Контакт

Култура

КИЦ ќе ја промовира Граничници

Објавено пред

Културниот информативен центар во четврток ќе ја промовира книгата Граничници од Сеида Бегановиќ во издание на Академски печат.

Книгата ќе ја промовираат професорите Александар Прокопиев, Елизабета Шелева, Сашо Гигов – Гиш, а стихови ќе чита авторот. Сеида Бегановиќ, завршила студии по филозофија и социологија во Сараево. Често менувала професии и живеалишта. Работела како новинар, професор, социолог аналитичар и се занимавала со преведување и драматургија. Сега работи и живее во Скопје. Автор е на книга поезија Индекс изговори, Отресање пепела и романот Интервју са плавом кучом.Бегановиќ, како што велат промоторите, создава игрива, духовита, луцидна лирика, напати исповедена, напати експериментално. Сакајќи да ја сочува својата автентичност, лирскиот субјект на неоптоварено ведар, свеж, а, сепак, самосвесен начин, се справува со големите, неодоливи егзистенционално љубовни драми.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

концерти

Бетовен во изведба на тројца исклучителни солисти в четврток во Филхармонија

Објавено пред

Филхармонија ќе одржи концерт в четврток во 20 часот насловен „Бетовен #3“ на кој како солисти ќе настапат тројца исклучителни музичари – Емир Имеров- виолина (Германија), Александар Кагановски- виолончело (Швајцарија) и Ваг Папијан-пијано (Израел), со изведба на Концерт за виолина, пијано, виолончело и оркестар оп.56 од Бетовен. Диригент е Конрад ван Алфен од Холадија, а на програмата е и Серенада за дувачки оркестар од Антонин Дворжак.

Концертот за виолина, виолончело и пијано во С-дур, оп.56, познат како Троен концерт, Л.В.Бетовен (1770-1827) го напишал во 1803 година. Изборот на инструменти всушност формално го прави пијано трио и тој е едниствниот концерт кој Бетовен го напишал за повеќе од еден инструмент. Музиколозите го дефининираат како помалку брилијатен „брат“ на другите дела кои ги создал во истиот период – операта „Фиделио“, Четвртиот пијано концерт, Виолинскиот концерт и Четвртата симфонија.

Серенадата за дувачи, виолончело и контрабас во d-мол, оп.44 е камерно дело на чешкиот композитор Антонин Дворжак (1841-1904). Делото му е посветено на германскиот композитор и музички критичар Луи Елерт, кој ги промовирал неговите „Словенски танци“ во германскиот печат. Создадена е во 1878 година, а премиерно била изведена истата година под диригентската палка на композитор. Серенадата музички евоцира атмосфера на музичките изведби во замоците за време на периодот на рококо, каде што се мешале аристократијата и обичните луѓе. Напишана е во типичен „словенски“ стил (непосредно по неговитѕе „Словенски танци“), и иако во неа нема фоклорни цитати во вториот став има специфичен бохемиски танцов ритам.

Емир Имеров (Скопје, 1975) ја добива прва награда на виолински натпревар на 12 години. Во 1991 година се сели во Германија, каде продолжува да учи виолина во музичкото училиште во Менхенгладбах, а потоа студира на Музичката академија во Вурцбург во класата на Г. Зислин каде што дипломира во 2000 година.

За време на студиите учествува на натпреварот „Менделсон“ на Баварскиот колеџ за музика, на кој ја добива првата награда и двегодишна стипендија. Имеров е член на кваретот „Виртуози од Санкт Петербург“ со кој беше на турнеја во САД, Австралија, Швајцарија и Германија. Во 1998 година Имеров добива прва награда со своето трио на натпреварот за камерна музика во Тулуз, а истата година и прва награда на натпреварот за виолина во Ташкент. Продолжува со магистерски студии кај проф. Д.Гаеде, концерт-мајстор во Виенскиот филхармониски оркестар. Посетува и мастер класови кај Брон и Третјаков. Од 2004 година Имеров е прва виолина во симфонискиот оркестар во Менхенгладбах и предава на тамошната музичка академија. Држи и часови како гостин професор во Грција, Полска, Германија, Белгија и Хрватска.

