Култура
Скулптура продадена за рекордни 104 милиони долари
Скулптурата „Човек кој оди 1“ од Алберто Џакомети, е продадена во среда вечер во Лондон за 65 милиони фунти (104 милиони долари), што е највисока сума платена за уметничко дела на аукција, пренесува AFP. Дали купецот е Роман Абрамович? (проширена верзија)
„Станува збор за уметничко дело продадено на јавна аукција за највисока цена“, изјавила портпаролката на аукциската куќа Сотби.Првичната цена на скулптурата во висина на човек била проценета на меѓу 12 и 18 милиони фунти, а е продадена за трипати повеќе.„По осум минути брза продажба меѓу најмалку десет потенцијални купувачи, делото е продадено на анонимен купец кој наддаваше телефонски“, стoи во соопштението на Сотби.Иконографската скулптура „Човек кој оди 1“ ( L’homme qui marche I) на големиот швајцарски надреалистички скулптор Алберто Џакомети настанала во 1961 г.Аукцијата се движела од почетните 12 милиони долари колку што всушност изнесува провизијата, прво на 55 милиони, па на 80 милиони а во еден момент наддавањето се запрело на 92 милиони долари која со дополнителната аукциска провизија ги сочинува вкупните 104 милиони долари, пишува Reuters.Една од најпозна бронзи ја продава новиот сопственик на пропаднатата Дрезден банка, втората по големина банка во Германија – Комерцбанк. Скулптурата во 1961 г. била направена како дел од порачката на њујоршката банка Chase Manhattan која планирала да ја постави пред своето седиште, но Џакомети се премислил и се откажал од реализацијата на проектот, правејќи само неколку фигури. За достигнување на големата цена за скулптурата со височина од 183 центиметри, придонесло тоа што швајцарскиот уметник е многу популарен меѓу богаташите во Русија и на Блискиот исток. Џакоемти е омилениот скулптор, на пример, на рускито олигарх Роман Абрамович кој досега има потрошено милиони евра на неговите дела. Но британските медиуми во четврток пишуваат дека тој не е купувачот на „Човекот кој оди 1“.Инаку, досега шест уметнички дела се продадени за поголема це, и сите се слики. Во 2006 г. рекордот е поставен со продажба на плaтното No.5,1948, на Џексон Полок, кое според Reuters кога би се пресметала инфлацијата денес би чинел 148 милиони долари. На второ место е сликата „Жена 3“, на експресионистот Вилјем Кениг, продадена во 1994 г. за цена која денеска е проценета на 145 милиони долари. Трет е Густав Климт со неговото дело „Портрет на Адела Блох-Бауер 1“, продадена за 143 милиони долари. Јапонскиот милијардер Рџоеи Саито во 1990 г. ги купил двете следни слики на листата најскапи уметнички дела, за „Портрет на др. Гаше“ на Ван Гог плати денешен еквивалент од 135, а „Бал ду мулен де ла Галет“ 127 милиони долари. Шеста е сликата на Пабло Пикасо „Момче со луле“ која ја има денешната вредност од 118 милиони долари, така што делото на Џакомети е седмо уметничко дело по платената цена за него.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Националниот џез оркестар со програмата Џез лектира гостува во Велес
По концертот во Скопје, Националниот џез оркестар со програмата под наслов „Џез лектира“ гостува во Велес. Концертот ќе се одржи на 23 април, 2024 година, со почеток од 20 часот во театарот „Јордан Хаџи Константинов – Џинот“.
„На концертот „Џез Лектира“ се осврнуваме на дел од творештвото на Каунт Бејси биг бендот. Вилијам Џејмс, познат како Каунт Бејси е американски џез пијанист, органист, водач на бенд и композитор, познат и како „Кралот на свингот“. Во 1935 година, тој го формира оркестарот „Каунт Бејси“ и ја води оваа група скоро 50 години. Неговата работа резултира со низа иновации во музичкиот израз како употреба на два „поделени“ тенор саксофони, нагласување на ритам секцијата, рифови во биг бенд композиции, аранжери за дополнително проширување на биг бенд звукот и слично“, се наведува во соопштението на Националниот џез оркестар.
