Култура
Јафар Панахи се`уште зад решетки!
Режисерот Панахи, кој е поддржувач на иранското опозициско движење, беше уапсен во неговиот дом на 1 март, заедно со членови на неговото семејство.
Помина повеќе од еден месец откако познатиот ирански режисер Јафар Панахи исчезна, односно, како што подоцна се дозна, беше уапсен и е испрашуван од властите во Иран.Како што објави Фејсбук-групата за поддршка на Панахи, Free JAFAR PANAHI!, семејството на режисерот деновиве конечно добило дозвола да го посети во затворот.Како што пренесе иранското радио, Радио Фарда, повикувајќи се на изјави од семејството, Панахи изгедал добро и со добар дух, но изгубил многу од телесната тежина. Се`уште е испрашуван, од пред неколку денови бил префрлен во помала келија, а иследниците го испрашуваат повторувајќи му ги истите прашања, обидувајќи се да најдат парадокси во неговите одговори.Неговата сопруга, Тахере Саиди, му раскажала за поддршката што ја ужива, што го направило многу среќен. Но, како што објави Меѓународната кампања за човекови права во Иран на својата веб-страница, сопругата на Панахи стравува дека е можно Јафар да доживее срцев удар поради емотивниот стерс што го доживува и условите во келијата, кои му го стеснуваат просторот за движење.Групата за поддршка на Панахи, неодамна иницираше петиција за ослободување на Панахи, со која повика на масовна поддршка за Панахи од колку што е можно повеќе земји во светот, и ги повика да дадат поддршка за Панахи светски познатите филмски работници – режисери, актери и организатори на угледните филмски фестивали.Следниот чекор на групата е масовното прикажување на филм на Панахи кој ќе биде прикажуван во исто време на различни места во светот, закажано за 15 април.„Мислам дека можеме да го направиме тоа, да се обратиме до одделенијата за филм и медиуми во сите универзитети, да организираме прикажување на еден од неговите филмови. Меѓу нас има филмски студенти, научници, историчари на филмот, филмски критичари и предавачи. Ако организираме десет универзитети да го направат тоа, веќе сме го постигнале тоа што сме го замислиле. Ако сте во можност да напишете препорака до некој универзитет, да повикате пријател, да зборувате со некој ваш поранешен соученик или како и да е да помогнете тоа да се организира, ве молиме, направете го тоа. Го предлагаме датумот 15 април. Се надеваме дека до тогаш ќе биде ослободен и дека филмот што ќе го прикажеме ќе биде прослава на неговото прослава на неговото ослободување или прослава на слободата на говорот“, вели Алиреза Катами, еден од активистите за ослободување на Панахи.Јафар Панахи, роден во 1960 година во Мианех, Иран, е меѓународно почитуван ирански режисер и е еден од највлијателните филмски работници во иранскиот Нов бран. Почитуван е од филсмките теоретичари и критичари низ светот и е добитник на бројни награди, меѓу нив – Златниот лав на Венецискиот и Сребрената мечка на Берлинскиот филмски фестивал.Панахи е познат по неговите филмови кои го критикуваат општествто. Накусо беше уапсен и минатото лето, кога учествуваше во оддавањето помен на Неда Агха Солтан, Иранката која беше убиена за време на минатогодишните демонстрации, а во февруари му беше забрането да ја напушти земјата за да учествува на Берлинскиот филмски фестивал.Панахи е еден од многуте ирански уметници кои на минатогодишните претседателски избори застанаа зад опозицискиот кандидат Мир Хосеин Мусави, на кои победи Махмуд Ахмадинеџад, резултат кој беше оспорен од опозицијата.Забраната за патување на Панахи дојде по неговото појавување на филмскиот фестивал во Монтреал, каде што се појави носејќи зелен шал, со боите на опозицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Марко Бањоли во Чифте амам
На 23 април во 19 часот во Националната галерија на Македонија – Чифте амам, Скопје ќе се отвори мултимедијалната изложбата „Тркало на времето“ на истакнатиот италијански уметник Марко Бањоли.
„Со оваа изложба ја објавуваме одлуката на Советот на Остен „Земја во фокус“ на Остен Биеналето Скопје 2024 да биде Италија“, велат од Остен.
Изложбата е организирана во соработка со Зеринтија, Асоцијација за современа уметност, а со поддршка на Италијанска амбасада во Скопје и Италијанскиот културен институт во Белград.
Култура
Настап на Дуња Иванова и концерт посветен на Кире Костов во изведба на Биг бендот на фестивалот „Крај Вардарот џез“
Во рамки на втората фестивалска вечер на „Крај Вардарот Џез“, утревечер на 23 април во Македонската филхармонија со почеток во 20 часот на пијано ќе настапи Дуња Иванова.
