Контакт

Изложби

„Форми во црно” – изложба на Мице Јанкуловски во Куманово

Објавено пред

Утре, во 20 часот, во Уметничката галерија во Куманово, ќе се отвори изложбата на Мице Јанкуловски.

Изложбата ќе ја отвори проф. д-р Милан Јазбец, амбасадор на Република Словенија во земјата. На изложбата ќе бидат изложени 50 слики, акрил на платно, од Форма 3. – најновата фаза од 50-годишното творештво на Јанкуловски. Форма 3 се карактеризира со: монохромност (зашто сите слики се насликани само со една боја – црната), модуларност (сликите се со разни димензии, но сите меѓусебно се во некој однос), мултипликација (создава посебни дела со мултипликација на повеќе дела) и минимализам – создавање на своите дела со минимум елементи.

Мице Јанкуловски е исклучителен мултимедијален уметник кој истражувал разни дисциплини во уметност од неговата најрана возраст – од цртеж до слика, користејќи разни материјали и техники вклучувајќи сатирично сликарство на стакло, од палиндром до карикатури и анимирани филмови. Неговото творештво, кое опфаќа разни медиуми, го рефлектира неговиот поглед кон светот како реалност која постојано се менува, во која многу работи се движат низ времето и просторот преклопувајќи се на рамнина што се протега бескрајно далеку. Тој е препознаен од професионалната јавност во светот како најизразит претставник на апстрактната уметност во Македонија.
Мице Јанкуловски има одржано над педесет самостојни изложби во престижни простори во својата земја и на меѓународната сцена, како во палатата „Ка ‘Занарди“ во рамките на Остен-павилјонот Венеција, Италија; галеријата „Лола Николау“ во Солун, Грција; Градската галерија во Варна, Бугарија; Архиви дела Мизерикордија во Венеција, Италија; Devlet Resim Heykel Muzesi во Анкара, Турција; Југословенскиот културен центар во Париз, Франција, и голем број групни изложби.

Добитник е на највисоки меѓународни награди за творештво: наградата за животно остварување „Лоренцо ил Магнифико“ на Фиренца биенале, Италија, оваа година, наградата „Уметник на светот“ на биеналето „Ларнака“, Кипар 2018, гран при на Меѓународното биенале на графика Варна, Бугарија, во 2017 и многу други…
Оваа 2019 година Мице Јанкуловски одбележува 50 години уметничко творештво и до крајот на годината ќе има самостојни изложби во Прилеп, Куманово, Тетово, Торино, Италија; Сент Петербург, Русија, и Солун, Грција – изложба со дела од Пикасо.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Изложби

Изложба на скулптури во МКЦ на македонскиот скулптор Aлександар Eфтимовски

Објавено пред

Изложба на скулптури „Фрагментум“ на академскиот скулптор Александар Ефтимовски ќе биде отворена во галеријата на Младинскиот Културен Центар (МКЦ) на 16-ти ноември со почеток од 19:30 часот.

Името на оваа изложба доаѓа од латинското име „Фрагментум“ што буквално претставува конкретен дел, одделен од една целина. Истиот тој „фрагмент“ е секое едно дело создадено од потребата на авторот од физичка активност и темпераментно дејствување врз материјалот. Секој еден дел или фрагмент е изработен во различно време и околина и е активниран од различни сетилни дразнења, што во тој даден период го обележува и претставува моменталното авторско творештво. Соединувањето на овие скулптурални дела во една целина ја потенцира уметничката имплозија и го објаснува текот на артистичкото создавањето на скулпторот. Искуствата, кои скулпторот ги стекнува со неговите патувања, метафорички ги материјализира или врежува во материјалот и на тој начин ја обележува сегашноста на неговото уметничко творење. Сите стекнати искуства, не се поврзани само со процесот на изработка на една скулптура, туку и со сетилните дразби кои остануваат вмрежани некаде во неговиот ум, за подоцна да бидат исфилтрирани во едно или повеќе дела.

