Контакт

Филм

Шербеџија: Немам време да се занимавам со медиумски сплетки

Објавено пред

Познатиот светски и југословенски глумец, Раде Шербеџија, вели дека се обична лага информациите оти му се нудел на некој млад албански филмски режисер да игра во неговиот филм за Адем Јашари. „Моментно сум во Лос Анџелес каде што снимам една телевизиска серија и немам време да се занимавам со медиумски сплетки. Но, во врска со написите во весниците дека преку мојот пријател Енвер Петровци сум му се нудел на некој млад албански филмски режисер да играм во неговиот филм за Јашари, изјавувам дека станува збор за обична лага“, порача Шербеџија.

Тој во пишаната изјава оценува дека станува збор за обид на младиот режисер да го сврти вниманието на себе и на неговиот проект злоупотребувајќи го името на познатиот актер. Според Шербеџија, бесмислено е некој да му нудел таква улога, како што е бесмислено и тоа дека тој би прифатил да игра во таков филм.

„На тој млад албански режисер можам да му порачам дека сум бил пријател со многу големи албански актери – Беким Фехми, Фарук и Истреф Беголи и многу други… И сите ги носам во сцето и во моето сеќавање не само како величествени уметници туку и како чесни и горди луѓе“, вели Шербеџија. Медиумите претходно пишуваа дека косовскиот режисер и сценарист Луан Криезиу, кој подготвува филм за командантот на Ослободителната војска на Косово (ОВК) Адем Јашари, меѓу предлозите за оваа улога го имал во вид и актерот Раде Шербеџија.

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура

На „Скопје филм фестивал“ почна ретроспективата на Мето Јовановски

Објавено пред

Со врачувањето на Повелбата за исклучителен придонес во филмската уметност, синоќа во Кинотеката започна омажот на Мето Јовановски, кој е дел од програмата на 22. издание на „Скопје филм фестивал“.

Заблагодарувајќи му за легендарните улоги, повелбата му ја врачи директорот на Кинотеката, Владимир Ангелов.

„Има актери кои умеат така лесно да ве убедат во невозможното, има актери кои умеат на сè да му дадат свој печат, има актери кои умеат секоја ролја да ја направат незаборавна, има актери чија умешност едноставно ве остава без здив, има актери кои така неверојатно ги минуваат границите. Има актери за кои не сте сигурни дали го одбележале македонскиот филм или се претвориле во таков симбол по кој македонскиот филм го препознаваме. И не само филмот. Мето Јовановски е еден од оние актери кои го одбележаа македонското глумиште бидејќи без оглед дали се работи за филм или за театар неговите ролји, мали или големи, секогаш остануваат во паметење. Неговата харизма, неговиот талент, неговата особеност, без нималку претерување, се нешто кое умее на секоја улога да ѝ даде не само живот, туку боја, сила, карактер, умее да ѝ даде таков печат, кој не може никого да го остави рамнодушен“, се вели во образложението на „Скопје филм фестивал“.

Заблагодарувајќи за признанието, Јовановски рече дека радоста најмногу ја споделува со најмладата генерација која со себе носи нов филмски сензибилитет ослободен од сите стереотипи и малограѓански предрасуди.

„Да се биде актер, филмски работник, соработник, да се биде дел од филмска екипа, да се влезе во светот на креативноста, во тој тајновит волшебен свет и барем за миг да се заборави тој црно-бел свет со желба да се преточи животот во возвишен и креативен чин е чест и привилегија, но и одговорност пред оние за кои постоиме, а тоа се нашите гледачи, публиката која знае да ја вреднува нашата уметничка, креативена работа и со кои заедно го славиме творештвото – уметноста и животот како највисока универзална вредност. Да ги славиме филмот и уметноста како зрак светлина против мрачните стереотипи и сè она што ја убива душата човекова“, рече Јовановски.

По свеченоста беше прикажан филмот „Кога ќе осамне ден“ (2015) во режија на Горан Паскаљевиќ.

Кинотеката и „Скопје филм фестивал“ во овој омаж на Мето Јовановски прикажуваат вкупно осум филмови. Тоа се неговите улоги кои ги играше во регионот бидејќи Јовановски го одбележа македонското глумиште, но и југословенското и многу пошироко.
Во новата фестивалска локација, кафе-кино „Котур“ се одржа проекција на краткиот документарен филм „Виолината на Џо“ („Joe’s Violin“), кој во 2017 година беше номиниран за Оскар, а потоа и средба со Кахејн Куперман (Kahane Cooperman), американска авторка, продуцентка и режисерка, која го претстави филмот и одговараше на прашањата од публиката.

