Контакт

Филм

Европската филмска награда за 'Љубов' на Хенеке

Објавено пред

Филмот на славниот австриски режисер и сценарист Михаел Ханеке „Љубов“, приказна за двајца пензионирани париски професори по музика кои се соочуваат со тешката болест на еден од нив, е апсолутниот победник 25-то доделување на Европските филмски награди

Откако на годинешниот престижен филмски фестивал во Кан, филмот „Љубов“ на Австриецот Михаел Ханеке ја освои највисоката награда Златната палма, на свеченоста во саботата навечер во Ла Валета, главниот град на Малта, ги освои наградите за најдобар европски филм, за најдобар режисер и за најдобри женска и машка насловна ролја.

Станува збор за топол филм кој зборува за љубовта и пожртвуваноста, за кој се очекува дека на доделувањето на Оскарите идната година да излезе од категоријата странски филм, снимен е во Париз, на француски јазик и со француски актери, и да се најде во компетицијата за една од главните категории, оцени филмскиот критичар на британскиот весник The Guardian.

На прес-конференцијата по три иполчасовната свеченост, Ханеке покажа љубезна воздржаност наспроти формалните признанија. „Тоа е многу пријатно чувство. Сметам дека треба да се почитува секој поединечен гледач“, рече австрискиот режисер.

Ѕвездите на оваа впечатлива драма не можеа да присуствуваат на доделувањето на наградите за лично да ги преземат, имено 82-годишниот Жан-Луј Трентињан се наоѓа на театарска турнеја, додека 86-годишната Емануел Рива се разболела од грип.

Од другите филмови позабележително минаа британската екранизација на култниот филм на Џон Ле Кар, „Џандар, Дама, Крал, Шпион“, за сценографија на Мари Дјурковиц и за музика на Алберт Иглезиас, додека ремек-делот на Стивен Мекквин „Срамота“ е награден за фотографијата на Шон Бобит и за монтажата на Џо Волкер.

Наградата за најдобро сценарио им припадна на Тобиас Линхолм и Томас Винтерберг за данската драма „Лов“, приказна за учител во основно училиште погрешн обвинет за злоставување малолетници.

За Европско откритие на година е прогласен холандскиот филм „Каубој“ на холандскиот режисер Будевијин Кооле, а за најдобар европски документарен филм е прогласен „Зимски номади“, Швајцарецот Мануел вон Стирлер, која всушност претставува филмувана студија за швајцарските овчари.

„Најдобар анимиран филм е чешко-германската-словачка копродукција „Алоис Небел“, а романскиот „Спермен, Спајдермен или Бетмен“ е најдобриот кус фил, додека наградата за најдобар филм според изборот на публиката го доби белгиската хумористична драма „Аста ла виста“ за тројца хендикепирани девственици кои тргнуваат на турнеја по винските патишта во надеж дека нивната авантура ќе се претвори во сексуална одисеја.

Доделени беа и наградите за животно дело, која оваа година му припадна на италијанскиот филмски режисер Бернардо Бертолучи, додека Хелен Мирен е наградена за европскиот придонес на светската кинематографија. Славниот Беролучи на доделувањето на наградите се појави во инвалидска количка – „Устата ми е премногу сува за долги говори“, рече посакувајќи им на европскиот филм и на манифестацијата „долг живот“. Хелен Мирен, пак, предизвика смеа и овации од публиката „Ви благодарам што ми искажавте голема чест препознавајќи дека и јас сум е… курва. И многу, многу сум горда на тоа“, изјави Мире. Нејзиниот говор всушност беше реминисценција на описот на актерската професија изречена од француската актерка Жана Моро, кога пред пет години ја преземаше истата награда.

Годишните награди што Европската филмска академија ги доделува на европските филмови, режисери, продуценти и актери за највисоките дострели во европската кинематографија се резултат од гласањето на 2.700 членови на Академијата. Секоја втора година домаќин на свеченоста е германската престолнина Берлин, каде што пред 25 година ја втемели режисерот Вим Вендерс како пандан на американските Оскари./крај/мф/сн



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура

Прва грчко-македонско филмска копродукција поддржана од европскиот фонд „Еуримаж“

Објавено пред

Европскиот фонд за копродукција и дистрибуција на креативни кинематографски и аудиовизуелни дела – „Еуримаж“ ја поддржа и првата грчко-македонска филмска копродукција „Зад стоговите сено“ (Behind the Haystacks) во режија на младата грчка режисерка Асимина Проедроу.

Татјана Ќурчинска-Пепељугоска, национален претставник на Република Северна Македонија во „Еуримаж“, која редовно учествува во работата на Фондот, учествуваше на последната сесија на европскиот филмски фонд „Еуримаж“, чиј календарски термин беше 22-27 јуни 2020 година, а на која се евалуираа 56 копродукциски филмски проекти, од кои само 26 добија финансиска поддршка од Фондот.

