Контакт

Македонија

Алијанса и Алтернатива промовираа кампања за добивање на државјанство

Објавено пред

Коалицијата Алијанса за Албанците и Алтернативите во Скопје, пред најавениот попис на наслението што се очекува да се случи на пролет, ја промовираа кампањата и платформата „shtetesia.mk“, чијашто цел, како што посочија од партијата, е граѓаните да го претстават својот проблем за добивање на државјанство.

„Целта на оваа платформа е да соберат информации од граѓани кои се соочуваат со проблем за добивање државјанство, сега веќе 30 години од независноста на Северна Македонија“, истакна Башким Бакиу, раководител на Аналитичкиот центар на Алијансата за Албанците.

Според него Република Северна Македонија ги спречува жителите на нејзината територија да имаат пристап до основните граѓански, политички, економски, културни и социјални права.

„И покрај фактот дека Република Северна Македонија е потписник на важни конвенции преку системот на човекови права на Советот на Европа, како и Универзалната декларација за човекови права на Обединетите нации, кои предвидуваат дека секој има право на државјанство соодветно, на ниту едно лице не треба да му биде одземено правото на државјанство, денес на територијата на земјата има лица кои се законски невидливи, односно лица без државјанство“, додаде тој.

Бакиу додаде дека нивниот политички блок ќе ги собира преку платформата основните податоци од лица без државјанство, за да можат потоа да вршат политички притисок за решавање на овој проблем.

Претседателот на Алијансата за Албанците, Зијадин Села, изјави дека државјанството е минимална државна обврска кон секој граѓанин на нашата земја и не може да се дозволи државата со банални причини да им го ускратува на граѓаните ова основно човеково право.

Во дискусијата се вклучи и претседателот на Алтернатива, Африм Гаши, кој додаде: „Државата конечно мора да се ослободи од стравот дека расте бројот на една етничка заедница и со тоа да го попречи правото на граѓаните да имаат документ за државјанство“.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Милевски: Фер е новите градоначалници да го почнат мандатот со проширени надлежности и извори на финансирање

Објавено пред

Оваа година треба да се одржат локалните избори и фер е новите градоначалници да го почнат својот мандат со веќе дефинирани правила на игра во смисла на надлежностите и средствата со коишто ќе располагаат за нивно извршување, веќе од наредната буџетска година, истакна министерот за локална самоуправа, Горан Милевски.

„Во однос на нормативната и стратешката рамка мислам дека обезбедивме услови за побрз и одржлив развој на локално и на регионално ниво. Со максимално ангажирање на централната и на локалните власти, но и со поголеми средства за развојни проекти можеме заедно побрзо да ги менуваме условите за живеење во сите општини“, додаде Милевски на консултативниот настан со градоначалниците и други претставници од општините.

Според него, трите најважни документи коишто го определуваат развојот во наредниот период, се Стратегијата и Законот и Програмата, кои Министерството за локална самоуправа ги подготвуваше во консултација со сите засегнати страни, со ЗЕЛС, со општините, со Центрите за развој, со експертската јавност и со граѓаните. Важно е сите вклучени страни да бидат информирани и да го дадат својот придонес за да може да обезбедиме квалитетна имплементација и на Законот и на Програмата.

Милевски посочи дека новина е што со овој закон се воведува нова категорија – урбани подрачја, а тоа се општините и Градот Скопје.

„Тоа значи дека покрај проектите за развој на планските региони, за развој на селата и за развој на подрачјата со специфични развојни потреби ќе се финансираат и проекти за развој на урбани подрачја за коишто ќе можат да аплицираат општините со седиште во град. Овие општини за разлика од руралните имаа свои специфичности, коишто согласно и со ЕУ-регулативата треба дополнително да бидат подржани. Во изборот на проекти коишто ќе бидат финансирани со средства од буџетот на Министерството и на Бирото задолжително ќе бидат вклучени и граѓаните преку организирање на Форуми во заедниците. Благодарение на предлозите на граѓаните, реализиравме многу корисни инвестициски и иновативни проекти во сите осум плански региони. Нудиме и уште едно ново решение, тоа е можноста да се аплицира со поголеми проекти чија имплементација нема да биде ограничена на само една година. Програмата за одржлив локален развој и децентрализација е амбициозна, се фокусираме на подобрување на нормативната рамка, продолжување со децентрализацијата, продлабочување на фискалната децентрализација, дигитализација на административните услуги, подобрување на социјалните и комуналните услуги, поттикнување на локалниот економски развој, поголема транспарентност и отчетност“, рече Милевски.

