Контакт

Македонија

Ахмети: Се роди нов ден, не само за Македонија, туку за целиот регион

Објавено пред

Лидерот на ДУИ, Али Ахмети по изгласувањето на уставните имени преку соопштение им се заблагодари на сите граѓани, на секој гласач, на секој активист, што ја делегирале нивната верба токму во нив за да предводат, и да одлучат.

„Им изразувам благодарност и на сите соработници и содејци, но и на владеачките партнери, заедно со пратениците на опозицијата кои што ни се придружија во овој тежок пат, но одлучен и прав правец.

Денес се роди нов ден, со јасна и црвста евроатлантска перспектива, не само за Македонија, туку за целиот регион. Ние се залагавме долго за да дојдеме до овој ден, потиснувавме многу други очекувања, не адресиравме цели потреби, оставивме на страна многу барања, само и само да се дојде до овој ден што става точка на еден скоро три децениски спор кој што не држеше во заложништво.

Но ова не е крајот, ова е само почетокот.

Во јануари 2019 година се одбележува 100 годишнината од почетокот на Париската Мировна Конференција која што претставуваше обид да и се стави крај на Првата Светска Војна и тогашниот светски поредок. Оваа конференција, никогаш вистински не ја оконча Првата Светска Војна и не не научи како се гради мирот затоа што војните и конфликтите продолжија за цел еден век потоа. Последиците од Парис 1919 ги осеќаме и ден денес, посебно во Југоисточна Европа, но уште по нагласени се кај малите народи над кои неправедно се делуваше.

Вчера, на 11 јануари 2019 година, 81 пратеник на Собранието на Република Македонија го започнаа завршетокот на Париската Мировна Конференција.

Ова е крај на конфликтите, на недоразбирањата, на нејаснотиите, на непредвидливоста, ова е почеток на крајот на Париските последици од 1919 година“, се вели во писмената порака на лидерот на ДУИ, Али Ахмети по изгласувањето на уставните измени.

Тој исто така изрази и длабока почит кон како што напиша, „пријателите во Брисел, Вашингтон, Берлин, Париз, Лондон, Рим, Виена и на сите земји сојузници од евро-американската заедница затоа што овој пат го изодевме заедно, оваа висина ја искачивме рамо до рамо до самиот врв“.

Избори 2019

МВР ќе издава лични карти и утре и задутре

Објавено пред

Министерството за внатрешни работи ги известува граѓаните дека сите Одделенија за управни работи ќе работат во сабота и недела (20 и 21.04.2019 и на 04 и 05.05.2019 година).

Сите барања за издавање лична карта (оштетена, изгубена или украдена), по законски спроведената постапка, ќе се одобруваат итно во сите регионални Одделенија за управни работи при Министерството за внатрешни работи и тоа само доколку подносителот не поседува биометриска патна исправа.

Барањата за лични карти ќе се примаат и одобруваат итно заклучно со сабота(20.04.2019 година) до 16.00 часот. Веднаш по примањето на апликациите за лични карти, Одделот за информатика ќе ги изработува и ќе ги доставува до надлежниот сектор за навремена дистрибуција до Одделенијата за управни работи. На денот на претседателските и локалните избори(недела, 21.04.2019 година) Одделенијата за управни работи ќе работат само за издавање на лични карти во периодот од 07.00 до 19.00 часот.

Истото ќе важи и за вториот круг кој ќе се одржи на 05.05.2019 година. Барањата за лични карти ќе се примаат до 04.05.2019 до 16.00 часот, а на денот на изборите 05.05.2019 година ќе се издаваат во периодот од 07.00 до 19.00 часот.

Прикажи повеќе...

Избори 2019

Пендаровски во Лабуништа: Мојот концепт е за заедништво, заеднички живот во европска и напредна земја

Објавено пред

Стево Пендаровски, кандидатот за претседател поддржан од граѓаните и од 30 политички партии, денеска ги посети и граѓаните на Лабуништа.

„Се радувам што ве гледам во толкав број и што гледам толку млади луѓе. Ми кажаа дека противкандидатите не дојдоа овде кај вас, во Лабуништа. Тоа е разликата. Мојот концепт е за заедништво, заеднички живот во европска и напредна земја. Мојот слоган е ‘Заедно напред’. Само така можеме да просперираме, а не еден по еден. Јас не правам разлика по верска и етничка припадност. Нашиот концепт е едно општество за сите нас затоа што сите сме исти и мора сите да ги уживаме правата што ни припаѓаат“, рече Пендаровски.