Филмот е вистинска сторија за Џо, жител на Њујорк, кој го преживеал холокаустот и на повик на една хуманитарна организација, решава да ја донира својата виолина која му помогнала да ги преживее најтешките моменти во животот. Донацијата оди во едно училиште во Бронкс, ја добива 12- годишно талентирано девојче што тешко го преживува разводот на родителите. Се работи за фасцинантна и трогателна приказна, особено кога ќе се сретнат девојчето и старецот.

„Се возев во автомобил, кога на радио слшнав повик за донирањеа инструменти за училиштата во Њујорк, си помислив дека сите тие донирани инструменти имаат своја приказна и решив малку повеќе да истражам. Успеав да стапам во контакт со Џо и уште на нашата прва средба сфатив дека неговата животна приказна, чиј дел е виолината, е навистина исклучителна. Почнав со снимање со свои средства, а дури потоа успеав да соберам повеќе пари за продукцијата на филмот. Највозбудливо беше кога се сретнаа Џо Фајнголд и Бријана Перез, ќерка на имигранти од Доминиканска Република. Таа, иако беше толку млада, разбира дека инструментот е важен сам по себе. Кога првпат се запознава со Фајнголд, таа му ја свиреше трогателната ‘Песната на Солвеиг’, последното што го слушнал од мајка му пред да го однесат во логор“, рече Куперман.

Кахејн Куперман е наградувана авторка на документарни филмови и телевизиска продуцентка. Таа продуцирала седум кратки документарни филмови за аутизам, а режирала два од нив за Ејч-би-о. Неодамна беше и извршна продуцентка и режисерка на „Ладнокрвно: убиствата на семејството Клатер“, четиричасовна крими серија за вистински криминалци за Санденс ТВ на „Амазон прајм“. Таа била извршна продуцентка за „Њујоркер претставува“, серија за „Амазон прајм“. Од 1996 до 2015 година работела во познатата телевизиска емисија „Дејли шоу со Џон Стјуарт“.

„Најтешите моменти ни беа кога се случуваа големи трагедии, како 11 септември и пукањата во американските училишта. Како да правите хумор од тоа. Но Џон Стујарт беше извонреден да ја најде вистинската мерка“, раскажуваше Куперман, која во Скопје гостуваше со поддршка на американската амбасада.

Од денешните настани, (19 април) освен проекциите на филмовите, организаторите го издвојуваат свеченото отворање на програмата „Деновите на квир-кино“ во киното „Фросина“, од 20 часот, кога ќе биде прикажан филмот „Потреси“.
Програмата и распоредот на филмовите и настаните видете ги тука. 

Прикажи повеќе...

Култура

Првиот филм на Марија Џиџева „Втора шанса“ го отвори Скопскиот филмски фестивал

Објавено пред

По синоќешното свечено отворање на 22. издание „Скопје филм фестивал“ во полната сала на кино „Милениум“ со светската и македонска премиера на играниот првенец на режисерката Марија Џиџева, денеска се одржа прес-конференција посветена на филмот „Втора шанса“.

„Ова е една современа и секојдневна женска приказна за сите нас. Иако во филмот е ставена во една историска рамка, мислам дека добро функционира и денеска затоа што се обидовме да направиме приказна за нас, особено за женските светови и нивните затворени светови. Се надевам дека ќе фунционира со публиката и дека ќе нè натера да разговараме и да комуницираме меѓусебно“, рече режисерката Џиџева.

Продуцентот Светозар Ристовски нагласи дека она што го испровоцирало да се зафати со овој проект е едноставноста и минимализмот на приказната.

„Ова беше прилично зрела приказна и она што е особено интересно во нашата средина е што се работеше за женски филм со женски ликови. Нешто што кај нас, во кинематографијата, не е толку често. Овој проект го развивавме и го работевме неколку години. Сценариото многу ми се допадна и идејата ни беше дека ни треба многу силна актерка, која и како личност би ја понела тежината на
ваков проект. Потоа ѝ се јавив на Николина Вучевиќ Зечевиќ, со која и претходно работевме и откако добивме поддршка од нашата Агенција за филм, добивме и од српскиот филмски центар и така се создаде оваа копродукција“,
рече Ристовски.

