Времето денеска и утре ќе биде претежно облачно со врнежи од дожд.

Локално врнежите ќе бидат пообилни (над 25 л/м2), особено во западните и југоисточните делови. Во текот на ноќта кон среда врнежите од дожд ќе поминуваат во снег и на повисоките места, информираат од УХМР.

Утринската температура ќе се движи од нула до 7 степени, а дневната од 3 до 12 степени.

Во Скопје и околината времето ќе биде облачно со врнежи од дожд. Утринската температура ќе достигне до 4 степени, а дневната до 8 степени.

Преодно стабилизирање на времето ќе има во четврток, а во петок кон крајот на денот, а во сабота се очекува нов влажен бран со врнежи од дожд, на планините од снег.

Русковска обвинителството диригирано од аболицираниот Зоран Заев прави театар од случајот Рекет единствено за да ги покрие трагите кои водат до врвот на власта, велат од ВМРО-ДПМНЕ преку соопштение.

Од опозицијата коментираат дека секојдневно на површина излегуваат информации кои потврдуваат дека обвинителката Вилма Русковска наместо да води детална истрага, го развлекувала случајот.

„Уште на почеток на судењето се дозна дека Катица Јанева не земала 50.000 евра како што стои во обвинението, туку 350.000 евра. Русковска не ја интересираше ниту што имало на снимките од домот на обвинетиот Боки 13 кои може да доведат до одговорот каде завршила торбата Луј Витон, полна со евра.

Се дозна и дека владин министер присуствувал на средби помеѓу Боки 13 и жртвата, информација која обвинителството ја криеше од јавноста.

Јавноста треба да знае за што разговарале Венко Филипче, жртвата и Боки 13 во истиот период кога се случувал рекетот.

Зошто Русковска ја затвори истрагата без да побара одговори на клучните прашања?

Каде завршила Луј Витон торбата со 1,5 милиони евра, по која патека се движела и кај кои лица завршиле тие пари?
Кои други бизнисмени биле рекетирани од криминално рекетарската банда и колку пари од нив биле изнудени?
Дали со парите од Рекет била финансирана кампањата на Стево Пендаровски и СДСМ за претседателските избори?
Што толку големо поседува жртвата за Зоран Заев што е доволно за го сруши?

Зошто покрај сите индиции и информации , обвинението остана само на Катица Јанева, Боки 13 и Зоран Милески Кичеец?

Целата македонска јавност знае и слушна дека Зоран Заев знае се. Никој не верува дека обвинетите рекетирале без да имаат поддршка од врвот на власта.

Катица, Боки и Милески се само пипците, а на сите им е јасно дека главата на тој октопод се вика Зоран Заев.
Дека цел случај ќе биде фарса се виде уште на самиот почеток кога Русковска им даде доволно време на обвинетите заедно со Заев да ги бришат доказите и да влијаат врз сведоците само за да не се дознае вистината.
Вистината и правдата ќе ги видиме кога оваа криминално рекетарска банда на чело со СДСМ и Зоран Заев ќе замине од власт.

Граѓаните на Република Македонија ќе ја дознаат вистината и ќе ја видат правдата после 12 април кога ќе победи ВМРО-ДПМНЕ и ќе започне обновата на Македонија“, велат од ВМРО-ДПМНЕ во соопштението.

Намален видливост поради појава на магла, утрово има на патниот правец Попова Шапка село Гајре-Тетово до 30 метри и кај Страцин од 50-100 метри.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата, информира АМСМ во утринскиот извештај за состојбата на патиштата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.