Прикажи повеќе...

Македонија

(Видео) Николоски: Власта уште еднаш докажа дека е во договор со криминалците во државата

Објавено пред

Потпретседателот на ВМРО-ДПМНЕ, Александар Николоски, денеска во Неготино порача дека во Македонија владеењето на правото е на најниско ниво, дека криминална банда е на власт, која, како што рече, е во коалиција со одредени поранешни структури, кои приредија еден вистински циркус во изминатите денови.

„Циркус во којшто видовме дека нема П од правна држава и дека нема воопшто владеење на правото туку дека има едни мафијашки картелски договори во коишто треба да се избегне системот на владеење на правото, па прво заеднички се договорија бегалецот да избега од правдата за по тоа да ги испреговараат неговите услови и да го вратат назад за да одглумат пред јавноста дека успеале да го вратат назад, а во суштина реагираа на она што се вика притисок од јавност и од опозицијата. Но, видовме повторно дека се работи за политички договор од причина што ниедна правна процедура не беше испочитувана, од примање на решение до тоа дека видовме дека отиде дома, а не онаму каде што заслужуваат оние коишто се бегалци од правдата“ истакна Николоски.

Тој рече дека добивал повици од луѓе коишто ја имаат напуштено Македонија, а коишто му рекле дека ова е основната причина зошто ја напуштиле земјата.

„А тоа е дека нема владеење на правото и има криминална банда и криминална коалиција на власт, а, за жал, добивам и бројни повици и вчеравечер и утрово од луѓе коишто сакаат да ја напуштат Македонија од истата причина.

Би сакал да ги охрабрам и да ги повикам заедно да се избориме во оваа битка затоа што оваа генерација на ВМРО-ДПМНЕ е една чиста генерација, една генерација којашто е надвор од овие криминално-политички договори, којашто не е извалкана и којашто има јасна, детерминирана волја да расчисти со криминалот и корупција на највисоко ниво и оваа криминална коалиција што во моментот функционира во Македонија да оди онаму каде што ѝ е местото, а тоа е во затвор.

Доаѓаат подобри времиња за Македонија преку рушење на оваа власт, многу брзо и предвремени парламентарни избори. Затоа ги повикувам сите граѓани на Македонија да нè поддржат во оваа битка, да останат во Македонија и заеднички да ја направиме Македонија поубаво место за живеење и да ја направиме место во којашто ќе функционира правната држава“, рече Николоски.

Прикажи повеќе...

Македонија

Филипче: Немам информации дали Мијалков се тестирал и дали пријавил самоизолација

Објавено пред

Министерот за здравство, Венко Филипче, нема информации за тоа дали поранешниот шеф на тајната полиција Сашо Мијалков се тестирал за Ковид-19 и дали контактирал со здравствените власти.

Мијалков откако исчезна во неделата, вчера се појави со објаснување дека бил во самоизолација поради тоа што имал температура над 40 степени.

„Немам информации дали се тестирал и дали контактирал со Здравствениот инспекторат“, кусо одговори министерот Филипче.

На прашањето дали е можно по само три месеци некој повторно да се зарази со вирусот, како во случајот на Мијалков, министерот Филипче одговори дека болеста има многу непознаници има многу специфични случаи, но науката сè уште не дала одговор на тоа прашање.

Тој најави дека следната недела МАНУ ќе ги објави резултатите од анализите за присутните видови на вирусот кај нас по зголемувањето на бројот на новозаболени.

Прикажи повеќе...

Најново

Македонија2 часа

Филипче: Немам информации дали Мијалков се тестирал и дали пријавил самоизолација

Министерот за здравство, Венко Филипче, нема информации за тоа дали поранешниот шеф на тајната полиција Сашо Мијалков се тестирал за...

Топ4 часа

(Видео) Вработени во фабрика за канабис во Кочанско ја продавале дрогата нелегално

Тројца вработени во фабриката за канабис за медицински цели во кочанското село Уларци одгледувале марихуана за продажба на нелегалниот пазар....

Свет5 часа

Вакцината на „Синофарм“ е 72,51 процент ефикасна против коронавирусот

Подружницата на „Синофарм“ при Институтот за биолошки производи во Вухан денес објави дека нејзината вакцина против Ковид-19 покажала дека во...

