Култура
Етно Плоштад во Берово
Во пресрет на христијанскиот празник Успение на Пресвета Богородица, Општина Берово по вторпат го организира Етно Плоштад Фестивал, кој оваа година ќе трае три дена – од 26 до 28 август
„Целта на фестивалот е континуирана промоција на културното наследство на регионот преку создавање атрактивен културен настан на кој ќе земат учество изведувачи од различни земји во светот. Етно фестивалот е една од клучните алатки за промоција на Берово како атрактивна дестинација за развој на алтернативниот туризамот“, вели градоначалникот на Берово, Драги Наџински. Фестивалот како и минатат година ќе го презентира фолклорот во сите форми. Како што вели Марин Демировски, кој раководи со целата организација на манифетацијата, годинешното издание на фестивалот ќе донесе во Берово врвни уметници од САД, Франција, Шпанија, Бугарија, Романија, Полска, Србија и од Македонија, кои ќе претстават автентична фоклорна музика и танци, но и фолклор стилизиран во форми на џез, јужно-африкански ритми, фламенко и сл.. Имајќи ги предвид гостите кои годианва ќе настапат во Берово, организаторите велат дека не треба да се има никакво сомнение дела „Етно плоштад фестивалот“ ќе се вброи во најдобрите етно фестивали во регионот. Дел од учесниците се: етно групите Монистра (Македонија) и Џембабе (Словенија), Хаземина-Минка Џонлиќ (Словенија) заедно со Сашо Митев (Македонија), танците во етно ритам ќе ги изведат и презентираат Паола Блантон (САД), Мари Лор (Франција), Ксенија Вискет (Словенија), Дебора Гарсија (Шпанија). На фестивалот ќе биде претставен и автентичен фолклор кој ќе го пренесат културно уметнички друштвва и етно групи како што се Карпати (Романија), „Никола Јонков Вапцаров“, Делчевски еснафи, „Ѓурѓа“ и „Етно Малеш“ (Македонија), Две Могили и Струмјани (.Бугарија), Брус (Србија). Во Берово свои соло настапи ќе имаат и Стоица Симо и Маринеску Клара (Кампалунг Романија), Ајгјул Вариева Ахмедова (Две Могили, Бугарија), Ангела Здравковска и Зорка Попочовска (Македонија) а ќе гостува со етно кореографија и студиото за модерни и класични танци од градот Попово од соседна Бугарија. На „Етно плоштад фестивалот“ ќе присуствуваат високо делегации преставувани од градоначалниците на општините со кои Општина Берово соработува, како што се Ливаро од Франција, претсавниците на трите бугарски општини, Струмајни, Попово и Две Могили, од Кампалунг, Романија, Повиат Трезбеиницки од Полска, и Брус од Србија, а како гости ќе присуствуваат и претставници на општината Неготино.Програмата на фестивалот е конципирана во дневни и вечерни концерти, кои ќе се одржуваат во термините од 12 до 15 часот, а вечерните од 20 до 22 часот.Официјалното отварање на фестивалот ќе биде на 26 август со дефиле на сите учесници и вообичаените поздравни говори. Во рамки на фестивалот ќе се одржи и интернационалниот саем на традиционални производи „Малешевијата на дланка“, кој се организра веќе по седми пат. На саемот учествуваат производители од Македонија и странство, кои изработуваат традиционални и стилизирани ракотворби и сувенири од природни материјали како и традиционална храна (сирење, мед, сок, џем, слатко, разни видови на оцет, вино, ракија, како и традиционални зелници, пити и други тестенини). Изложувачите на саемот се присутни сите три дена додека трае фестивалот, а штандовите за посетителите се отворени во текот на целиот ден од 10 до 22 часот.Како простор за промоција на своите производи, овој фестивал е препознатлив и за дел од најголемите компании во Македонија кои произведуваат вино, оцет, вода, земјоделски производи и тн.Од година во година фестивалот побудува се поголем интерес кај домашните посетители но и кај посетителите од државата и странство. Според минатогодишните статистики дневната програма ја следат околу три до четири илајди луѓе, а на вечерните концерти се присутни речиси двојно повеќе посетители. Последниот фестивалски ден 28 август, се совпаѓа со големиот христијански празник Успение на Пресвета Богородица, кој е традиционален празник на градот и на тој ден во Берово традиционално доаѓаат луѓе од сите краеви на Македонија и пошироко за да го посетат манастирот Пресвета Богородица и да бидат дел од црковно – народниот собир. Овој настан станува се поголема туристичка атракција и причина да се биде во Берово, и оваа година очекуваме рекордна посетеност од повеќе од 30 илјади гости од Македонија и поширокиот регион, по повод овој голем христијански празник. Воедно, сите тие се и посетители и на настанот кој го организира Општина Берово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Марко Бањоли во Чифте амам
На 23 април во 19 часот во Националната галерија на Македонија – Чифте амам, Скопје ќе се отвори мултимедијалната изложбата „Тркало на времето“ на истакнатиот италијански уметник Марко Бањоли.
„Со оваа изложба ја објавуваме одлуката на Советот на Остен „Земја во фокус“ на Остен Биеналето Скопје 2024 да биде Италија“, велат од Остен.
Изложбата е организирана во соработка со Зеринтија, Асоцијација за современа уметност, а со поддршка на Италијанска амбасада во Скопје и Италијанскиот културен институт во Белград.
Култура
Настап на Дуња Иванова и концерт посветен на Кире Костов во изведба на Биг бендот на фестивалот „Крај Вардарот џез“
Во рамки на втората фестивалска вечер на „Крај Вардарот Џез“, утревечер на 23 април во Македонската филхармонија со почеток во 20 часот на пијано ќе настапи Дуња Иванова.
