Култура
Полски плакат во Националната галерија
Амбасадорот на Полска, г-дин Карол Бахура, во мултимедијалниот центар „Мала станица“ при Националната галерија на Македонија точно на пладне ја отвори изложбата „Полски плакат“.
Амбасадорот на Полска, г-дин Карол Бахура, во мултимедијалниот центар „Мала станица“ при Националната галерија на Македонија точно на пладне ја отвори изложбата „Полски плакат“.Актуелен повод за отворањето на изложбата е почетокот на Полското претседателство со Советот на Европската Унија. На пригодната свеченост која почна со интонирање на европската химна „Ода на радоста“ присуствуваа повеќе екселенции и претставници на дипломатскиот кор во Република Македонија.Во својство на домаќин на свеченоста Маја Крстевска, директор на Националната галерија на Македонија, ги поздрави присутните гости.„Изложбата е резултат на нашата повеќегодишна успешна соработка со амбасадата на Република Полска во Скопје и се надеваме дека соработката ќе продолжи на високо ниво и во иднина. Полско-македонското пријателство и меѓусебно почитување повторно се потврдува со претставувањето на полски плакати од колекцијата на амбасадата на Полска во Македонија, презентирани овде, во Мала станица, еден од трите репрезентативни објекти на Националната галерија на Македонија“ – изјави Маја Крстевска.„Плакатот е една од најпрепознатливите полски современи уметнички изразни форми. Изложбата е составена од плакати на повеќемина автори, претставници на двете најважни полски школи на плакатот – Варшавската и Краковската. Овие школи, по својот специфичен приод во областа на графичкиот дизајн, како и сите претставници кои излегуваат од нив, се познати и препознатливи не само во рамките на Полска, понатаму Европа, туку и ширум светот“. „Особено радува фактот што со посредство на Н.Е. Карол Бахура добивме прекрасна можност на македонската јавност да и претставиме поголем број репрезентативни примероци на светски познатите и препознатливи полски школи. Преку овие плакати сакаме адекватно да го прикажеме и доловиме современото културно богатство на Полска“ – нагласи Крстевска.Во својот говор амбасадорот Карол Бахура го потенцираше актуелниот миг на полското преземање на претседателството со ЕУ, а откри и моменти од историјатот на создавањето на полскиот плакат.„Уметноста на создавање плакати во Полска постои речиси 120 години, без разлика дали станува збор за информативен плакат, плакат за театар или кино, политички, пропаганден плакат и слично. Уметноста значително се возвиши по Втората светска војна, кога во 1948 година Томашевски – еден од претците на таканареченото „Училиште за полски плакат“ – стана добитник на пет главни награди на Биеналето на филмски плакат во Виена. Сепак, терминот „Училиште за полски плакат“ почна да се употребува во 60-тите години на 20-тиот век, со цел да се истакнат сите полски уметници кои се стекнале со меѓународно признание“ – изјави амбасадорот Карол Бахура.Меѓу најзначајните полски уметници амбасадорот ги наброи Томашевски, Мајевски, Млодожениц, Лашка, Дужински, Кот, Ботовцик, Старовијски, Сарнецки, Старовиц, Свирци, Фангор, Хибнер и Каларус. Благодарение на соработката меѓу полската амбасада и Националната галерија на Македонија со поддршка од Министерството за култура на РМ, делата на дел од овие автори можат да се видат во мултимедијалниот центар „Мала станица“.Како мошне значаен момент за Република Полска, амбасадорот го потенцираше појавувањето на полската верзија на плакатот за филмот „Точно на пладне“, на кој Гари Купер место пиштол во раката држи превиткано гласачко ливче на кое пишува „Избори“. Тоа е пресвртниот момент во поновата историја на полската држава, која под знамето на „Солидарност“ излезе од доминацијата на тогашниот Советски Сојуз и го започна патот кон Европската Унија и кон НАТО.„Нема подобар начин да се започне со Претседателство во Советот на Европската Унија освен со отворање на изложбата на „Училиштето за полски плакат“, чии што дела постоеја за време на најважните дати од полската историја, започнувајќи од 19-тиот век, па се до денес, до Претседателството со Советот на Европската Унија, а се надеваме и многу подалеку од оваа дата“ – заклучи полскиот амбасадор Бахура.Полското претседателство со Советот на ЕУ и отворањето на изложбата „Полски плакат“ го поздрави и Роберт Лидл, прв секретар во Делегацијата на ЕУ во Македонија.„Европа е создадена врз основа на солидарноста во многу тешки времиња“ – потенцираше Лидл, имајќи го в предвид ангажманот на „Солидарност“ во конституирањето на демократијата во полската држава.Исто така, Лидл го нагласи моментот на крајот од 80-тите години на 20-тиот век како крстосница на поновата европска историја. Во тогашниот миг Полска го одбра патот по кој стигна до Претседателството со Советот на ЕУ. Со истата храброст, потенцираше Лидл, и Република Македонија треба да одлучи по кој пат ќе продолжи да се приближува кон Европската Унија./крај/макфакс/т.д.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Националниот џез оркестар со програмата Џез лектира гостува во Велес
По концертот во Скопје, Националниот џез оркестар со програмата под наслов „Џез лектира“ гостува во Велес. Концертот ќе се одржи на 23 април, 2024 година, со почеток од 20 часот во театарот „Јордан Хаџи Константинов – Џинот“.
