Филм
Британецот Кен Лоуч добитник на Златната палма во Кан
Филмот на британскиот режисер Кен Лоуч под наслов „Јас, Даниел Блејк“ (I, Daniel Blake) е прогласен за најдоброто остварување на штотуку завршеното 69-то издание на Меѓународниот филмски фестивал во Кан, соопшти на свечената церемонија во неделата вечерта жирито во Дворецот на фестивалот на шеталиштето Кроазет.
„Канскиот фестивал е многу важен настан за целиот свет. Останете силни“, им порача на француски јазик Кен Лоуч на организаторите на смотрата.
Златната палма ѝ припадна на социјалната драма за судбината на „малиот човек“. Главниот лик во филмот е повозрасниот столар Данеил Блејк, кому му е забрането да работи по преживеаниот срцев удар. Наоѓајќи се во тешка ситуација, тој се соочува со рамнодушноста на државната машинерија, но се обидува да продолжи да живее достоинствено.
Гран-при наградата, втората по важност по Златната палма, на годинешното издание на Канскиот филмскиот фестивал му припадна на канадскиот режисер Ксавиер Долан „Само крајот на светот“ (Juste la fin du monde).
Качувајќи се на сцената да го прими признанието, младиот канадски режисер одвај го додржа солзите. „Сé што правиме во животот, го правиме со цел да бидеме сакани, да бидеме прифатени. Ќе продолжам да правам филмови сиот мој живот, без разлика дали ќе ме сакаат или не“, рече Долан.
Херој во филмот на психолошката драма на Долан е успешен млад писател, кој во момчештвото го напушта домот поради несогласувањето со семејството поради неговата сексуална ориентација. Многу години подоцна тој се враќа во домот, за да им соопшти дека е смртно болен и оти наскоро ќе умре.
Главните ролји во филмот ги толкуваат ѕвездите на француската кинематографија, Марион Котијар, Венсан Касел, Леа Сејду. Сценариото е работено на основа на пиесата на францускиот писател Жан-Лук Лагарс, кој и самиот почина од СИДА во 1995 година.
Наградата за најдобар режисер годинава во Кан ја добија двајца режисери – Французинот Оливие Ассејас и Романецот Кристијан Мунгиу.
Францускиот режисер ја добри наградата за филмот „Личен купувач“ (Personal Shopper) кој се занимава со животот на млада Американка во Париз, која работи како асистент на славна личност, грижејќи се за нејзината гардероба. Хероината не ја сака својата работа, но не може да најде подобар начин да заработи за живото во Франција. Но одненадеж таа почнува да добива анонимни пораки.
Романецот, пак, е награден за филмот „Bacalaureat“. Во центарот на оваа социјална драма е историјата на провинциско романско семејство во кое единствената ќерка се подготвува за матурскиот испи. Високата оценка би ѝ овозможил на девојката да го продолжи школувањето во Англија, за што мечтае таткото. Но пред самиот испит сите надежи потонуваат, на само неколку чекори од училиштето таа доживува обид за силување и паѓа на испитот.
Наградата Златна камера за прв игран филм за која годинава претендираа 23 дебитанти, отиде кај францускиот со мароканско потекло Худ Бенјамин за филмот „Божествена“ (Divines). Ова е негово дебитантско режисерско остварување во кој двата лика се две тинејџерки најдобри пријателки кои живеат во едно проблематично предградие во Франција.
Иранскиот актер Шахаб Хосеин ја доби наградата за најдобра машка улога во филмот „Forushande“ на иранскиот режисер Асгар Фархади. Социјалната драма раскажува за 51-годишен маж кој по 20-месечно барање работа добива задолжение, кое го става пред етичка дилема и од неговиот избор зависи дали ќе го сочува тешко добиената работа.
Добитничка на наградата за најдобра актерка е филипинската глумица Жаклин Хозе, „Не знам што да кажам.. Не го очекувам ова“, изјави возбудената актерка.