Македонија5 часа

Свадбите остануваат забранети

За помош на угостителите може да се разговара, но олабавувањето на мерките и дозвола за организирање свадби, како што бараат,...

Македонија6 часа

Борел: Не се преправаме дека ве сакаме, ќе почнеме преговори со Скопје и Тирана

Европскиот министер за надворешни работи Жозеп Борел изјави дека Европската Унија не се преправа дека го сака Западен Балкан во...

Свет6 часа

СЗО: Три нови видови коронавирус се шират низ светот од минатата година

Според податоците на СЗО, низ светот се шират три нови видови коронавирусот од минатата година. Од СЗО информираат дека новиот...

Македонија7 часа

СДСМ: Институциите покажаа капацитет за обезбедување на правдата

Христијан Мицкоски, бранителот на криминалот и потрчко на Никола Груевски и Сашо Мијалков, вчера доживеа нов пораз откако институциите покажаа...

Македонија8 часа

Денеска ќе пристигне втората пратка вакцини од Србија

Денеска треба да пристигне втората пратка од вакцините на „Фајзер“, што ќе ја достави Србија. Министерот за здравство, Венко Филипче,...

Свет18 часа

(Видео) Тајгер Вудс се бори за живот по тешка сообраќајна несреќа во Лос Анџелес

Најдобриот голфер Тајгер Вудс се бори за живот по тешка сообраќајна несреќа што се случи денеска во близина на Лос...

Македонија19 часа

Мијалков однесен во домашен притвор на Водно

Во полициски автомобил со затемнети стакла Сашо Мијалков беше изнесен од Обвинителството за гонење организиран криминал. Автомобилот беше во придружба...

Македонија20 часа

Русковска: Не верувам дека Мијалков бил болен

Обвинителката Вилма Русковска рече дека е среќна што ексдиректорот на УБК, Сашо Мијалков, сам се пријавил во Обвинителството. Таа објасни...

Македонија20 часа

И без сознанија за бегство, одреден куќен притвор за Миле Јанакиески

Определен нов куќен притвор за ексминистерот Миле Јанакиески за предметот ТНТ откога обвинителите забележале дека не може да му го...

Македонија21 час

( Видео) Заев: Мијалков избега и тоа што се појави не е олеснителна околност

Правдата е обезбедена и ќе ја има повеќе и почесто и ќе следува ваков одговор кога некој ќе сака да...

Македонија23 часа

Мијалков се појави во Обвинителството, тврди дека бил во изолација

Ексдиректорот на УБК, Сашо Мијалков, по два дена, попладнево сам се појави во Обвинителството за организиран криминал во Скопје за...

Македонија1 ден

(Видео) „Ова е објавување војна“ – роднините на осудените во „Монструм“ најавија протест

Бедри Ајдари, братот на осудениот во „Монструм” Фејзи Азири, повика на протести поради казните изречени од кривичниот суд. Тој по...

Македонија1 ден

Мицкоски: Бегството на Мијалков беше договорено, време е за техничка влада

Дадовме 24 часа вашата истрага да даде резултат, ама договорено беше бегството на Мијалков, изјави лидерот на ВМРО-ДПМНЕ, Христијан Мицкоски,...

Македонија1 ден

(Видео) Тројца обвинети во „Монструм“ добија доживотен затвор, двајца од нив се во бегство

Тројца обвинети во случајот „Монструм“ се осудени на доживотен затвор, двајца на 9 и 15 години, а еден е ослободен....

Македонија1 ден

Радев: 100.000 граѓани во Македонија имаат бугарско државјанство, да се почитуваат нивните права

Бугарскиот претседател, Румен Радев, повикува на навремен одговор од одговорните институции во Бугарија и Македонија за проблемите со кои се...

Регион1 ден

„Организацијата е нула“ – огромни редици за вакцинирање во Загреб

Утрово голем број луѓе се собраа во Загреб, каде вакцинацијата почнува денеска, како дел од втората фаза. Иако вакцинирањето започна...

Европа1 ден

Британски студии: Вакцините драстично го намалуваат бројот на хоспитализирани лица

Две одделни британски студии покажаа дека вакцинацијата придонесува за драстично намалување на бројот на хоспитализирани лица поради Ковид-19, објави денес...

Досие