Контакт

Македонија

Беџет Пацоли ќе гради катни и подземни гаражи во Чаир – инвестиција вредна над 50 милиони евра

Објавено пред

Поранешниот претседател на Косово и познат бизнисмен, Беџет Пацоли, ќе биде инвеститор на катни и подземни гаражи во Чаир со цел да се реши долгогодишниот проблем со паркирањето во оваа општина.

Градоначалникот на општина Чаир, Висар Ганиу, заедно Пацоли, кој е сопственикот на глобалната компанија MABETEX, и градоначалникот на град Скопје, Петре Шилегов, денеска го потпишаа меморандумот за договор за соработка со инвеститорот.

„Денеска, заедно со градоначалникот Ганиу и со господин Беџет Пацоли ви соопштуваме една многу голема и многу убава вест не само за општина Чаир туку и за цело Скопје. Долго време во рамките на Град Скопје и Општина Чаир работевме на решавање на проблемот со паркирањето во оваа скопска општина, проблем што подолго време ги мачеше нашите сограѓани од Чаир. Конечно, на задоволство на сите нас дојдовме до решение, кое подразбира еден систематски пристап во решавање на овој предизвик. Во општина Чаир се наоѓаат најстарите населби во нашето Скопје, кои во инфраструктурна смисла сѐ уште имаат задржано елементи од стариот османлиски урбанизам кога не постоеле ниту автомобилите ниту проблемот со нивното паркирање“, рече Шилегов.

Тој додаде дека, за жал, со години нивните претходници градоначалници не успеале да најдат системско решение на овој проблем, но дека ниту тој ниту Висар е човек што ги фрла проблемите под тепих, туку, напротив, ги решаваат колку и да изгледа тоа невозможно.

„Стратешкото партнерство што Општина Чаир го воспостави со инвеститорот подразбира решение што на оптимален начин ќе постигне и повеќе простор за паркирање на возилата, но и повеќе простор за непречено одвивање на пешачкиот, велосипедскиот и на автомобилскиот сообраќај во оваа општина. Тоа значи дека сообраќајниот метеж и застојот во сообраќајот во оваа општина за неколку години од сега ќе бидат минато. Како единици на локалната самоуправа остануваме посветени на решавање на најгорливите проблеми со кои се соочуваат нашите сограѓани. Во таа смисла постигнувањето одржлива урбана мобилност на територијата на целиот град, на секоја скопска општина, е императив од кој немаме намера да се откажеме“, нагласи Шилегов.

Градоначалникот на Чаир, Ганиу, истакна дека е важно што стратешки партнер во изградбата на овие гаражи ќе биде компанијата MABETEX на Пацоли, а инвестицијата тежи над 50 милиони евра.

„Денес, означуваме историско поглавје за општина Чаир бидејќи токму денес го отвораме патот за стратешка и многу важна инвестиција, изградбата на катни и подземни гаражи на многу локации на нашата општина, а една од тие локации е токму овде на плоштадот Скендербег“, рече пред медиумите градоначалникот на општина Чаир, Висар Ганиу.

Гаражите ќе бидат катни, модерни и со светски стил.

„Само за овие четири години успеавме да создадеме речиси 1.500 места за паркирање, што не е мала бројка, а со изградбата на овие нови гаражи проблемот со паркинг-местата ќе се реши еднаш засекогаш затоа што ќе има 3.000 нови паркинг-места. На крајот, сакам да ве потсетам дека овие гаражи беа наше ветување и ќе станат наша реализација“, истакна Ганиу.

Македонија

Нуредини: Заштитата на Охридското Езеро е можна само со заедничко и координирано делување

Објавено пред

Со потпишување на заедничката изјава за поддршка на Студијата за валоризација на Охридското Езеро, градоначалниците на општините Охрид, Струга и Дебрца – Константин Георгиевски, Рамиз Мерко и Зоран Ногачески, ја потврдија подготвеноста да соработуваат во процесот на репрогласување на Охридското Езеро за Споменик на природата.