„На концертот „Џез Лектира“ се осврнуваме на дел од творештвото на Каунт Бејси биг бендот. Вилијам Џејмс, познат како Каунт Бејси е американски џез пијанист, органист, водач на бенд и композитор, познат и како „Кралот на свингот“. Во 1935 година, тој го формира оркестарот „Каунт Бејси“ и ја води оваа група скоро 50 години. Неговата работа резултира со низа иновации во музичкиот израз како употреба на два „поделени“ тенор саксофони, нагласување на ритам секцијата, рифови во биг бенд композиции, аранжери за дополнително проширување на биг бенд звукот и слично“, се наведува во соопштението на Националниот џез оркестар.
Култура
Костадиновска-Стојчевска: Саемот на книгата, во време на емотикони, е во одбрана на раскажувачите и писменоста
Министерката за култура, Бисера Костадиновска-Стојчевска, во арената „Борис Трајковски“ на отворањето на 36. издание на Саемот на книгата порача дека Министерството за култура, како покровител на овој, како што рече, „празник на книгата“, останува голем пријател и силен поддржувач на ова наше богатство.
„На годишните конкурси, од година во година, импресивен е бројот на сè повеќе пријавени квалитетни дела и од млади македонски автори. И тоа искрено нè радува. Како што нè радува и зголемениот интерес за создавање многубројни наслови и публикации за деца. Без двоумење ја добиваат нашата поддршка зашто во овие модерни времиња во кои има сè помалку зборови, а сè повеќе кратенки и емотикони, раскажувачите на приказни се чувари на писменоста“, рече министерката за култура.
Во присуство на голем број љубители на пишаниот збор, Костадиновска-Стојчевска порача дека во виртуелниот свет го нема овој опоен мирис на книгата. Само во реалниот свет, ова богатство од книги на македонски јазик од домашни и од странски автори го испишува овој простор во уште една „Приказна која се чита“.
Саемите за книги во последните години, според некои автори, кажа министерката дека прераснаа во едукативни и културни настани кои даваат можност за вмрежување преку негување на врските меѓу авторите, издавачите и читателите. Истовремено радува и сè поголемиот број посетители, што само по себе зборува многу за односот кон книгата.
Триесет и шестото издание на Саемот на книгата, што ќе трае до 24 април, во седумте саемски денови ќе понуди книги од домашни и од странски автори од над 60 издавачки куќи од земјава и од регионот.
Култура
Светска премиера на „Киука – Пред летото да заврши“ во Кан – филмот е копродукција помеѓу Грција и Македонија
„Киука – Пред летото да заврши“ (Kyuka Before Summer’s End) во режија и по сценарио на Костис Харамуданис, кој е реализиран како билатерална копродукција помеѓу Грција и Северна Македонија и е поддржан од Агецијата за филм на Република Северна Македонија, својата светска премиера ќе ја има на Канскиот филмски фестивал како дел од 32. издание на програмата ACID, што ќе се одржи од 15 до 24 мај оваа година. На „Куика“ му е доверена честа да ја отвори оваа програма.
„Лист продукција“ е македонски копродуцент на дебитантскиот филм на режисерот Харамуданис со Марија Димитрова и Игор Иванов како копродуценти, а Херетик од Грција е главен продуцент со Данае Спатхара, Јоргос Карнавас и Константинос Контовракиси како продуценти.
„Киука – Пред летото да заврши“ е приказна за едно трочлено семејство, кое како и секое лето, плови со својата едрилица до островот Порос, каде што таткото Бабис и децата Константинос и Елса, кои се веќе на прагот пред полнолетството, го минуваат годишниот одмор. Додека пливаат, се сончаат и создаваат нови пријателства на островот, децата случајно ја запознаваат Ана, жената што ги родила и ги напуштила уште во најраното детство, со што ќе почне едно горко-слатко патешествие на созревање под летното сонце, а долгогодишната огорченост на Бабис избива на површина.
Програмата на ACID (Association for the Distribution of Independent Cinema – Асоцијација за дистрибуција на независен филм) на Канскиот филмски фестивал е креирана во 1993 година и прикажува 9 долгометражни филма, фикција и документарци. Овие филмови се избираат од стотиците пристигнати филмови од цел свет од страна на петнаесетина филмаџии, членови на асоцијацијата.
Снимањето на филмот се одвиваше во октомври 2022 година во Атина и на островот Порос, а постпродукцијата се работеше на релација Атина – Скопје.
Главните улоги во филмот ги играат Симеон Цакирис, Елса Лекаку, Константинос Георгопулос, Афродита Капокаки и Елена Топалиду.
Македонската екипа во овој филм ја сочинуваат Михаил Димитров, Игор Поповски и студиата за постподукција „Аудио хаус“ и „Слобода филм“.