Контакт

Филм

Македонскиот хип хоп филм „Сложувалка“ со интернационална награда

Објавено пред

Македонскиот документарен хип хоп филм „Сложувалка“ се враќа со награда од фестивалот Dok’ n’ Ritam, кој годинава од 24 до 26 јуни за првпат се одржа во Белград.

Платформата на фестивалот се заснова на музички филмски документарци, а во конкуренција од повеќе филмови, „Сложувалка“ доби специјална награда уметничка искреност. За успехот на филмот во Србија говори и фактот дека истиот од гласовите на публиката го освои второто место и за интересот на гледачите за неговата презентација.

 

Филмот е реализиран од страна на Александар Ковилоски, Ѓоре Милевски и Небојша Милосављевиќ, членови на oрганизацијата Хип Хоп Македонија, и на уметнички начин го прикажува сложувањето на деловите од приказната за македонскиот хип хоп. Во него учество земаат најпознатите македонски хип хоп артисти и активисти од почетокот на создавањето на макрап сцената до денес.

 

Хип хоп документарецот во текот на месец мај на манифестацијата МАН (Македонски Алтернативни Награди) ја освои наградата за најдобар македонски документарец за 2015 година. Следниот фестивал на кој „Сложувалка“ ќе биде прикажан е популарниот хрватски DORF фестивал, на 12 август оваа година. Претходно, филмот ги доби и симпатиите на уметничкиот филмски IOF фестивал во Бангладеш, на почетокот од јуни годинава. Ова е уште еден успех и уште еден пример за искрените обиди на македонските уметници да ја претстават македонската култура надвор од сопствените граници./крај/со/бб



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура

Филмска ревија „Златна рамка“ со 25 нови македонски филма во кино „Фросина“

Објавено пред

Дваесет и пет македонски филма реализирани минатата година со поддршка на Агенцијата за филм ќе бидат прикажани од 22 до 24 февруари во кино „Фросина“ на ревијата „Златна рамка“ која ја организира Друштвото на филмските работници на Македонија – ДФРМ. На ревијата под мото „Влези во наш филм“ ќе бидат прикажани два долгометражни филма („Година на мајмунот“ на Владимир Блажевски и „Враќање“ на Кастриот Абдили), седум документарни и 16 кратки филмови.

Проекциите се бесплатни, а проекциите почнуваат во  17 часот со документарни филмови. Кратките ќе бидат прикажувани од 19 часот во првите два дена и од 20 часот третиот ден, а двата долгометражни се од 21 часот – „Враќање“ на 22 февруари и „Година на мајмунот“ на 24 февруари.

Покрај филмови, во сите три дена од 11:30 часот ќе има и работна програма која в петок вклучува свеченото Собрание на ДФРМ, а Друштвото в сабота од 21 часот ќе додели и три почесни награди – за филмски автор, актер и за филмски работник.

В сабота од 11:30 во фојаето на „Фросина“ дескот на Медија – потпрограма на „Креативна Европа“ на ЕУ ќе организира презентација за начинот на аплицирање кај филмските фондови наменета за продуценти и филмски професионалци, а в недела во истиот термин и место ќе биде организирана тркалезна маса за филмската критика, насловена „Нема успешна кинематографија без филмска критика“. Тркалезната маса е отворена за сите оние кои сакаат да пишуваат филмски критики или во каква и да е друга пишана форма да дадат свое мислење за извесно филмско дело.

„Сметаме дека една кинематографија не може да биде комплетна ако нема силна филмска критика. Затоа сметаме дека треба да се создаде нов бран на филмски критичари кои за време на ‘Златна рамка’ ќе можат да ги погледнат филмовите од својата кинематографија и да напишат некоја критика, осврт или рецензија. На тркалезната маса ќе се зборува за важноста на критиката, особено за видувањата кон домашната кинематографија. Ги повикуваме сите оние што сакаат да присуствуваат да се пријават на нашата страница“, вели уметничкиот координатор на ревијата и организатор на тркалезната маса Ана Василевска.

