Култура
Избор на највпечатливите културни настани во 2009
Годинава културата беше репрезентативна и на светско ниво застапена во сите жанрови, но според интересот на македонската културна и поширока јавност и според меѓународната репутација, доминираа гостувањата на светски музички легенди
Годинава културата беше репрезентативна и на светско ниво застапена во сите жанрови, но според интересот на македонската културна и поширока јавност и според меѓународната репутација, доминираа гостувањата на светски музички легенди: Енио Мориконе, Карлос Сантана, Пети Смит, ZZ Top со солистички концерти но и на Џулиет Луис, Guano apes, Elemental, Hladno pivo, Moonspel на Бум Таксират Фестивалот ја одушевија публиката.
За одбележување во 2009 г. од домашната културна сцена е извонредно плодната година на актерот Никола Ристановски. Десетте награди освоени во странство за неговата улога во претставата „Дервишот и смртта“ на Белградско народно позориште го вбројуваат во редот на најуспешните поединци во областа на културата во 2009-та.
Спотот за Милчо Манчевски „Македонија вечна“, по првичните обвинувања за плагијаторство, беше награден на повеќе светски фестивали.
За жал, Македонија годинава го загуби доајенот на македонската литература, еден од основоположниците на македонската книжевност, меѓу основачите на Радио Скопје…., Коле Чашуле кој почина на 88-годишна возраст во Скопје.
Јануари 2009:
Промовирана e едицијата „130 тома македонска книжевност“ во МАНУ.
Романот на Гоце Смилевски „Разговор со Спиноза“ е меѓу деветте најдобри прозни дела преведени во Србија.
Февруари 2009:
Лабина Митевска е избрана за директор на фестивалот на филмска камера „Браќа Манаки“, по што фестивалот си го врати стариот сјај .
Наградата „Петре Прличко“ му е доделена на актерот Петар Мирчевски.
Изложба на фотографии на фоторепортерот Марко Георгиев во галеријата Мала Станица на која присуствуваа околу 2500посетители.
Март 2009:
Македонскиот народен театар прв пат ја додели наградата „АМФИ“ на актерот Александар Микиќ.
Април 2009:
Најпознатиот пијанист Ричард Клајдерман одржа спектакуларен концерт во Метрополис Арената во Скопје во своето прво гостување во Македонија.
Поставена е изложба на животот и делото на Чарлс Дарвин во просториите на Природонаучниот музеј во Скопје по повод 200 години од враќањето на Дарвин и 150 години од излегување на неговото дело „Потеклото на видовите“.
Мај 2009 година:
Изложба од 94 праисториски фигури од Македонија под името „Праисториски дами“ се претставени во Подгорица.
Концерт на македонскиот виртуоз на пијано Симон Трпчески и прво гостување на театарот Бољшој во Метрополис Арената во Скопје.
Никола Ристановски ја освои наградата за најдобра театарска улога за претставата „Дервишот и смртта“ на фестивалот Јоакимфест“ во Крагуевац.
Јуни 2009 година:
Со операта „Плаштот“ од Џакомо Пучини е отворено јубилејното 30-то издание на Скопско лето“.
Спотот на Манчевски „Македонија вечна“ е прогласен за најдобар туристички спот во Плок, Полска.
Режисерот Александар Поповски ја доби наградата за најдобра режија на „Стеријно позорје“ во Нови Сад за претставата „Кандид или оптимизам“.Јули 2009:
Спектакуларен концерт на Карлос Сантана во Скопје, на кој присуствуваа 18.000 посетители. Сантана заедно со својот бенд ги отсвире своите најголеми хитови.
Откриено е непроценливо археолошко богатство од златен накит, во 17 гробници од 5 век п.н.е. во Охрид. Гробниците датираат од македонско- хеленистичкиот период, од кога и потекнува и златната маска која беше откриена во 2002 година.Во концерт на познатиот композитор на филмска Музика Енио Мориконе свечено беше отворено „Охридско лето“. На отварањето присуствуваше македонскиот политички врв а почесен говор одржа претседателот на република Македонија Ѓорѓе Иванов.
Август 2009:
Промовирана првата македонска интернет страница за археолошки ископувања од страна на Паско Кузман а поддржана од Министерството за култура. На интернет страницата се презентираат сите нови но и досегашни откриени археолошки артефакти на тлото на Македонија.
Септември 2009:
Меѓународниот фестивал на филмска камера „Браќа Манаки“ свечено беше отворен во присуството на гостите: шпанската актерка Викторија Абрил, српскиот режисер Слободан Шијан, кинематографот Питер Шуситски и снимателот Јуриј Клименко.За најуспешно актерско остварување на 17-от меѓународен фестивал на камерен театар „Ристо Шишков“ е прогласена актерката Ирена Ристиќ .
На 88 годишна возраст во Скопје почина писателот и доајен на македонската литература Коле Чашуле. Негови најпознати дела се: „Вител“, „Црнила“ и „Вејка на ветрот“.
