Филм
Џесика Частејн и Винсен Линдон го отворија 69-от филмски фестивал во Кан
„Да живее филмот, да живее Кан, да живеат жените“, извикнаа францускиот актер Винсен Линдон и неговата американска колешка Џесика Частејн отворајќи го во средата вечерта 69-то издание на филмскиот фестивал во Кан, кој според програмата и учесниците е најголемиот собир во филмскиот свет, а годинава се одржува под силно полициско обезбедување.
„Да живее филмот, да живее Кан, да живеат жените“, извикнаа францускиот актер Винсен Линдон и неговата американска колешка Џесика Частејн отворајќи го во средата вечерта 69-то издание на филмскиот фестивал во Кан, кој според програмата и учесниците е најголемиот собир во филмскиот свет, а годинава се одржува под силно полициско обезбедување.
Пред отворањето на фестивалот бројни ѕвезди продефилираа на црвениот тепих, меѓу кои Сузан Сарандон, Џулијан Мур, Ева Лонгорија и Викторија Бекам, а на славното шеталиште Кроазет се очекуваат и други ѕвезди како Адам Драјвер, Кристен Стјуарт, Винсен Касел, Марион Котијар, Жулиет Бинош, Рајан Голсин, Изабел Ипе, Шарлиз Терон…
Винсен Линдон, кој минатата година беше прогласен за најдобар актер во Кан и Џесика Частејн, актерка во „The Tree od Life“ во ист глас го прогласија фестивалот за отворен. Отворањето мина со срастен филмски бакнеж, симбол на она што се случува само на филмското платно, меѓу водителот, францускиот актер Лорен Лафит и дивата Катрин Денев.
Фестивалот во Кан беше отворен со премиерната проекција на најновиот филм, 49-ти во опусот на култниот американски режисер кој последната деценија твори во Европа, Вуди Ален, под наслов „Cafe Society“, кој беше прикажан надвор од конкуренцијата. Следните денови ќе бидат прикажани вкупно 84 филмови, од кои 21 ќе се натпреваруваат на најпрестижното признание Златната палма на Кан.
Церемонијата на отворањето на фестивалот заврши со оддавање почест на неодамна починатата американска поп ѕвезда Принс. Пејачот Матје Шедид ја отпеа акустичната верзија на „Purple Rain“.
Во конкуренцијата за Златната палма, за која ќе одлучува жирито со коешто претседава австралискиот режисер, сценарист и продуцент Џорџ Милер, ќе бидат прикажани 21 филм, меѓу кои и најновите дела на Педро Алдомовар, браќата Дарден, Ксавиед доланб, Џим Џармуш, Пол Верховен, Ашгар Ферхади, Кен Лоах, Џоди Фостер, Џеф Николс и „Sieranevada“ на романскиот режисер Кристи Пуиу кој ќе биде премиерно прикажан во четвртот, а во кој Македонија учествува со малцински копродукциски удел преку е Лабина Митевска од продуцентската куќа „Сестри и Брат Митевски“.
Алдомовар ќе се престави со филмот „Juliet“, Џармуш со „Paterson“, а Шон Пен со „The Last Face“. Во конкуренцијата уште се и „Personal Shopper“ на Французинот Франсез Оливие Асејаз, „Juste la fin du monde“ (Само крајот на светот) на канадскиот режисер Ксавиер Долан, „La Fille inconnue“ (Непознато девојче) на белгиските режисери Лук и Жан Дарден и филмот „I, Daniel Blake“ на Британецот Кен Лоах.
Филмот на Стивен Спилберг „BFG“, адаптација на книгата на британскиот писател Роалд Дал – „Big Friendly Giant“, ќе биде прикажан надвор од конкуренцијата, како и филмот на Џоди Фостер „Money Monster“ во кој глумат Џулија Робертс и Џорџ Клуни.
Актерите Кирстен Данст и Доналд Сатерленд, како и унгарскиот режисер Ласло Немеш како последни му се придружија на жирито коешто ќе одлучува за наградите, кое под претседавањето на австралискиот режисер, сценарист и продуцент Џорџ Милер, чиј филм „Побеснетиот Макс: Див пат“ со проекција вон конкуренцијата минатиот мај го започна својот фантастичен поход по кино салите низ светот, ќе ги оценуваат 21-от филм во официјалната конкуренција. Во жирито се уште и данскиот актер Мадс Микелсен, француската актерка и пејачка Ванеса Паради, францускиот режисер Арно Деспешен, италијанската актерка и режисерка Валериа Голино и иранскиот продуцент Катајун Шахаби./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Светска премиера на „Киука – Пред летото да заврши“ во Кан – филмот е копродукција помеѓу Грција и Македонија
„Киука – Пред летото да заврши“ (Kyuka Before Summer’s End) во режија и по сценарио на Костис Харамуданис, кој е реализиран како билатерална копродукција помеѓу Грција и Северна Македонија и е поддржан од Агецијата за филм на Република Северна Македонија, својата светска премиера ќе ја има на Канскиот филмски фестивал како дел од 32. издание на програмата ACID, што ќе се одржи од 15 до 24 мај оваа година. На „Куика“ му е доверена честа да ја отвори оваа програма.
„Лист продукција“ е македонски копродуцент на дебитантскиот филм на режисерот Харамуданис со Марија Димитрова и Игор Иванов како копродуценти, а Херетик од Грција е главен продуцент со Данае Спатхара, Јоргос Карнавас и Константинос Контовракиси како продуценти.