 

Прикажи повеќе...

Култура

Чудни коинциденции го следат победникот на „Санденс“, за „Медена земја“ и награда и дете

Објавено пред

Телефонски повик непосредно пред премиерата што го добила екипата на трикратно наградениот македонски документарец на престижниот фестивал  „Санденс“ ги потресла членовите поради чудниот синхронизитет на датумите и нивната поврзаност со семејството што е дел од приказната на овој филм.

„Пред премиерата ни се јавија од семејството кое е дел од нашата приказна во филмот ‘Медена земја’ и ни кажаа дека им се родило 8. дете. Оваа вест нè стигна некој час пред проекцијата на филмот, но потоа следеше уште еден шок. Во текот на тие три години снимање бевме сведоци и на смртта на мајката на централната личност во филмот, пчеларката Атиџе, а кога ги проверивме материјалите нè вџаши фактот дека тоа се случило исто така на овој датум претходната година. Не сакаме од тоа да правиме мистерија, но во процесите на снимање се случуваат необјасниви нешта, а со ‘Медена земја’ од самиот почеток до крајниот производ приказната се надградуваше и ние само инстиктивно ги следевме сите детали кои се отвораа еден од друг“, откри продуцентот на филмо,т Атанас Георгиев, на денешната прес-конференција.

Преполни со впечатоци, сите членови на екипата на „Медена земја“ раскажуваа за своите искуства за време на снимањето, за неочекуваните награди во „Санденс“ и за желбата нивниот успех да го искористат за јасна порака до јавноста да ја смени свеста и барем малку да размисли за односот кон природата како што во филмот тоа го прави пчеларката Атиџе.

„Овој филм навистина сакаме да го искористиме во мисија да ја смениме свеста на луѓето да разберат колку е важна животната средина и односот кон неа. И за нас беше вистинско откритие односот на пчеларката Атиџе, која половина од медот го собира за себе, а другата им ја остава на пчелите. Алчноста на човекот и цивилизацијата е голема закана за природата и за опстанокот на луѓето и на животните. Исто така, сакаме да го свртеме вниманието и за помош на децата од семејството што го снимавме, би сакале за нив да се обезбеди во иднина школување и подобри услови за живот“, рече режисерот Љубо Стефанов.

Уште на фестивалот во „Санденс“ екипата почнала со кампања за донации за протагонистите од нивниот филм, кои живеат во тешки услови. Тие на оние што донираат симболично им подаруваат мала тегличка од органскиот мед што се прави од диви пчели во сосема еколошка средина.

„Авторитетот од постигнатиот успех ќе го искористиме за да наидеме на поддршка од сите оние што ќе сакаат да му помогнат на ова семејство и пчеларката Атиџе да добијат подобри услови за живот“, вели режисерката Тамара Котевска.  Таа додава дека тригодишната работа на „Медена земја“ донела две клучни работи во нејзиниот живот: созревање како човек и автор и создавање една голема фамилија.

Документарецот премиерно беше прикажан на 28 јануари, во Јута, САД, на најголемиот американски фестивал на независен филм „Санденс“.

Филмот има цел да ја прикаже припадноста на човекот кон природата и нарушувањето на природната рамнотежа преку судир на два различни начини на искористување на Земјините ресурси, во случајов, пчелите и медот.

Режисери на филмот се Љубо Стефанов и Тамара Котевскa, сниматели Фејми Даут и Самир Љума, на музиката се потпишуваат членовите на „Фолтин“, а музички супервизор е Рана Еид од „ДБ студиос“ од Бејрут.

Идејата за „Медена земја“ потекнала за време на теренските истражувања во  подрачјето што наликува на степа во долниот дел на Брегалница, што изобилува со извонреден и уникатен биодиверзитет. Швајцарската Агенција за развој и соработка ја препознала вредноста на овој документарец и затоа ја поддржа идејата за снимање и продукција.

