Култура
Доделени Пулицеровите награди за 2010, во новинарство, публицистика и уметност
Во Њујорк, во понедeлник, беа објавeни имињата на добитниците и финалистите за Пулицеровата награда, најпрестижното американско признaние за новинарство и публицистика
Новинарската награда за јавна служба ја добил весникот Herald Courier од Бристол во Вирџинија, за написите на новнарот Даниел Џилберт за махинaциите со надоместоците за природниoт гас, кои ги примаат илајдници земјопоседници од југот на Вирџинија, написи кои поттикнаа истрага на парламентот на оваа сојузна држава.
Наградата за известување во вест во низа ја доби редкацијата на весникот The Seattle Times, за покривањето на инцидентот и 40-часовната потера по убиецот откако беа убиени четворица полицајци додека пиеја кафе во еден локал подготвувавајќи се да ја преземат нивната смена.
Наградата за истражувачко новианрство ја добија Барбара Лејкер и Венди Рудерман од Philadelphia Daily News за написите за оптпадничка полициска екипа за борба против трговијата со дрога, како и Шери Финк од ProPublica, во соработка со The New York Times Magazin за приказната за лекари од една болница отсечена со ураганот Катрина во 2005 г.
Наградата за аналитичко известување ја доби Мајкл Мос и членовите на редакцијата на The New York Times за пишувањето за хамбургерите затруени со бактерии и за други проблеми со безбеднста на храната во САД.
Наградата за локалното известување е доделена на Ракел Ралтиџ од Milwaukee Journal Sentinel, која пишувала за измамите и злоупотребите во програмите за грижа за деца од сиромашни семејства.
За национално известување награден е Мат Ричтел и членовите на редакцијта на The New York Times за написот за опасната употреба на мобилни телефони, компјутери и други апарати при управувањето со автомобили.
Наградата за меѓународно известување ја добил Ентони Шадид од The Washington Post за серијата написи за Ирак за повлекувањето на американските сили и наследството коешто останува зад нив.
Наградата за посебен прилог ја доби Џејн Веингартен, исто така од The Washington Post, за статија за родителите кои случајно ги усмртиле своите деца, заборавајќи ги заклучени во автомобилите.
Во The Washington Post дојде уште една награда, за коментар која ја доби Кетлин Паркер за колумната посветена на спектарот политички и етички прашања. Наградата за уметничка критика ја доби Сара Кауфман исто така од за нејзиниот пристап во критиката за современиот танц.
Наградата за пишување уводници им е доделена на Тод Робинсон Колин Мекејн и Вилијам Мекензи од Dallas Morning News, а за карикатура на Марк Фиоре, самостоен автор кој обајвува во San Francisco Chronicle.
За фотографии во серија наградена е Мери Чинд од The Des Moines Register, за снимање на спасителите кои од вода се обидуваат да извадат една жена, додека, пак, наградата за репортажна фотографија ја доби Крег Волкер од The Denver Posta, за портрет на тинејџер кој се пријавил во американската војна во екот на насилствата во Ирак .
Во понеделник навечер беа обајвени и имињата на добитниците на Пулицеровите награди за уметност, кои ги добија за белетристика – романот Tinkers, на Пул Хардинг (Bellevue Literary Press), за драма рок-мјузиклот Next to Normal, на музика на Том Кит на текст и стихови на Брајан Јорки.
За историска литература наградена е „Lords of Finance: The Bankers Who Broke the World” на авторот Лиакат Ахмед (The Penguin Press), за биографија „The First Tycoon: The Epic Life of Cornelius Vanderbilt by T.J. Stiles” на авторот Алфред Кноф. За поезија е наградена книгата „Versed”, на авторот Ри Армантрут (Wesleyan University Press), за публицистика „The Dead Hand: The Untold Story of the Cold War Arms Race and Its Dangerous Legacy“, напишана од Дејвид Хофман (Doubleday) а за музика е награден Виолинскиот концерт на Џенифер Хајгдон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Марко Бањоли во Чифте амам
На 23 април во 19 часот во Националната галерија на Македонија – Чифте амам, Скопје ќе се отвори мултимедијалната изложбата „Тркало на времето“ на истакнатиот италијански уметник Марко Бањоли.
„Со оваа изложба ја објавуваме одлуката на Советот на Остен „Земја во фокус“ на Остен Биеналето Скопје 2024 да биде Италија“, велат од Остен.
Изложбата е организирана во соработка со Зеринтија, Асоцијација за современа уметност, а со поддршка на Италијанска амбасада во Скопје и Италијанскиот културен институт во Белград.
Култура
Настап на Дуња Иванова и концерт посветен на Кире Костов во изведба на Биг бендот на фестивалот „Крај Вардарот џез“
Во рамки на втората фестивалска вечер на „Крај Вардарот Џез“, утревечер на 23 април во Македонската филхармонија со почеток во 20 часот на пијано ќе настапи Дуња Иванова.