Александар Кагановски е роден во Киев, Украина. Првите музички часови ги имал на пет години. Само неколку години подоцна настапил како солист, а на шеснаесет години ја добил првата награда на државниот натпревар по музика во Украина. Студиите ги продолжува на академијата за музика во Тел Авив кај проф. Узи Виесел и ја добива првата награда на натпреварот кој го организира академијата. Во 1985 година ја добива првата награда на натпревар во Израел, и од тогаш е член на Ираелскиот гудачки квартет. Од 1998 година Александар Кагановски живее во Швајцарија. Настапувал како солист на бројни фестивали во австрија, Италија, Чешка, Швајцарија, Норвешка, Русија, Франција, Германија… Како солист настапувал со оркестри во Германија, Франција, Израел, Италија, Луксембург, Белгија, Холандија, Шпанија, Чешка, Русија… Настапапувал со диригенти како Гери Бертини, Рудолф Баршаи, Дмитри Китајенко, Дејвид Робертсон, Арнолд Кац и др. Александар Кагановски е професор на Интернационалната академија во Кремона (Италија)…

Интернационалната кариера на Ваг Папијан како пијанист почнува во 1979 година откако ја добива првата награда на натпреварот во Лисабон. Веднаш почнува да настапува како солист со водечките оркестри во тогашниот СССР, како и да одржува рецитали во Санкт Петербург и Москва. Папијан дипломира на Московскиот конзерваториум во класта на познатиот професор Михаил Воскресенски. Во 1982 година Папијан продожува со едукација на конзерваториумот во Санкт Петербург во класата на легендарниот професор Илја Мусин. Во 1984 година Валери Гергиев го кани да стане диригхент на Ерменскиот филхармониски оркестар, каде што три години подоцна ќе стане уметнички директор и шеф диригент. Како диригент работел со речиси сите водечки симфониски оркестри, а исто така продолжува да настапува и како концертен пијанист. Како пијанист настапувал во Базел, Барселона, Женева, Торонто, Отава, Њујорк, како и во Јужна Америка и на Далечниот исток. Диригирал со Новата јапонска филхармонија, Израелскиот камерен оркестар, Израелската филхармонија. Како рецитален партнер на Максим Венгеров, Папијан свирел во Европа, САД и Далечниот Исток…

Конрад ван Алфен е инспиративен диригент кој ги прави нештата да се случуваат, ќе напише критиката за холандскиот маестро. Етаблираниот холандски/ јужноафрикански диригент Конрад ван Алфен се стекнал со својата популарност и кај оркестрите и кај публиката благодарение на посебниот начин на кој тој ги води пробите и изведбите. Маестро Ван Алфен е уметнички директор и шеф-диригент на Симфонискиот оркестар во Ротердам. Во изминатите 16 години го издигнал својот оркестар на ниво да биде интернационално признат оркестар и да стане домаќин на концертни серии во Ротердам, Хаг и Амстердам. Скорешните интенационални турнеи на оркестарот ги вклучуваат: Русија, Мексико, Бразил, Колумбија и Чиле. Од 2005 до 2009 година Конрад ван Алфен бил на позицијата шеф-диригент на Државниот симфониски оркестар „Сафонов“ во Русија, каде што се здобил со наградата за својот придонес во културата во Јужна Русија. Во моментот е уметнички директор на „Московското филхармониско здружение“ во чии рамки редовно диригира со оркестрите од Москва, во познатата сала „Чајковски“. Низ изминатите години неговите соработки со Рускиот нацинален оркестар и солистот Михаил Плетнеев на фестивалите во Монтро и Мерано резултирале со неколку покани за соработка за турнеите во Кина и во Јужна Америка. Конрад ван Алфен е роден во 1963 година во Преторија. По завршувањето на своите музички студии на 26-годишна возраст, тој се преселил во Холандија и ја имал постојаната позиција на контрабасист во Радио-симфонискиот оркестар и на академијата „Бетовен“ во Антверпен, Белгија, паралелно студирајќи и диригирање под раководство на Ери Клас и Роберо Бензи.