Октомври 2009:
Златната камера 300 од „Браќа Манаки“ и припадна на кинематографката Наташа Брејер за филмот „Млеко од тага“, а наградата за животно дело му беше доделена на полскиот кинематограф Питер Сушитски.
Во Музејот на современа уметност е отворена изложба на 100 литографии од циклусот „Божествена комедија“ на надрелистот Салвадор Дали. Изложбата привлече огромен интерес кај македонската публика.
Концерт на рок групата ЗиЗиТоп во салата „Борис Трајковски“ на кој присуствуваа над 5000 фанови на американската група од крајот на 80 години. На концертот ЗиЗи Топ ги потсетија фановите на своите најголеми хитови како „Give me all your loving“ и „Legs“
Излезе од печат првата македонска енциклопедија, која предизвика бурни реакции од страна на албанската политичка и интелектуална елита. Енциклопедијата беше повлечена од јавноста, но засега не е решен нејзиниот статус.
Ноември 2009:
Народниот театар од Битола одбележа 65 години постоење, а по само неколку дена најави штрајк. На барање на вработените во битолскиот театар оставка поднесе директорот Сашо Огненовски.
Македонскиот актер Никола Ристановски ја доби наградата „Раша Плаовиќ“ за улогата во претставата „Дервишот и смртта„ во Белградско народно позориште.
Декември 2009:
На овогодишното издание од Бум Таксират фестивалот гостуваа: Guano Apes, Juliette Lewis, Hladno Pivo, Elemental, Moonspel, и македонскиот ди џеј Кирил Џајковски. Таксират Бум Фестивалот во Метрополис Арената го посетија повеќе од 8000 обожаватели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
(Видео) Кафе де Анатолија во живо во Сули ан во Скопје: фузија на музика и историја
Во хармонична фузија на култура, историја и музика Кафе де Анатолија го претстави својот најнов жив настап, снимен меѓу древните ѕидови на Сули ан во Стариот базар/чаршија на Скопје.
Во соработка со Факултетот за уметности овој посебен настап ги обединува познатите уметници Маџноон (Majnoon) од Турција, Били Естебан (Billy Esteban), А. Јовевски (Aleksandar Jovevski) и Емра Кантуровски (Emrah Kanturovski) за несекојдневно музичко искуство.
Наспроти познатиот пејзаж на еден од најиконичните симболи на Скопје, овој жив настап е повеќе од само изведба – тоа е прослава на традицијата, иновацијата и универзалниот јазик на музиката.
Сули ан, карванска станица од 15 век, стои како доказ за богатата историја и културното наследство на Скопје. Почетно позната како водена крчма поради близината до реката Серава, Сули ан служела како витален дом за патници и трговци кои поминувале низ регионот. Во текот на вековите тоа ја видело менувачката историја развивајќи се од вибран пазар до центар за културна размена. Денес, тоа останува симбол на неодоливиот дух на Скопје привлекувајќи посетители од далеку, кои бараат да се потопат во неговата бурна минатост.
Вметнат во ѕидовите на Сули ан лежи Факултетот за ликовни уметности, светилник на креативност и уметнички израз. Основан во 1980 година како дел од Универзитетот „Св. Кирил и Методиј“, факултетот нуди широк спектар на курсеви во фини и визуелни уметности, го градејќи талентот на будни уметници и научници. Неговото присуство во Сули Ан дополнително ја истакнува крстосницата на традицијата и иновацијата, бидејќи студентите и факултетот истовремено се инспирираат од богатото архитектонско и културно наследство што ги опкружува.
На оваа историска и креативна позадина, настапот на Кафе Де Анатолиа се развива, ткаејќи го звучниот платно што преминува граници и жанрови. Од зафатните мелодии на кавал до пулсирачките ритмови на тамбурата, секоја нота резонира со духот на Скопје, одека се чуе низ древните коридори на Сули Ан. Маџноон (Majnoon), Били Естебан (Billy Esteban), А. Јовевски (A.Jovevski) и Емрах Кантуровски (Emrah Kanturovski) донесуваат свој уникатен талент на сцената, инфузирајќи традиционалната музика со современ печат. Додека музиката го исполнува воздухот, публиката се пренесува на патување на чувствата, опфатени во видот и звуците на Стариот базар на Скопје. Калдрмите, украсени со вековно стара архитектура, обезбедуваат живописна позадина за настапот, зголемувајќи го општото искуство за гледачите. Ова е доказ за моќта на музиката да ги обедини луѓето ширум културите и континентите, пресекувајќи го јазот помеѓу минатото и сегашноста.
Како последните ноти затихнуваат, ехото на живиот настап на Кафе Де Анатолиа престојува, оставајќи неизбришлив печат на сите кои имале среќа да го видат.
