Во рамките на манифестацијата „Културно лето на Чаир 2026“, вчера вечер на плоштадот „Скендербег“ беше изведена театарската претстава „Лага“ од Театарот од Гилан, со што беше означен почетокот на програмата „Денови на театарот“.

На оваа вечер присуствуваа градоначалникот на Општина Чаир, Изет Меџити, и градоначалникот на Општина Гилан, Албан Хисени, кои ја истакнаа важноста на досегашната соработка меѓу двете општини и потребата од понатамошно зајакнување на културните врски меѓу Албанците.

„Културата е еден од најсилните мостови што ги поврзуваат нашите градови и нашите граѓани. Соработката меѓу Чаир и Гилан е пример за партнерство кое продолжува да се развива преку активности што ги промовираат уметноста, идентитетот и нашите заеднички вредности“, изјави Меџити.

Претставата, реализирана во режија на Екрем Сопи, во која настапија Гани Рахмани, Ќндреса Јашари, Албан Шахиќи и Сафете Мустафа Бафтиу, на публиката ѝ понуди силна емоција и беше проследена со голем интерес и долги аплаузи.

Променливо облачно и топло со сончеви периоди. Во попладневните часови ќе има локална нестабилност со пороен дожд, грмежи и засилен ветер. Наместа процесите ќе бидат поинтензивни со пообилен пороен дожд и услови за појава на град. Ќе дува слаб до умерен ветер од променлив правец. Минималната температура ќе биде во интервал од 10 до 17, а максималната ќе достигне од 25 до 31 степен.

Во Скопје, променливо облачно и топло со сончеви периоди. Попладне во делови од котлината ќе има услови за појава на нестабилност со пороен дожд, грмежи и засилен ветер. Ќе дува слаб до умерен ветер од променлив правец. Минималната температура ќе се спушти до 15, а максималната ќе достигне до 31 степен.

Времето во наредните денови

Денес и утре во попладневните часови времето ќе биде нестабилно со пороен дожд, ретки грмежи и засилен ветер. Утре процесите ќе бидат поинтензивни со пообилен пороен дожд, грмежи и услови за ретка појава на град. Од четврток до почетокот на следната седмица времето ќе биде умерено облачно со сончеви периоди. Ќе дува умерен, повремено и засилен ветер претежно од северен правец.

Завршена е целосната реконструкција на улицата „Бел Камен“, една од главните сообраќајници во Кочани, со што значително се подобрува безбедноста и квалитетот на сообраќајната инфраструктура во градот, соопшти Министерството за транспорт.

Инвестицијата е во вредност од 12,7 милиони денари, средства обезбедени од Министерството за транспорт преку Проектот за локални патишта. Во рамки на истиот проект завршени со реконструкција се и улиците „Борис Трајковски“ и „Гоце Делчев“.

Паралелно со овие активности, преку проектот за поддршка на општините, Владата инвестира и во изградбата на градската магистрална улица „Новопланирана 1“, како и во реализација на уште неколку инфраструктурни проекти во општината, во вкупна вредност од околу 320 милиони денари.