Нејзиниот концертен настап „Мирисот на липите“ ќе биде проследен со текст и нарација на Тина Иванова. Музичко-поетски проект, кој раскажува приказна за познатите урбани и скриени места на Општина Центар. Липите на улицата „Орце Николов“, панкот од гаражите на „Плочник“, дружбите во дворот на „Песталоци“, графитите на Кеј, паркот на Горан Стефановски, кафеаната „Наџак“…
Ќе бидат изведени композицијата „Свита за Скопје“ од македонската композиторка Ана Пандевска, и песната „Ние сме од Скопје“ на Мирко Попов, чиј аранжман за пијано го направи Пандевска. Получасовно патување низ симболите на Скопје, погледнати низ интимна, лична перспектива на авторите. Во музиката, како и во нарацијата, провејува нишка на носталгија, а во исто време и крик за подобро утре на градот во кој пораснавме и без чиј воздух не можеме да живееме. „Мирисот на липите“ симболично ќе прикаже, преку звук и говор, еден живот на жител од Центар. Поетскиот наратив е оригинално креиран за овој уметнички перформанс, кој промовира иновативен пристап со содржина која пак, претставува ,,жива“ материја, блиска до човечкото срце.
Минатиот месец за „ПМГ Џез“, како 44 издание, излезе албум во живо, концерт на пијано на Дуња Иванова, кој беше реализиран во рамки на музичката програмата „Крај Вардарот Сесии во Аудиокултура“, која изведе композиции од Ана Пандевска.
Веднаш потоа во 21 часот на истата сцена ќе започне долгоочекуваниот концерт на Биг Бендот со музика од Кире Костов. Концерт посветен на еден од стожерите на современата џез композиција Кире Костов, преку интерпретација на негови избрани дела во современ аранжман од страна на Биг Бендот под диригентската палка на Љупчо Мирковски. Костов е едно од најзначајните имиња во современата џез музика, чија работа опфаќа бројни ангажмани и дела, меѓу кои: солист и диригент на Танцовиот оркестар на РТВ Скопје, наградуван трубач во Југославија, претставник во Биг бендот на Европската радиодифузија, автор на околу педесетина композиции во оркестарска изведба од областа на џезот и 300 песни во популарната музика и реализатор на сите изданија на Скопскиот фестивал од 1991. Подеднакво значајна ќе биде и изведбата на селектираните дела од Костов на еден од нашите најзначајни оркестарски формации, чија историја датира од далечната 1961 година (Биг Бендот на МРТ), кој во 2013 година се возобновува и продолжува да работи во музичка формација водена од Љупчо Мирковски како диригент.
Фестивалот ќе биде заокружен на 27 април во едукативно културниот центар Лабораториум со концертен настап на „Macedonian Free Society“ и со еден од највозбудливите музички проекти „Поетроника“.
Фестивалот е поддржан од Министерство за култура на Р.С. Македонија и се реализира во соработка со Македонска филхармонија и Лабораториум. Концертот „Мирисот на липите“ се реализира со поддршка на општина Центар.
Книги
МАИ ги додели наградите за изданијата меѓу два Саеми на книга
Комисијата за доделување на наградите на Македонската асоцијација на издавачи за периодот меѓу два саема, по разгледувањето на апликациите и на примероците од книгите доставени од издавачите, на состанокот на 15.04.2024 г. донесе одлуки за доделување на наградите на МАИ меѓу двата саема во мај 2023 и април 2024 година.
Признание за најдобра едиција, при што основен критериум бил уредничкиот пристап, концептот на едицијата и унифицираниот изглед/дизајн, со 1. место наградена е едицијата „ПРОаЗА“ („Или-или“), со 2. место едицијата „Бранови“ („Антолог“) и со 3. место едицијата „Современи класици“ („Арс ламина“).
Признание за најдобар оригинален дизајн на корица добија „Не кажувам“ од Петар Андоновски, дизајнирана од Марко Трпески („Полица“), „Базирано врз речиси вистинити настани“ од Ѕвездан Георгиевски, дизајнирана од Наталија Лукомска („Бегемот“) и „Кабинет на чуда со ѕидови од огледала“ од Владимир Јанковски, дизајнирана од Марко Трпески („Антолог“).
Признание за најдобро ликовно-графички уредено издание добија „Варшава го исцртува Скопје“ од Кинга Нетман-Мултановска; автор на дизајнот: Петер Личковски („Бегемот“), „Костимот во Македонија од појавата на фотографијата до денес“ од Зорка Тодорова Младеновиќ; графичко уредување на „Арс ламина“ и „Гени, мени, сени“ од Владимир Лукаш (текст и илустрации), со графичко уредување на „Супрема“.
Признание за оригинални целосно илустрирани книги за деца (сликовници) добија „Си беше еднаш – Најубавите бајки на сите времиња“ (прир. Оливера Ќорвезироска, со илустрации на Наталија Лукомска) („Арс ламина “), „Момчето од зборови / Девојчето од ноти“ од Катерина Николовска („Чудна шума“) и „Рокчето“ од Никола Маџиров, со илустрации на Анета Илиевска („Арс ламина“).
Во категоријата најкреативно издание каде влегуваат оригинални изданија за возрасни или за деца, кои се издвојуваат по својата нестандардност, признанија добија „Момчето од зборови / Девојчето од ноти“ од Катерина Николовска („Чудна шума“), „Шарени ириси“ од Јована Матевска Атанасова, со илустрации на Симонида Филипова Китановска („Арс ламина“) и „Мојата прва библиотека“ од Деспина Мукоска („Арс ламина“).
Признанието за автор на годината го доби Лидија Димковска („Три“).