Во таа прилика, министерот за животна средина и просторно планирање Насер Нуредини истакна дека веќе e постигнat напредок во делот на заштита на Охридското Езеро, како една од најрепрезентативните и меѓународно препознаени природни убавини во нашата држава.

„Неодамна овој напредок беше препознаен и од Комисијата на УНЕСКО, кога добивме дополнителен период да постапиме по нивните препораки и да ги завршиме започнатите активности. Токму Студијата за валоризација на Споменикот на природата – Охридско Езеро и работата на Нацрт-Планот за управување, беше една од клучните активности со кои ние ја покажавме подготвеноста вистински да го заштитиме Охридското Езеро – изјави министерот Нуредини, додавајќи дека единствен начин да се постигне поставената цел е заедничкото, здружено делување на централната и локалната власт, воспоставување соработка и добра координација на локалните самоуправи.

Студијата за валоризација на Споменикот на природата – Охридско Езеро беше предадена на општините Охрид, Струга и Дебрца со цел усвојување од страна на нивните совети и формално доставување до Министерството за животна средина и просторно планирање, за отпочнување на постапка за повтoрно прогласување на Охридско Езеро за заштитено подрачје во согласност со Законот за заштита на природата.

Директорот на Регионалната канцеларија на IUCN за Источна Европа и Централна Азија, Борис Ерг објасни дека реномирани национални и меѓународни организации за зачувување, во последниве неколку години, водеа истражувања во и околу Охридското Езеро, а собраните податоци се интегрирани во Студијата за валоризација за Охридското Езеро.

Меѓутоа, според него, за ефективно управување со езерото и заштита на неговите извонредни природни вредности, клучна е заедничката визија на Министерството за животна средина и просторно планирање на Северна Македонија и трите општини околу Охридското Езеро во Северна Македонија, како и поддршката и соработката на граѓанските организации.

Во рамки на настанот, беше изведено и примопредавање на Сертификатот на градоначалниците на општините Охрид, Струга и Дебрца, во кој е наведено дека Охридското Езеро е внесено во светската Рамсарска листа на заштитени водни живеалишта.

Прикажи повеќе...

Македонија

Софијанова: Коронавирусот кај децата најчесто дава полесна клиничка слика, но може да предизвика сериозен синдром

Објавено пред

Коронавирусот кај децата најчесто дава полесна клиничка слика која се третира само со симптоматска терапија. Но неопходно е секој случај внимателно и претпазливо да се следи и доколку се забележи влошување на здравствената состојба, да се направат дополнителни испитувања кои би укажале на посериозни синдроми и состојби, како што е мултисистемски инфламаторен синдром, истакна проф. д-р Аспазија Софијанова, директор на Клиниката за детски болести и претседател на Здружението на педијатри, која беше дел од неделните онлајн дискусии кои Лекарската комора ги организираат со цел да се олесни комуникацијата и размената на искуства и знаења за превенција и третман на Ковид-19 меѓу лекарите од сите нивоа на здравствениот систем.

Софијанова на почетокот на настанот истакна благодарност до Лекарска комора за европски и напреден начин на делување и можности за зближување на основ на стручност и професионалност и истакна дека во предавањето кои го презентираа се споделуваат искуствата и сознанијата на престижни педијатриски центри за лекување на Ковид-19, искуства од Клиниката за детски болести, како и податоци објавени во релевантни научни студии.

„Кај децата Ковид-19 обично е благ и се лекува со симптоматска терапија. Но ако состојбата се влошува и фебрилноста трае повеќе од три дена, треба да се размислува и за дополнителни испитувања бидејќи во ретки случаи, децата можат да бидат сериозно погодени, а клиничките манифестации може да се разликуваат од возрасните. Во април 2020 година извештаите од Обединетото Кралство документираа презентација кај деца слична на нецелосна Кавасаки болест или синдром на токсичен шок. Оттогаш, има извештаи за слично погодени деца во други делови на светот. Состојбата е наречена мултисистемски инфламаторен синдром кај деца“, истакна  Софијанова.