„Киука – Пред летото да заврши“ е приказна за едно трочлено семејство, кое како и секое лето, плови со својата едрилица до островот Порос, каде што таткото Бабис и децата Константинос и Елса, кои се веќе на прагот пред полнолетството, го минуваат годишниот одмор. Додека пливаат, се сончаат и создаваат нови пријателства на островот, децата случајно ја запознаваат Ана, жената што ги родила и ги напуштила уште во најраното детство, со што ќе почне едно горко-слатко патешествие на созревање под летното сонце, а долгогодишната огорченост на Бабис избива на површина.
Програмата на ACID (Association for the Distribution of Independent Cinema – Асоцијација за дистрибуција на независен филм) на Канскиот филмски фестивал е креирана во 1993 година и прикажува 9 долгометражни филма, фикција и документарци. Овие филмови се избираат од стотиците пристигнати филмови од цел свет од страна на петнаесетина филмаџии, членови на асоцијацијата.
Снимањето на филмот се одвиваше во октомври 2022 година во Атина и на островот Порос, а постпродукцијата се работеше на релација Атина – Скопје.
Главните улоги во филмот ги играат Симеон Цакирис, Елса Лекаку, Константинос Георгопулос, Афродита Капокаки и Елена Топалиду.
Македонската екипа во овој филм ја сочинуваат Михаил Димитров, Игор Поповски и студиата за постподукција „Аудио хаус“ и „Слобода филм“.
Филм
Утре се отвора четвртиот Фестивал на грчки филм
Утре, на 7 април 2024 година, во 20 часот, во Кинотеката на Северна Македонија (Никола Русински 1, Скопје 1000) ќе биде отворено четвртото издание на Фестивалот на грчки филм. На отворањето ќе биде прикажан кусометражниот филм „Тишината на рибата кога умира“ на Василис Кекатос (2019, 19′), а потоа долгометражниот филм „Не би сакал да сум непристоен, но треба сериозно да разговараме“ на Јоргос Георгопулос (2019, 99′).
Ова се две црни комедии во кои што идејата за смртта се прикажува со доза на хумор. Филмот „Тишината на рибата кога умира“ учествуваше на некои од најважните фестивали како Sundance, а Василис Кекатос е еден од најважните претставници на кусометражните филмови со многу награди, вклучително и Златна палма во Кан.
Фестивалот е во ко-организација на Амбасадата на Грција во Скопје и Меѓународниот филмски фестивал Киненова спонзориран од фирмите Armos Balkan и Mermeren.
Влезот е бесплатен.
Култура
Во февруари 50-годишен јубилеј на Кинотека: Старите вредности во нови контексти
Пред 5 децении е формирана македонската кинотека. Честитки за сето она што досега го направила оваа значајна културна установа. Една од основните дејности на филмскава институција е да го прикаже сето она што го има, и ново и старо; ова второто во нови контексти и изданија. Тоа ќе биде карактеристика на програмата на најкусиот месев во годината – февруари. Календарски, ќе трае 29 дена. Ете можност да се види сето она што кинотеката го подготвила за февруарските денови.
Ќе се стартува со премиерна проекција. Со филм кој има наслов СЛОБОДА. Тоа е краткометражен филм во омнибус формат, чијшто автор е филмскиот критичар Златко Ѓелески. Веднаш потоа враќање децении наназад. Ќе бидат проектирани неколку архивски филмски записи од 1912 до 1952. Тоа се дел од новопримените кино-материјали што кинотеката ги прибра во текот на изминатата година.
Кинотека се решила, враќајќи се децении наназад, да потсети на филмовите создадени во 40-тите, 50-тите, 60-тите, 80-тите, 90-тите и 2000-тите. Режисерите се од различни земји – Италија, Франција, Германија, Шведска, САД. Ставени се во различни контексти, во нови програми. Всушност, станува збор за циклуси на Великаните на фестивалот на филмската камера БРАЌА МАНАКИ и пократок цилкус филмови на францускиот режисер на т.н. француски нов бран Луј Мал.
Во исклучително богатата кинотечна понуда се и неколку филмови на чехословачкиот режисер, оскаровецот Јан Кадар.
Она што е многу интересно, многу потребно за да се знае и запамети, се петте документарни македонски филмови со етнолошка содржина. Во нив е забележана традицијата, обработени се народни и религиозни обичаи од средината на 20-тиот век. Во четири од нив Вера Кличкова, пионерот на етнолошкиот филм кај нас, е сценарист, режисер или консултант.
Филмофилите ќе бидат почестени да го видат сигурно еден од најозборуваните лански филмови – НАПОЛЕОН на Ридли Скот. Во различните оценки за филмот доминираат, што е сосема разбирливо, Англичаните и Французите. Едните го фалат, другите го кудат. Критиките за најновата продукција на Скот се поделени, но не смее да се изостави фактот дека, и покрај одредени пропусти, станува збор за прецизно сработен биопик. Дело кое функционира на неколку нивоа – како биографска сторија, историска рекреација, но и омаж кон еден од омилените филмови на Ридли Скот – Бари Линдон од 1975, по сценарио и режија на Стенли Кјубрик.
Уште една филмска творба којашто предизвика интерес и претежно позитивни рецензии – УБИЈЦИ НА ЦВЕТНАТА МЕСЕЧИНА на Мартин Скорсезе– ќе биде проектирана во кино салата на Кинотека месецов.
Во финалето на месецов, ќе погледнеме два филма со музичка содржина. Познатиот ТОМИ, рок операта на Кен Расел, ќе биде прикажана на оригинална 35 милиметарска лента. Новитетот е музичкиот документарец за екс ју панк легендите Панкрти. Специјален гостин на кинотеката тие денови ќе биде фронтменот на групата, Перо Ловшин.
Февруари е можеби календарски пократок месец , но затоа ќе биде исполнет со исклучително богата кино-програма.