Контакт

Македонија

(Видео) Богдановиќ: Што уште да направам, да се самозапалам ли за да реагира некој за „Никофон“

Објавено пред

Градоначалникот на Центар, Саша Богдановиќ, ги демантира тврдењата на Обвинителството дека Општината не доставила доволно документација за случајот за катна гаража на „Никофон“.

Тој денеска јавно покажа документи за официјалните преписки на Општина Центар со Обвинителството од 2015, 2016 и од 2019 година.

Во 2016 година биле доставени вкупно 72 списи, во кои се одобрението за градење, режим на сообраќај, водовод, целокупната документација за предметот за катната гаража „Никофон“.

Неколкупати имале и дополнителна достава по првата пријава, а во 2019 година, откако тој е градоначалник на општината, на 27 септември доставиле документација до МВР, на 13 август имале допис до ОЈО, на 15 август дале дополнување, а на 31 октомври побарале информации од Обвинителството до каде е предметот. Вели дека одговор не добиле.

„Нека ни каже Обвинителството дали сме во право за да знаеме како понатаму да постапиме. Не знам што уште треба да направам за да отворат предмет. Да земам да се самозапалам за да реагира некој“, рече Богдановиќ.

За да докаже пред јавноста дека Општината презела мерки од 2015 до 2019 во врска со овој предмет, градоначалникот денеска презентира кусо видео за сè што е поврзано со катната гаража „Никофон“ од донесувањето на урбанистичкиот план во 2012 и јавниот повик за продажба на државно земјиште, па сè до денеска.

Во видеото е направена и пресметка за тоа колку требало да изнесува почетната цена за продажба на земјиштето. Наместо почетна цена од 1.850 денари, Општина Центар смета дека наддавањето требало да почне со цена од 5.600 денари за квадрат.

„Ова се нашите сомневања и сметаме дека ќе се постигнела повисока цена доколку почетната цена била 5.600 денари. Доколку не сме во право, нека ни кажат дека тие што продавале биле во право“, рече градоначалникот.

Во Општината се сомневаат дека јавниот повик бил наместен оти е распишан само 18 дена по усвојувањето на планот на 5.4.2012 година. Богдановиќ вели дека само за внесување на планот во Катастарот и усогласувањето со стариот план потребни се 15-30 дена, но овде сè завршило за 18 дена. По наддавањето, имало приговор од друг учесник кому не му е испратен одговор, а Богдановиќ укажува и на недоследности за датумот за издавање на одобрението. Првото барање за одобрение за градење на „Никофон“ му било одбиено поради тоа што правилникот за градење предвидувал во парцелата да има и влез и излез, а тој имал само влез. Кога го поднел второто барање, правилникот бил сменет и дозволено било да има само влез, но рокот во кој требало да го извади одобрението бил истечен, а во Општината нема анекс за пролонгирање на рокот. Затоа, како што вели градоначалникот Богдановиќ, истражните ограни треба да го проверат и менувањето на правилникот за градење.

Тој извести дека имаат најава за средба со Обвинителството следната недела, на која очекува да се расчистат сите дилеми.

Подготвени се за средба и со Никола Настески, сопственикот на парцелата. Богдановиќ вели дека, освен покана преку медиумите, Општината и официјално ќе го повика на разговор следната недела, а парлелно ќе инсистира да си течат постапките во Обвинителството.

Настески во 2012 година го купи државното земиште за изградба на барокна катна гаража на паркингот кај „Аутомакедонија“ во центарот на Скопје за 127.000 евра, а пред два дена извести дека досега потрошил речиси 1 милион евра за катната гаража за комуналии, проекти и за целата неопходна документација. И Настески рече дека е отворен за дискусија со Општината и покрај едномесечните неуспешни преговори.

Македонија

Советот за социјална сигурност го поддржа зголемувањето на пензиите

Објавено пред

Советот за социјална сигурност, на кој денеска присуствуваше министерката за труд и социјална политика, Мила Царовска, ги поддржа законските измени со кои од идниот месец ќе се зголемат пензиите за сите пензионери за 700 денари. На седницата на Советот се разговараше и за редовните усогласувања на пензиите до крајот на идната година за уште 160-200 денари, со што во 2020 година пензиите ќе пораснат 900 денари. Исто така, на дневен ред беше и развојот на социјални услуги на локално ниво за постарите лица.

„Дополнителното трето покачување се прави законски и плански со издржани пресметки и во услови кога имаме стабилизација на пензискиот систем, но и во услови кога имаме раст на економијата и раст на минималната плата од 15 и од 5 отсто на просечната плата. Предложените законски измени се направени во консултација со Сојузот на пензионерите и ги разгледуваме и на Советот за социјална сигурност“, речe Царовска.