Тој рече дека опцијата што ја нудат опозицијата и кандидатката Силјановска е опција за враќање назад кон изолација, поделби, неизвесност, запирање на почнатиот напредок на земјата и изрази уверување дека граѓаните го препознаваат тоа и ќе изберат напредок.

„Да бидеме сложни и да си помогнеме. Тргнавме напред. Ова е единствениот автопат што нè носи кон развиениот свет. Да не дозволиме да нè вратат назад, да го закочат напредокот, да застанеме. Уверен сум дека в недела, 21 април, ќе направите вистински избори и ќе изберете напредок, да продолжиме заедно напред“, порача Пендаровски.

Прикажи повеќе...

Избори 2019

ВМРО-ДПМНЕ поднесе уште два приговора до ДКСК

Објавено пред

ВМРО-ДПМНЕ денеска поднесе уште два приговора до Државната комисија за спречување на корупцијата во врска со прекршување на Изборниот законик и Законот за спречување на корупцијата и судирот на интереси.

„Првиот се однесува на одлуката за измена на детален урбанистички план во општината Ѓорче Петров, каде што локалната власт на СДСМ уништува парк за да се гради станбен објект. Одговорни се градоначалникот и Советот, кои прифатиле точка и ја изгласале одлуката во изборен период. Иако иницијативата е поднесена од приватно лице пред изборите, во овој период не смее да се менува ДУП бидејќи се отвора можност за влијание врз гласачи.

Вториот счучај се однесува на лице вработено во администрацијата, кое работното време, наместо на работното место, го поминува во штабот на Стево Пендаровски. За време на посетата на идната претседателка на Република Македонија, Гордана Силјановска-Давкова, на штабот на Пендаровски во Скопје, меѓу присутните е и градежен инженер од Демир Хисар, вработен во Министерството за финансии.

Зоран Заев и Стево Пендаровски се во паника бидејќи се соочени со изборен пораз и затоа скандалозно и недопустливо секојдневно ги злоупотребуваат институциите и буџетот во изборни цели. Затоа, на социјалните мрежи кружат фотографии и видеа како се делат дрва и како се асфалтираат улици, иако ваквите активности се забранети во предизборниот период.

Власта и на централно и на локално ниво две години камче не фрли, ниту шајка закова, па сега се надева дека граѓаните имаат заборавено и дека нивната чест и достоинство ќе може да се купат со пари што и онака се буџетски.
Заев и Пендаровски ги потценуваат граѓаните, кои веќе избраа и се одлучија за правда за Македонија.

ВМРО-ДПМНЕ очекува ДКСК да ги прифати поднесоците од ВМРО-ДПМНЕ. Очекуваме и ЈО да постапи по нивните наоди. Државните институции мора да се ослободат од притисоците и да преземат мерки да не се узурпира волјата на гласачите.

Криминалниот клан во власта е изворот на корупцијата и мора да му се стави крај. Стево Пендаровски е вториот лик на Зоран Заев. Стево Пендаровски му е потребен на Зоран Заев за непречено да продолжат криминалот и корупцијата, единствената владина насока.

Македонија мора да стане држава во која важат законите, важи правото, се цени правдата, Македонија мора биде држава на правото и правдата, а тоа е возможно само со убедлива победа на Гордана Силјановска-Давкова на 21 април и потоа на 5 мај, порачаа од ВМРО-ДПМНЕ.

Прикажи повеќе...

Најново

Македонија6 часа

,,Сведочите на рекла-кажала”, Мијалков се обиде да го дискредитира Звонко Костовски

Со поставување вкрстени прашања, ексшефот на тајната полиција Сашо Мијалков се обиде да го дискредитира сведочењето на Звонко Костовски, еден...

Македонија7 часа

(Видео) Јанушев, Кирацовски и Асани се ракуваа и ветија фер и демократски избори

Шефовите на изборните штабови на кандидатите за претседател денеска присуствуваа на средба со Државната изборна комисија од каде порачаа дека...

Избори 20197 часа

(Видео) Деркоски: Ниту една кампања не може да е кристално чиста, но оваа беше релативно мирна

Претседателот на Државната изборна комисија, Оливер Деркоски, на средбата со шефовите на изборните штабови на кандидатите за претседател оцени дека...