Жаклин Хозе ја доби наградата за улогата во филмот „Ma’Rosa“ (Мама Роза) на филипинскиот режисер Брилијанте Мендоза, во кој е мајка на четири деца и држи мало кафуле во една од најсиромашните населби во Манила. За да врзат крај со крај, таа и сопругот се решаваат и да препродаваат дроги.
За најдобар режисерка на 69-от Кан жирото ја прогласи британската режисерка Андреа Арнолд за филмот „Американски мед (American Honey). Неговиот филм ја следи приказната за млада девојка која крстосува по американскиот Среден Запад продавајќи претплата на списание, но наскоро наоѓа ново друштво со кое влегува во авантури и искушенија.
За Арнолд ова е веќе трета награда во Кан, откако претходно во 2006 година ја освои за филмот „Црвениот пат“ (Red Road), и за „Аквариум“ во 2009 година.
Почесната палма годинава му беше доделена на францускиот актер Жан-Пјер Лео, за достигнувања во светската кинематографија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Светска премиера на „Киука – Пред летото да заврши“ во Кан – филмот е копродукција помеѓу Грција и Македонија
„Киука – Пред летото да заврши“ (Kyuka Before Summer’s End) во режија и по сценарио на Костис Харамуданис, кој е реализиран како билатерална копродукција помеѓу Грција и Северна Македонија и е поддржан од Агецијата за филм на Република Северна Македонија, својата светска премиера ќе ја има на Канскиот филмски фестивал како дел од 32. издание на програмата ACID, што ќе се одржи од 15 до 24 мај оваа година. На „Куика“ му е доверена честа да ја отвори оваа програма.
„Лист продукција“ е македонски копродуцент на дебитантскиот филм на режисерот Харамуданис со Марија Димитрова и Игор Иванов како копродуценти, а Херетик од Грција е главен продуцент со Данае Спатхара, Јоргос Карнавас и Константинос Контовракиси како продуценти.
„Киука – Пред летото да заврши“ е приказна за едно трочлено семејство, кое како и секое лето, плови со својата едрилица до островот Порос, каде што таткото Бабис и децата Константинос и Елса, кои се веќе на прагот пред полнолетството, го минуваат годишниот одмор. Додека пливаат, се сончаат и создаваат нови пријателства на островот, децата случајно ја запознаваат Ана, жената што ги родила и ги напуштила уште во најраното детство, со што ќе почне едно горко-слатко патешествие на созревање под летното сонце, а долгогодишната огорченост на Бабис избива на површина.
Програмата на ACID (Association for the Distribution of Independent Cinema – Асоцијација за дистрибуција на независен филм) на Канскиот филмски фестивал е креирана во 1993 година и прикажува 9 долгометражни филма, фикција и документарци. Овие филмови се избираат од стотиците пристигнати филмови од цел свет од страна на петнаесетина филмаџии, членови на асоцијацијата.
Снимањето на филмот се одвиваше во октомври 2022 година во Атина и на островот Порос, а постпродукцијата се работеше на релација Атина – Скопје.
Главните улоги во филмот ги играат Симеон Цакирис, Елса Лекаку, Константинос Георгопулос, Афродита Капокаки и Елена Топалиду.
Македонската екипа во овој филм ја сочинуваат Михаил Димитров, Игор Поповски и студиата за постподукција „Аудио хаус“ и „Слобода филм“.
Филм
Утре се отвора четвртиот Фестивал на грчки филм
Утре, на 7 април 2024 година, во 20 часот, во Кинотеката на Северна Македонија (Никола Русински 1, Скопје 1000) ќе биде отворено четвртото издание на Фестивалот на грчки филм. На отворањето ќе биде прикажан кусометражниот филм „Тишината на рибата кога умира“ на Василис Кекатос (2019, 19′), а потоа долгометражниот филм „Не би сакал да сум непристоен, но треба сериозно да разговараме“ на Јоргос Георгопулос (2019, 99′).