На седницата на Советот се разговараше и за развој на социјални услуги на локално ниво, од кои бенефит треба да имаат постарите лица. За овие услуги општините за следните 5 години имаат на располагање над 10 милиони евра, а од вкупно 65 општини што аплицирале за средствата, дури 56 планираат да развиваат нега за стари лица во домашни услови.

Советот го поздрави и укинувањето на квотите за лековите од страна на Министерството за здравство, како и ослободувањето од партиципација за болничко лекување во болниците во целата држава за пензионерите со пониска пензија од просечната.

Прикажи повеќе...

Македонија

По 33 години постоење, згасна охридскиот атлетски маратон

Објавено пред

По 33 години постоење, згасна охридскиот атлетски маратон. Ова го потврди досегашниот организатор Пецо Неданов, кој на „Фејсбук“ објави дека Меѓународниот охридски атлетски маратон нема да продолжи во 2020 година.

„Со големо жалење морам да ги известам сите љубители на маратонското трчање дека, дефинитивно, традицијата на Меѓународниот охридски атлетски маратон нема да продолжи во 2020 година. Со години се боревме и покрај сите недоразбирања за наталожените проблеми да ја продолжиме традицијата долга повеќе од 30 години.

Во 2020 требаше да биде 34. по ред, но очигледно нашата желба и покрај минусните салда што ги правеше маратонот упорно да ја продолжуваме традицијата, некои ја сфаќаа погрешно во смисла дека ние имаме интерес и затоа ја продолжуваме традицијата.

Со последното годинешно издание бев принуден лично да го финансирам поголемиот дел од трошоците, а најголемиот дел од нив ми се врати речиси 90 дена по завршување на маратонот, но одредени трошоци останаа неисплатени поради намалената сума од предвидената. Се извинувам, но не сум во состојба тоа да го правам повторно. Испративме дописи до одговорните институции и поставивме конкретни прашања со колку средства планираат да ни помогнат за наредното 34. издание, но никој ништо не одговори.

Треба ли по два или трипати да го правиме тоа и да добиваме празни ветувања, е па се изморивме од тоа. Затоа, дефинитивно, ова е крај на оваа традиција, а да даде Господ некои ентузијасти како нас по 10-годишна (или дај боже пократка) пауза, пак  ја продолжат традицијата. Ова е маратонот на нашата младост, на првите членови на АК „Охрид“ и секако дека има многу големо значење за нас, но без поддршка на институциите, за жал, мора да згасне.

Сметавме дека по примерот на европските и светските метрополи, и град Охрид ќе се гордее со еден ваков традиционален настан и ќе настојува да ја продолжи оваа долга традиција, но ниту тие ниту државата не застана со свој дефинитивен став зад оваа традиција, која сите овие години од 2004 е заснована само на ентузијазам и љубов на одредени членови кон атлетиката и маратонското трчање.

Длабоко им се извинувам на сите маратонци кои се заљубени во оваа трка и кои едвај го чекаат наредното издание како од земјава така и од соседните земји, се надевам дека некој ќе се свести и нема да дозволи да згасне оваа традиција, а дотогаш ви посакувам лесни нозе и уште многу успешни маратонски трки“, објави Пецо Неданов.

Прикажи повеќе...

Македонија

Утре без струја повеќе делови на Скопје

Објавено пред

Од „ЕВН Македонија“ АД информираат дека утре, поради планирани технички зафати во електросистемот на град Скопје, без електрична енергија ќе останат:

– во периодот од 9 до 14.30 часот корисниците од с.Брест, с. Побожје, Малино Маало, с. Мирковци, с. Кучевиште, с. Бродец, с. Танушевци (општина Чучер Сандево) и дел од корисниците од с. Љубанци (општина Бутел);

– во периодот од 9 до 11 часот корисниците од дел од булеварот Трета македонска бригада (делот од МЕТРО кон „Железници – Влеча“) (општина Аеродром);

– во периодот од 9 до 15 часот корисниците од дел од улицата Славејко Арсов (општина Центар);

– во периодот од 8.30 до 11.30 часот корисниците од дел од с. Ракотинци (општина Сопиште).

Прикажи повеќе...

Најново

Македонија51 минута

По 33 години постоење, згасна охридскиот атлетски маратон

По 33 години постоење, згасна охридскиот атлетски маратон. Ова го потврди досегашниот организатор Пецо Неданов, кој на „Фејсбук“ објави дека...

Свет1 час

Разбиена мрежа на педофили, снимале силување бебиња, уапсени 33 лица во 11 земји

Заедничката акција на полициските сили во дури 11 држави доведе до апсење 33 лица осомничени за малтретирање деца, прикажување, добивање...