Иако на оваа изложба ќе бидат изложони 10-тина дела, сепак тие се конструирани од повеќе делови или фрагменти. Тие ги симболизираат енергијата, времето на творење и животот на авторот, безмалку кажано тоа се деловите преку кои авторот го опишува творечкиот момент. Авторот ужива во спонтаноста на формата која доаѓа со самата изработка на скулптурата, преку еден своевиден Формалистички приод кој може да се забележи во еден дел од неговите творби. Тој од самото запознавање со тродименизоналната форма на израз од секогаш го возбудувала апстратната скулптура како ликовна творба, и во неа комплетно ги пронаѓал неговите идеи. Почнувајќи од геометриските форми како наједноставен израз, преку аморфните па се до органските форми, авторот наоѓа начин како во ваквите форми да ги интерпретира неговите идеи. Тој во неговото досегашно творештво ги користи традиционалните материјали како дрво, камен и бронза, но особено задоволство му причинува користењето на каменот во сите негови бои, структури и цврстини.

Александар Ефтимовски е визуелен уметник од областа на скулптурата. Тој во неговото творештво како основен материјал за изразување го користи каменот во сите негови бои, структури и цврстини.  За создавање на неговите скулптури, авторот најмногу ја користи апстракната форма, која преку геометриските и овалните аморфни форми го карактеризира неговото дело. Александар своето ликовно знаење го стекна на Академиите за уметност во Фиренца и Карара (Италија),  каде магистрираше во 2013 година. Во неговото едно децениско творештво, Ефтимовски го претстави својот авторски израз учествувајќи на голем број ликовни фестивали. На многуте биеналиња и симпозиуми за скулптура во Европа, Америка и Азија, Александар изработи скулптури во голем формат и учествуваше во голем број ликовни изложби. Тој е добитник на повеќе награди и признанија, но најдраго и особено значајно му е првото место добиено на симпозиумот за скулптура во ОГрове, Шпанија.  Дел од неговите творби се во постојаните колекции на Националниот ликовен музеј на Кина во Пекинг, колекцијата на Шиан како и приватни колекции низ Европа.

Прикажи повеќе...

Изложби

Изложба на скулптури „Музички орнаменти“ од Емил Солески

Објавено пред

На 15 ноември, со почеток во 20 часот, во Изложбениот салон на НУ Центар за култура „Трајко Прокопиев“ – Куманово, ќе биде отворена изложбата на скулптури со наслов „Музички орнаменти“ од скулпторот Емил Солески.

Се работи за збирка од десетина скулптури работени во мермер во периодот од неколку последни години. Изложбата е проект што е поддржан од страна на Министерството за култура, а Солески првпат ќе биде претставен пред кумановската публика со свој самостоен настап.

Емил Солески е роден 1969 година во Прилеп. Студирал на Факултетот за ликовни уметности – Скопје, отсек вајарство, во класата на професорот Бранко Конески, со конзервација и реставрација кај професор Благоја Кузмановски. Дипломира во 2002 под менторство на проф. Жарко Башески.

Првата самостојна изложба со наслов „Ритам“ – 2002 година ја поставува во склоп на Н.К.С. „Десет дена Крушевска Република“.

За делата од најновата продукција на Емил Солески, Никола Јованоски ќе запише:
…„Каменот и пламенот како симбол на вечноста ги премостуваат времињата за конечно да сфатиме колку сме мали пред минливоста на мигот во споредба со бесконечниот тек на звукот на каменот и пламенот. Искри на животот, темел на постоењето, а можеби и отпор кон минливоста.
Можеби се малку овие зборови за да се одгатне загатнатото од Солески, кој упорно го бара звукот на каменот во неговите постојани напори да се разгатне моментот на соочувањето на величината на нескршливоста на каменот и неговиот опстој во времето и просторот. Овој пат Солески се претставува со нова димензија, спој на музиката и каменот, спој на звукот и нескршливоста, преточени во форми кои личат на музички инструменти, а од кои некаде во нашата потсвест ѕуни екот на каменот и ни пренесува пораки од дамнини. Солески на еден препознатлив, за него начин, со совршено мазни линии во скулптурата ги слеал размислите на раѓањето, на звукот и неговото брановидно пренесување низ просторот и времето. Да, велам и во времето бидејќи неговите безвременски форми во кој било простор и во кое било време ќе го доловуваат звукот на каменот. А пламенот? Да, пламенот во уметниковата душа е оној што постојано нè тера да се нурнуваме кон непознатото и да создаваме за иднината…“

Изложбата во НУ Центар за култура „Трајко Прокопиев“ – Куманово ќе биде поставена до 21 ноември.

Прикажи повеќе...

