„Демократската унија за интеграција најостро го осудува антиевропското насилство на улиците на Скопје поттикнато и спроведено од проруските елементи во нашата земја кои се против ЕУ, НАТО, добрососедството, мирот, стабилноста и безбедноста“ соопштуваат од владејачката ДУИ.

Оттаму посочуваат дека „последните случувања во земјава по предлогот на Советот на ЕУ за преговарачка рамка за Северна Македонија ги откриваат поделбите во општеството меѓу прогресивните сили за поддршка на Европската унија и регресивните сили против ЕУ“.

Регресивните сили во земјава кои ги поддржуваат насилните протести се обидуваат да го попречат европскиот процес што Република Северна Македонија веќе го финализира. За разлика од регресивните, прогресивните сили во земјава кои ги донесоа Охридскиот договор, Договорот од Преспа, членството на земјата во НАТО и автокефалноста исто така успешно го склучуваат прашањето со Република Бугарија за да се обезбеди европската перспектива на нашата земја“ стои во соопштението на ДУИ.

„Европската унија, Вашингтон, Лондон, Париз, Рим, Берлин, Брисел и сите пријатели на нашата земја го поддржуваат овој предлог“ велат од партијата.

Хелсиншкиот комитет изразува загриженост за настаните од вчерашниот протест против францускиот предлог, кој ескалираше со насилство и употреба на говор на омраза.

„Го осудуваме секој чин на насилство и секој говор на омраза, како и поттикнувањето и повикувањето на насилство, како крајно штетни и спротивни на вредностите на едно демократско општество. Комитетот секогаш го поддржува правото на секој граѓанин кој сака да го изрази својот став преку мирен протест, како уставно загарантирано право. Оттука, повикуваме на мирни и достоинствени јавни собири на граѓаните што протестираат. Ги повикуваме полициските службеници со должно внимание да ги обезбедуваат протестите, без пречекорување на нивните надлежности, со употреба на пропорционална сила само доколку е потребно“, се вели со соопштението.

Оттаму апелираат до сите политичари и јавни личности да внимаваат каков говор употребуваат во своите обраќања до јавноста и транспарентно да ги информираат граѓаните, без притоа да разгоруваат омраза и нетрпеливост. Дополнително, апелираат медиумите да внимаваат како ги пренесуваат моменталните случувања, водејќи се од начелата на објективност и непристрасност при известувањето.

Хелсиншкиот комитет додава дека ги следи протестите и настаните и ќе реагира соодветно на секој чин на насилство од која било страна. Доколку во кој било момент Комитетот увиди примена на прекумерна сила од страна на полицијата, ќе покрене постапки пред надлежните институции.

Денеска во Скопје беше промовирана новата зграда на Управниот суд. Новите простории се наоѓаат во центарот на Скопје, на ул. Даме Груев 6, а во нивните рамки се наоѓа и Медиа центарот на судот – дел од заедничкиот проект со Мисијата на ОБСЕ во Скопје, чија цел е да придонесе кон подобрување на транспарентноста на работењето на Управниот суд со медиумите, но и со другите заинтересирани страни.

Во своето поздравно обраќање Претседателот на Управниот суд Бурим Сејдини, ја истакна важноста и неопходноста од подобрување на условите на работата на судот, имајќи го предвид фактот дека судот веќе 15 години ја извршува својата дејност во импровизирани и несоодветни услови.

„Oбезбедувањето на подобри услови за работа на судот, беше предизвик уште од почетокот на вршење на мојата функцијата како претседател на судот во 2017 година. Денес за Управниот суд, гордо може да кажеме дека располага со сите услови кои се неопходни за унапредување и усовршување на судското работење. Имено, станува збор за услови во полза на судиите кои секојдневно донесуваат одлуки, како и во корист на судската администрација како логистика на судиите во Управниот суд кои арбитрираат правда, а чии одлуки неминовно помагаат во почитување на демократските вредности, темелните вредности на Уставот како и исполнување на Европските стандарди и поттикнување на целокупниот општествен развој на нашата рече Сејдини.

Реновирањето на зградата траеше една година и четири месеци, а објектот се простира на површина од 2.608 м2.

Министерот за правда Никола Тупанчески потенцира дека ефикасноста и квалитетот во работата на правосудните органи воопшто, зависат од многу фактори, меѓу кои и условите во кои се врши правораздавањето и во кои се спроведуваат постапките.