Камерен концерт на „Бенџамин пијано трио“

Емир Имеров, Александар Кагановски и Ваг Папијан в петок во 20 часот во Камерната сала на Филхармонија ќе одржат концерт со своето „Бенџамин пијано трио“. На програмата се дела од Бетовен и Менделсон.

Традиционално и полно со ентузијазам, Бенџамин пијано трио, кое своето име го доби по кучето на виолинистот Емир Имеров е формирано во 2009 година од челистот Александар Кагановски и виолинистот Емир Имеров. Третиот член е Ваг Папијан, истакнат руски пијанисти и диригент, познат по своите настапи во виолинистот Максим Венгеров.

„На крајот од фантастичкиот концерт полн со музичка и емотивна обоеност, публиката го поздрави Бенџамин трио со стоечки овации. Триото ги изведе делата со концертна брилијантност, давајќи им нов живот со што длабоко ја импресионираа публиката“, пишува критиката за нивните настапи.

На нивните концерт Бенџамин пијано трио секогаш инсистираат да ја обединат источната и западната традиција. Триото извбедува дела од руски композитори, како и дела од виенската класика, од ромаантизмот и од другите музички епохи.
Ова трио досега настапувало во Германија, Франција, Австрија, Швајцарија, Италија, Источна Европа и Израел. Настапувале и на фестивали во Швајцарија, Данска, Македонија и во Шведска.

Прикажи повеќе...

Култура

Со предавање за женското движење во Бугарија заврушува КРИК – фестивал за критичка култура

Објавено пред

Годинашново петто издание на КРИК-фестивал за критичка култура во организација на „Контрапункт“ завршува утре со предавањето од третиот програмски дел на тема „Леви феминистички хоризонти: професионализирање или радикализирање на женското движење во Бугарија“.

Гостинка на фестивалот е Марија Иванчева, социолог и антрополог од Бугарија, која ќе одржи онлајн предавање со почеток во 19 часот, а по предавањето ќе се одржи и дискусија која ќе ја модерира Јана Коцевска.

Темата на годинашното издание на КРИК 05 е „Конечноста и кршливото општество – социјализам, слобода и секуларност“ е инспирирана од книгата на Мартин Хеглунд „Овој живот – секуларна вера и духовна слобода“ и понатаму останува да биде актуелна.

Излагањето на Иванчева се базира на истражувањето и искуството поврзано со темата за континуитетите и прекините на женското движење во Бугарија. Спроти искуството на (анти) феминистичката либерална рамка на борбата против семејното насилство во Бугарија во 2000-тите, се анализираат појавите и работата на левата феминистичка група LevFem. Од 2018 година, групата се стреми кон политизирање на дебатата за и ангажирање на работата поврзана со насилството покренувајќи прашања за ре/продуктивна работа, структурната нееднаквост и неолибералната капиталистичка војна врз бугарските жени, етичките и сексуалните малцинства, како и врз општеството генерално. Излагањето ќе се фокусира на некои достигнувања и предизвици поврзани со движењета кои имаат социјалистички феминистички фокус во поширокиот контекст на ретрарадиционализацијата и десекуларизацијата, од кои Бугарија е еден пример меѓу многуте.

Марија Иванчева е бугарски социолог и антрополог, која моментално живее и работи во Велика Британија. Таа има истражувано и објавувано на темите: високото образование, трудот, прекарноста, меѓусекторските нееднаквости и улогата на универзитетите и нивните заедници во пошироките процеси на социјалните промени, особено од и од социјализмот. Марија е член на уредничкиот одбор на LeftEast и на бугарскиот левичарски феминистички колектив LevFem.

Постојани партнери на Контрапункт и КРИК се: Мултимедијалниот институт МаМа од Загреб, kuda.org од Нови Сад, Booksa (Културтрегер), Загреб, порталот Окно – okno.mk

КРИК – фестивал за критилка култура е поддржан од: Allianz Kulturstiftung, Министерство за култура / Ministria e Kulturësа Министерство за култура на Северна Република Македонија, Goethe-Institut Skopje, Гете институт Брисел, Креативна Европа, Фондација Отворено општество – Македонија.

Прикажи повеќе...

