Контакт

Актуелно

Почина Клер Холингворт, новинарката што објави дека започнала Втората светска војна

Објавено пред

Британската воена дописничка Клер Холингворт, новинарката којашто прва објави дека започнала Втората светска војна, почина во Хонгконг во 106-та година од животот.

Клер Холингворт влезе во историјата кога јавила дека Германија штотуку тргнува во инвазија врз Полска, што се смета за почетокот на Втората светска војна. Било тоа по само една седмица откако била вработена во британскиот дневен весник The Daily Telegraph.

На 29-ти август 1939 година Клер се нашла на насловните страници со извештајот „Илјада тенкови се групирани на полската граница“. Во информацијата, исто така, додала дека „десетици дивизии се подготвени да извршат напад“.

„Клубот на странските дописници (Foreign Correspondents’ Club – FCC) со жалење го објавува заминувањето на неговата омилена членка Клер Холингворт. Клер имаше истакната кариера на странски дописник, којашто започна со сензационалната вест на векот, кога објави за почетокот на Втората светска војна“, се вели во објавата на асоцијацијата чиешто седиште е во Хонгконг.

„Во месеците кои претходеле на вработувањето во Telegraph во јули 1939 година Холингворт го доби прекарот ‘Скарлет Пимперлен’ бидејќи и им помогнала на околу 3.500 Евреи да побегнат од нацистите, организирајќи ја нивната евакуација од Катовице во Велика Британија“, објави Клубот по повод нејзиниот 105-ти роденден, алудирајќи на серијата историски романи на британската баронеса Оржи кои ја следат приказната за Англичанец кој ги спасува аристократите во текот на Француската револуција.

Холингворт известувала и за воените судири во Палестина, Алжир, Иран, Египет, Пакистан, Кина, Јемен и во Виетнам. Беше, исто така, првиот западен новинар кој разговарал со иранскиот шах и известувала од Пекинг во времето на Мао Цетунг./крај/мф/сн

Актуелно

Музика, изложби и филмови на првото издание на фестивалот „Синестетика“

Објавено пред

Од

На 27 мај, со почеток во 12 часот, на ледината Шамак (над Козле, подножје на Водно) ќе се одржи првото издание на фестивалот „Синестетика“. Во склоп на програмата ќе учествуваат повеќе авторски бендови, ликовни уметници, филмаџии и ракотворци.

Музичката програма ќе ја сочинуваат бендовите: V616, Илузија, Conspiracy, Zulu 3.4, Amber Virga, Filch,Cóntact 59, Minstrel’s Gallery. Музичката програма ќе заврши со отворен jam session на кој ќе можат да се приклучат сите музичари.

По завршувањето на музичката програма, следува прикажување на кратки филмови од наши млади режисери: Анастасија Точевска, Борјан Стојков, Бруно Велјановски, Лидија Мојсо, Мирослав Илиќ, Тамара Котевска, Тања Симоновска, Трифун Ситниковски, Филип Лафазановски и Никола Поповски.

Како дел од фестивалот ќе има и изложба на која ликовните уметници ќе можат да ги изложат своите дела во отворен простор.

Pop-up shop ќе биде организиран од Теодора Ваклински на кој ќе учествуваат повеќе ракотворци: Pocket Gallery, Elena Stavreska’s artwork – Dimension ELF, Black Bird Handmade, Микери, Cone, The pun times, ПлетЕлица, Just Because. Art & Design Studio, Марио Манески, Елена Доленц, Ангела Цуцкова, Pontes65, Rabendā.

Ледината се наоѓа над населбата Козле, погоре од улицата Ловќенска, бр. 4. Патеката ќе биде обележана со знаци на кривините, а нa фан-страницата ќе биде објавено и кратко видео со насоки како се стига до локацијата. Фестивалот е организиран од група млади ентузијасти, без никакви средства и на волонтерска основа и е замислен како платформа на која младите автори ќе имаат можност да ги прикажат своите дела.

Прикажи повеќе...

