Промоцијата на книгата „Седум македонски композитори“ од Денко Скаловски ја отвори десеттата вечер на 34-тите Денови на македонска музика.

Промоцијата на книгата „Седум македонски композитори“ од Денко Скаловски ја отвори десеттата вечер на 34-тите Денови на македонска музика.Книгата содржи осврти и анализи на Денко Скаловски за творештвото на македонските композитори Стефан Гајдов, Живко Фирфов, Тодор Скаловски, Трајко Прокопиев, Петре Богданов – Кочко, Глигор Смокварски и Панче Пешев.Во воведниот збор на промоцијата музикологот Марко Коловски нагласи дека со текстовите во книгата Денко Скаловски „создава платформа, создава темел по кој градбите на големите македонски композитори ќе бидат полесно сфатливи“.Книгата „Седум македонски композитори“ има поднаслов „Мала историска пролегомена за една македонска естетика“ со кој се објаснува дека станува збор за есеи за естетските вредности на творештвото на седумте композитори.„Во книгата се внесени безброј корисни цитати, своевиден екстракт извлечен од делата на големите естетичари и музичари на минатото, без кои би биле принудени да прочитате илјадници страници за да дојдете до фундаменталните естетички проекти. Низ сите нив провејува и сосема е јасна естетичката и филозофската позиција на авторот на книгата и неговиот феноменолошки пристап кон музиката“ – додаде Коловски.Авторот Денко Скаловски ги истражува филозофијата на културата, естетиката, етиката и политиколошката публицистика. Работи како професор на Институтот за родови студии на Филозофскиот факултет во Скопје.„Со самото издвојување на овие седум звучни имиња од историјата на современата македонска музика им давам максимално значење во креирањето на корпусот на современата македонска музичка култура. Дотолку повеќе што во децениите на нашата „славна“ транзиција, ликовите и делата на овие втемелувачи на современата македонска музичка култура, бавно но сигурно, намерно или ненамерно, паѓаат во заборав“ – потенцира Денко Скаловски.Со поддршка од Министерството за култура, книгата ја објави книгоиздателството „Бигосс“ од Скопје.Синоќешниот концерт на Денови на македонска музика во целост беше посветен на делата на македонски композитори. Истите беа изведени од македонски музичари. Програмата ги опфати делата на композиторите Михајло Николовски, Стефан Гајдов, Александар Лековски, Љубомир Бранѓолица, Вања Николовски-Ѓумар, Томе Манчев, Благој Цанев и Ристо Аврамовски.Програмата на ДММ 2011 денес продолжува со промоција на компакт-диск на Марија Вршкова и Камерен концерт во кој ќе бидат изведени дела од Драган Стојковски, Теа Богатинова, Борис Светиев, Ана Пандевска, Фатос Лумани, Валентина Велковска Трајановска, Михаило Трендафиловски и Елизабета Илиевска-Бете.Концертот и промоцијата ќе се одржат во Музејот на град Скопје со почеток во 20 часот./крај/т.д.