Контакт

Македонија

Адеми: Потребна е трета опција, Албанец за премиер на нашата земја

Објавено пред

„Време е за премиер Албанец“ – не е само нашиот нов слоган, туку и пулс на нашето време.Дојде време еднаквоста да биде цела и реална, нашите деца да видат дека ние денес и тие утре можат да постигнат сешто во својата земја – дури и позицијата премиер. Вчера бевме сведоци на неуспешна моноетничка средба во ексклузивниот македонски клуб што е и главната причина зошто сакаме да го срушиме преостанатиот столб на резервираната моноетнизација на лидерските позиции, изјави Арбер Адеми од Демократската унија за интеграција

Според него, синоќешниот неуспех е уште еден доказ дека македонскиот дуопол над извршната власт е штетен за општеството и потребна е трета опција, Албанец за премиер на нашата земја.

„И едно дете кое синоќа ја видело средбата меѓу Пендаровски, Заев и Мицковски се прашува зошто меѓу нив нема Албанец, Албанец – посветен да донесе промени, Албанец на кого му е дадена дадена можноста да го сруши овој етнички монопол на клучните позиции.И овој премиер Албанец не само што ќе биде модел за сите наши деца Албанци, туку и доказ дека тие се еднакви со нивните македонски сограѓани и сите други, доказ дека можат да постигнат сè во нивните животи без етнички ограничувања.

Еден премиер Албанец исто така ќе биде важен сигнал за македонските деца, за општеството како целина, каде што ќе го смени менталитетот кај нас, ќе стави крај на моноетничкото општество. Еднаквоста во нашата земја ќе стане целосна и опиплива, не само за Македонците и Албанците, туку и за сите други етнички заедници. Ние ќе бидеме последната генерација што ќе се бориме за нашата еднаквост. Ние сакаме нашите деца да разберат дека имаат исти права и можности како и секое друго дете во нашата земја.

Ние ќе изградиме општество каде етничката дискриминација повеќе не е проблем и каде заедно ќе градиме иднина. Иднина во која нашите деца ќе бидат рамноправни граѓани на Северна Македонија, членка на Европската Унија. Општество кое ќе обезбеди најдобро образование за сите наши млади, каде што можат да веруваат во градење на нивните животи овде и
тие не мора да заминат. Еден премиер Албанец тоа ќе го направи – затоа што ќе докаже дека сè е можно ако се обединиме за една кауза. И ова е исто така е наш повик до сите албански партии и до сите граѓани Албанци – да се обединиме и ова да се случи. Ние можеби имаме разлики во дневната политика, но ова е многу поголемо прашање.

Премиер Албанец ќе ги подобри животите на граѓаните. И тоа е нашата заедничка задача и таа треба да биде наша заедничка кауза. Сега е време. Време е за првиот премиер Албанец“, додава тој.

Македонија

Османи: Процедурите за попис на населението ќе започнат по изборите

Објавено пред

Вицепремиерот од Бујар Османи, кој истовремено е висок функционер во ДУИ, најави дека подготовки за спроведување на пописот ќе започнат по изборите.

Предвремените парламентарни избори и оваа година ќе се одржат без да се знае точниот број на жители во државата. Проблемот за неспроведениот попис минатата година, Османи ја гледа во немањето на консензус во Собранието.

„Ние на Влада постигнавме договор и донесовме закон за попис, што значи дека за првпат имавме етничко усогласување за начинот на кој ќе се спроведе пописот. Знаете дека во 2012 година пропадна поради начинот на читање на законот од двете етнички заедници. Тој консензус се постигна, но не и вкупниот политички консензус во Собрание за да го усвоиме законот. Јас мислам дека решението донесено на Влада е добро решение, кое што треба да се спроведе, но би било добро сите да бидат вклучени во пописот. Би требало веднаш по изборите да почнеме со подготовките за организирање на пописот“, истакна Османи.

Пописот во 2002 година е последниот спроведен во нашата држава.
Тоа значи дека во Македонија, 18 години се одржуваат избори без да се има реален број на населението во државата. Во 2011 власта на ВМРО-ДПМНЕ и ДУИ со закон во Собранието го прекина веќе започнатиот попис.

Предлог за спроведување на пописот имаше и од СДСМ за во април 2020 година, но и тој не се случи.

Прикажи повеќе...

Македонија

Отстранети 143 непрописно паркирани возила во Скопје

Објавено пред

Во текот на изминатата недела (25.06 – 1.7.2020 година) со специјалните возила „пајак“ се подигнати вкупно 143 возила од јавните површини. Од вкупниот број непрописно паркирани и подигнати возила, 33 се отстранети од зонските паркиралишта, а другите 110 возила по налог на сообраќајната полиција по основ на сторени прекршоци: паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице.