Книги

Објавен романот „За тоа ли беше сѐ“ на бугарскиот писател Евтим Евтимов

Објавено пред

„Македоника литера“ неодамна го објави романот „За тоа ли беше сè“ од познатиот бугарски писател Евтим Евтимов. Романот е напишан со современ стилски израз и со вешто изведена структура. Во основа е политички роман, но тој, пред сè, е постмодерно егзистенцијален, во кој на еден суптилен начин авторот говори за човечката судбина, за страдањата на човекот поради политичките парадокси.

Дејството е сместено во бугарскиот политички контекст по Втората светска војна, карактеристичен за источноевропските земји во тој период, и ја разобличува репресивноста на тој режим, којашто во осумдесеттите години, пред залезот на режимот во времето на Тодор Живков, ќе ја почувствува и авторот на романот. Според темата, филозофско-етичкиот пристап и пораките кои се искажани – тоа е, пред сè, роман со наднационални вредности и со универзален простор и универзално време, роман за доброто и злото, за судбината на човекот, за предавствата што ги вршат луѓе спрема своите блиски и спрема себеси, за компромисите поради користољубие, за цената за купување кариера, за изневерените мечти и идеали, за кругот на времето и на животот и на човечките судбини.

Заснован врз ужасни вистински настани, но богат со метафори и слики, романот претставува филозофско-етички и естетски трактат за пресвртите во историјата и во животот на човекот. Исти луѓе во исти ситуации си ги менуваат местата – жертвите стануваат џелати, а џелатите жртви. И едните и другите се во маѓепсан круг на човечката превртливост и злоба.

На крајот на романот е објавен и поговор од литературниот критичар и издавач Пламен Тотев, кој го објаснува контекстот во којшто се одвива дејството, но и мотивите на Евтимов да го напише ова дело.

Евтим Михалушев Евтимов (1933, Петрич – 2016, Софија) е познат бугарски писател. Работел како учител, раководител на радио, директор на издавачка куќа и главен уредник на списанија. Образованието го завршил на Институтот за основни учители во родниот град, во 1952 година. Десет години бил учител во родниот крај. Работел и како програмски директор на радиото во Петрич, секретар на Градската библиотека (1962 – 1965). Бил раководител на Одделот за поезија и директор на Издавачката куќа „Народна младеж“ (1966 – 1984), главен уредник на весникот „Литературен фронт“ (1984 – април 1988, кога е отпуштен) и главен уредник на списанието „Родољубие“ (1989 – 1991).

Најпознат е по својата поезија. Многу негови песни се компонирани, а некои негови стихови денес се познати бугарски песни. Политичките, патриотските и љубовноисповедните мотиви се доминантни во неговата поезија, а поради ритмичната структура и стилистиката блиски до народната песна беше посебно популарен кај широк круг читатели. Љубовта е основниот елемент во поетскиот вредносен систем на Евтимов. Таа е пространство во кое најцелосно и најискрено се отвора лирското јас. Класичната ритмична структура, блискоста до стилистиката на народната песна и успешните естрадни интерпретации на неговите стихови ја направија особено популарна љубовната лирика на Евтим Евтимов. Лиричен и вдахновен е и во својата проза.

Првите стихови ги објавил во 1951 година во весникот „Пиринско дело“. Автор е на околу 40 книги. Повеќето негови книги се поезија. Добитник е на повеќе награди за книжевност и култура, а во Бугарија уживаше статус на култен автор. Преводот на романот е на Нове Цветаноски.

Прикажи повеќе...

Најново

Македонија2 часа

(Видео) Мицкоски: Утре блокади пред Владата и пред МНР

Ова се историски моменти. Ова се моменти кога се одлучува и за иднината на македонскиот народ, македонската нација и македонската...

Регион3 часа

Руската вакцина „спутник V“ ќе стигне во Србија до крајот на неделата

Првиот дел од руската вакцина „спутник V“ ќе пристигне во Србија до крајот на оваа недела, соопшти владината прес-служба на...

Македонија4 часа

Групата за процена во ЦУК: Да се продолжи кризната состојба

Денеска, во Центарот за управување со кризи се одржа втора седница на групата за процена во ЦУК. Со седницата на...

