Книги
Книжарница продава само една книга
Соочен со тешкиот избор меѓу стотиците нови наслови кои секоја година го преплавуваат јапонскиот пазар, сопственик на мала книжарница отворена минатата пролет во токискиот луксузен трговски кварт Гинзи, одлучил да понуди само еден наслов седмично, за секоја книга да до добие заслуженото внимание, а неговата книжарница ги привлекува само навистина заинтересираните купувачи.
Пазарот секоја година го преплавуваат стотици илјади нови книги, што може да претпоставува вистински за книжарниците, за кои одлуката што да стават во понудата понекогаш не е едноставна, пишува британски The Guardian. Јошијуки Мориока, сопственик на книжарницата „Morioka Shoten“, отворена минатиот мај во Гинзa во јапонската престолнина Токио, на проблемот му пристапил на необичен начин: неговата книжарница секоја седмица своите полици ги полни само со еден наслов.
Мориока претходно десет години водел друга книжарница, каде во понудата имал по двесте книги. „Имав обичај да организирам неколку книжевни претставувања годишно на кои доаѓаа главно луѓе кои всушност ги интересираше сам таа една книга. Тоа ми ја даде идејата за книжарница којашто би била одржлива и со само еден наслов“, вели.
Неговата книжарница продава само една книга, би можела исто така да се опише и како „книжарница којашто организира изложба произлезена од само една книга“, напомнува сопственикот.
„На пример, кога во понудата е книга за цвеќе, во книжарницата може да биде изложен цветот за кој во книгата станува збор. Исто така, ги повикувам авторите и уредниците што повеќе време да минуваат во книжарницата. Со тоа настојувам од дводимензионалната книга да создадам тродимензионален амбиент и искуство, за да можат купувачите и читателите да се чувствуваат речиси како да зачекориле во книгата, вели Мориока, кој досега таков вид опит на своите клиенти им понудил со книгите како „The True Deceiver“ на финската писателка Тове Јансон и „Бајки“ од Ханс Кристијан Андерсен.
Првиот наслов што ќе го понуди во новата 2016 година, ќе биде фотографската антологија на јапонскиот фотограф Масару Тацуки.
„Се чини дека нашиот концепт наиде на општи симпатии, имајќи предвид дека ни доаѓаат посетители од сите страни на светот“, оценува Мориока, кој досега на овој начин продал 2.100 книги.
На современиот пазат на книги му се заканува зголемувањето на популарноста на електронските книги и ширењето на онлајн социјалните медиуми, но книгата и натаму останува физички предмет со особен шарм, смета Мориока. „Книгата поседува особена привлечност којашто сосема сигурно никогаш ништо нема да ја загрози“, тврди./крај/мф/сн
Извор: The Gaurdian
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Книги
„Единствен матичен број“ на Лидија Димковска прогласен за роман на годината
Новиот роман на Лидија Димковска, „Единствен матичен број“, е добитник на годинешната награда „Роман на годината“.
Романот е во издание на „Три“ и уште по своето објавување, ја освои читателската публика. Жири-комисијата, составена од Влада Урошевиќ, Бранко Цветкоски, Марија Ѓорѓиева, Сашо Огненовски и Катерина Богоева, одлучи токму романот на Димковска да се закити со една од најпрестижните и несомнено најпосакувани признанија во домашната книжевност.
„Единствен матичен број“ е четврти роман на авторката, од кои „Резервен живот“ исто така беше во најтесниот круг за оваа награда во 2012 година.
Наградата „Роман на годината“ првпат е доделена во 1999 година од „Утрински весник“, а од 2017 до денес се доделува од Фондацијата „Славко Јаневски“.
За издавачкиот центар „Три“ ова е петта награда „Роман на годината“. Лидија Димковска се придружи на низата квалитетни автори, кои во издание на „Три“ претходно го добиле ова признание – Венко Андоновски со „Папокот на светот“ (2000), Кица Колбе со „Снегот во Казабланка“ (2006), Јагода Михајловска-Георгиева со „Индиго Бомбај“ (2008) и Митко Маџунков со „Птиците од ланските гнезда“ (2012).
Критиката веќе се огласи за многузначноста и значајноста на ова прозно остварување на Димковска. Читателите исто така ја препознаа неговата вредност, а во меѓувреме сите го очекуваме второто издание на романот.
Лидија Димковска веќе има освоено повеќе награди за нејзината проза, од кои ги издвојуваме – двапати наградата „Стале Попов“ на Друштвото на писателите на Македонија и награда на Европската Унија за литература за романот „Резервен живот“. Токму затоа таа сосем заслужено е една од најпреведуваните домашни авторки.
Книги
Пет романи во најтесен избор за наградата „Роман на годината“
„Единствен матичен број“ од Лидија Димковска („Три“), „Ако се родат некакви чувства: зборник за љубовта на Гоце и Јанка“ од Блаже Миневски („Матица македонска“), „Заборав“ од Томислав Османли („ВиГ Зеница“), „Сѐ уште можам нешто да сторам“ од Фросина Пармаковска („Или – или“) и „Зелениот дворец“ од Сибо („Арс Либрис“) се петте романи што се најдоа во најтесен избор за наградата „Роман на годината“ за 2023 година, што ја доделува Фондацијата за унапредување и промоција на културните вредности „Славко Јаневски“.
Оваа одлука ја донесе жири-комисијата во состав Влада Урошевиќ (претседател и минатогодишен лауреат), Бранко Цветковски, Марија Ѓорѓиева, Сашо Огненовски и Катерина Богоева (претставник на Фондацијата).
Наградата, чиј генерален покровител е „Комерцијална банка“ АД Скопје и која е поддржана од Министерството за култура на Република Северна Македонија, годинава се доделува по јубилеен 25-ти пат. Таа се состои од плакета, оригинална статуетка и паричен износ од 150.000 денари.
Жири-комисијата ќе го соопшти името на лауреатот на оваа престижна награда на прес-конференција што ќе се одржи во петок, 15 март, во кафе-книжарницата „Буква“ во Скопје, со почеток во 12 часот.
Книги
Десет романи во трката за „Роман на годината“
Жири-комисијата за наградата „Роман на годината“ за 2023 година што ја соселува Фондацијата за унапредување и промоција на културните вредности „Славко Јаневски“, во состав: Влада Урошевиќ (минатогодишен лауреат и претседател на Комисијата), Бранко Цветкоски, Марија Ѓорѓиева, Сашо Огненовски и Катерина Богоева (претставник на Фондацијата), селектираше десет романи што останаа во трката за наградата „Роман на годината“.
На годинашниот конкурс пристигнаа 36 романи. Жири-комисијата во првата селекција одбра 19 наслови, а сега списокот го стесни на десет романи.
Наградата „Роман на годината“ е поддржана од Министерството за култура на Република Северна Македонија, а нејзин генерален покровител е Комерцијална банка АД, Скопје. Наградата се состои од паричен износ од 150.000 денари, плакета и оригинална статуетка.
Според пропозициите, насловот на наградениот роман и името на авторот ќе бидат соопштени на прес-конференција на 15 март.