Култура
„Аида“ се враќа под пирамидите
Познатата опера на Џузепе Верди „Аида“, се враќа во подножјето на Големите пирамиди на Гиза, пишува во понеделник египетскиот весникот Al-Alhram
Традицијата на поставки на операта „Аида“ во подножјето на единственото и едно од првите светски чуда беше прекината пред осум години. Тогаш Министерството за култура на Египет сметаше дека театарските кулиси и сцената за кои се користат и урнатините ги оштетува и се закана за древните споменици на Гиза, како и дека големиот број публика претставува оапсност за територијата на која има огромен број историски и археолошки артефакти и е своевиден историско-археолошки парк. На пример во 1999 г. имало шест илјади гледачи, а следната 2000-та дури 12 илјади љубители на оперската уметност ја следеле изведбата на „Аида“ во Гиза. На 5-ти октомври на сцената под отворено небо во подножјето на пирамидите на Кеопс, Кефрен и на Микерин ќе се одржат четири последователни претстави на „Аида“ кои според првичните најави веќе предизвикаа огромен интерес кај египетската и странската публика. На специјално конструираната платформа можат да се сместат околу четири илјади гледачи, додека во самата поставка ќе бидат вклучени повеќе од три илјади три илјади актери и музичари.Во улогата на Аида се најавени Марија Гулегина, Леона Мичел и Лучија Мазариа, додека за ролјата на Радамес, Владимир Галузин и Николе Мартинучи. Диригенти се Патрик Фурније и Џорџо Крочи а режијата е на Абдел-Моеним Камел.За ова издание веќе владее огромен интерес и кај публиката но и кај медиуми. Така, веќе се акредитирани 110 странски дописници и стотици домашни новинари, а се очекува и голем број музички критичари и новинари да допатуваат деновиве во Египет. Засега само Египетската државна телевизија акредитирала 110 а Радио Каиро 32 свои новинари и технички персонал. Поводот за годинешната претстава е десетгодишнината од обновувањето на Каирската опера. За спектаклот е планиран огромен буџет во кој учествуваат со најголем дел државата Египет но и неколку богати египетски компании. Влезниците за премиерата се движат од 100 до 250 американски долари, додека за трите следни претстави од 75 до 200 долари. Инкау трипати оваа опера на Џузепе Верди е изведенувана во античкиот амбиент на Теба (Луксор), каде во тамошниот оригинален амбиент се одржаа спектаклите во 1987, 1994 и во 1997 г.Основа на либретото на „Аида“ е древното предание, напишано од францускиот египтологист Огист Мариет. Дејствието се одвива во древните египетски градови Мемфис и Теба во времето на фараоните. Во операта се раскажува за несречната љубов на египетскиот војсководец Радамес и робинката Аида, ќерката на етиопскиот цар кој војува со Египќаните.Премиерата на операта е изведена на 24 декември 1871 г. на сцената на Каирската опера, која е отворена две години преходно. Само во следните десет години операта доживува невиден успех и е изведена во оперски куќи во 155 различни земји.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Филмот на Цветановски со награда за најдобар филм во Калифорнија
„Бизнисот на задоволството“ на Гоце Цветановски ја доби наградата за најдобар долгометражен филм на „Риверсајд Филм фестивал“ во Калифорнија, САД.
Фестивалот којшто се одржа од 10 до 14 април, во своето 22-годишно постоење се залага за промоција на храбри филмови кои обработуваат општествени предизвици, но и говорат за смелоста на човековиот дух.
Цветановски го радува тоа што филмот по вторпат e наградeн во САД, откако минатиот месец беше прогласен за највпечатлив филм на 30. издание на „Седона интернешнал филм фестивал“ во Аризона.
„Калифорнија е центар на американската филмска индустрија, и секако дека како автор сум горд што добивме награда овде, и тоа во конкуренција со американски филмови со многу поголеми буџети. Едвај чекам да завршиме со оваа светска фестивалска турнеја и во септември да го презентираме пред нашата публика. Очекувам филмот да отвори теми за дискусија на повеќе нивоа, но пред се‘ сакам да го продолжиме трендот од последниве години, во кој на домашните гледачи им се враќа довербата и желбата да гледаат македонски филмови“, рече Цветановски.
„Бизнисот на задоволството“ досега доби осум награди на филмските фестивали низ светот, од кои пет се за најдобар долгометражен филм.
Филмот ја следи приказната на новинарка, која опседната со исчезнувањето на нејзината најдобра пријателка, подготвува тајна операција со цел да разоткрие мрежа за трговија со жени. Но, како што нејзините соучесници се приближуваат до шефот, ситуацијата излегува од контрола.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Филмот е снимен со поддршка на Агенцијата за филм.
Култура
Националниот џез оркестар со програмата Џез лектира гостува во Велес
По концертот во Скопје, Националниот џез оркестар со програмата под наслов „Џез лектира“ гостува во Велес. Концертот ќе се одржи на 23 април, 2024 година, со почеток од 20 часот во театарот „Јордан Хаџи Константинов – Џинот“.
„На концертот „Џез Лектира“ се осврнуваме на дел од творештвото на Каунт Бејси биг бендот. Вилијам Џејмс, познат како Каунт Бејси е американски џез пијанист, органист, водач на бенд и композитор, познат и како „Кралот на свингот“. Во 1935 година, тој го формира оркестарот „Каунт Бејси“ и ја води оваа група скоро 50 години. Неговата работа резултира со низа иновации во музичкиот израз како употреба на два „поделени“ тенор саксофони, нагласување на ритам секцијата, рифови во биг бенд композиции, аранжери за дополнително проширување на биг бенд звукот и слично“, се наведува во соопштението на Националниот џез оркестар.
Култура
Костадиновска-Стојчевска: Саемот на книгата, во време на емотикони, е во одбрана на раскажувачите и писменоста
Министерката за култура, Бисера Костадиновска-Стојчевска, во арената „Борис Трајковски“ на отворањето на 36. издание на Саемот на книгата порача дека Министерството за култура, како покровител на овој, како што рече, „празник на книгата“, останува голем пријател и силен поддржувач на ова наше богатство.
„На годишните конкурси, од година во година, импресивен е бројот на сè повеќе пријавени квалитетни дела и од млади македонски автори. И тоа искрено нè радува. Како што нè радува и зголемениот интерес за создавање многубројни наслови и публикации за деца. Без двоумење ја добиваат нашата поддршка зашто во овие модерни времиња во кои има сè помалку зборови, а сè повеќе кратенки и емотикони, раскажувачите на приказни се чувари на писменоста“, рече министерката за култура.
Во присуство на голем број љубители на пишаниот збор, Костадиновска-Стојчевска порача дека во виртуелниот свет го нема овој опоен мирис на книгата. Само во реалниот свет, ова богатство од книги на македонски јазик од домашни и од странски автори го испишува овој простор во уште една „Приказна која се чита“.
Саемите за книги во последните години, според некои автори, кажа министерката дека прераснаа во едукативни и културни настани кои даваат можност за вмрежување преку негување на врските меѓу авторите, издавачите и читателите. Истовремено радува и сè поголемиот број посетители, што само по себе зборува многу за односот кон книгата.
Триесет и шестото издание на Саемот на книгата, што ќе трае до 24 април, во седумте саемски денови ќе понуди книги од домашни и од странски автори од над 60 издавачки куќи од земјава и од регионот.