Еден од проектите што ја доби поддршката е и „Зад стоговите сено“ (Behind the Haystacks), копродукција меѓу Грција и Германија, каде што како копродуцент заедно со носителот од грчката страна е и македонската продуцентска куќа „Сектор филм“ од Скопје. Ова е прв филмски проект меѓу продуцентите од Грција и Северна Македонија во соработка со Германија, кој доби финансиска поддршка од „Еуримаж“.

„Од финансиски аспект, копродукцијата не е потврдена од македонската страна бидејќи Агенцијата за филм на РСМ сѐ уште не ги објавила резултатите од јануарскиот конкурс за 2020 година. И покрај тоа, овој проект беше поддржан од претставниците на сите држави членки на ‘Еуримаж’“, изјави националниот претставник на Република Северна Македонија во „Еуримаж“, Татјана Ќурчинска-Пепељугоска.

На претходната мартовска сесија „Еуримаж“ додели грант на македонскиот проект „Преекспонирано“, во режија на Елеонора Венинова, копродукција меѓу Република Северна Македонија и Република Србија. Се очекува македонските продуценти и филмски работници да станат поприсутни во европските копродукции кога на 1.10.2020 година ќе стапи во сила ревидираната Европска конвенција за кинематографска копродукција поради многуте олеснувања што таа ги пропишува. Со оваа Конвенција македонските филмски работници ќе може да учествуваат со најмалку 5 проценти во меѓународните мултилателарни филмски копродукциии и со 10 отсто во билатералните копродукции наместо како што беше досегашна пракса, да учествуваат со најмалку 10, односно 20 проценти.

Прикажи повеќе...

Култура

300.000 луѓе сакаат да го забранат филмот во кој Исус е лезбијка

Објавено пред

Филмот „Хабит“ се најде под удар на критики во јавноста уште пред дистрибуцијата. Речиси 300.000 луѓе потпишаа петиција во обид да ја забранат дистрибуцијата на филмот, кој е карактеризиран како богохулен бидејќи Исус е прикажан како лезбијка, иако тоа не се спомнува во промотивните материјали на филмот.

Главните улоги во филмот ги имаат Бела Торн и Парис Џексон, ќерката на Мајкл Џексон. Париз го игра Исус, а во филмот се појавува и трансродната манекенка Андреја Пејиќ.

 

View this post on Instagram

 

“Bad Habits Die Hard” 🎥

A post shared by Andreja Pejic (@andrejapejic) on

„Не е случајно што во составот има голем број актери со музички талент. Ќе имаме одличен саундтрак”, рече продуцентот Донован Леич за „Ентертеинмент викли“.

Дејството на филмот ја следи Бела, која ја игра улогата на жена која има фетиш на Исус и се маскира како чесна сестра за да избегне насилна трговија со дрога.

Дел од јавноста е згрозен од ваквиот портрет на Исус и смета дека филмот ги исмева христијанството и верниците.

Датумот на премиерата сè уште не е познат.

Прикажи повеќе...

Култура

Друштвото на филмските работници ги поддржа мерките за спас на македонската кинематографија

Објавено пред

На последното собрание на Друштво на филмските работници на Македонија беа разгледувани мерките донесени од страна на Агенцијата за филм на РСМ – првата, за ургентно префрлување рата за проектите што се завршени или се во поодмината фаза на реализација, и втората, во соработка со ДФРМ, која претставува директна финансиска помош за независните филмски работници, оние кои егзистираат единствено од работа на филмски проекти и немаат приходи по други основи.

На собранието на ДФРМ едногласно беше донесен заклучок дека со индигнација се отфрлаат и осудуваат неодамнешните написи во одредени медиуми, како и обвиненијата на поединци во врска со споменатите мерки.

„Политичките притисоци на тие поединци, каде што се издвојува името на нашиот режисер Милчо Манчевски, претставуваат атак на домашната кинематографија, со единствена цел да се остварат лични интереси во време на предизборни активности на политичките партии. Ваквото однесување нè враќа кон времињата на едноумие и нетранспарентност, кога огромни средства со години се префрлуваа на поединци и им беа исплаќани екстремно високи хонорари. На тој начин се оставаше малку простор за афирмација и работа на голем дел од филмската фела, посебно кај младите професионалци“, велат од Друштвото на филмските  работници.

„ДФРМ“ испраќа апел до политичките партии и одредени медиуми да не подлегнуваат на притисоците и манипулативните конструкции кои ги лиферуваат поединци за сопствен бенефит. Сметаат дека треба јасно и недвосмислено да се искаже ставот дека е недозволиво македонската филмска фела да биде заложник на таквите интереси и со тоа да назадува националната кинематографија.

Друштвото на филмските работници на Македонија е единственото релевантно струково здружение од областа на филмот во нашата земја. „ДФРМ“ e член е на IMAGO, светската асоција на кинематографери, член на FERA, европската асоцијација на филмски режисери, основач е и организатор на Интернационалниот фестивал на филмска камера „Браќа Манаки“ и ја поседува лиценцата за избор на национален претставник за наградата Оскар, доверена од страна на Американската академија за подвижни слики, уметност и наука. Оваа година Друштвото на филмските работници прославува 70 години од своето основање.