Актерката Наталија Теодосиева, која во филмот ја игра улогата на амбициозната лекарка која дознава дека е бремена, но бидејќи дејствието се случува во времето на воениот конфликт, 2001 година, таа се плаши за својата судбина и за судбината на своето неродено дете. Не знае дали треба да го задржи или да оди на специјализација во странство.
„Ова е филм за судбини на три жени во различни периоди од нивните животи, нив ги спојува и конфликтот, тој е во позадината, иако ние не зборуваме за него. Тие се среќаваат во лифтот и молчат. Не ги споделуваат своите проблеми, а сите три трпат голема штета од конфликтот“, рече Теодосиевка.
На вториот фестивалски ден, денеска, освен филмските проекции свечено ќе биде отворена  ретроспективата на актерот Мето Јовановски во 21 часот во Кинотеката.

Прикажи повеќе...

Култура

Недела на турски филмови со гостување на познати турски актери и режисери

Објавено пред

Со поддршка и во организација на Генералниот директоријат за кинематографија при Министерство за култура и туризам на Република Турција, од 23 до 26 април ќе се одржи Недела на турски филмови и кинематогрфска работилница на Турција и Северна Македонија.

Во рамки на Неделата на турски филмови ќе бидат прикажани шест играни и два документарни филмови. На проекциите ќе присуствуваат режисерите и актерите на самите филмови, а ќе биде организирана и  кинематографска работилница на Турција – Северна Македонија, на која ќе се сретнат најзначајните имиња од областа на филмот на двете земји како можност на за продлабочување на меѓусебната соработката  оваа дејност.

Отворањето на Неделата на турски филмови ќе се одржи на 23 април, вторник, во новиот комплекс на Меѓународниот балкански универзитет во Скопје каде што ќе се прикаже првиот филм „Балкајмак“, кој е снимен во Македонија. На отворањето ќе присутвуваат режисерот на филмот, Онур Тан, како и познатите актери од Турција Тарик Унлуоглу, Ѓуленај Калкан, Октај Кајнарџа, Јунус Емре Јилдиример, Мелиса Јилдиример и Сабина Тозија од Скопје. По прикажувањето на филмот, ќе се одржи дебата за филмот со режисерот и актерите.

Bal Kaymak Filmi (2018)

Кинематографската работилница на Турција – Северна Македонија ќе се одржи следниот ден, на 24, на која ќе учествуваат претставници од министерствата за култура од двете земји и познати имиња на филмската дејност од Турција и Северна Македонија.

Во филмската програмата Неделата на турски филмови во киното „Милениум“  и комплексот на Меѓународниот балкански универзитет – Скопје во неколку разни термини за проекција ќе бидат прикажани играните филмови од најновата турска продукција „Каос“ (режисер-продуцент: Семир Асланјурек), „Ајдеде – патување кон месечината“ (режисер: Абдурахман Онер; продуцент: Арзу Шенсес Онер) „Хуркуш – херојот на небото“ (режисер: Кудрет Сабанџи), „Халеф“ (режисер: Мурат Дузгуноглу) и „Сите блаженства се возможни“ (продуцент: Зулфиќар Курум). По секоја проекција публиката ќе има можност да дебатираат со самите режисери во врска со филмовите.

Двата документгарни  филма се  „Ѓобеклитепе “ на  Огуз Макал и „Тамбурица“ на Сали Салији исто така со можност за дебата по фиулмовите со гледачите и авторите.

Неделата на турски филмови свечено ќе биде затворена на 26 април со концертот на „Балканскиот симфониски оркестар на Универзитет Тракија од Турција“, кој ќе се одржи во комплексот на Меѓународниот балкански универзитет во Скопје.

Прикажи повеќе...

Најново

Македонија6 часа

,,Сведочите на рекла-кажала”, Мијалков се обиде да го дискредитира Звонко Костовски

Со поставување вкрстени прашања, ексшефот на тајната полиција Сашо Мијалков се обиде да го дискредитира сведочењето на Звонко Костовски, еден...

Македонија7 часа

(Видео) Јанушев, Кирацовски и Асани се ракуваа и ветија фер и демократски избори

Шефовите на изборните штабови на кандидатите за претседател денеска присуствуваа на средба со Државната изборна комисија од каде порачаа дека...

