Култура
Фестивал на француски филм во Охрид
Четвртото издание на Фестивалот на францускиот филм ќе се одржи од 2 до 5 јули во Охрид. На фестивалот годинава ќе се прикажат седум играни и шест краткометражни филмови.
Четвртото издание на Фестивалот на францускиот филм ќе се одржи од 2 до 5 јули во Охрид. На фестивалот годинава ќе се прикажат седум играни и шест краткометражни филмови.На денешната прес-конференција во просториите на Министерството за култура беа објавени програмата на фестивалот и гостите кои ќе бидат присутни во Охрид.„Несомнено е дека фестивалот стана вистинска ревија на најдобрите француски остварувања кои на француската кинематографија и’ го обезбедија епитетот – мајка на филмот, во неговата естетска и драматуршка димензија“, изјави Елизабета Канческа-Милевска, министер за култура на РМ.„Во изминатите три години, низ изданијата на фестивалот продефилираа педесетина француски синеасти со врвно реноме, поголем број европски и светски продуценти, како и филмски наслови коишто ги освоија светските киносали носејќи ја референцата – прикажан или награден на Фестивалот на францускиот филм во Охрид. Ги слушнавме зборовите на оскаровецот Клод Лелуш, кој забележа дека ’Охрид е спектакуларна филмска сценографија на Балканот’, и зборовите на легендата на светската музика и филм, Шарл Азнавур, кој за Македонија рече дека е филмска и музичка сцена“, нагласи министерката за култура.На фестивалот во Охрид годинава ќе присуствуваат десет гости, актери, режисери, продуценти. Значајно ќе биде присуството на Жан Клод Кариер, кој во својата блескава кариера ги бележи најголемите датуми во светската филмска историја со неговите сценарија за Луиз Буњуел, Милош Форман и долгогодишната соработка со театарскиот режисер Питер Брук.„Секоја година го прикажуваме најдоброто од француската филмска продукција благодарение на селекцијата на францускиот критичар Ив Алјон. Исто така, досега организиравме повеќе дебати со режисери и актери кои беа присутни на фестивалот. Директната комуникација на македонската публика и личности кои учествувале во снимањето и продуцирањето на филмовите е главната специфика на фестивалот на францускиот филм во Охрид“, нагласи Жан-Клод Шлумберже, амбасадор на Франција во Македонија.Отворањето на четвртото издание на фестивалот, на 2 јули во Н.У. Центар за култура „Григор Прличев“ во Охрид, ќе се одржи со проекцијата на „Анонимни емотивци“, во режија на Жан-Пјер Америс, кој ќе биде присутен во Охрид.Претходно, на Универзитетот за аудиовизуелни уметности ЕСРА во Скопје, ректорот Јордан Плевнеш и амбасадорот на Франција, Жан-Клод Шлумберже, ќе присуствуваат на прогласувањето за Doctor Honoris Causa на Жан Клод Кариер, легендата на европскиот и светскиот филм.Покрај Францускиот културен центар, во реализацијата на Фестивалот партиципираат Министерството за култура, Филмскиот фонд, Градот Охрид, регионот Долна Нормандија, Универзитетот ЕСРА, како и повеќе француски компании кои се присутни во Македонија./крај/макфакс/т.д.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Марко Бањоли во Чифте амам
На 23 април во 19 часот во Националната галерија на Македонија – Чифте амам, Скопје ќе се отвори мултимедијалната изложбата „Тркало на времето“ на истакнатиот италијански уметник Марко Бањоли.
„Со оваа изложба ја објавуваме одлуката на Советот на Остен „Земја во фокус“ на Остен Биеналето Скопје 2024 да биде Италија“, велат од Остен.
Изложбата е организирана во соработка со Зеринтија, Асоцијација за современа уметност, а со поддршка на Италијанска амбасада во Скопје и Италијанскиот културен институт во Белград.
Култура
Настап на Дуња Иванова и концерт посветен на Кире Костов во изведба на Биг бендот на фестивалот „Крај Вардарот џез“
Во рамки на втората фестивалска вечер на „Крај Вардарот Џез“, утревечер на 23 април во Македонската филхармонија со почеток во 20 часот на пијано ќе настапи Дуња Иванова.
Нејзиниот концертен настап „Мирисот на липите“ ќе биде проследен со текст и нарација на Тина Иванова. Музичко-поетски проект, кој раскажува приказна за познатите урбани и скриени места на Општина Центар. Липите на улицата „Орце Николов“, панкот од гаражите на „Плочник“, дружбите во дворот на „Песталоци“, графитите на Кеј, паркот на Горан Стефановски, кафеаната „Наџак“…
Ќе бидат изведени композицијата „Свита за Скопје“ од македонската композиторка Ана Пандевска, и песната „Ние сме од Скопје“ на Мирко Попов, чиј аранжман за пијано го направи Пандевска. Получасовно патување низ симболите на Скопје, погледнати низ интимна, лична перспектива на авторите. Во музиката, како и во нарацијата, провејува нишка на носталгија, а во исто време и крик за подобро утре на градот во кој пораснавме и без чиј воздух не можеме да живееме. „Мирисот на липите“ симболично ќе прикаже, преку звук и говор, еден живот на жител од Центар. Поетскиот наратив е оригинално креиран за овој уметнички перформанс, кој промовира иновативен пристап со содржина која пак, претставува ,,жива“ материја, блиска до човечкото срце.