Документарецот  од  „Санденс“ („Sundance“) во Парк Сити, Јута, САД  се врати со наградите на жирито (Grand Jury Prize) за најдобар документарен филм, а снимателите Фејми Даут и Самир Љума беа наградени за најдобра кинематографија (Special Jury Award for Cinematography). Документарецот го доби и специјалното признание од жирито за влијание за промена (Special Jury Award for Impact for Change).

„Медена земја“ раскажува приказна за последната жена одгледувач на диви пчели во Европа, која се обидува да ги спаси пчелите и природниот баланс во природата кога семејството на номадски пчелари се населува на нејзината земја и ѝ ја загрозува егзистенцијата. Документарецот, кој е во продукција на „Аполо медиа“ и „Трис филмс“, е реализиран како дел од Програмата за зачувување на природата во Македонија – проект на швајцарската Агенција за развој и соработка (SDC), координиран од „Фармахем“, а поддржан е и од Агенцијата за филм на Република Македонија.

 

Прикажи повеќе...

Култура

Благој Веселинов ја прими наградата од „Шутинг старс“ на Берлинскиот филмски фестивал

Објавено пред

Актерот Благој Веселинов и другите европски учесници на „Шутинг старс“ (Shooting Stars)  на Берлинскиот филмски фестивал вечерва ги добија наградите од манифестацијата за млади актерски ѕвезди.  Свечената церемонија на доделување на наградите на најдобрите млади актери во Европа се одржа во салата „Берлин палас“, под покровителство на  платформата Европска филмска промоција (ЕФП).

Наградите им ги врачија членовите на овогодишното жири за оваа програма, режисерката Теона Митевска и актерот Ингвар Сигурдсон (Исланд).

По доделувањето на наградите следеше проекција на филмот Vice по сценарио и во режија на Адам Мекеј.

Веселинов, ѕвездата на „Исцелител“ на Ѓорче Ставрески, е меѓу 10-те најдобри актерски таленти во подем во Европа, со уште девет актери од Ирска, Швeдска, Полска, Данска, Германија, Норвешка, Исланд, Србија и Естонија.  На актерите за време на Берлиналето добиваат можност да се претстават пред филмската индустрија и критика.

„Шутинг старс“ е најстарата и најпрестижна иницијатива за промоција на европскиот палент на меѓународниот филмски маркет, а од првата награда во 1998 досега на Берлиналето како еден од најголемите филмски фестивали во светот се претставени 303 наградени актери и актерки, што било пресвртна точка за многумина од нив, меѓу кои и оскаровката Алисија Викандер.

Од Македонија пред Веселинов, оваа награда ја добија Лабина Митевска во 2009 и  Наташа Петровиќ во 2011.

Прикажи повеќе...

Најново

Крвав четврток7 часа

Притвор за Јанакиески и Ристовски, за Груевски нова екстрадиција

Судијата на претходна постапка по барање на Јавното обвинителство им одреди мрека пртивор од 30 дена на поранешните министри Миле...

Македонија8 часа

(Видео) Мицкоски: „Апси Заев, можеш да нарачуваш и убиства, но нема да ти се исплашиме“

По информациите за вечерашното приведување на тројцата функционери на ВМРО-ДПМНЕ – Трајко Вељаноски, Спиро Ристовски и Миле Јанакиески, вечерва прес-конференција...

Крвав четврток8 часа

Русковска: Бараме притвор за Јанакиески и Ристовски поради опасност од бегство

Шефицата на Обвинителството за организиран криминал при ЈО, Вилма Русковска, изјави дека распитот на осомничените ексфункционери од ВМРО-ДПМНЕ, Спиро Ристовски...

Крвав четврток10 часа

Вељаноски: Не чувствувам вина за упадот во Собранието

Поранешниот претседател на парламентот, Трајко Вељаноски, штотуку излезе од Основниот суд Скопје 1, каде што беше повикан на распит за...