Избори 20197 часа

(Видео) Деркоски: Ниту една кампања не може да е кристално чиста, но оваа беше релативно мирна

Претседателот на Државната изборна комисија, Оливер Деркоски, на средбата со шефовите на изборните штабови на кандидатите за претседател оцени дека...

Македонија7 часа

(Видео) Јанакиески побарал увид во доказите за крвавиот четврток

Околу триесетина минути траеше распитот на поранешниот министер за транспорт и врски Миле Јанакиески во Обвинителството за организиран криминал и...

Македонија9 часа

Револтирана мајка: Син ми доби силна тупаница по главата поради бојата на кожата

Револтирана мајка од Скопје на Фејсбук објави дека нејзиниот 13-годишен син добил тупаница по глава, а претходно бил навредуван на...

Македонија9 часа

Надица се логираше со други имиња за да види што другите гледаат во системот, сведочеше Звонко Костовски

Обвинетата началничка во МВР, Надица Николиќ, на денешното судење за масовното прислушување познато под кодното име „Таргет-Тврдина“ го испрашуваше инженерот...

Крвав четврток10 часа

Јанакиески повикан на распит во обвинителство за крвавиот четврток

Ексминистерот за транспорт и врски, Миле Јанакиески, е повикан на распит во Обвинителството за гонење организиран криминал и корупција во...

Македонија11 час

Теренска вакцинација во училиштата против морбили

Медицински персонал денеска ќе тргне по училиштата и теренски ќе ги вакцинира оние што не ја примиле вакцината против морбили....

Европа11 час

Шпанската полиција спречи терористички напад на џихадистите за Велигден во Севиља

Шпанската полиција, наводно, спречила планиран напад на велигденските поворки во Севиља, при што во Мароко е уапсен еден џихадист, соопшти...

Избори 20191 ден

Дескоска: Ако не се избере претседател, во игра се две опции

Во игра се две опции доколку на претседателските избори не биде постигнат потребниот цензус, изјави министерката за правда, Рената Дескоска....

Македонија1 ден

На интернет објавени четири прислушувани разговори

На интернет пред неколку часа објавени се четири телефонски прислушувани разговори. Зад објавата стои извесен корисник „Илија громовник“, а разговорите се...

Избори 20191 ден

Силјановска во штабот на Пендаровски

Гордана Силјановска-Давкова денеска го посети изборниот штаб на својот противкандидат Стево Пендаровски. Таа на „Твитер“ објави дека со присутните разговарале...

Македонија1 ден

(Видео) Поплава во средното уметничко училиште во Скопје

Во средното уметничко училиште „Лазар Личеноски“ во Скопје вчера настанала поплава, откако избил вентилот за парно греење за време на...

Македонија1 ден

Нови 30 дена куќен притвор за Стевчо Јакимовски

Кривичниот суд во Скопје му определи нови 30 дена куќен притвор на поранешниот градоначалник на општина Карпош Стевчо Јакимовски во...

Свет1 ден

„Фејсбук“ без дозвола собрал адреси на е-пошта од 1,5 милион корисници

„Фејсбук“ призна дека собрал адреси на е-пошта од 1,5 милион корисници без нивно знаење и дозвола, објави Си-ен-ен. Најголемата социјална...

Свет1 ден

(Видео) Девојка во Бангладеш запалена зашто пријавила сексуална злоупотреба

Студенти ја полиле со керозин и ја запалиле нивната колешка Нусрат Џахан Рафи во училиште во Бангладеш бидејќи две недели...

Свет1 ден

Маж со канистери полни бензин и запалки сакал да влезе во катедралата во Њујорк

Триесет и седумгодишен маж e уапсен откако се обидел да влезе во катедралата Свети Патрик во Њујорк со два канистери...

Македонија1 ден

Репортери без граници: Земјава на 95. место според слобода на медиумите

Северна Македонија е на  95. место според последниот светски индекс за слободата на медиумите на Репортери без граници (РСФ), со...

Свет1 ден

„Тајм“ објави листа на највлијателни луѓе во светот

Пејачката Тејлор Свифт, телевизиската новинарка Гејл Кинг и фудбалската ѕвезда Мохамед Салах се меѓу шесттемина познати и највлијателни луѓе според...

Европа1 ден

(Видео) Португалија: Загинаа 29 германски туристи во автобус кој излета од патот на островот Мадеира

Најмалку 29 туристи од Германија загинаа синоќа во несреќа на португалскиот остров Мадеира, кога препол автобус излета од патот и...

Досие