Кафе Де Анатолиa е македонска продукциска и издавачка компанија основана во 2017 година од Моника Илиева (Monika Ilieva), Никола (Nickarth а.к.а. Rialians On Earth) и Зоран Илиев (Billy Esteban). Постои од 2009 година како концепт и претставува една од основачите на новите жанрови “Organic House”, “Oriental Deep House” и “Ethno House” на светската музичка сцена. Со повеќе од 4,000 артисти-диџеји кои настапуваат глобално, нивниот каталог содржи над 6000 музички композиции (најголем светски каталог во “Organic House” жанрот. Cafe De Anatolia е најнаградуваната музичка издавачка на YouTube со 31 Creator Award, првиот македонски бренд промовиран во Њујорк на Times Square, а соработуваат со глобални брендови како Forbes, Giorgio Armani, W Hotels, Four Seasons, GoTurkiy. Многу списанија како Forbes, Billboard, Entrepreneur, Gulf News, Gothic Magazine, Influencive, The Jerusalem Post, CDA Mag и многи други публикации имаат пишувано за растечкиот тренд бренд на Cafe De Anatoliа во светот. Никола Илиев и Моника Илиева се дел од Forbes Business Council и присуствуваа на Forbes Under 30 и Forbes 30/50 Самитите по добиената ексклузивна покана од Forbes, организацијата за најуспешни млади претприемачи и бизнис лидери од целиот свет, за 2022/23/24 година.
Култура
Во галеријата „Рудиќ“ – годишна изложба на фотографии на фотоклубот ЕЛЕМА – Скопје
На втори април, во 19 часот, вторник, во Рудиќ галерија ќе биде поставена клубска изложба на фотографии, „ЕЛЕМА 2024“.
„ЕЛЕМА 2024“ е изложба која го означува креативниот и творечкиот континуитетот на ФК Елема низ долгите години постоење и промовирање на фотографската уметност.
Како прва годишна клубска изложба она ги најавува идните активности на Клубот кои секако ќе бидат претставени во периодот кој следи, со јасен акцент на индивидуалноста на авторите слободниот дух, секогаш со нов пристап и нови трендови кон создавањето на фотографијата за што ЕЛЕМА секогаш имала капацитет.
Ќе бидат изложени фотографии на реномирани македонски автори: Раде Луковиќ, Дејан Гилевски, Кирил Штрков, Вацлав Лукиќ, Цветан Гавровски, Владимир Арсовски, Катарина Николов, Драгољуб Николовски и Боро Рудиќ.
Култура
Костадиновска-Стојчевска: Ги исполнуваме препораките на УНЕСКО и заеднички овозможуваме трајна заштита на Охридскиот Регион
Министерката за култура и претседателка на Националната комисија за УНЕСКО, Бисера Костадиновска-Стојчевска, денеска во Охрид оствари работна средба со претставниците на реактивната мониторинг-мисија на УНЕСКО, која е составена од членови на Центарот за светско наследство, Меѓународниот совет за споменици и локалитети и Меѓународната унија за заштита на природата. Средбатата се одржа во Завод и Музеј – Охрид, а учество зедоа и членовите на Националниот координативен тим од нашата држава и директорката Ирена Шајн.
„Министерството за култура и Националниот координативен тим посветено работат на спроведување на препораките од УНЕСКО во делот на заштита на културното наследство. Не отстапуваме од грижата за Охридскиот Регион и зачувување на статусот на престижната листа на УНЕСКО. Уверена сум дека обединети, сите заедно, централната, локалната власт и невладиниот сектор во заедничка координација со забрзана динамика ќе продолжиме да ги исполнуваме насоките на УНЕСКО во подобрување на состојбите со реткото природно и културно наследство на нашиот регион“, потенцира Костадиновска- Стојчевска.
На средбата стана збор за актуелните состојби поврзани со заштитата на културното наследство во Охридскиот Регион, начините за надминување на предизвиците и напредокот што го има остварено државата во однос на последните препораки на УНЕСКО.
Министерката со македонските експерти ги информира членовите на реактивната мисија за сите реализирани, како и за тековните активности поврзани со препораките, како што е донесувањето на стратегискиот план за рехабилитација на природното и културното наследство на Охридскиот Регион, изработката на правни документи, меѓу кои предлог-закон за управување со светското природно и културно наследство и предлог-закон за изменување и дополнување на Законот за прогласување на старото градско јадро на Охрид за културно наследство од особено значење.
Беше дискутирано и за завршените активности за заштита на дрвената платформа во Заливот на коските, пристапот до заштитените културни добра, изработката на „упатство за иматели на недвижни културни добра во Охридскиот Регион – светско наследство на УНЕСКО“, со цел да им се помогне на имателите на недвижни културни добра во Охридскиот Регион да ги исполнат своите права и обврски.
Средбата беше дел од агендата на тридневната заедничка реактивна мониторинг-мисија на членовите од Центарот за светско наследство на УНЕСКО, Меѓународниот совет за споменици и локалитети (ИКОМОС) и Меѓународната унија за заштита на природата во прекуграничното светско наследство „Природно и културно наследство на Охридскиот регион“ во Република Албанија и во Северна Македонија.