Македонија
Без струја повеќе населби во Скопје
Од „ЕВН Македонија“ АД преку соопштение до медиумите ја информираат јавноста дека во текот на денот без електрична енергија ќе останат делови од општина Центар, Кисела Вода, Аеродром, Петровец, Сарај, Карпош и Гази Баба.
Во периодот од 8.30 до 10.30 часот, како што стои во соопштението, без струја ќе бидат корисниците од улиците Капиштец, Питу Гули, како и дел од улицата Димитар Пандилов во општина Центар. Од „ЕВН Македонија“ во соопштението додаваат дека електрична енергија ќе немаат ниту корисниците од улицата Руди Чаевац, поточно бараките на улицата Новопроектирана во општина Аеродром, и тоа во периодот од 8.30 до 11.30 часот, како и корисниците: „Тинекс“ и „Макпетрол“ во населбата Чојлија во општина Петровец во период од 8.30 до 15 часот.
Понатаму, додаваат од „ЕВН Македонија“, во периодот од 9 до 12 часот без струја ќе останат и дел од корисниците од улицата 10 во селото Јурумлери во општина Гази Баба, а во периодот од 8.30 до 15 часот без струја ќе бидат дел од корисниците од селата: Глумово, Шишево, Горна и Долна Матка, како и музејот „Матка“, ресторанот „Кањон Матка“ и фирмите: „Адриус“, „Бис оил“ и „Виа комерц“, сите во општина Сарај.
Во Кисела Вода без струја ќе бидат дел од корисниците од улицата 1513 во населбата Пинтија во периодот од 8.30 до 10.30 часот, како и корисниците од улицата Јанко Мишиќ во населбата Драчево во период од 9 до 13 часот.
Во општина Карпош без струја, како што информираат од „ЕВН Македонија“, во периодот од 9 до 12 часот ќе бидат корисниците од улицата Будимпештанска, од број 11 а до бројот 27 б, а во периодот од 12 до 13 часот без електрична енергија ќе останат дел од корисниците од булеварот „8 Септември“, број 21 и број 23, и дел од Момин Поток.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Утре променливо облачно време со локални врнежи од дожд
Утре времето ќе биде променливо облачно со повремени локални врнежи од дожд. Наместа ќе има услови за појава на нестабилност со краткотраен пороен дожд и грмежи. Ќе дува слаб до умерен променлив ветер, информира УХМР.
Минималната температура ќе биде во интервал од 6 до 12, а максималната ќе достигне од 17 до 23 степени.
Во Скопје, променливо облачно, попладне во делови од котлината ќе има повремен дожд и услови за појава на грмежи. Ќе дува слаб до умерен променлив ветер. Минималната температура ќе се спушти до 10, а максималната ќе достигне до 23 степени.
Следува период на променливо облачно и релативно топло време. Во петок и во деновите од викендот времето ќе биде претежно стабилно и ќе дува умерен до засилен северен ветер. Од понеделник повторно се очекуваат локални врнежи од дожд и изолирана појава на грмежи.
Македонија
Муцунски – Прево: Белгиска поддршка на Македонија во нејзината европска интеграција
На покана на министерот за надворешни работи и надворешна трговија, Тимчо Муцунски, денес во официјална посета на Република Северна Македонија престојува заменик-претседателот на Владата и министер за надворешни работи, европски прашања и развојна соработка на Кралството Белгија, Максим Прево.
Централни теми на разговорите беа напредокот, развојот и перспективите на севкупните билатерални политички и економски односи со Белгија, со посебен акцент на процесот на проширување на Европската Унија и, во тој контекст, реафирмирањето на натамошната белгиска поддршка на македонската европска интеграција.
Министерот Муцунски изрази задоволство од билатералните односи меѓу двете земји и упати благодарност за принципиелната и конструктивна белгиска поддршка во процесот на евроинтеграција. Тој нагласи дека Владата е цврсто посветена на спроведување на клучните реформи, вклучително Реформската агенда, како и на целосно усогласеност со Заедничката надворешна и безбедносна политика на Европската Унија.