Нејзиниот концертен настап „Мирисот на липите“ ќе биде проследен со текст и нарација на Тина Иванова. Музичко-поетски проект, кој раскажува приказна за познатите урбани и скриени места на Општина Центар. Липите на улицата „Орце Николов“, панкот од гаражите на „Плочник“, дружбите во дворот на „Песталоци“, графитите на Кеј, паркот на Горан Стефановски, кафеаната „Наџак“…
Ќе бидат изведени композицијата „Свита за Скопје“ од македонската композиторка Ана Пандевска, и песната „Ние сме од Скопје“ на Мирко Попов, чиј аранжман за пијано го направи Пандевска. Получасовно патување низ симболите на Скопје, погледнати низ интимна, лична перспектива на авторите. Во музиката, како и во нарацијата, провејува нишка на носталгија, а во исто време и крик за подобро утре на градот во кој пораснавме и без чиј воздух не можеме да живееме. „Мирисот на липите“ симболично ќе прикаже, преку звук и говор, еден живот на жител од Центар. Поетскиот наратив е оригинално креиран за овој уметнички перформанс, кој промовира иновативен пристап со содржина која пак, претставува ,,жива“ материја, блиска до човечкото срце.
Минатиот месец за „ПМГ Џез“, како 44 издание, излезе албум во живо, концерт на пијано на Дуња Иванова, кој беше реализиран во рамки на музичката програмата „Крај Вардарот Сесии во Аудиокултура“, која изведе композиции од Ана Пандевска.
Веднаш потоа во 21 часот на истата сцена ќе започне долгоочекуваниот концерт на Биг Бендот со музика од Кире Костов. Концерт посветен на еден од стожерите на современата џез композиција Кире Костов, преку интерпретација на негови избрани дела во современ аранжман од страна на Биг Бендот под диригентската палка на Љупчо Мирковски. Костов е едно од најзначајните имиња во современата џез музика, чија работа опфаќа бројни ангажмани и дела, меѓу кои: солист и диригент на Танцовиот оркестар на РТВ Скопје, наградуван трубач во Југославија, претставник во Биг бендот на Европската радиодифузија, автор на околу педесетина композиции во оркестарска изведба од областа на џезот и 300 песни во популарната музика и реализатор на сите изданија на Скопскиот фестивал од 1991. Подеднакво значајна ќе биде и изведбата на селектираните дела од Костов на еден од нашите најзначајни оркестарски формации, чија историја датира од далечната 1961 година (Биг Бендот на МРТ), кој во 2013 година се возобновува и продолжува да работи во музичка формација водена од Љупчо Мирковски како диригент.
Фестивалот ќе биде заокружен на 27 април во едукативно културниот центар Лабораториум со концертен настап на „Macedonian Free Society“ и со еден од највозбудливите музички проекти „Поетроника“.
Фестивалот е поддржан од Министерство за култура на Р.С. Македонија и се реализира во соработка со Македонска филхармонија и Лабораториум. Концертот „Мирисот на липите“ се реализира со поддршка на општина Центар.
Книги
МАИ ги додели наградите за изданијата меѓу два Саеми на книга
Комисијата за доделување на наградите на Македонската асоцијација на издавачи за периодот меѓу два саема, по разгледувањето на апликациите и на примероците од книгите доставени од издавачите, на состанокот на 15.04.2024 г. донесе одлуки за доделување на наградите на МАИ меѓу двата саема во мај 2023 и април 2024 година.
Признание за најдобра едиција, при што основен критериум бил уредничкиот пристап, концептот на едицијата и унифицираниот изглед/дизајн, со 1. место наградена е едицијата „ПРОаЗА“ („Или-или“), со 2. место едицијата „Бранови“ („Антолог“) и со 3. место едицијата „Современи класици“ („Арс ламина“).
Признание за најдобар оригинален дизајн на корица добија „Не кажувам“ од Петар Андоновски, дизајнирана од Марко Трпески („Полица“), „Базирано врз речиси вистинити настани“ од Ѕвездан Георгиевски, дизајнирана од Наталија Лукомска („Бегемот“) и „Кабинет на чуда со ѕидови од огледала“ од Владимир Јанковски, дизајнирана од Марко Трпески („Антолог“).
Признание за најдобро ликовно-графички уредено издание добија „Варшава го исцртува Скопје“ од Кинга Нетман-Мултановска; автор на дизајнот: Петер Личковски („Бегемот“), „Костимот во Македонија од појавата на фотографијата до денес“ од Зорка Тодорова Младеновиќ; графичко уредување на „Арс ламина“ и „Гени, мени, сени“ од Владимир Лукаш (текст и илустрации), со графичко уредување на „Супрема“.
Признание за оригинални целосно илустрирани книги за деца (сликовници) добија „Си беше еднаш – Најубавите бајки на сите времиња“ (прир. Оливера Ќорвезироска, со илустрации на Наталија Лукомска) („Арс ламина “), „Момчето од зборови / Девојчето од ноти“ од Катерина Николовска („Чудна шума“) и „Рокчето“ од Никола Маџиров, со илустрации на Анета Илиевска („Арс ламина“).
Во категоријата најкреативно издание каде влегуваат оригинални изданија за возрасни или за деца, кои се издвојуваат по својата нестандардност, признанија добија „Момчето од зборови / Девојчето од ноти“ од Катерина Николовска („Чудна шума“), „Шарени ириси“ од Јована Матевска Атанасова, со илустрации на Симонида Филипова Китановска („Арс ламина“) и „Мојата прва библиотека“ од Деспина Мукоска („Арс ламина“).
Признанието за автор на годината го доби Лидија Димковска („Три“).