Македонија1 час

Речиси половина милион жители во нашата држава немаат постојан пристап до храна

Честопати Северна Македонија е ставена на листата со рекордери во загуби на храна и отпад од храна, а истовремено се...

Свет3 часа

Шведска лекарка ја врати Нобеловата награда за мир како протест поради Хандке

Шведската лекарка и писателка Кристина Доктаре, која ја доби Нобеловата награда за мир во 1988 година како членка на мировните...

Свет3 часа

(Видео) Најмалку шест лица загинаа во пукање во Њу Џерси

Најмалку шест лица, меѓу кои и еден полицаец и двајца осомничени вооружени лица, загинаа во повеќечасовно пукање кај гробиштата и...

Регион3 часа

Шестмина мигранти починаа од студ на грчко-турската граница

Шестмина мигранти починаа од студ на грчко-турската граница. Тие се пронајдени во регионот Еврос, на грчко-турската граница, во периодот од...

Македонија16 часа

Владата даде рок до петок – на увид ги бара сите информации за зачувувањето на статусот на УНЕСКО

Владата ја разгледа и усвои Информацијата за степенот на реализација на препораките на Реактивната мисија на УНЕСКО од 2017 година,...

Македонија16 часа

Предлог-законот за висока раководна служба оди во Собрание

На предлог на Министерството за информатичко општество и администрација, Владата го утврди текстот на предлог – законот за висока раководна...

Свет18 часа

Се подготвува масовен каталонски протест во пресрет на дербито Барселона – Реал Мадрид

Каталонската платформа „Демократско цунами“ ги повика заговорниците за независност на Каталонија за масовни протести по осум дена пред стадионот „Камп...

Регион18 часа

Хрватските возачки дозволи во иднина ќе важат и во САД, Канада, Аргентина …

Парламентарците денеска го поздравија пристапувањето на Хрватска во Конвенцијата за патен сообраќај, односно Женевската конвенција, со која ќе се овозможи...

Македонија22 часа

Благајничката на Камчеви: Со обезбедување дојдов во менувачницата, а парите ги претворив во евра

По паузата во Кривичниот суд во Скопје, продожи судењето за предметот „Рекет“, сведочеше благајничката на семејството Камчеви, Мирјана Бошковска. Таа...

Македонија23 часа

„Екосвест“: ТЕЦ „Битола“ ги надминува дозволените вредности за емисии на токсични супстанции

Државите од Западен Балкан ги надминуваат граничните вредности за емисии во воздухот од термоелектраните на јаглен договорени со Енергетската заедница...

Македонија1 ден

Руте: Албанија не е подготвена, а Северна Македонија е поблиску до почнување преговори со ЕУ

Холандија не се спротивставува на проширувањето на ЕУ, рече премиерот на Холандија, Марк Руте, кој верува дека Албанија во моментот...

Македонија1 ден

Камчева: Боки 13 беше како специјален јавен обвинител, тој знаеше сè

Во продолжението на судењето за случајот „Рекет“, сопругата на Орце Камчев, Ана Камчева, рече дека 350 илјади евра за рекет...

Македонија1 ден

(Видео) Сведок во „Еразмус“: Шуклев бараше секс или пари од студентки за преодна оценка

Ексвработениот во бифето на Економскиот факултет, Дејан Трајковиќ, кој е сведок во случајот „Еразмус“, во судницата рече дека професорот Бобек...

Македонија1 ден

(Видео) Заев и Шекеринска: Овој носач на авиони веќе е дел од нашата одбрана

Претседателот на Владата, Зоран Заев, и министерката за одбрана, Радмила Шекеринска, оценија дека сме дел од најмоќната воена и политичка...

Македонија1 ден

(Видео) Камчева: Во стан во Капиштец ми бараа милиони евра за сопругот

Сопругата на бизнисменот Орце Камчев, Ана Камчева, го почна сведочењето за случајот „Рекет“. Камчева рече дека на 9 ноември 2018...

Свет1 ден

Ардерн: Има прашања што мора да бидат одговорени, размерите на трагедијата се катастрофални

Премиерката на Нов Зеланд, Џакинда Ардерн, истакна дека има прашања што мора да бидат поставени и одговорени по ерупцијата на...

Свет1 ден

Военото воздухопловство на Чиле потврди дека авионот се урнал, во тек е потрага

Военото воздухопловство на Чиле соопшти денеска дека воениот авион, кој претходно синоќа исчезна од радарот, се урнал. Воздухопловството се огласи...

Свет1 ден

Пукање во болница во Чешка, најмалку шестмина убиени

Шест луѓе се убиени во пукање во болница во Чешка, објави Би-би-си. Нападот се случил утрово околу 7 часот. Полицијата...

Досие