Актуелно

Распишан конкурсот за најдобри песна и есеј за „Празникот на липите“

Објавено пред

Од

Друштвото на писателите на Македонија распишува конкурс за најдобра песна и најдобар есеј на манифестацијата „Празник на липите“. На конкурсот може да учествуваат сите членови на ДПМ анонимно, а изборот за најдобра песна, односно есеј, ќе го врши тричлена стручна комисија.

Песната или есејот треба да се испрати во четири примероци потпишани со шифра на адреса: улица Максим Горки, бр. 18, 1000 Скопје, или преку електронска пошта на адресата: [email protected] најдоцна до 15 јуни 2018 година.

Манифестацијата „Празник на липите“ ќе се одржи во втората половина на јуни, а точниот датум ќе биде дополнително и благовремено објавен.

Од ДПМ напоменуваат дека е потребно учесниците што ќе учествуваат по електронски пат да направат нова адреса за електронска пошта исклучиво наменета за конкурсот, која нема да ги оддава нивните лични податоци и ќе го гарантира принципот на анонимност.

Прикажи повеќе...

Актуелно

Десет концерти на „ОФФест“ од 31 мај до 5 јуни

Објавено пред

Седумнаесеттото издание на фестивалот „ОФФест“ ќе се одржи од 31 мај до 5 јуни. Програмата вклучува актуелни и врвни имиња од т.н. музика на светот (world music), од Европа, Африка, САД и Австралија. Десет концерти на три локации.

Jupiter & Okwess од Конго ќе гостува по вторпат. Fighting Windmills е единствената домашна група, со одличен нов албум, со своја премиерна концертна промоција на „ОФФест“. Dirtmusic е ол-старс група со Крис Екман (The Walkabouts), Хуго Рејс (The Bad Seeds на Ник Кејв) и Мурат Ертел (Baba Zula), и ќе се претстави во едно психоделично-рок издание.

Автентичните Officina Zoe од Италија доаѓаат со својот хипнотички транс. Од Тунис, ќе гостува Ifriqiyya Electrique со шаманско-индустриски-електро ритуал. Ориентален рок со најдоброто од Турција – Gaye Su Akyol и нејзината група. Пополноќна afro-groove забава до утринските часови со DJ Mukambo од Белгија. Магичните Barmer Boys ја продолжуваат вековната индиска музичка традиција. Trans-Aeolian Transmission ќе ни приреди свој специфичен аудио-видео перформанс. И за затворање на фестивалот, африканската кралица – Уму Сангаре. Најголемата африканска пејачка, која доаѓа од Мали.

Во четири вечери (31 мај – 3 јуни), концертите ќе се одржат во Младинскиот културен центар. На 31 мај и 1 јуни со почеток во 21  часот, а на 2 и 3 мај со почеток во 20 часот. Полноќната забава на 2 мај е со почеток по 24 часот во „Клуб Епицентар“. Завршната вечер е на 5 мај во Македонската опера и балет со почеток во 20:30 часот.

Билетите за четирите вечери во Младинскиот културен центар се по цена од 500 денари за вечер. Билетите за концертот на Уму Сангаре во Македонска опера и балет се со цена 1 200 денари за галерија и 1 500 денари за партер. Билетите за полноќната забава во „Клуб Епицентар“ се со цена од 200 денари. Комплет билетите се со привлечна цена од 1.500 денари за девет концерти. Во комплетот билети не е вклучен само концертот на Уму Сангаре.

За подетални информации посететe ja веб-страницата: www.offest.com.mk и фејсбук-страницата: www.facebook.com/OFFest.

Прикажи повеќе...

Најново

Македонија11 минута

Заев се сретна со Папата: Кирил и Методиј се темел за врските меѓу Македонија и Ватикан

Светите браќа Кирил и Методиј се силни темели за историските врски меѓу Република Македонија и Ватикан. Ваков е заклучокот од...

Македонија53 минути

Каруселот од плоштад преместен во паркот кај авионот во Аеродром

Од плоштадот во центарот на Скопје, вртелешките и возот се преместени во паркот кај авионот во населбата Аеродром. Реквизитите се...