Ова се две црни комедии во кои што идејата за смртта се прикажува со доза на хумор. Филмот „Тишината на рибата кога умира“ учествуваше на некои од најважните фестивали како Sundance, а Василис Кекатос е еден од најважните претставници на кусометражните филмови со многу награди, вклучително и Златна палма во Кан.
Фестивалот е во ко-организација на Амбасадата на Грција во Скопје и Меѓународниот филмски фестивал Киненова спонзориран од фирмите Armos Balkan и Mermeren.
Влезот е бесплатен.
Култура
Во февруари 50-годишен јубилеј на Кинотека: Старите вредности во нови контексти
Пред 5 децении е формирана македонската кинотека. Честитки за сето она што досега го направила оваа значајна културна установа. Една од основните дејности на филмскава институција е да го прикаже сето она што го има, и ново и старо; ова второто во нови контексти и изданија. Тоа ќе биде карактеристика на програмата на најкусиот месев во годината – февруари. Календарски, ќе трае 29 дена. Ете можност да се види сето она што кинотеката го подготвила за февруарските денови.
Ќе се стартува со премиерна проекција. Со филм кој има наслов СЛОБОДА. Тоа е краткометражен филм во омнибус формат, чијшто автор е филмскиот критичар Златко Ѓелески. Веднаш потоа враќање децении наназад. Ќе бидат проектирани неколку архивски филмски записи од 1912 до 1952. Тоа се дел од новопримените кино-материјали што кинотеката ги прибра во текот на изминатата година.
Кинотека се решила, враќајќи се децении наназад, да потсети на филмовите создадени во 40-тите, 50-тите, 60-тите, 80-тите, 90-тите и 2000-тите. Режисерите се од различни земји – Италија, Франција, Германија, Шведска, САД. Ставени се во различни контексти, во нови програми. Всушност, станува збор за циклуси на Великаните на фестивалот на филмската камера БРАЌА МАНАКИ и пократок цилкус филмови на францускиот режисер на т.н. француски нов бран Луј Мал.
Во исклучително богатата кинотечна понуда се и неколку филмови на чехословачкиот режисер, оскаровецот Јан Кадар.
Она што е многу интересно, многу потребно за да се знае и запамети, се петте документарни македонски филмови со етнолошка содржина. Во нив е забележана традицијата, обработени се народни и религиозни обичаи од средината на 20-тиот век. Во четири од нив Вера Кличкова, пионерот на етнолошкиот филм кај нас, е сценарист, режисер или консултант.
Филмофилите ќе бидат почестени да го видат сигурно еден од најозборуваните лански филмови – НАПОЛЕОН на Ридли Скот. Во различните оценки за филмот доминираат, што е сосема разбирливо, Англичаните и Французите. Едните го фалат, другите го кудат. Критиките за најновата продукција на Скот се поделени, но не смее да се изостави фактот дека, и покрај одредени пропусти, станува збор за прецизно сработен биопик. Дело кое функционира на неколку нивоа – како биографска сторија, историска рекреација, но и омаж кон еден од омилените филмови на Ридли Скот – Бари Линдон од 1975, по сценарио и режија на Стенли Кјубрик.
Уште една филмска творба којашто предизвика интерес и претежно позитивни рецензии – УБИЈЦИ НА ЦВЕТНАТА МЕСЕЧИНА на Мартин Скорсезе– ќе биде проектирана во кино салата на Кинотека месецов.
Во финалето на месецов, ќе погледнеме два филма со музичка содржина. Познатиот ТОМИ, рок операта на Кен Расел, ќе биде прикажана на оригинална 35 милиметарска лента. Новитетот е музичкиот документарец за екс ју панк легендите Панкрти. Специјален гостин на кинотеката тие денови ќе биде фронтменот на групата, Перо Ловшин.
Февруари е можеби календарски пократок месец , но затоа ќе биде исполнет со исклучително богата кино-програма.