Прикажи повеќе...

Најново

Македонија36 минути

Регистрирани 115 новозаразени и седуммина починати од Ковид-19

Министерството за здравство информира дека во последните 24 часа се направени 1.032 тестирања, а регистрирани се 115 нови случаи на...

Топ1 час

Од куќа во Скопје украдени речиси милион евра

Скопјанец на возраст од 58 години во вечерните часови на 4 јули пријавил тешка кражба во неговиот дом. Според пријавеното,...

Македонија3 часа

Битолчаните кои претрпеле штети од поројниот дожд ќе може да аплицираат за помош од општината

По обилните врнежи од дожд, кои синоќа ја зафатија Битола и по целоноќните интервенции на терен од страна на екипите,...

Македонија4 часа

Уролог од Тетово е прв починат доктор со Ковид-19 во земјава

Министерот за здравство, Венко Филипче, на социјалните мрежи објави дека во градската болница ,,8 Септември” во Скопје, на 64 годишна...

Топ5 часа

Еден загинат и тројца ранети во пресметка со ножеви и пиштол во Батинци

Во вечерните часови на 4 јули во скопската полиција било пријавено дека во градската болница „Св. Наум Охридски“ со повреди...

Европа5 часа

Курц: Правиме сè за да спречиме ново затворање порди коронавирусот

Австрискиот канцелар Себастијан Курц истакна дека сака да спречи ново затворање на земјата, поради што е важно брзо да се...

Свет7 часа

Раперот Канје Вест најави дека влегува во претседателската трка, доби поддршка од Илон Маск

Американскиот рапер Канје Вест во саботата на „Твитер“ објави дека ќе се кандидира на претседателските избори во ноември и ќе...

Свет19 часа

СЗО: Забележан нов рекорд на новозаразени во еден ден

СЗО објави дека во последните 24 часа во светот се регистрирани 212.326 нови случаи на коронавирус, што претставува рекордно зголемување...

Македонија22 часа

147 новозаразени и шестмина починати во изминатите 24 часа

Министерството за здравство информира дека во последните 24 часа се направени 1.296 тестирања за Ковид-19, а регистрирани се 147 нови...

Европа23 часа

Рација во 15 италијански региони поради снимање и споделување на детска порнографија

Три лица се уапсени во Италија, а 50 се под истрага поради порнографска злоупотреба на деца, вклучително и новороденчиња. Сликите...

Македонија1 ден

Сафет Бишевац позитивен на коронавирус

Сафет Бишевац, кандидат за пратеник од листата на ВМРО-ДПМНЕ, на Фејсбук објави дека е позитивен на коронавирус. Тој вели дека...

Регион1 ден

Расте бројот на заразени туристи во Грција, на Скијатос слетала Србинка позитивна на коронавирус

По случајот со семејство од Белград кое било „депортирано“ од Грција, откако било утврдено дека мажот е позитивен на коронавирус,...

Македонија1 ден

Болницата „8 Септември“ тврди: Ова е ковид болница, нема листа на чекање за итни операции

Болницата „8 Септември“ во Скопје соопшти дека не постои листа на чекање за итни хируршки интервенции. „ЈЗУ ГОБ „8 Септември“...

Европа1 ден

Истрага против поранешниот француски премиер и министри поради Ковид-19

Францускиот специјален суд нареди да започне истрага против поранешниот премиер Едуард Филип и двајца министри за здравство во врска со...

Спорт1 ден

Поддршка за Ѓоковиќ од центарот на Загреб (Фото)

Голем транспарент со поддршка за Новак Ѓоковиќ се појави во центарот на хрватската престолнина Загреб. „Имаме право да дишеме. Стоп...

Регион1 ден

На Косово 114 новозаболени од коронавирус – жариште има на подножјето на Шар Планина

Националниот институт за јавно здравје во Приштина објави дека во Косово се регистрирани 114 нови случаи на Ковид 19, пишува...

Свет1 ден

Русија ќе подготви 70 милиони дози вакцини за Ковид-19, привичните тестови се успешни

Две недели откако започнаа клиничките тестирања врз група волонтери на руската вакцина против Ковид-19, нема никакви негативни ефекти, со што...

Свет1 ден

За коронавирус тестирани 10 милиони луѓе во Кина

Градските власти во Пекинг објавија дека 10,4 милиони луѓе, или околу половина од жителите на кинеската престолнина,се тестирани за присуство...

Свет1 ден

Четири лица загинаа, а 97 се повредени во експлозијата во Турција

Четири лица загинаа, а 97 од 186 вработени се повредени при експлозијата во фабрика за пиротехника во Турција. Фабриката е...

Свет1 ден

Првите резултати од лекот против Ковид-19 се очекуваат за две недели

Светската здравствена организација ги очекува во следните две недели првичните резултати од клиничкото тестирање на лекови кои би можеле да...

Досие