Култура
Изложба „ЛИНК“ на Жарко Башески во Прилеп
Во рамките на 45 издание на МТФ „Војдан Чернодрински“ во петок навечер во ликовната галерија на Центарот за култура „Марко Цепенков“ ќе биде отворена изложбата на скулптури „ЛИНК“ на вајарот Жарко Башески
Прилепчани и другите љубителите на театарот кои вечерва ќе бидат присутни во градот по Маркови кули на отворањето на Македонскиот театарски фестивал „Војдан Чернодрински“, ќе имаат можност да проследат три скулптури од вајарот, работени со полиестер и силикон, кои предизвикаа интерес при нивното неодамнешно прво претставување во Скопје.Жарко Башески, кој е автор на скулптурите коњаници на макеодснките херои Гоце Делчев и Даме Груев, третпат самостојно се претставува во родниот Прилеп. Прилепската публика, како и македонската претходно, ќе има можност за првпат да види нова концептуална уметност која што ја нуди Башески, уметност која во светски рамки е одамна присутна. „Скулптурите се работени од најсовремен материјал, лесен за обработка, ефектен и практичен. Сакав да истражувам врз база на реалистичен третман на човекот“ ,вели Башески.Всушност трите скулптури се на човечки фигури, кои се реткост кај нас Две се предимензионирани човечки портрети, еден е минимизиран автопортрет.„Размислував за обичниот човек кој се бори да излезе, да се ослободи, кој размислува што ќе биде“, потенцира Башески, кој на проектот работел неколку години.Маја Чанкуловска Михајловска за неговото творештво ќе рече:„Скулптурите на Башески се новина во македонската уметност по начинот на изработка, употребата на новиот материјал, димензиите. Сепак делата се вбројуваат во рамките на реализмот. Секоја скулптура има своја приказна и се изведени до перфекција. Како основа ја користи фотографијата како интерпесонален и објективен почеток на прикажувањето“. Жарко Башески е роден е во Прилеп 1957 г. а факултетот за ликовни уметности во Скопје го завршил во 1988 г, каде десет години подоцна ги завршува и постдипломските студии. Член е на ДЛУМ од 1988 г, а во 2000-та е избран за наставник во звањето доцент по предметите вајање, вајарски техники и цртање, додека во 2005 г. се стекнува со звањето вонреден професор по истите наставни дисциплине, а сега работи како редовен професор на истиот факултет.Досега Башески реализирал девет самостојни изложби во земјава и во странство, учествувал на над педесет групни изложби во Македонија, САД, Австралија, Италија, Франција Турција Србија и др. Автор е на голем број споменици (монументални дела) и добитник на осум меѓународни и национални награди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Книги
МАИ ги додели наградите за изданијата меѓу два Саеми на книга
Комисијата за доделување на наградите на Македонската асоцијација на издавачи за периодот меѓу два саема, по разгледувањето на апликациите и на примероците од книгите доставени од издавачите, на состанокот на 15.04.2024 г. донесе одлуки за доделување на наградите на МАИ меѓу двата саема во мај 2023 и април 2024 година.
Признание за најдобра едиција, при што основен критериум бил уредничкиот пристап, концептот на едицијата и унифицираниот изглед/дизајн, со 1. место наградена е едицијата „ПРОаЗА“ („Или-или“), со 2. место едицијата „Бранови“ („Антолог“) и со 3. место едицијата „Современи класици“ („Арс ламина“).
Признание за најдобар оригинален дизајн на корица добија „Не кажувам“ од Петар Андоновски, дизајнирана од Марко Трпески („Полица“), „Базирано врз речиси вистинити настани“ од Ѕвездан Георгиевски, дизајнирана од Наталија Лукомска („Бегемот“) и „Кабинет на чуда со ѕидови од огледала“ од Владимир Јанковски, дизајнирана од Марко Трпески („Антолог“).