Мултисистемски инфламаторен синдром се јавува кај деца кои биле асимптоматски случаеви, или имале блага клиничка слика, а по период од две до четири недели развиваат болест, односно нова состојба која се манифестира пред сè со многу висока температура, над 39 степени па и 40 степени која трае повеќе денови и која не се спушта со антипиретици.

„Се јавуваат промени по кожата од типот на осип кој се јавува на лицето, на рацете, на телото, може да имаат и осип во устата, очите стануваат црвени, конјуктивите се хиперемични, настанува и воспаление на белите дробови, срцева слабост, тахикардија, бледило на кожата. Мултисистемски инфламаторен синдром предизвикува кај децата и стомачни тегоби, болки, гадење, повраќање, ентероколит, како и бубрежна инсуфициенција, пореметување на коагулација на крвта, пореметување на свеста, главоболки и грчеви“, истакна Софијанова.

Кога се во прашање на пост-ковид состојби, Софијанова вели дека праксата покажува и зголемен број на деца со воспаление на слепо црево, зголемен број на случаи со јувенилен дијабетес, како и пораст на малигни заболувања. Но сепак ќе треба дополнителни истражувања за да може да се потврди дали постои нивна поврзаност со Ковид 19. Во однос на вакцинацијата таа истакна мислење на целосна поддршка за вакцинација на децата над 12-годишна возраст како и оние кои имаат хронично заболување.

Претседателот на Лекарска комора, проф. д-р Калина Гривчева-Старделова, истакна дека пост-ковид заболувањата се сериозен предизвик со кој допрва ќе треба справуваат пациентите, здравствените професионални и здравствениот систем. Лекарска комора досега организираше 15 онлајн дискусии на различни теми поврзани со превенција и третман на Ковид-19.

Прикажи повеќе...

Македонија

Во Македонија пристигнуваат нови 110.612 дози на „Фајзер“

Објавено пред

Денеска ќе пристигнат 110.612 вакцини од производителот „Фајзер-Бионтек“, кои нашата земја ги купи преку  механизмот „Ковакс“.

До крајот на годината, преку механизмот „Ковакс“ е најавена испорака на уште 100.000 вакцини од производителот „Фајзер-Бионтек“.

„Пристигнатите вакцини, за кои има голем интерес кај населението, а кои се препорачуваат за имунизација и на деца над 12 години, ќе бидат дистрибуирани до вакциналните пунктови ширум земјата со цел да се обезбеди непречен процес на вакцинација. Освен на вакциналните пунктови, вакцинацијата во нашата земја се одвива и теренски“, информираат од Министерството за здравство.

Оттука додаваат дека вакцините се безбедни и ефикасни и претставуваат единствен начин да се победи пандемијата.

Прикажи повеќе...

Најново

Македонија19 минути

Софијанова: Коронавирусот кај децата најчесто дава полесна клиничка слика, но може да предизвика сериозен синдром

Коронавирусот кај децата најчесто дава полесна клиничка слика која се третира само со симптоматска терапија. Но неопходно е секој случај...

Македонија34 минути

Во Македонија пристигнуваат нови 110.612 дози на „Фајзер“

Денеска ќе пристигнат 110.612 вакцини од производителот „Фајзер-Бионтек“, кои нашата земја ги купи преку  механизмот „Ковакс“. До крајот на годината,...

Регион37 минути

„Еуроактив“: Вашингтон го зголемува притисокот врз Софија за евроинтеграцијата на Скопје

Вашингтон го зголемува притисокот врз Бугарија, барајќи од неа да се откаже од ветото за интеграција на Северна Македонија во...

Регион50 минути

Борел организираше вечера за балканските лидери во Њујорк

Високиот претставник за надворешна политика и безбедност, Џозеф Борел, приреди неформална вечера на маргините на Генералното собрание на ОН со...

