Скопското обвинителство бара куќен притвор за 38-годишен скопјанец, кој е осомничен за недозволено изработување, држење и тргување со оружје или распрскувачки материи.

Од Обвинителството велат дека осомничениот во својот дом во Сингелиќ, неовластено кај себе држел 73 куршуми, од кои 67 парчиња од кинеско и 6 од албанско производство. Куршумите со калибар 7,62Х39 биле наменети за испалување од различни видови репетирачки, полуавтоматски и автоматски огнени оружја.

Предлогот за определување мерка куќен притвор е доставен до кривичниот суд.

Заменик-амбасадорот на Сојузна Република Германија во САД го предаде официјалниот документ за ратификација на протоколот за пристапот на Република Северна Македонија во НАТО, со што во Германија постапката за ратификација за пристапување на Северна Македонија во НАТО е завршена.

Ова беше соопштено денеска од страна на германската амбасада во Скопје.

Германскиот Буденстаг го ратификуваше протоколот за членство во НАТО на 6 јуни годинава.

Истрагата за случајот „Рекет“ се води многу штуро, летаргично и со огромна доза на непрофесионалност, обвини денеска на прес-конференција портпаролот на ВМРО-ДПМНЕ, Димче Арсовски.

Тој праша зошто сѐ уште не е викнат на распит синот на Катица Јанева, Лазар Јанев.

„Зошто сè уште синот на Катица Јанева е на слобода, ако знаеме дека тој му беше десна рака на Боки 13 во телевизијата преку која бизнисмени склучувале договори наводно да се рекламираат на истата телевизија, а тој бил задолжен за делот на маркетинг?“, рече Арсовски.

Тој праша и до каде е истрагата за Кики и Фрики, како и дали е вистина дека тие имале едни од клучните улоги во функционирањето на Меѓународниот сојуз, а биле поддржани и со амин на Зоран Заев.

Арсовски додаде дека премиерот Зоран Заев и СДСМ нема да успеат да го прикријат случајот „Рекет“ и да го затворат по свое сценарио.  Напротив, вели портпаролот на ВМРО-ДПМНЕ, сите инволвирани мора да одговараат за рекетирањето.