Култура
Костадиновска-Стојчевска: Саемот на книгата, во време на емотикони, е во одбрана на раскажувачите и писменоста
Министерката за култура, Бисера Костадиновска-Стојчевска, во арената „Борис Трајковски“ на отворањето на 36. издание на Саемот на книгата порача дека Министерството за култура, како покровител на овој, како што рече, „празник на книгата“, останува голем пријател и силен поддржувач на ова наше богатство.
„На годишните конкурси, од година во година, импресивен е бројот на сè повеќе пријавени квалитетни дела и од млади македонски автори. И тоа искрено нè радува. Како што нè радува и зголемениот интерес за создавање многубројни наслови и публикации за деца. Без двоумење ја добиваат нашата поддршка зашто во овие модерни времиња во кои има сè помалку зборови, а сè повеќе кратенки и емотикони, раскажувачите на приказни се чувари на писменоста“, рече министерката за култура.
Во присуство на голем број љубители на пишаниот збор, Костадиновска-Стојчевска порача дека во виртуелниот свет го нема овој опоен мирис на книгата. Само во реалниот свет, ова богатство од книги на македонски јазик од домашни и од странски автори го испишува овој простор во уште една „Приказна која се чита“.
Саемите за книги во последните години, според некои автори, кажа министерката дека прераснаа во едукативни и културни настани кои даваат можност за вмрежување преку негување на врските меѓу авторите, издавачите и читателите. Истовремено радува и сè поголемиот број посетители, што само по себе зборува многу за односот кон книгата.
Триесет и шестото издание на Саемот на книгата, што ќе трае до 24 април, во седумте саемски денови ќе понуди книги од домашни и од странски автори од над 60 издавачки куќи од земјава и од регионот.
Култура
Светска премиера на „Киука – Пред летото да заврши“ во Кан – филмот е копродукција помеѓу Грција и Македонија
„Киука – Пред летото да заврши“ (Kyuka Before Summer’s End) во режија и по сценарио на Костис Харамуданис, кој е реализиран како билатерална копродукција помеѓу Грција и Северна Македонија и е поддржан од Агецијата за филм на Република Северна Македонија, својата светска премиера ќе ја има на Канскиот филмски фестивал како дел од 32. издание на програмата ACID, што ќе се одржи од 15 до 24 мај оваа година. На „Куика“ му е доверена честа да ја отвори оваа програма.
„Лист продукција“ е македонски копродуцент на дебитантскиот филм на режисерот Харамуданис со Марија Димитрова и Игор Иванов како копродуценти, а Херетик од Грција е главен продуцент со Данае Спатхара, Јоргос Карнавас и Константинос Контовракиси како продуценти.
„Киука – Пред летото да заврши“ е приказна за едно трочлено семејство, кое како и секое лето, плови со својата едрилица до островот Порос, каде што таткото Бабис и децата Константинос и Елса, кои се веќе на прагот пред полнолетството, го минуваат годишниот одмор. Додека пливаат, се сончаат и создаваат нови пријателства на островот, децата случајно ја запознаваат Ана, жената што ги родила и ги напуштила уште во најраното детство, со што ќе почне едно горко-слатко патешествие на созревање под летното сонце, а долгогодишната огорченост на Бабис избива на површина.
Програмата на ACID (Association for the Distribution of Independent Cinema – Асоцијација за дистрибуција на независен филм) на Канскиот филмски фестивал е креирана во 1993 година и прикажува 9 долгометражни филма, фикција и документарци. Овие филмови се избираат од стотиците пристигнати филмови од цел свет од страна на петнаесетина филмаџии, членови на асоцијацијата.
Снимањето на филмот се одвиваше во октомври 2022 година во Атина и на островот Порос, а постпродукцијата се работеше на релација Атина – Скопје.
Главните улоги во филмот ги играат Симеон Цакирис, Елса Лекаку, Константинос Георгопулос, Афродита Капокаки и Елена Топалиду.
Македонската екипа во овој филм ја сочинуваат Михаил Димитров, Игор Поповски и студиата за постподукција „Аудио хаус“ и „Слобода филм“.