Настап во живо ќе забележи талентираниот кавадарчанец Зоран Веселинов, а со диџеј сетови ќе се претстават некои од најквалитетните имиња кои гравитираат околу ПМГ лејблот: Галатеа, Андреја Салпе и Виолета Качакова.

ПМГ Рекордингс фестивал е годишна смотра на истоимената дискографска куќа, која со повеќе од 200 изданија на современа македонска музика е водечка сила на домашната сцена во последниве децении.

„Градот ме тера да пеам“ е и наслов на компилација, која, како јубилејно 200. издание, наскоро ќе се појави на бенд кемп страната на „ПМГ Рекордингс“ и е достапна за слободен даунлоуд.

Влезниците се пуштени во претпродажба на билетарницата на МКЦ Скопје и онлајн. Цена на билетот во претпродажба е 400 денари.

Прикажи повеќе...

Култура

Во Штип започнува 10-тото јубилејно издание на театарскиот фестивал за деца и млади „Малиот принц“.

Објавено пред

Во НУЦК Ацо Шопов – Штип на 1 октомври почнува 10-тото јубилејно издание на Театарскиот фестивал за деца и млади „Малиот принц“.

dobivaj vesti na viber

Годинава се одржува под мотото „За секое дете – за секој цвет и за оној чија отсутност мириса“.

Програмата ќе се реализира на големата сцена при Домот на културата „Ацо Шопов” Штип.

Најавата за отворањето на Фестивалот е на 30. септември (петок) со промоција на креативниот перформанс во кој ќе учествуваат: магионичари, жонглери, принцови и принцези, живи статуи, кловнови.

Сето тоа поткрепено со многу музика и подароци за присутната публика, вели организаторот.
Локацијата е пред платото на НУЦК „Ацо Шопов” Штип со почеток во 19 часот.
Театарскиот фестивал за деца и млади „Малиот принц“ ќе трае од 1 до 10 октомври 2022 година.

Фестивалот ќе ги доделува следните награди:
ГРАН ПРИ награда за претстава во целина
Специјални награди за:
– Најдобар актер или актерка на вечерта
– Авторска музика
– Сценографија
– Костимографија
– Режија
– Адаптација на текст

Репертоар:

30.09.2022 (петок) – 19:00ч. Отворање на Фестивалот – Перформанс за најмалите / Плато на НУЦК „Ацо Шопов“ Штип
01.10.2022 (сабота) – 12:00ч. „МАЛАТА СИРЕНА“ / НУЦК „Трајко Прокопиев“ Куманово
04.10.2022 (вторник) – 19:00ч. „УБАВИЦАТА И ЅВЕРОТ” / Мал театар – Прилеп
05.10.2022 (среда) – 19:00ч. „ЧУНГАЛУНГОВСКИ, ПЕПЕЛАШКА И ПРИНЦОТ ТОРТИЧКА“
НУЦК „Ацо Шопов” – Штип
06.10.2022 (четврток) – 19:00ч. „ПАТ ОКОЛУ СВЕТОТ“ / НУЦК „Антон Панов“ – Театар Струмица.
08.10.2022 (Сабота) -12:00ч. „ТРНОРУШКА” / 14:00ч. „ПОСЛЕДНАТА БИТКА” / Летачка театарска трупа – Тетово.
10.10.2022 (понеделник) – 19:00ч. „ТОБИ “ Н.У. „Театар за деца и младинци” – Скопје.

Прикажи повеќе...

Најново

Економија9 часа

(Видео) Вонредна прес-конференција на Ковачевски: Парно ќе има, училиштата ќе бидат на регулираниот пазар

Економско-енергетскиот совет донел одлука дека на 15 октомври почнува грејната сезона во Скопје и парно ќе има бидејќи е почната...

Македонија15 часа

Објавени имињата на новите директори на јавните претпријатија во Скопје

Назначени новите в.д. директори на јавните претпријатија во Скопје. Со ЈП „Лајка“ назначена е да раководи Радмила Пешева, а со...

Економија15 часа

Андонов: Ако не се постигне договор со „Адора“ за топланите, решението ќе се бара во Законот за управување со кризите

Доколку не се постигне договор со „Адора“ за топланите, решението ќе се бара во Законот за управување со кризите, при...

Македонија15 часа

Се засилува потрагата по лицето кое со „голф 4“ падна во реката Вардар кај Желино

Oд раните утрински часови продолжена е потрагата и се засилува по лицето кое со автомобил „голф 4“ падна вчера во...