Контролорите на зонските паркиралишта во истиот период санкционирале вкупно 166 возила, поради нерегулирано паркирање, односно за неплатена паркинг-услуга. Од нив, 33 возила се отстранети со пајак-службата, поради пречекорување на дозволеното време на задржување на паркиралиштето.

Градот Скопје и јавното претпријатие „Градски паркинг“ апелираат до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта. Апелираме сите корисници на услугите за паркирање, навреме да го регулираат плаќањето за паркинг-услугата, за да не бидат санкционирани и да не им биде поставен блокатор на тркалото. Плаќањето за паркинг-услугата може да се изврши преку СМС-орака или со греб-картичка.

Прикажи повеќе...

Македонија

(Видео) Заев: Се забрзува интеграцијата во ЕУ, да запрат лагите дека сме го изгубиле македонскиот јазик

Објавено пред

Лидерот на СДСМ, Зоран Заев, на прес-конференција пред Собранието порача дека македонската интеграција во Европската Унија се забрзува, а за тоа е доказ и утврдувањето на предлогот за преговарачката рамка, што, пак, значи дека се утврдуваат правилата по кои ќе се одвиваат преговорите на Македонија за членство во Унијата.

„Европската Унија вчера го утврди предлогот за преговарачката рамка, за преговорите за членство и го достави на разгледување до државите членки. Северна Македонија оди уште поблиску кон Унијата. Македонската интеграција забрзува. Оваа вест доаѓа по цели 19 години од потпишување на Спогодбата за стабилизација и асоцијација како прв чекор кон интеграцијата во ЕУ. 15 години по добивање на кандидатскиот статус, по 11 позитивни препораки за почеток на преговорите и по историската одлука на советот за почеток на преговорите за членство на нашата земја во ЕУ на 26 март оваа година. Очекуваме наредната недела да почне дискусијата по рамката за преговори на експертско ниво. И во периодот пред нас, рамката да биде усвоена од земјите членки со што преговорите и формално ќе почнат“, кажа Заев.

Во однос на јазикот, лидерот на СДСМ, Заев, кажа дека преводот на цело европско законодавство на македонски јазик е уште еден доказ дека не сме го изгубиле јазикот, како што тврдеа од ВМРО-ДПМНЕ.

„Македонскиот јазик е наведен како јазик на кој треба да се преведе европското законодавство пред да станеме земја членка на Европската Унија. Тоа го сметаме за нешто нормално, стандардна работа, бидејќи согласно нашата лична карта во Обединетите нации, согласно нашето право на самоопределување, нашиот јазик е македонски, а нашата комуникација ја водиме и на македонски јазик. Ова е уште една потврда и признание за македонскиот јазик. Ова нека биде и апел да запрат со лагите оние кои со месеци лажеа и велеа дека ‘сме го изгубиле јазикот’. И да престанат да ни го навредуваат и омаловажуваат јазикот нарекувајќи го ‘северџански’. Ја повикувам ВМРО-ДПМНЕ да се одважи и да го поздрави усвојувањето на предлог-преговарачката рамка. Да ја поздрават и веста дека законодавството на ЕУ ќе биде преведено на нашиот македонски јазик. Беа против интеграцијата во НАТО и ЕУ преку Преспанскиот договор. Беа против Законот за јавно обвинителство кој носи правда. Мицкоски не аплаудираше кога тука, во Собранието, го усвоивме протоколот за членство во НАТО“, додаде Заев.

Според него, усвојувањето на преговарачката рамка е уште еден доказ дека СДСМ може покрај НАТО, државата да ја интегрира и во Европската Унија.

„Вчерашниот ден е само силна потврда дека нашата татковина сигурно чекори на европскиот пат, пат кој носи суштински реформи, економски развој, силно земјоделие, владеење на правото и шанси за подобар живот на сите македонски граѓани тука, дома. Ова е процес кој ни ја носи Европската Унија дома. Со отпочнувањето на преговорите ние почнуваме нова фаза од нашето унапредување, нова фаза од македонската европеизација, наша интеграција во економскиот и политичкиот систем на ЕУ. По членството во НАТО, полека но сигурно го забрзуваме и процесот на интеграција во ЕУ. Двете определби ги остварување во период од три години. Тоа е успех на Владата, институциите предводени од СДСМ, тоа е успех и на сите граѓани кои се определени иднината да ја градиме во ЕУ“, кажа Заев.

Прикажи повеќе...

Најново

Македонија1 час

(Видео) Заев: Се забрзува интеграцијата во ЕУ, да запрат лагите дека сме го изгубиле македонскиот јазик

Лидерот на СДСМ, Зоран Заев, на прес-конференција пред Собранието порача дека македонската интеграција во Европската Унија се забрзува, а за...