Минатиот месец за „ПМГ Џез“, како 44 издание, излезе албум во живо, концерт на пијано на Дуња Иванова, кој беше реализиран во рамки на музичката програмата „Крај Вардарот Сесии во Аудиокултура“, која изведе композиции од Ана Пандевска.
Веднаш потоа во 21 часот на истата сцена ќе започне долгоочекуваниот концерт на Биг Бендот со музика од Кире Костов. Концерт посветен на еден од стожерите на современата џез композиција Кире Костов, преку интерпретација на негови избрани дела во современ аранжман од страна на Биг Бендот под диригентската палка на Љупчо Мирковски. Костов е едно од најзначајните имиња во современата џез музика, чија работа опфаќа бројни ангажмани и дела, меѓу кои: солист и диригент на Танцовиот оркестар на РТВ Скопје, наградуван трубач во Југославија, претставник во Биг бендот на Европската радиодифузија, автор на околу педесетина композиции во оркестарска изведба од областа на џезот и 300 песни во популарната музика и реализатор на сите изданија на Скопскиот фестивал од 1991. Подеднакво значајна ќе биде и изведбата на селектираните дела од Костов на еден од нашите најзначајни оркестарски формации, чија историја датира од далечната 1961 година (Биг Бендот на МРТ), кој во 2013 година се возобновува и продолжува да работи во музичка формација водена од Љупчо Мирковски како диригент.
Фестивалот ќе биде заокружен на 27 април во едукативно културниот центар Лабораториум со концертен настап на „Macedonian Free Society“ и со еден од највозбудливите музички проекти „Поетроника“.
Фестивалот е поддржан од Министерство за култура на Р.С. Македонија и се реализира во соработка со Македонска филхармонија и Лабораториум. Концертот „Мирисот на липите“ се реализира со поддршка на општина Центар.
Книги
МАИ ги додели наградите за изданијата меѓу два Саеми на книга
Комисијата за доделување на наградите на Македонската асоцијација на издавачи за периодот меѓу два саема, по разгледувањето на апликациите и на примероците од книгите доставени од издавачите, на состанокот на 15.04.2024 г. донесе одлуки за доделување на наградите на МАИ меѓу двата саема во мај 2023 и април 2024 година.
Признание за најдобра едиција, при што основен критериум бил уредничкиот пристап, концептот на едицијата и унифицираниот изглед/дизајн, со 1. место наградена е едицијата „ПРОаЗА“ („Или-или“), со 2. место едицијата „Бранови“ („Антолог“) и со 3. место едицијата „Современи класици“ („Арс ламина“).
Признание за најдобар оригинален дизајн на корица добија „Не кажувам“ од Петар Андоновски, дизајнирана од Марко Трпески („Полица“), „Базирано врз речиси вистинити настани“ од Ѕвездан Георгиевски, дизајнирана од Наталија Лукомска („Бегемот“) и „Кабинет на чуда со ѕидови од огледала“ од Владимир Јанковски, дизајнирана од Марко Трпески („Антолог“).
Признание за најдобро ликовно-графички уредено издание добија „Варшава го исцртува Скопје“ од Кинга Нетман-Мултановска; автор на дизајнот: Петер Личковски („Бегемот“), „Костимот во Македонија од појавата на фотографијата до денес“ од Зорка Тодорова Младеновиќ; графичко уредување на „Арс ламина“ и „Гени, мени, сени“ од Владимир Лукаш (текст и илустрации), со графичко уредување на „Супрема“.
Признание за оригинални целосно илустрирани книги за деца (сликовници) добија „Си беше еднаш – Најубавите бајки на сите времиња“ (прир. Оливера Ќорвезироска, со илустрации на Наталија Лукомска) („Арс ламина “), „Момчето од зборови / Девојчето од ноти“ од Катерина Николовска („Чудна шума“) и „Рокчето“ од Никола Маџиров, со илустрации на Анета Илиевска („Арс ламина“).
Во категоријата најкреативно издание каде влегуваат оригинални изданија за возрасни или за деца, кои се издвојуваат по својата нестандардност, признанија добија „Момчето од зборови / Девојчето од ноти“ од Катерина Николовска („Чудна шума“), „Шарени ириси“ од Јована Матевска Атанасова, со илустрации на Симонида Филипова Китановска („Арс ламина“) и „Мојата прва библиотека“ од Деспина Мукоска („Арс ламина“).
Признанието за автор на годината го доби Лидија Димковска („Три“).