Култура
Заврши фестивалот на Античка драма – Стоби
По деветти пат во Стоби се случи театар. Во изминатите 15 дена безвременскиот простор, на едно место, во археолошкиот локалитет ги собра актерите, режисерите и публиката, јавува Лисица.
По деветти пат во Стоби се случи театар. Во изминатите 15 дена безвременскиот простор, на едно место, во археолошкиот локалитет ги собра актерите, режисерите и публиката, јавува Лисица.
Во шест фестивалски вечери музичкиот инструмент деф ги најавуваше претставите. Четири од нив, поточно три домашни и една странска, влегоа во трката за престижните фестивалски награди.
Годинава Гран при наградата Стоби 2010-та , ја освоија актерите на велешки театар за претставата „Баханалии“ во режија на Наташа Поплавска. Таа синоќа не го криеше задоволството.
„Јас секогаш велам претставата не е само моја, таа е наша, актерите за мене не се само алатки со кои успевам да ја завршам работата, туку се исто така автори, творци кои творат на сцената секоја вечер повторно, различно и секогаш ново,“ рече режисерката Наташа Поплавска.
Во Стоби повторно помеѓу камените блокови, одекнуваше гласот на предците. Се испреплетоа вредностите на уметноста од минатото и сегашноста. Улогата на Хамлет, во истоимената претстава на Драмски театар од Скопје на актерот Дејан Лилиќ му ја донесе наградата за најдобра машка улога.
„Тоа е награда на сите тринаесет луѓе кои излеговме на сцена во претставата бидејќи без тринаесетмината актери Хамлет немаше да биде тоа што е,“ рече актерот Дејан Лилиќ.
Во Стоби и годинава на сцената се нижеа претстави. Публиката аплаудираше додека актерите ставаа и вадеа маски, играа улоги на антички или комични ликови, настапија со монодрами или прикажаа куклени театри. Актерката на велешки театар Маја Љутков за улогата на Пентеј во претставата Баханалии ја доби наградата за најдобра женска улога.
„Знам дека носам голем товар и оваа награда за мене значи само мотив за понатаму да си ја работам работата и да давам се од себе и во наредниот период тоа ќе го види публиката и ќе го препознае,“ рече актерката Маја Љутков.
Наградата за колективна игра им припадна на актерите на Државниот куклен театар од Бугарија за претставата Цар Едип – Празникот на ослепувањето кои одиграа неверојатна куклена претстава за возрасни. Годинава учеството на фестивалот, во последен момент, го откажа Кралски театар од Цетиње, Црна Гора.
Организаторите оптимистички најавија , в година на јубилејното издание, ќе има повеќе претстави од странство.
„Ние веќе направивме пред договори со три куќи од странство кои би сакале да учествуваат. Тие се расположени, в година, да дојдат и сега останува да допрецизираме што ќе се случи најдоцна до ноември, годинава. И ако се биде во ред тогаш на јубилејното десетто издание на фестивалот наместо една странска ќе имаме само една домашна претстава„, рече директорот на ФАД Стоби, Зоран Љутков.
И годинава фестивалот на античка драма беше предизвик за публиката. Околу 6 илјади луѓе, во шесте вечери, се восхитуваа, аплаудираа и ја почуствуваа енергијата во древниот простор. /крај/лисица
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Марко Бањоли во Чифте амам
На 23 април во 19 часот во Националната галерија на Македонија – Чифте амам, Скопје ќе се отвори мултимедијалната изложбата „Тркало на времето“ на истакнатиот италијански уметник Марко Бањоли.
„Со оваа изложба ја објавуваме одлуката на Советот на Остен „Земја во фокус“ на Остен Биеналето Скопје 2024 да биде Италија“, велат од Остен.
Изложбата е организирана во соработка со Зеринтија, Асоцијација за современа уметност, а со поддршка на Италијанска амбасада во Скопје и Италијанскиот културен институт во Белград.
Култура
Настап на Дуња Иванова и концерт посветен на Кире Костов во изведба на Биг бендот на фестивалот „Крај Вардарот џез“
Во рамки на втората фестивалска вечер на „Крај Вардарот Џез“, утревечер на 23 април во Македонската филхармонија со почеток во 20 часот на пијано ќе настапи Дуња Иванова.
Нејзиниот концертен настап „Мирисот на липите“ ќе биде проследен со текст и нарација на Тина Иванова. Музичко-поетски проект, кој раскажува приказна за познатите урбани и скриени места на Општина Центар. Липите на улицата „Орце Николов“, панкот од гаражите на „Плочник“, дружбите во дворот на „Песталоци“, графитите на Кеј, паркот на Горан Стефановски, кафеаната „Наџак“…
Ќе бидат изведени композицијата „Свита за Скопје“ од македонската композиторка Ана Пандевска, и песната „Ние сме од Скопје“ на Мирко Попов, чиј аранжман за пијано го направи Пандевска. Получасовно патување низ симболите на Скопје, погледнати низ интимна, лична перспектива на авторите. Во музиката, како и во нарацијата, провејува нишка на носталгија, а во исто време и крик за подобро утре на градот во кој пораснавме и без чиј воздух не можеме да живееме. „Мирисот на липите“ симболично ќе прикаже, преку звук и говор, еден живот на жител од Центар. Поетскиот наратив е оригинално креиран за овој уметнички перформанс, кој промовира иновативен пристап со содржина која пак, претставува ,,жива“ материја, блиска до човечкото срце.