Македонија12 часа

Трамп со писмо до Заев: Ви честитам за лидерството, обезбедивте просперитетна иднина за Северна Македонија

Премиерот Зоран Заев денеска прими писмо од американскиот претседател, Доналд Трамп, во кое тој нагласува дека Северна Македонија е голем...

Македонија13 часа

Зелената градина на ГТЦ му се наметнува исто како и барокот, архитектите разочарани

Зелената градина за покривот на Градскиот трговски центар ги разочара архитектите како стручна јавност, а незадоволни се и скопјани, кои...

Македонија14 часа

Половина милион евра исплатени лани за патни трошоци на пратениците

Над 525 илјади евра биле исплатени за патни трошоци на пратениците во Собранието минатата година, покажува анализата на „Макфакс“ од...

Македонија15 часа

Заев потврди, Села му се налутил поради одземените ингеренции на Таравари

Зоран Заев одговарајќи на новинарски прашања потврди дека Зијадин Села не дошол на денешната средба за консензуален претседателски кандидат поради...

Македонија16 часа

Бектеши не чувствува морална одговорност за вработувањето на сестра му во МЕПСО

Министерот за економија, Крешник Бектеши, изјави дека не чувствува морална одговорност за вработувањето на неговата сестра во МЕПСО. Тој вели...

Топ16 часа

Села му се налути на Заев, не доаѓа на средба

Лидерот на Алијансата за Албанците, Зијадин Села, одби да присуствува на закажаната средба со премиерот Зоран Заев, на која требаше...

Македонија17 часа

Ниту еден родител не е казнет за невакцинирано дете од почетокот на епидемијата на морбили

Ниту еден родител не е казнет за невакцинирано дете од почетокот на епидемијата на морбили иако пред два месеца само...

Топ17 часа

Дедото на Кирацовски ќе се повлече од работното место

Таткото на сопругата на пратеникот Александар Кирацовски, Борис Поповски, ќе се повлече од работното место, објави на „Фејсбук“ Кирацовски. Тој...

Македонија18 часа

Заев и Димитров нема да одговараат за велепредавство

Скопското обвинитeлство ја отфрли кривичната пријава на Светскиот македонски конгрес поднесена против премиерот Зоран Заев и министерот за надворешни работи,...

Македонија18 часа

Сопругата на директорот на ЕЛЕМ вработена како шефица на кабинет во Централен регистар

Александра Миновска, сопруга на директорот на ЕЛЕМ, Драган Миновски, од октомври минатата година е вработена како шефица на кабинет кај...

Македонија19 часа

Две бомби од Првата светска војна пронајдени во Битола

Вчера на булеварот 1 Мај во Битола, во близина на местото викано Црн Мост при изведување на градежни работи при...

Регион20 часа

Непознат маж му се заканувал на Мицотакис со бомба

Лидерот на опозициската Нова демократија во Грција, Киријакос Мицотакис, пријавил синоќа закана со бомба која ја добил додека сè уште...

Македонија20 часа

Бугарија го ратификуваше протоколот за НАТО

Со 140 гласа „за“, бугарскиот парламент го ратификуваше протоколот за пристапување на Северна Македонија во НАТО, објави бугарската новинска агенција...

Македонија20 часа

Синот на пратеникот Мисовски: Поднесов оставка поради хистеријата, се надевам јавноста ќе здивне

Откако Кристијан Мисовски, син на пратеникот Горан Мисовски, пред четири дена се повлече од работното место во Агенцијата за супервизија...

Свет21 час

Ердоган: Турција не ќе може сама да се справи со нов бегалски бран од Сирија

Турскиот претседател, Реџеп Тајип Ердоган, изјави дека неговата земја нема да може сама да се справи со уште еден бран...

Свет22 часа

Најмалку четворица повредени откако лавина зафати швајцарски скијачки центар

Четири лица беа повредени, од кои еден е во критична состојба, откако лавина ја погоди скијачката патека „Плен мор“ во...

Досие