Македонија
Без струја делови на Кисела Вода, Центар и Карпош

Заради технички зафати во дистрибутивната електро мрежа, денеска без електрична енергија ќе останат следните корисници:
Од 08:00 до 14:00 часот, корисниците од делови од улиците: Томе Стефановски и Славка Димкова во нас. Драчево. ( Општина Кисела Вода )
Од 08:00 до 15:00 часот, корисниците од дел од ул. 166. ( Општина Центар )
Од 08:30 до 10:30 часот, корисниците од делови од улиците: Иван Цанкар, Бела Краина и Франц Месеснел во нас. Влае. ( Општина Карпош )
Од 09:00 до 13:00 часот, корисниците од ул. Петар Поп Арсов бр. 40. (Општина Центар )
Од 09:15 до 13:30 часот, корисниците од ул. Радика, зграда број 1 и ул. Огражден, згради број 1, 2 и 3. ( Општина Карпош )
Од 11:30 до 14:30 часот, корисниците од дел од ул. Франц Прешерн. (Општина Карпош )
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Каменуван македонскиот клуб во Бугарија

Каменуван е новоотврениот македонски клуб во Бугарија, „Никола Вапцаров“ кој се отвори во Благоевград. Ова го објавија бугарските медиуми кои се повикуваат на полициски информации. Според дел од нив, искршен е влезот на клубот. Инцидентот е пријавен на дваесетина минути пред 10 часот. Според првичните информации, искршено е стаклото од влезот на клубот.
Ваквите случувања доаѓаат по тензичниот ден на границата „Деве Баир“ каде беа уапсени тројца Бугари кои навредуваа полицајци, не политуваа наредби од униформирани лица и вербално ги напаѓаа. Не е познато кој го искрши влезот на македонскиот клуб, а кое доаѓа и по инцидентите со бугарските клубови во Македонија кои ги имаше во изминатиот период.
Бугарската „БНТ“ пишува дека пред објектот имало полиција која правела увид. Забрането било фотографирање и документирање на искршениот влез од клубот.
Македонскиот клуб беше отворен на крајот од октомври минатата година. Кратко потоа, се случија и првите проблеми помеѓу македонското здружение и институциите во Бугарија.
Македонија
Протерани тројцата Бугари, меѓу кои пратеник: Добија времена забрана за влез во Македонија и казна

Тројцата Бугари кои со погрдни зборови навредуваа полицајци на границата „Деве Баир“, по што беа уапсени, се протерани од Македонија. Судот во Крива Паланка им изрече забрана за влез во Македонија во наредните три години. Ќе треба да платат и по 300 евра казна за сторениот прекршок. Ваков е исходот од нивното изведување пред судија на претходна постапка.
Меѓу уапсените, а сега протераните е и пратеникот на „Вазраждане“ Ангел Георгиев. Тој тврди дека бил тепан од полицајците, а тоа го пренесоа и медиумите од Бугарија. Од видеото споделено на социјалните мрежи се гледа само како тој е уапсен бидејќи не почитуваше наредба од службениците кои побараа од него да не снима, како и поплака зошто го апсат и да не го удираат.
Инцидентот се случи попладнево, кога тој и други граѓани останаа на границата „Деве Баир“.
Македонија
Грковска во Вашингтон: Западен Балкан е во срцето на Европа и тоа го прави клучен за стабилноста

За Северна Македонија, како најнова членка на НАТО Алијансата партнерството со САД, како и зачувувањето на безбедноста и стабилноста на Западен Балкан е од врвен приоритет. Западен Балкан е регион од стратешко значење за НАТО“, порача заменичката на претседателот на Владата задолжена за политики за добро владеење, Славица Грковска, во синоќешното обраќање во Вашингтон, на панелот „Како да се спротивставиме на руското и кинеското влијание на Западен Балкан“, во организација на меѓународната независна Трансатлантската мрежа на лидери, со што и ја заврши работната недела во САД.
Таа нагласи дека е неопходна силна определба и упорност, независно од тоа што и Северна Македонија, како и останатите земји од регионот е изложена на руско влијание.
„Не смееме да дозволиме политички предизвици да станат безбедносни проблеми“ порача вицепремиерката Грковска, и дополни дека со се подолгото одложување на отпочнувањето на пристапните преговори граѓаните губат доверба во политиките кои се во насока на исполнување на нашата најважна стратешка цел – да бидеме дел од ЕУ. Следствено, со тоа и расте влијанието од Русија и Кина како резултат на зголемената недоверба на граѓаните.
За да се намали и спречи ваквото влијание, додаде вицепремиерката Грковска, важно е државите да ги негуваат демократските вредности, да го промовираат и унапредуваат владеењето на правото, еднаквоста пред законите, како и доследно да ги имплементираат принципите на доброто владеење. За крај, вицепремиерката порача дека силна економија во ЕУ значи стабилен регион. А тоа не можеме да го постигнеме без поддршката од САД.