Минатиот месец за „ПМГ Џез“, како 44 издание, излезе албум во живо, концерт на пијано на Дуња Иванова, кој беше реализиран во рамки на музичката програмата „Крај Вардарот Сесии во Аудиокултура“, која изведе композиции од Ана Пандевска.
Веднаш потоа во 21 часот на истата сцена ќе започне долгоочекуваниот концерт на Биг Бендот со музика од Кире Костов. Концерт посветен на еден од стожерите на современата џез композиција Кире Костов, преку интерпретација на негови избрани дела во современ аранжман од страна на Биг Бендот под диригентската палка на Љупчо Мирковски. Костов е едно од најзначајните имиња во современата џез музика, чија работа опфаќа бројни ангажмани и дела, меѓу кои: солист и диригент на Танцовиот оркестар на РТВ Скопје, наградуван трубач во Југославија, претставник во Биг бендот на Европската радиодифузија, автор на околу педесетина композиции во оркестарска изведба од областа на џезот и 300 песни во популарната музика и реализатор на сите изданија на Скопскиот фестивал од 1991. Подеднакво значајна ќе биде и изведбата на селектираните дела од Костов на еден од нашите најзначајни оркестарски формации, чија историја датира од далечната 1961 година (Биг Бендот на МРТ), кој во 2013 година се возобновува и продолжува да работи во музичка формација водена од Љупчо Мирковски како диригент.
Фестивалот ќе биде заокружен на 27 април во едукативно културниот центар Лабораториум со концертен настап на „Macedonian Free Society“ и со еден од највозбудливите музички проекти „Поетроника“.
Фестивалот е поддржан од Министерство за култура на Р.С. Македонија и се реализира во соработка со Македонска филхармонија и Лабораториум. Концертот „Мирисот на липите“ се реализира со поддршка на општина Центар.
Книги
МАИ ги додели наградите за изданијата меѓу два Саеми на книга
Комисијата за доделување на наградите на Македонската асоцијација на издавачи за периодот меѓу два саема, по разгледувањето на апликациите и на примероците од книгите доставени од издавачите, на состанокот на 15.04.2024 г. донесе одлуки за доделување на наградите на МАИ меѓу двата саема во мај 2023 и април 2024 година.
Признание за најдобра едиција, при што основен критериум бил уредничкиот пристап, концептот на едицијата и унифицираниот изглед/дизајн, со 1. место наградена е едицијата „ПРОаЗА“ („Или-или“), со 2. место едицијата „Бранови“ („Антолог“) и со 3. место едицијата „Современи класици“ („Арс ламина“).
Признание за најдобар оригинален дизајн на корица добија „Не кажувам“ од Петар Андоновски, дизајнирана од Марко Трпески („Полица“), „Базирано врз речиси вистинити настани“ од Ѕвездан Георгиевски, дизајнирана од Наталија Лукомска („Бегемот“) и „Кабинет на чуда со ѕидови од огледала“ од Владимир Јанковски, дизајнирана од Марко Трпески („Антолог“).
Признание за најдобро ликовно-графички уредено издание добија „Варшава го исцртува Скопје“ од Кинга Нетман-Мултановска; автор на дизајнот: Петер Личковски („Бегемот“), „Костимот во Македонија од појавата на фотографијата до денес“ од Зорка Тодорова Младеновиќ; графичко уредување на „Арс ламина“ и „Гени, мени, сени“ од Владимир Лукаш (текст и илустрации), со графичко уредување на „Супрема“.
Признание за оригинални целосно илустрирани книги за деца (сликовници) добија „Си беше еднаш – Најубавите бајки на сите времиња“ (прир. Оливера Ќорвезироска, со илустрации на Наталија Лукомска) („Арс ламина “), „Момчето од зборови / Девојчето од ноти“ од Катерина Николовска („Чудна шума“) и „Рокчето“ од Никола Маџиров, со илустрации на Анета Илиевска („Арс ламина“).
Во категоријата најкреативно издание каде влегуваат оригинални изданија за возрасни или за деца, кои се издвојуваат по својата нестандардност, признанија добија „Момчето од зборови / Девојчето од ноти“ од Катерина Николовска („Чудна шума“), „Шарени ириси“ од Јована Матевска Атанасова, со илустрации на Симонида Филипова Китановска („Арс ламина“) и „Мојата прва библиотека“ од Деспина Мукоска („Арс ламина“).
Признанието за автор на годината го доби Лидија Димковска („Три“).