Артан Груби, поддржан од Ковачевски, дозволува отворање на 3 онлајн коцкарници, кои ќе бидат во партнерство со државата, внимавајте со лиценца, која ќе има важност цели 15 години, велат од ВМРО-ДПМНЕ.

„Огласот кој е распишан овој септември, е така скроен, да нема теорија на истиот, да учествува некоја домашна фирма, односно стриктно е наменет за странски фирми. Дали Артан Груби и владата, овој оглас го скроиле за бугарската фирма 8888.бг? Дали на оваа фирма сопственик е озогласениот во бугарското подземје Васил Бошков, т.н. Черепот, добро познат на законот во Бугарија, кој што живее во Дубаи?“, прашуваат од партијата ВМРО-ДПМНЕ.

Според нив, додека народот тоне во сиромаштија, а власта се фали со некакви загарантирани цени, од неколку денари помалку, ДУИ и СДС смислиле уште еден бонбона бизнис, за да се нафатираат за по уште неколку десетици милиони евра.

Во текот на вчерашниот ден, според извештаите во Секторот за операции и координација во Центарот за управување со кризи, противпожарните тимови интервенирале на 24 пожари, некаде заеднички – здружени од повеќе општини, а и со помош од месните жители, како и со воздухопловна поддршка од ДЗС и МВР, извести ЦУК.

Како што соопшти ЦУК, утрово еден пожар се води како активен – во Општина Прилеп, кај село Алинци, каде што горела ниска вегетација, а се уште чадела само депонијата што исто ака била опожарена и е пријавен уште еден. Конкретно, Регионалниот ЦУК Прилеп извести дека околу 04:40 часот утрово е започнат пожар при што гори ниска вегетација и деградирана шума кај село Небрегово, во Општина Долнени. Во гаснењето на пожарот, интервенирале четири пожарникари од ТППЕ Прилеп со едно противпожарно возило.

Вчерашните изгаснати 24 пожари, при што горела сува трева, ниска вегетација, деградирана шума, а и мешана и борова шума, биле во 12 општини: Илинден, кај село Бучинци; Петровец, Стрелиште Чојлија; Општина Долнени, кај село Слепче, село Гостиражни, село Секирци, село Стровија и кај село Новоселани; Прилеп, кај село Загорани и кај кај фабрика „Комфи Ангел“; Крушево, село Норово; Кривогаштани, село Кривогаштани; Струмица, кај село Сушица, село Куклиш, село Вељуса и кај село Водоча; Гевгелија, село Ново Конско; Кичево, село Челиковци; Куманово, кај населбата „Бедиње“ и кај село Романовце; Липково, кај село Матејче и кај село Ваксинце и во Општина Кратово, кај село Коњух, каде што горела ниска вегетација, грмушки, ниска шума, една штала и неколку напуштени куќи, информираше ЦУК.

„Во последните 32 години, во државата се изградени и пуштени во употреба 186 километри автопати или по 5,8 километри автопат годишно. А сега, со изведбата на Коридорите 8 и 10-д, во следните 4 години ќе се градат по 23 километри автопат годишно“, рече вицепремиерот Маричиќ на синоќешната отворена трибина во Штип, на тема: „Градиме македонски, градиме европски!“.

Вицепремиерот за европски прашања Бојан Маричиќ кажа дека со реализацијата на најголемиот инфраструктурен проект досега, изведбата на коридорите 8 и 10-д, кои се паневропски коридори, за прв пат, по 30 години, преку нова и модерна патна инфраструктура ќе се поврземе со исток и запад.

Тој додаде дека изградбата на Коридорите 8 и 10-д значи нови 8.000 работни места и нови инвестиции од 1,3 милијарди евра, но и отвора можности за нови бизниси.

„Со изградбата на нова модерна патна врска на исток и запад обезбедуваме и рамномерен регионален развој и конекции со пристаништа во Драч и во Бургас за брз и полесен извоз на македонски производи и за увози на стоки и опрема за македонските компании“, посочи Маричиќ.

Маричиќ се осврна и на активните градежни активности на македонските патишта, но и на овогодишниот завршен проект за реализација на источниот дел на паневропски коридор, магистралниот пат Куманово – Страцин, инвестиција вредна 12 милиони евра, како дел Коридорот 8.

„На македонското градилиште пред десеттина дена го видовме пробивањето на вториот тунел на Фаришка клисура на делницата на патниот правци Градско – Прилеп. Во полн ек на работите со тоа започнаа завршните градежни активности на патниот правец Прилеп – Битола кој како современо автопатно решение од Коридорот 10Д ќе нè поврзе со Меџитлија кон грчката граница“, рече Маричиќ.

Тој пред присутните штипјани нагласи дека на овој начин се зајакнуваат и транспортните врски со регионот, со што се поврзува Западен Балкан соодветно на стандардите на Европската Унија.

„Кога ќе биде готов и Коридорот 10д со поврзувањето со автопатната мрежа Миладиновци-Штип, Штип-Радовиш, и Штип-Кочани добиваме современа, европска патна трансверзала и стратешки важен патен правец за дополнителен економски развој на регионите што ги поврзува“, порача Маричиќ.

На крајот на своето обраќање Маричиќ потенцираше дека нема да застанат со градежни зафати, бидејќи како што кажа тој создавањето на модерни патни делници го трасираат патот кон исполнување на нашите европерспективи.

„Знаеме дека и тоа е еден од неопходните чекори и за исполнување на целта – членство на Северна Македонија до 2030 година. За нас ветувањата одат секогаш со исполнување на ветеното. Како застапници на европските вредности, оваа Влада не гради проекти за политички поени како што тоа се правеше во едни други времиња. Градиме инфраструктурни проекти кои ќе значат подобар живот, подобар стандард и подобро утре за сите нас“, рече Маричиќ.