Македонија16 часа

(Видео) Мицкоски нуди план за справување со енергетската криза: Двојно поевтина струја и спречување на инфлацијата

Лидерот на ВМРО-ДПМНЕ, Христијан Мицкоски, заедно со тимот претставници на највисокото раководство на партијата, вклучително и голем дел од градоначалници...

Македонија17 часа

(Интервју) Дејвид Гир: Дали сте подготвени утре да се приклучите кон ЕУ – очигледно не

За пристапување во ЕУ потребни се институции кои се професионални и се базираат на заслуги а не на партиски интереси,...

Регион17 часа

(Видео) Вучиќ: Не се борам ниту за Путин ниту за Бајден, гајле ми е за нив

Српскиот претседател Александар Вучиќ зборуваше за ситуацијата во Украина и на фактот дека Србија сè уште нема воведено санкции кон...

Топ19 часа

71-годишен маж од Битола извршил полов напад врз осумгодишно дете

Јавен обвинител од Основното јавно обвинителство Битола донел наредба за спроведување истражна постапка против едно лице за кое постои основано...

Македонија20 часа

Зеќири сведочеше против Рашковски: Не бев запознаен со софтверот за определување на просечна брзина и одредување на казни

Ексгенералниот секретар во Владата Мухамед Зеќири сведочеше против неговиот претходник во оваа институција Драги Рашковски. Обвинителката Ивана Трајчева го прашуваше...

Македонија20 часа

Рашковски купил систем за биометриска идентификација иако бил предупреден дека истиот е забранет за користење, вели сведок

Ексгенералниот секретар Драги Рашковски купил систем за биометриска идентификација, за да евидентира работно време на Генералниот секретаријат (пр. со отпечаток...

Свет21 час

Полскиот премиер за истекувањето на гасоводот Северен тек: Јасно е дека се работи за саботажа

ЕУ ќе ја зајакне заштитата на својата енергетска инфраструктура по инцидентите кои предизвикаа истекување на гасоводот Северен тек, изјави високиот...

Свет21 час

Меркел предупредува: Сфатете ги сериозно зборовите на Путин

Поранешната германска канцеларка Ангела Меркел повика зборовите на рускиот претседател Владимир Путин да се сфатат сериозно. – Мора сериозно да...

Свет21 час

Лидерот на Луганската Народна Република денеска ќе побара од Путин прием во Руската Федерација

Лидерот на самопрогласената Луганска Народна Република (ЛПР) во Украина, Леонид Пашечник, најави дека подоцна денеска ќе подготви документ со кој...

Свет21 час

Олаф Шолц: Путин е очаен, прави грешка по грешка

Германскиот канцелар Олаф Шолц смета дека рускиот претседател Владимир Путин „прави грешка по грешка“ и дека таквите постапки, како што...

Свет22 часа

Медведев: Референдумот заврши, добре дојдовте дома во Русија

Заменик-претседателот на рускиот Совет за безбедност Дмитриј Медведев изјави дека резултатите од референдумот во Донбас, Запорожје и Керсон се сосема...

Европа22 часа

Полска и Бугарија до своите граѓани: Итно напуштeте ja Русија

Владите на Полска и Бугарија ги повикуваат своите граѓани кои сè уште се во Русија веднаш да ја напуштат земјата....

Европа22 часа

Научниците со предупредување: Oткриен нов вид на коронавирус, ги заобиколува постоечките вакцини

Научниците кои се занимаваат со откривање  нови вируси открија нов вид на коронавирус кај лилјаци што може да предизвика проблеми...

Европа23 часа

Полскиот министер: Одговорот на НАТО на нуклеарен напад во Украина би бил разорен

Полскиот министер за надворешни работи Збигњев Рау изјави во Вашингтон дека одговорот на НАТО на каква било употреба на нуклеарно...

Европа23 часа

Антонов до Америка: Не поттикнувајте го Киев

Америка се приближува до опасен раб кога зборува за тоа дeка нема да го спречи Киев да користи западно оружје...

Македонија1 ден

ВМРО-ДПМНЕ побара оставка од Славјанка Петровска: „Се вработуваат војници преку партиски штаб“

Опозициската ВМРО-ДПМНЕ побара оставка од министерката за одбрана, Славјанка Петровска, откога на официјалната фејсбук-страница на СДСМ Арачиново осамна објава –...