Признание за најдобро ликовно-графички уредено издание добија „Варшава го исцртува Скопје“ од Кинга Нетман-Мултановска; автор на дизајнот: Петер Личковски („Бегемот“), „Костимот во Македонија од појавата на фотографијата до денес“ од Зорка Тодорова Младеновиќ; графичко уредување на „Арс ламина“ и „Гени, мени, сени“ од Владимир Лукаш (текст и илустрации), со графичко уредување на „Супрема“.
Признание за оригинални целосно илустрирани книги за деца (сликовници) добија „Си беше еднаш – Најубавите бајки на сите времиња“ (прир. Оливера Ќорвезироска, со илустрации на Наталија Лукомска) („Арс ламина “), „Момчето од зборови / Девојчето од ноти“ од Катерина Николовска („Чудна шума“) и „Рокчето“ од Никола Маџиров, со илустрации на Анета Илиевска („Арс ламина“).
Во категоријата најкреативно издание каде влегуваат оригинални изданија за возрасни или за деца, кои се издвојуваат по својата нестандардност, признанија добија „Момчето од зборови / Девојчето од ноти“ од Катерина Николовска („Чудна шума“), „Шарени ириси“ од Јована Матевска Атанасова, со илустрации на Симонида Филипова Китановска („Арс ламина“) и „Мојата прва библиотека“ од Деспина Мукоска („Арс ламина“).
Признанието за автор на годината го доби Лидија Димковска („Три“).
Култура
Филмот на Цветановски со награда за најдобар филм во Калифорнија
„Бизнисот на задоволството“ на Гоце Цветановски ја доби наградата за најдобар долгометражен филм на „Риверсајд Филм фестивал“ во Калифорнија, САД.
Фестивалот којшто се одржа од 10 до 14 април, во своето 22-годишно постоење се залага за промоција на храбри филмови кои обработуваат општествени предизвици, но и говорат за смелоста на човековиот дух.
Цветановски го радува тоа што филмот по вторпат e наградeн во САД, откако минатиот месец беше прогласен за највпечатлив филм на 30. издание на „Седона интернешнал филм фестивал“ во Аризона.
„Калифорнија е центар на американската филмска индустрија, и секако дека како автор сум горд што добивме награда овде, и тоа во конкуренција со американски филмови со многу поголеми буџети. Едвај чекам да завршиме со оваа светска фестивалска турнеја и во септември да го презентираме пред нашата публика. Очекувам филмот да отвори теми за дискусија на повеќе нивоа, но пред се‘ сакам да го продолжиме трендот од последниве години, во кој на домашните гледачи им се враќа довербата и желбата да гледаат македонски филмови“, рече Цветановски.
„Бизнисот на задоволството“ досега доби осум награди на филмските фестивали низ светот, од кои пет се за најдобар долгометражен филм.
Филмот ја следи приказната на новинарка, која опседната со исчезнувањето на нејзината најдобра пријателка, подготвува тајна операција со цел да разоткрие мрежа за трговија со жени. Но, како што нејзините соучесници се приближуваат до шефот, ситуацијата излегува од контрола.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Филмот е снимен со поддршка на Агенцијата за филм.
Култура
Националниот џез оркестар со програмата Џез лектира гостува во Велес
По концертот во Скопје, Националниот џез оркестар со програмата под наслов „Џез лектира“ гостува во Велес. Концертот ќе се одржи на 23 април, 2024 година, со почеток од 20 часот во театарот „Јордан Хаџи Константинов – Џинот“.
„На концертот „Џез Лектира“ се осврнуваме на дел од творештвото на Каунт Бејси биг бендот. Вилијам Џејмс, познат како Каунт Бејси е американски џез пијанист, органист, водач на бенд и композитор, познат и како „Кралот на свингот“. Во 1935 година, тој го формира оркестарот „Каунт Бејси“ и ја води оваа група скоро 50 години. Неговата работа резултира со низа иновации во музичкиот израз како употреба на два „поделени“ тенор саксофони, нагласување на ритам секцијата, рифови во биг бенд композиции, аранжери за дополнително проширување на биг бенд звукот и слично“, се наведува во соопштението на Националниот џез оркестар.