Македонија57 минути

Македонија е најбезбедна земја на Западен Балкан

Македонија е најбезбедна земја на Западен Балкан и е на 40 место во светот, според истражувањето на Институтот за економија...

Регион2 часа

Хеликоптери на КФОР надлетуваат над премините на северот на Косово, ситуацијата мирна но напната

Покрај припадниците на „Росу“ ситуацијата на северот на Косово ја следеше КФОР, кој патролираше со хеликоптер, пишуваат регионалните медиуми. Главните...

Македонија4 часа

Попишани 1.212.339 луѓе, 378.033 домаќинства и 516.787 станови

Вкупно 1.212.339 лица, 378.033 домаќинства и 516.787 станови се попишани заклучно со 20 часот вчера, објави денеска Државниот завод за...

Македонија4 часа

Вчера се вакцинирале 12.099 граѓани, од нив 2.969 примиле прва доза

На вакциналните пунктови во државата и на терен, заклучно со вчера вакцинирани се вкупно 776.659 граѓани. Прва доза вакцина вчера...

Свет4 часа

Талибанците бараат да се обратат на Генералното собрание на ОН

Талибанците побараа да им се обратат на светските лидери пред Обединетите нации, a за таа пригода го назначија својот портпарол...

Свет5 часа

(Видео) Еден од најсилните земјотреси досега ја погоди Австралија

Земјотрес со јачина од 6 степени, еден од најсилните што е забележан во Австралија, го погоди југоистокот од оваа земја....

Македонија18 часа

Регистрирани 554 нови случаи на Ковид-19, пријавени 17 починати лица

Министерството за здравство информира дека во последните 24 часа се направени 4.072 тестирања, а регистрирани се 554 нови случаи на...

Македонија18 часа

Радев: Изјавите и ветувањата во дијалогот со Северна Македонија повеќе не функционираат

Изјавите и ветувањата во дијалогот со Република Северна Македонија повеќе не функционираат и Бугарија очекува јасни правно обврзувачки решенија што...

Свет19 часа

Бајден: Не сакам воената моќ на Америка да се користи како одговор на секој проблем во светот

Американскиот претседател, Џозеф Бајден, изјави дека не сака воената моќ на САД да се користи како одговор на секој проблем...

Свет19 часа

(Видео) Лава од вулканот на Канарските Острови навлегува во куќите, луѓето се евакуираат

Вулкан на Ла Палма, на северозапад од архипелагот, еруптира во неделата исфрлајќи лава неколку стотини метри високо во воздухот и...

Регион20 часа

Лајчак вознемирен за ситуацијата во Косово, повика на смирување на тензиите

Специјалниот претставник на ЕУ за дијалогот Белград – Приштина, Мирослав Лајчак, рече дека е загрижен за ситуацијата во северно Косово...

Македонија22 часа

И без политичка влада во Софија, продолжуваат разговорите за деблокада на евроинтеграцијата

И покрај тоа што сè’ уште во Бугарија нема политичка влада, разговорите за надминување на разликите и деблокада на нашата...

Македонија22 часа

ДИК со жрепка го утврди редоследот на кандидати на гласачкото ливче на локалните избори

Државната изборна комисија со жрепка го утврди распоредот на кандидатите на гласачкото ливче за претстојните локални избори за градоначалници и...

Регион24 часа

(Видео) Вучиќ: Го одбив предлогот на ЕУ за решение, тоа не е компромис туку понижување на Србија

Претседателот на Србија, Александар Вучиќ, се обрати по седницата на Советот за национална безбедност. На седницата се разгледа актуелната ситуација...

Македонија1 ден

МОН ќе добие експертска поддршка од Естонија за развој на дигитализацијата во образованието

Министерката за образование и наука, Мила Царовска, денеска одржа состанок со делегација од Естонија, претставници од Секретаријатот за европски прашања...

Македонија1 ден

Досега се попишани 1.132.484 лица

Вкупно 1.132.484 лица, 353.256 домаќинства и 480.364 станови се попишани заклучно со 20 часот вчера. Можноста за самопопишување на лица...

Досие