Македонија7 часа

(Видео) Јанакиески побарал увид во доказите за крвавиот четврток

Околу триесетина минути траеше распитот на поранешниот министер за транспорт и врски Миле Јанакиески во Обвинителството за организиран криминал и...

Македонија9 часа

Револтирана мајка: Син ми доби силна тупаница по главата поради бојата на кожата

Револтирана мајка од Скопје на Фејсбук објави дека нејзиниот 13-годишен син добил тупаница по глава, а претходно бил навредуван на...

Македонија9 часа

Надица се логираше со други имиња за да види што другите гледаат во системот, сведочеше Звонко Костовски

Обвинетата началничка во МВР, Надица Николиќ, на денешното судење за масовното прислушување познато под кодното име „Таргет-Тврдина“ го испрашуваше инженерот...

Крвав четврток10 часа

Јанакиески повикан на распит во обвинителство за крвавиот четврток

Ексминистерот за транспорт и врски, Миле Јанакиески, е повикан на распит во Обвинителството за гонење организиран криминал и корупција во...

Македонија11 час

Теренска вакцинација во училиштата против морбили

Медицински персонал денеска ќе тргне по училиштата и теренски ќе ги вакцинира оние што не ја примиле вакцината против морбили....

Европа11 час

Шпанската полиција спречи терористички напад на џихадистите за Велигден во Севиља

Шпанската полиција, наводно, спречила планиран напад на велигденските поворки во Севиља, при што во Мароко е уапсен еден џихадист, соопшти...

Избори 20191 ден

Дескоска: Ако не се избере претседател, во игра се две опции

Во игра се две опции доколку на претседателските избори не биде постигнат потребниот цензус, изјави министерката за правда, Рената Дескоска....

Македонија1 ден

На интернет објавени четири прислушувани разговори

На интернет пред неколку часа објавени се четири телефонски прислушувани разговори. Зад објавата стои извесен корисник „Илија громовник“, а разговорите се...

Избори 20191 ден

Силјановска во штабот на Пендаровски

Гордана Силјановска-Давкова денеска го посети изборниот штаб на својот противкандидат Стево Пендаровски. Таа на „Твитер“ објави дека со присутните разговарале...

Македонија1 ден

(Видео) Поплава во средното уметничко училиште во Скопје

Во средното уметничко училиште „Лазар Личеноски“ во Скопје вчера настанала поплава, откако избил вентилот за парно греење за време на...

Македонија1 ден

Нови 30 дена куќен притвор за Стевчо Јакимовски

Кривичниот суд во Скопје му определи нови 30 дена куќен притвор на поранешниот градоначалник на општина Карпош Стевчо Јакимовски во...

Свет1 ден

„Фејсбук“ без дозвола собрал адреси на е-пошта од 1,5 милион корисници

„Фејсбук“ призна дека собрал адреси на е-пошта од 1,5 милион корисници без нивно знаење и дозвола, објави Си-ен-ен. Најголемата социјална...

Свет1 ден

(Видео) Девојка во Бангладеш запалена зашто пријавила сексуална злоупотреба

Студенти ја полиле со керозин и ја запалиле нивната колешка Нусрат Џахан Рафи во училиште во Бангладеш бидејќи две недели...

Свет1 ден

Маж со канистери полни бензин и запалки сакал да влезе во катедралата во Њујорк

Триесет и седумгодишен маж e уапсен откако се обидел да влезе во катедралата Свети Патрик во Њујорк со два канистери...

Македонија1 ден

Репортери без граници: Земјава на 95. место според слобода на медиумите

Северна Македонија е на  95. место според последниот светски индекс за слободата на медиумите на Репортери без граници (РСФ), со...

Свет1 ден

„Тајм“ објави листа на највлијателни луѓе во светот

Пејачката Тејлор Свифт, телевизиската новинарка Гејл Кинг и фудбалската ѕвезда Мохамед Салах се меѓу шесттемина познати и највлијателни луѓе според...

Европа1 ден

(Видео) Португалија: Загинаа 29 германски туристи во автобус кој излета од патот на островот Мадеира

Најмалку 29 туристи од Германија загинаа синоќа во несреќа на португалскиот остров Мадеира, кога препол автобус излета од патот и...

Досие