Нејзиниот концертен настап „Мирисот на липите“ ќе биде проследен со текст и нарација на Тина Иванова. Музичко-поетски проект, кој раскажува приказна за познатите урбани и скриени места на Општина Центар. Липите на улицата „Орце Николов“, панкот од гаражите на „Плочник“, дружбите во дворот на „Песталоци“, графитите на Кеј, паркот на Горан Стефановски, кафеаната „Наџак“…
Ќе бидат изведени композицијата „Свита за Скопје“ од македонската композиторка Ана Пандевска, и песната „Ние сме од Скопје“ на Мирко Попов, чиј аранжман за пијано го направи Пандевска. Получасовно патување низ симболите на Скопје, погледнати низ интимна, лична перспектива на авторите. Во музиката, како и во нарацијата, провејува нишка на носталгија, а во исто време и крик за подобро утре на градот во кој пораснавме и без чиј воздух не можеме да живееме. „Мирисот на липите“ симболично ќе прикаже, преку звук и говор, еден живот на жител од Центар. Поетскиот наратив е оригинално креиран за овој уметнички перформанс, кој промовира иновативен пристап со содржина која пак, претставува ,,жива“ материја, блиска до човечкото срце.
Минатиот месец за „ПМГ Џез“, како 44 издание, излезе албум во живо, концерт на пијано на Дуња Иванова, кој беше реализиран во рамки на музичката програмата „Крај Вардарот Сесии во Аудиокултура“, која изведе композиции од Ана Пандевска.
Веднаш потоа во 21 часот на истата сцена ќе започне долгоочекуваниот концерт на Биг Бендот со музика од Кире Костов. Концерт посветен на еден од стожерите на современата џез композиција Кире Костов, преку интерпретација на негови избрани дела во современ аранжман од страна на Биг Бендот под диригентската палка на Љупчо Мирковски. Костов е едно од најзначајните имиња во современата џез музика, чија работа опфаќа бројни ангажмани и дела, меѓу кои: солист и диригент на Танцовиот оркестар на РТВ Скопје, наградуван трубач во Југославија, претставник во Биг бендот на Европската радиодифузија, автор на околу педесетина композиции во оркестарска изведба од областа на џезот и 300 песни во популарната музика и реализатор на сите изданија на Скопскиот фестивал од 1991. Подеднакво значајна ќе биде и изведбата на селектираните дела од Костов на еден од нашите најзначајни оркестарски формации, чија историја датира од далечната 1961 година (Биг Бендот на МРТ), кој во 2013 година се возобновува и продолжува да работи во музичка формација водена од Љупчо Мирковски како диригент.
Фестивалот ќе биде заокружен на 27 април во едукативно културниот центар Лабораториум со концертен настап на „Macedonian Free Society“ и со еден од највозбудливите музички проекти „Поетроника“.
Фестивалот е поддржан од Министерство за култура на Р.С. Македонија и се реализира во соработка со Македонска филхармонија и Лабораториум. Концертот „Мирисот на липите“ се реализира со поддршка на општина Центар.
Книги
МАИ ги додели наградите за изданијата меѓу два Саеми на книга
Комисијата за доделување на наградите на Македонската асоцијација на издавачи за периодот меѓу два саема, по разгледувањето на апликациите и на примероците од книгите доставени од издавачите, на состанокот на 15.04.2024 г. донесе одлуки за доделување на наградите на МАИ меѓу двата саема во мај 2023 и април 2024 година.
Признание за најдобра едиција, при што основен критериум бил уредничкиот пристап, концептот на едицијата и унифицираниот изглед/дизајн, со 1. место наградена е едицијата „ПРОаЗА“ („Или-или“), со 2. место едицијата „Бранови“ („Антолог“) и со 3. место едицијата „Современи класици“ („Арс ламина“).
Признание за најдобар оригинален дизајн на корица добија „Не кажувам“ од Петар Андоновски, дизајнирана од Марко Трпески („Полица“), „Базирано врз речиси вистинити настани“ од Ѕвездан Георгиевски, дизајнирана од Наталија Лукомска („Бегемот“) и „Кабинет на чуда со ѕидови од огледала“ од Владимир Јанковски, дизајнирана од Марко Трпески („Антолог“).
Признание за најдобро ликовно-графички уредено издание добија „Варшава го исцртува Скопје“ од Кинга Нетман-Мултановска; автор на дизајнот: Петер Личковски („Бегемот“), „Костимот во Македонија од појавата на фотографијата до денес“ од Зорка Тодорова Младеновиќ; графичко уредување на „Арс ламина“ и „Гени, мени, сени“ од Владимир Лукаш (текст и илустрации), со графичко уредување на „Супрема“.
Признание за оригинални целосно илустрирани книги за деца (сликовници) добија „Си беше еднаш – Најубавите бајки на сите времиња“ (прир. Оливера Ќорвезироска, со илустрации на Наталија Лукомска) („Арс ламина “), „Момчето од зборови / Девојчето од ноти“ од Катерина Николовска („Чудна шума“) и „Рокчето“ од Никола Маџиров, со илустрации на Анета Илиевска („Арс ламина“).
Во категоријата најкреативно издание каде влегуваат оригинални изданија за возрасни или за деца, кои се издвојуваат по својата нестандардност, признанија добија „Момчето од зборови / Девојчето од ноти“ од Катерина Николовска („Чудна шума“), „Шарени ириси“ од Јована Матевска Атанасова, со илустрации на Симонида Филипова Китановска („Арс ламина“) и „Мојата прва библиотека“ од Деспина Мукоска („Арс ламина“).
Признанието за автор на годината го доби Лидија Димковска („Три“).