Свет5 часа

Во Јапонија повеќе луѓе починале поради самоубиства отколку од Ковид-19

Експертите предупредуваат дека пандемијата би можела да доведе до криза на менталното здравје кај луѓето. Масовната невработеност, физичката дистанца и...

Македонија9 часа

Филипче: Состојбата во болниците се стабилизира, очекуваме повеќе исписи од приеми на болни

Министерот за здравство, Венко Филипче, утрово одржа состанок со директорите на ковид-центрите од клиниките во комплексот „Мајка Тереза“ на кој...

Македонија10 часа

Престануваат да важат мерките против загадувањето во Тетово, Куманово и Кавадарци

Мерките против загадувањето кои пред два дена беа воведени во Тетово, Куманово и Кавадарци, престануваат да важат, соопшти Владата. „Согласно...

Европа10 часа

Во поранешниот берлински аеродром наскоро ќе се вакцинираат по 4.000 луѓе дневно

Големиот натпис „Добре дојдовте“ сè уште виси пред берлинскиот аеродром Тегел, кој месецов беше затворен засекогаш. Но, наскоро се очекува...

Економија10 часа

За време на пандемијата 15.000 лица останале без работа

За време на пандемијата без работа останале околу 15.000 лица во Македонија, истакна министерот за економија, Крешник Бектеши, повикувајќи се...

Економија10 часа

Бензините и дизелот поскапуваат

Горивата од ноќеска на полноќ ќе поскапат за 1 и за 1,5 денар, одлучи Регулаторната комисија за енергетика. Со денешната...

Македонија11 час

Плевнелиев: Скопје да даде гаранции за реформи, Софија да се откаже од ветото

Oднecите меѓy Софија и Скопје треба итно да деескалираат со одлучен чекор направен од двете страни, вели поранешниот бугарски претседател...

Свет12 часа

Руската вакцина „Епиваккорона“ ќе биде пуштена во промет во декември

Вакцината „Епиваккорона“ против Ковид-19, изработена од Рускиот државен истражувачки центар за вирусологија и биотехнологија, може да биде пуштена во промет...

Македонија12 часа

Граѓански здруженија бараат закон со кој ќе се спречи изградба на хидроцентрали на Шар Планина

Четириесет и четири граѓански здруженија и иницијативи бараат закон со кој ќе се спречи изградба на хидроцентрали на Шар Планина....

Македонија12 часа

Дачиќ: Заев знае дека неговите изјави не се точни, но му треба согласност од Софија за ЕУ

Претседателот на српското Националното собрание, Ивица Дачиќ, оцени дека премиерот Зоран Заев не е политички незнајко и дека знае оти...

Регион13 часа

Во Словенија 51 починат од коронавирус и 428 нови случаи

Во последните 24 часа во Словенија се потврдени 428 нови случаи на коронавирус од 1.880 тестирани, а починале 51 лице....

Регион13 часа

„Франс прес“: Здравствените системи на Балканот се преоптоварени поради коронавирусот

Недоволниот број на кревети и лекари и масовниот пораст на инфекции со коронавирус ги доведоа болниците на Балканот на работ...

Македонија14 часа

Воено-медицински персонал ќе се распореди во ковид-центрите на Клинички

Медицински персонал од Воено-медицинскиот центар, составен од дванаесет лекари и дваесет медицински сестри, од денеска се вклучува во работата на...

Регион15 часа

„Фајненшл тајмс“: Бугарија проблематична членка на ЕУ која тоне во коруција

Фондовите на ЕУ ја зголемија корупцијата во Бугарија. Тие пари особено се користат за директно или преку јавни набавки купување...

Регион15 часа

Во Црна Гора на лекар само со лична карта

Од денеска црногорските осигуреници ќе можат да ја користат новата лична карта како здравствена книшка. Директорот на Фондот за здравствено...

Свет15 часа

(Видео) Во Индонезија 2.800 лица евакуирани поради вулканска ерупција

Вулкан во источна Индонезија, кој избувна во неделата, исфрлајќи пепел на 4.000 метри, ги принуди локалните жители да се евакуираат....

Македонија15 часа

Снег на Попова Шапка и Страцин

Сообраќајот на патиштата се одвива по влажни коловози. Врнежи од слаб снег има на Попова Шапка и Страцин, но без...

Досие