Македонија2 часа

Ципрас: За Грција ќе биде голема победа ако има одредница пред името Македонија

Премиерот на Грција, Алексис Ципрас, ги оценил денешните преговори за името во Њујорк како критични и чувствителни и рекол дека...

Македонија4 часа

Џафери: Груевски е во психолошка криза

Претседателот на Собранието , Талат Џафери, во интервју за српската Н1 телевизиjа запрашан за неговиот личен однос со експремиерот Никола...

Европа6 часа

Долгоочекуваната уредба на ЕУ за заштита на личните податоци стапи на сила

Од денеска стапи на сила општата уредба на Европската Унија за заштита на личните податоците која Европскиот Парламент ја усвои...

Вести6 часа

Објавено видео од уништувањето на полигон за нуклеарни проби во Северна Кореја

Северна Кореја, во присуство на странски новинари, уништи полигон кој тврди дека служел за нуклеарни проби. Дописникот на „Раша тудеј“...

Вести7 часа

Ким му одговори на Трамп

По одлуката на американскиот претседател, Доналд Трамп, да ја откаже историската средба со лидерот на Северна Кореја, од Пјонгјанг соопштиле...

Македонија7 часа

Продолжуваат преговорите за името во Њујорк

Министрите за надворешни работи на Македонија и на Грција, Никола Димитров и Никос Коѕијас, денеска во Њујорк треба да ги...

Македонија7 часа

Пoсебен сообраќаен режим во Скопје поради празникот Задушница

По повод верскиот празник Задушница денеска како и во деновите од викендот (25/26 и 27.05) во периодот од 06 до...

Македонија8 часа

Заев на аудиенција кај папата Франциско

Премиерот Зоран Заев и придружната владина делегација денеска ќе присуствуваат на аудиенција кај папата Франциско во апостолската палата во Ватикан....

Свет1 ден

Трамп го откажа состанокот со Ким

Претседателот на САД, Доналд Трамп ја откажа средбата со севернокорејскиот лидер Ким Џонг-ун, планирана за на 12 јуни, соопшти Белата...

Македонија1 ден

(Видео) Заев и Борисов на заедничко чествување на Свети Кирил во Рим

Премиерот Зоран Заев, во придружба на сопругата и на владината делегација  денеска, во рамките на посетата на Република Италија и...

Топ1 ден

Ракометар на „Металург“ нападнат по синоќешниот натпревар

Дваесет и двегодишниот ракометар на „Металург“, Ф.К. од Битола бил нападнат синоќа по завршувањето на ракометниот натпревар помеѓу неговиот тим и...

Свет1 ден

„Имате 48 часа да ги напуштите САД“ – Америка протера двајца венецуелски дипломати

САД наредиja протерување на двајца венецуелски дипломати, како одговор на одлуката на претседателот на Венецуела, Николас Мадуро да протера двајца...

Македонија1 ден

20 години затвор му се закануваат на Груевски со останатите 4 обвиненија

Доколку експремиерот, Никола Груевски, биде осуден за останатите 4 обвиненија кои му ги поднесе СЈО, може да добие максимална казна...

Македонија1 ден

Истрагата за убиениот словачки новинар води до Албанци од Македонија

Истрагата за убиството на словачкиот новинар Јан Кучијак и неговата свршеница ги донела истражителите до албански бизнисмени од Македонија, кои...

Македонија1 ден

Нова рунда преговори за името во Њујорк

Денеска и утре министрите за надворешни работи на Македонија и Грција, Никола Димитров и Никос Коѕијас ќе се одржат нова...

Топ1 ден

Во тешка сообраќајка во Штип загина 21-годишна девојка

Во тешка сообраќајка во Штип, утрово животот го загуби двесет и едногодишна девојка од Свети Николе. Сообраќајката се случила на...

Македонија1 ден

Денеска дожд и грмежи, од утре потопло време

Времето денеска ќе биде променливо облачно и нестабилно, на повеќе места со пороен дожд и грмежи. Локално се очекуваат пообилни...

Македонија1 ден

ЈСП со изменет возен ред поради двата празника

Денеска и утре возниот ред на автобусите од јавниот превоз ќе биде изменет поради двата празника, 24 Мај – Денот...

Досие