(Видео) „Којотот против системот“ од 3 септември во кината низ целата земја

Некои филмски и цртани ликови не се само дел од детството – тие стануваат дел од колективното сеќавање на цели генерации. Еден од нив е Којотот, вечниот неуморен јунак со бескрајни идеи, неверојатни планови и уште поневеројатна способност секој неуспех да го претвори во причина за нов обид.

Од 3 септември, Којотот повторно пристигнува на големото платно со „Којотот против системот“, нова комедија и авантура која ќе ги потсети постарите генерации на омилениот цртан лик од нивното детство, но истовремено ќе им понуди на најмладите публика можност да го запознаат Којотот во една сосема нова приказна.

Со децении неговата најголема опсесија беше една и единствена – да ја фати Брзата Птица Итрица. Познатиот „бип, бип“, бескрајните потери и плановите кои секогаш изгледаат совршено на хартија, но завршуваат со нова катастрофа, се препознатлив дел од детството на милиони гледачи.

Но, овојпат Којотот има поголема цел.

Кога трката со Брзата Птица станува борба против системот

По уште еден неуспешен план во кој производите на ACME корпорацијата повторно ќе се покажат како негов најголем непријател, Којотот решава дека е време да престане да ги прифаќа неуспесите како дел од својата судбина.

Наместо повторно да тргне во потера по Брзата Птица Итрица, тој одлучува да ја побара правдата – на суд.

Во оваа необична мисија ќе му помогне Кевин, адвокат кој и самиот се соочува со сериозни професионални предизвици. Она што започнува како необично партнерство постепено прераснува во вистинско пријателство, а двајцата ќе мора да соберат храброст за да се спротивстават на моќната ACME корпорација.

Нивната битка нема да биде едноставна. Спротивната страна е моќна, искусна и добро подготвена, а дополнителен предизвик претставува фактот што спротивниот правен тим го предводи застрашувачкиот шеф на поранешната адвокатска фирма на Кевин.

Така започнува една од најнеобичните авантури во која Којотот некогаш се впуштил – битка во која неговото најсилно оружје повторно ќе бидат упорноста, снаодливоста и вербата дека следниот план конечно мора да успее.

Којотот – лик кој ги поврзува генерациите

Она што ја прави оваа филмска приказна особено привлечна е можноста на едно место да се сретнат повеќе генерации публика.

За оние кои растеа со оригиналните цртани авантури, Којотот е многу повеќе од анимиран лик. Тој е потсетување на безгрижните денови од детството, на времето поминато пред телевизорот и на смеата предизвикана од неговите несмасни, но секогаш амбициозни планови.

Препознатливиот хумор, динамичните потери и вечната борба меѓу Којотот и Брзата Птица Итрица оставија трага кај голем број генерации, а денес токму таа носталгија претставува еден од најсилните адути на новиот филм.

Истовремено, „Којотот против системот“ е создаден и за новата генерација гледачи. Со комбинација од играни и анимирани елементи, филмот го носи добро познатиот лик во нов свет и му дава поинаква приказна, без да го изгуби духот што го направи толку популарен.

„Гордни сме на филмот и очекуваме голем успех“

Од дистрибуцијата на филмот МЦФ МКД велат дека со особено задоволство го пречекуваат „Којотот против системот“ во македонските кина и веруваат дека приказната ќе има силен одѕив кај публиката.

„Горди сме што токму овој филм пристигнува во нашите кина и веруваме дека ќе постигне голем успех кај публиката. Којотот е лик кој има посебно место во детството на многу генерации. Самата помисла на него, на Брзата Птица Итрица, на познатиот ‘бип, бип’ и на сите негови неверојатни планови кај многумина веднаш буди носталгија и убави спомени од детството. Сметаме дека токму тоа е една од најголемите вредности на филмот – родителите и возрасните гледачи ќе имаат можност повторно да се потсетат на ликот со кој растеле, а во исто време да им го претстават Којотот на своите деца“, велат од дистрибуцијата.

Од таму додаваат дека очекуваат филмот да привлече публика од различни возрасни категории и да биде одлична можност за семејна посета на кино.

„Којотот е еден од оние ликови кои успеваат да ја надминат границата на времето. Иако приказните се менуваат, неговата упорност, хумор и вечната желба да успее остануваат препознатливи. Веруваме дека токму таа комбинација од носталгија за постарите и ново филмско искуство за помладите ќе биде причина многу семејства да го изберат филмот како своја следна кино-дестинација“, велат од дистрибуцијата.

Повеќе од комедија – приказна за упорноста

Иако во центарот на филмот се хуморот и авантурата, „Којотот против системот“ носи и порака која го прави ликот релевантен и денес.

Којотот е симбол на упорноста. Без оглед на тоа колку пати ќе не успее, тој секогаш повторно станува и продолжува. Секој неуспех за него е само причина да смисли нов план.

Во новата приказна, неговата борба добива нова димензија. Наместо да се потпира само на своите изуми и ACME производи, тој мора да научи дека понекогаш најважно е да имаш некого покрај себе. Токму преку односот со Кевин, приказната добива и емотивна страна, покажувајќи како едно необично партнерство може да прерасне во вистинско пријателство.

Познати имиња пред и зад камерата

Во главната улога настапува Вил Форте, додека режисер на филмот е Дејв Грин.

Филмот комбинира играна акција и анимација, создавајќи поинаков визуелен пристап кон светот на Којотот, но притоа го задржува препознатливиот дух на оригиналните авантури.

Публиката ќе има можност повторно да ужива во лудите ситуации, неочекуваните пресврти и добро познатиот хумор, но овојпат со една голема разлика – Којотот конечно има цел која е поголема од фаќањето на Брзата Птица Итрица.