Изложби

„Скопје одново” ја раскажува историјата на колекцијата на Музејот на современата уметност

Објавено пред

На 18 ноември, со почеток во 20 часот, во Музејот на современата уметност – Скопје, ќе биде отворена изложба со наслов „Скопје одново“, која во фокус го става процесот на основањето на Музејот и на неговата исклучителна меѓународна колекција, со посебен фокус на американските уметници.

Изложбата „Скопје одново“ е резултат на соработката помеѓу МСУ – Скопје и Амбасадата на САД во Скопје, а кураторки на изложбата се Ана Кац (кураторка во Музејот за модерна уметност во Њујорк – МОМА) и Кумјана Новакова (кураторка соработничка на МСУ – Скопје).

Во рамките на постановката ќе бидат изложени повеќе од 100 дела и архива поврзана со процесот на креирање на колекцијата и кореспонденцијата со авторите на делата. Така, првпат МСУ – Скопје ќе изложи дел од личната кореспонденција на авторите, како Александер Калдер, Џаспер Џонс, Шила Хикс, Алекс Кац, Јон Григореску, Сол ЛеВит, Вифредо Лам, Мина Ситрон, Џеф Расел, Бриџит Рајли…

Изложбата „Скопје одново“ ја обработува најголемата меѓународна акција на солидарност во уметноста организирана во октомври 1963 од Меѓународната асоцијација на пластичните уметности, паралелно со глобалната кампања за реконструкција на градот Скопје по земјотресот. Со подароците од автори од целиот свет МСУ – Скопје станува дом на единствена и исклучителна колекција на современа уметност во земјата. Повеќето од делата ги потпишуваат водечки уметници на глобалната современа сцена во двете децении по земјотресот, што води и до основањето на МСУ во 1964 година. Полската влада во тоа време финансира тим од прогресивни млади архитекти, кои во 1970 година го градат објектот, кој денес е постојан дом за Музејот.

Во таква една атмосфера на транснационална соработка и ентузијазам, преставена во извештајот на ООН од 1966 година со наслов „Скопје воскреснува“, МСУ развива и разновидна програма на изложби, меѓународни соработки и партнерства. „Скопје одново“ ќе изложи и дел од архивскиот материјал, кој сведочи за оваа важна позиција на МСУ – Скопје во тоа време. Со поттикнување исклучителна отвореност и колаборативно работење, колекцијата и програмата на МСУ – Скопје во 60-тите, 70-тите и во 80-тите сведочи за едно радикално космополитско, транснационално наследство на социјалистичка југоисточна Европа.

„Скопје одново“ ќе понуди и отворена јавна програма, која преку филмски проекции, работилници, предавања и водење низ изложбата ќе ги претстави и разните аспекти на изложените дела и архиви.

Јавната програма се развива во соработка со Кара Мејнс (кураторка во Музејот за модерна уметност во Њујорк – МОМА), програмата за уметничка критика со Кет Хариман (новинарка од САД, која пишува за медиуми, како Vice, Cultured), визуелниот идентитет и графички дизајн е на Елена Диновска-Зарапчиев, а дизајнот на изложбата е на Ана Ивановска, Јован Ивановски и Владимир Десков. Постановката во Скопје ќе биде отворена сè до 18 февруари следната година.

Прикажи повеќе...

Најново

Македонија26 минути

(Видео) Одложено првото рочиште за убиството на Пино, обвинетата се појави во судница

Во кривичниот суд утрово беше одложено судењето за убиениот Пино Секондо, поради тоа што адвокатот на обвинетата Ангела Ѓорѓиевска побара време...

Свет46 минути

Австралиска авиокомпанија постави нов рекорд за најдолг комерцијален лет

Австралиската компанија „Кантас“ го урна светскиот рекорд за најдолг непрекинат комерцијален лет во историјата. Растојанието од Лондон до Сиднеј (17.800...

Регион1 час

Поради говор на омраза исклучени осум членови на ХДЗ во Хрватска

Судот на честа за Градскиот комитет на Загреб ХДЗ синоќа донесе одлука да исклучи од партијата осум членови поради говор...

Свет2 часа

Иранскиот врховен водач помилува 3.500 затвореници

Иранскиот врховен водач, ајатолахот Али Хамнеи, помилува илјадници затвореници вклучувајќи 32 активисти и други обвинети за загрозување на безбедноста. Веб-страницата...