„Особено ја цениме јасната позиција дека евроинтегративниот процес мора да се темели на исполнување на копенхашките критериуми од страна на земјите кандидати, но и на подготвеноста на самата Европска Унија да ги спроведе неопходните внатрешни реформи за прием на нови членки“, истакна министерот Муцунски.
Заеднички беше оценето дека македонско-белгиските односи се на високо ниво, при што беше реафирмирана подготвеноста за нивно натамошно продлабочување, особено во делот на економската соработка, зголемувањето на трговската размена и привлекувањето нови белгиски инвестиции.
Министерот Прево истакна дека Белгија останува посветена на унапредување на билатералните односи, врз основа на традиционалното пријателство и меѓусебната доверба. Тој изрази задоволство од посветеноста на земјава кон реформските процеси и европската интеграција, особено во делот на усогласеноста со Заедничката надворешна и безбедносна политика на ЕУ, и потврди дека Белгија ќе продолжи да биде силен поддржувач на процесот на проширување, врз основа на постигнатите резултати.
На средбата стана збор и за актуелните геополитички предизвици. „Разговаравме и за потребата од мудри, но и храбри геостратешки одлуки во време кога европската безбедносна архитектура се соочува со сериозни искушенија“, заклучи министерот Муцунски.
Македонија
Савески во Врховниот суд: разговарано за поефикасно постапување по предметите во надлежност на највисокиот суд
Во рамките на заложбите за поефикасна координација меѓу Јавното обвинителство на РСМ и Врховниот суд на РСМ, државниот јавен обвинител Ненад Савески денеска оствари работна средба со претседателот на Врховниот суд Африм Фидани.
Тие разговараа за повеќе прашања кои треба да овозможат поефикасно постапување по предметите во надлежност на највисокиот суд, а по кои постапува и републичкото обвинителство.
Во исто време, Савески го запозна Фидани со плановите за воведување нов систем за електронско управување со предметите во обвинителствата, кој во иднина треба да овозможи и побрза дигитална размена на податоци со судовите.
По преземањето на функцијата, Савески минатата недела го посети и Уставниот суд.
Столтенберг: Ако на Трамп му се дозволи да го земе Гренланд, НАТО ќе ги изгуби своите вредности
Заканите на Доналд Трамп за повлекување на САД од НАТО треба да се сфатат сериозно, предупреди поранешниот генерален секретар на...
Осмооделенец уби осум ученици и еден наставник во училиште во Турција
Девет лица, меѓу кои осум деца, беа убиени денес во пукотница во училиште во југоисточна Турција, изјави турскиот министер за...
Утре променливо облачно време со локални врнежи од дожд
Утре времето ќе биде променливо облачно со повремени локални врнежи од дожд. Наместа ќе има услови за појава на нестабилност...
Муцунски – Прево: Белгиска поддршка на Македонија во нејзината европска интеграција
На покана на министерот за надворешни работи и надворешна трговија, Тимчо Муцунски, денес во официјална посета на Република Северна Македонија...
Германски министер: Не учествуваме во војната во Иран, но ги чувствуваме последиците
Германија, иако не е вклучена во војната во Иран, директно ги чувствува нејзините економски последици, изјави денеска германскиот министер за...
Маѓар објави видео, од далеку се гледа Орбан на балкон: Што мислите дека чита – неговиот проштален говор или спортски вести?
Победникот на неодамнешните унгарски избори и иден премиер, Петер Маѓар, објави видео од претседателската палата Шандор во Будимпешта, каде што...
Трамп објави слика од Исус како го прегрнува: „Ми изгледа доста убаво!!!“
Претседателот на САД, Доналд Трамп, објави слика од Исус како го прегрнува, генерирана од вештачка интелигенција, на својата социјална мрежа...
Лавров во Пекинг: Русија и Кина го зајакнуваат сојузот
Русија е подготвена да го зголеми количеството енергија што ја извезува во Кина пред очекуваната посета на претседателот Владимир Путин,...
Савески во Врховниот суд: разговарано за поефикасно постапување по предметите во надлежност на највисокиот суд
Во рамките на заложбите за поефикасна координација меѓу Јавното обвинителство на РСМ и Врховниот суд на РСМ, државниот јавен обвинител...