Свет1 час

Пресечена пратка за Европа: Запленети 7,5 тони кокаин, вреден 286 милиони долари

Во заедничка акција на полицијата на Колумбија и САД, запленети се 7,5 тони кокаин во вредност од 286 милиони долари,...

Свет1 час

Трамп се предомисли: Сите треба да носат маски

Американскиот претседател, Доналд Трамп, кој се противеше на тоа да го покрива лицето во јавноста, рече дека е за тоа...

Македонија2 часа

Со донација на коскена срцевина, македонски дарител му помогна на пациент од Бугарија

Од Институтот за трансфузиона медицина информираат дека во изминатите два дена било спроведено колекционирање на хематопоетски матични клетки од доброволен...

Свет2 часа

Вооружен напад на рехабилитациски центар во Мексико – 24 убиени

Најмалку 24 луѓе се убиени, а седум се ранети во вооружен напад во нерегистриран центар за лекување зависности од дрога...

Македонија2 часа

Санкционирани 461 лице за неносење заштитна маска

Во текот на изминатото деноноќие (1/2.07.2020 година) на територијата на целата држава по однос на мерката за неносење лична заштита...

Свет2 часа

По низа грешки, министерот за здравство на Нов Зеланд поднесе оставка и се нарече идиот

Новозеландскиот министер за здравство, Дејвид Кларк, денеска поднесе оставка по низа лични грешки за време на пандемијата на коронавирусот. Кларк...

Свет2 часа

Голема трагедија во рудник во Мјанмар, загинаа најмалку 50 рудари

Најмалку 50 рудари загинаа во одрони во рудник за жад на северот на Мјанмар, соопштија властите. Се претпоставува дека бројот...

Свет2 часа

По два месеци пауза, коронавирусот се врати во Токио

Во Токио се забележани над 100 новозаболени од коронавирус што е најголем број на нови случаи во последните два месеци....

Свет14 часа

Советот за безбедност на ОН ја усвои резолуцијата за прекин на сите конфликти поради коронавирусот

Советот за безбедност на ОН денеска едногласно ja усвои резолуцијата со која се бара прекинување на конфликтите низ целиот свет...

Македонија20 часа

Нови 120 заболени и четворица починати oд Ковид-19 во земјава

Министерството за здравство информира дека во последните 24 часа се направени 954 тестирања, а регистрирани се 120 нови случаи на...

Македонија20 часа

Ако има потреба ќе бидат воведени рестриктивни мерки, велат Спасовски и Филипче

Ако има потреба ќе бидат препорачани и воведени рестриктивни мерки. Вака техничкиот премиер Оливер Спасовски и министерот за здравство, Венко...

Македонија20 часа

Oколу 900 патници поминале низ двата аеродрома кои денеска беа отворени

Околу 900 патници денеска поминале низ скопскиот и охридскиот аеродром, на првиот ден од нивното отворање, по неколкумесечниот застој поради состојбата...

Македонија21 час

Независна пратеничка група: Мицкоски кочел закони за да штити криминал поради личен интерес

Мицкоски нé лажеше дека се грижи што ќе се уништи партијата, а имал гајле само за некого, свој личен интерес...

Македонија21 час

Филипче: Воведовме 7 нови лекови за лицата со ретки болести и во услови на Ковид-19

Министерот за здравство, Венко Филипче, се сретна со претставници на Здруженијата на лица со ретки болести во нашата земја, при...

Регион23 часа

Граничниот премин Евзони повторно затворен

Граничниот премин Евзони требаше да биде отворен од денес, но сепак, во краток временски период овој граничен премин беше затворен,...

Македонија23 часа

Кривична пријава и државен карантин за синот на починатата кој учествуваше во инцидентот пред „8 Септември“

Обид насилно да се изнесе тело на почината од коронавирус е причината за инцидентот што вчера се случи во болницата...

Економија23 часа

Игротеките бараат поддршка и протоколи за почеток со работа

Три конкретни мерки за што поскоро отворање и почеток со работа предложи Групацијата на забавни, рекреативни и едукативни дејности и...

Македонија1 ден

Ременски бара обвинителката Русковска да биде изземена од судењето за „Меѓународен сојуз“

Фросина Ременски, третообвинета во случајот „Меѓународен сојуз“, заедно со Бојан Јовановски-Боки 13, бара да се изземе обвинителката Вилма Русковска од...

Македонија1 ден

Лицата со Ковид-19, во самоизолација и хронично болните можат да се пријавуваат за гласање за изборите

Почнува пријавувањето до општинските изборни комисии на лицата со Ковид-19 и во самоизолација, на болните, немоќните и хронично болните за...

Досие