Свет3 часа

(Видео) Крвав напад во САД: Убиени двајца ученици, 16-годишниот напаѓач си пукал во главата

Двајца ученици загинаа во нападот што се случи вчера во средното училиште „Саугус“ во калифорнискиот град Санта Кларита.Напаѓачот е 16-годишен...

Македонија15 часа

Заев: Мицотакис ќе се бори да добиеме датум за преговори

Премиерот Зоран Заев во рамките на Самитот во Солун попладнево се сретна со грчкиот премиер Киријакос Мицотакис. По средбата, Заев...

Македонија16 часа

(Видео) Мицкоски до наставниците: Заев не ви додава, туку ви одзема од платите кои чесно ги заработувате

„Почитувани наставници и професори, драги колеги и пријатели, вие сте луѓето коишто ја образуваат нашата нација и од мене ја...

Култура16 часа

Дорфулија од „Медена земја“ меѓу десетте најатрактивни европски локации за филм

Дорфулија од „Медена земја“ се најде меѓу десетте најатрактивни европски локации за филм. Изборот за најдобра локација сè уште трае...

Економија17 часа

Собранието изгласа минималната плата да биде 14.500 денари

Со 59 гласови ЗА, пратениците попладнево ги изгласаа измените во Законот за минимална плата, со што дадоа зелено светло таа...

Регион18 часа

Хан: Вучиќ ми кажа дека е демотивиран по блокадата на преговорите со Северна Македонија и Албанија

Европскиот комесар за проширување во заминување, Јоханес Хан, вели дека српскиот претседател Александар Вучиќ му кажал дека по блокирањето на...

Македонија20 часа

Обвинителството: Случајот со катната гаража на „Никофон“ е во предистражна постапка

Случајот за кривичната пријава во врска со катната гаража, што „Никофон“ треба да ја гради кај „Аутомакедонија“, сè уште е...

Свет22 часа

Од Лондон до Сиднеј за 19 часа: се реализира најдолгиот лет во историјата

Водечката австралиска авиокомпанија „Кантас“ по еден месец од рекордно долгиот лет меѓу Њујорк и Сиднеј, планира пробен 19-часовен непрекинат лет...

Македонија24 часа

Нападнати двајца новинари во близина на угостителски објект во Скопје

Двајца новинари синоќа биле физички нападнати од страна на неколку 20-годишни лица. Од МВР информираа дека нападот се случил на...

Македонија24 часа

Сведочење на полицаец: Проверив 78 луѓе од Избирачкиот список, ниту еден не беше на пријавената адреса

Полицаецот Агрон Кранлиевски од Ресен во предметот „Титаник“ на СЈО сведочеше дека во 2012 година правел проверки на живеалишта на...

Македонија1 ден

Контрола на автобуси и комбиња во Тетово – 14 возеле патници со неисправни сопирачки, 8 без технички преглед

Вчера, во Тетово, била спроведена акциска контрола за техничка исправност на возилата што вршат јавен превоз на патници, најмногу автобуси...

Македонија1 ден

Заев заедно со Мицотакис и Борисов учествува на самит во Солун

Претседателот на Владата, Зоран Заев, денеска учествува на годинашниот самит во Солун, кој е под покровителство на претседателот на Република...

Свет1 ден

Насилството во Хонгконг ескалира: демонстрантите со стрели ги гаѓаат полицајците

Полицијата во Хонгконг соопшти денеска дека демонстрантите со стрели ги гаѓале полицајците што патролирале во близина на Политехничкиот универзитет, а...

Европа1 ден

(Видео) Вонредна состојба во Венеција

Италијанската влада денеска ќе прогласи вонредна состојба поради поплавата во Венеција со цел што побргу да се мобилизираат средства за...

Македонија1 ден

Едно од девет возрасни лица во Северна Македонија има дијабетес

Во Северна Македонија едно од девет возрасни лица има дијабетес или околу 175 илјади луѓе, објави Асоцијацијата за детски дијабетес на...

Регион2 дена

Полициско куче откри рекордна количина хероин во Словенија, вредна речиси 90 милиони евра

Словенечката полиција и цариниците заплениле 730 килограми хероин во пристаништето Копер, што е најголема количина хероин запленета во историјата на...

Досие