Контакт

Македонија

Бојан Јовановски повторно пренесен во болница поради проблеми со желудникот

Објавено пред

Oбвинетиот Бојан Јовановски, познат како Боки 13, повторно е пренесен во болница поради проблеми со желудникот.

Јовановски бил пренесен на лекарски преглед во градската болница „8 Септември“, со затворско возило од истражниот затвор „Скопје“.

Јовановски досега неколкупати беше пренесен во болница поради проблеми со желудникот, а минатата недела му се слоши кога требаше да дава исказ во Обвинителството.

Тој е еден од тројцата обвинети за случајот „Рекет“ што го отвори Обвинителството за гонење организиран криминал и корупција. Joвановски три месеци е во притвор заради противзаконско добивање на над еден милион евра од бизнисменот Орце Камчев.

Обвинети се и поранешната шефица на СЈО, Катица Јанева и бизнисменот Зоран Милевски Кичеец.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Амбасадорката Тигањ ги пренесе хрватските заложби за европската интеграција на земјава

Објавено пред

Техничкиот премиер Оливер Спасовски се сретна со хрватската амбасадорка во нашата држава, Нивес Тигањ.

Како што информираат од влдадината прес-служба, на средбата била изразена хрватска поддршка за реализацијата на полноправното членство на Република Северна Македонија во НАТО, како и за исчекорот на земјава во европските интеграции.

„Хрватска, којашто од овој месец го презеде претседавањето со ЕУ ќе настојува и за успех на вашата држава во европските интеграции“, го повтори амбасадорката Тигањ, ставот на хрватскиот премиер Андреј Пленковиќ.

Во однос на реформите за евопските интеграции, соговорниците констатирале дека добро би било сите да дадат свој придонес во донесувањето на Законот за јавно обвинителство.

Премиерот Спасовски се заблагодарил на премиерот Пленковиќ и на Република Хрватска за континуираната поддршка на напредокот на нашата држава додавајќи дека Република Северна Македонија заслужено очекува напредок во евроинтеграциите.

Прикажи повеќе...

Македонија

ПОЦ: Од денеска камери за автоматско препознавање на регистарски таблички на паркиралиштето „Трготекстил“

Објавено пред

Јавното претпријатие за јавни паркиралишта „Паркинзи на Општина Центар“-Скопје, денеска го пушти во употреба новиот систем за автоматско препознавање на регистарски таблички на затвореното паркиралиште „Трготекстил“.

Овој мрежен систем вклучува ANPR камери (камери за автоматско препознавање на регистарски таблички) кои ќе овозможат точна идентификација на возилата и ефикасна контрола и управување со пристапот од сите влезови на паркиралиштето, соопшти ПОЦ.

Заради секојдневните злоупотреби на досегашниот систем и бројните жалби и поплаки од граѓаните, ЈП ПОЦ ќе го воведе овој систем на сите три затворени паркиралишта со цел да се постави ред и контрола. ЈП Паркинзи на Општина Центар ќе ги раскине корисничките договори за повластени паркинг карти на сите корисници кои ќе вршат злоупотреби. Ваков систем веќе е поставен на паркиралиштето „Аутомакедонија“, а во наредниот период ќе се воведе и на паркиралиштето „Дом на градежници“.

Со воведувањето на системот за автоматско препознавање на регистарски таблички ЈП Паркинзи на Општина Центар ќе стави крај на неправилностите кои се случуваа години наназад на трите затворени паркиралишта „Дом на градежници“, „Трготекстил“ и „Аутомакедонија“ и ќе направи ред во паркирањето давајќи приоритет на жителите кои живеат во опфатот на овие паркиралишта.

Прикажи повеќе...

Македонија

УНИЦЕФ: Поусогласена меѓусекторска акција за заштита на децата и младите од сајбер насилство

Објавено пред

Неодамнешните настани во врска со групата креирана преку “Телеграм“ на која размената на содржини вклучуваше и неовластено споделување фотографии и видеа од малолетни лица и млади девојки претставуваат аларм кој повикува да се спроведе поусогласена меѓусекторска акција за заштита на децата и младите од опасностите што ги предизвикува насилството преку интернет, сајбер насилството и дигиталното вознемирување, предупреди УНИЦЕФ.

„Интернетот стана дел од животот на младите без оглед на нивото на нивни приходи. Според најновите податоци со кои располага Државниот завод за статистика, 100% од младите на возраст од 15 до 24 години во нашата земја користат интернет; 96% од нив го користат секој ден или скоро секој ден; 90% се дел од социјалните мрежи; 94% разменуваат пораки и 95% испраќаат содржина која самите ја креираат. Ова е далеку поголемо темпо на употреба на интернет во однос на другите возрасни групи.
И покрај тоа што интернетот носи многу придобивки, тој исто така носи зголемен ризик – како што се виде од неодамнешните настани – затоа што содржината ставена на интернет може брзо да допре до голем број луѓе и да остане пристапна онлајн на неопределено време. Насилството преку интернет, сајбер насилството и дигиталното вознемирување взаемно се потхрануваат и создаваат можност кај детето да се развијат и други штетни однесувања“ се вели во извештајот на организацијата.

УНИЦЕФ ги повикува надлежните да преземат поусогласена меѓусекторска акција за да ги заштитат децата и младите од насилство и од сајбер насилство вклучувајќи:

Зголемена соработка меѓу секторите за здравство, образование и заштита за реализација на програма за ментално здравје на адолесцентите и програми за превенција од меѓу-генерациско пренесување на насилството и негативните искуства, вклучувајќи програми за родители преку кои ќе се гради способноста на родителите отворено да зборуваат со децата и младите за развојот на адолесцентите вклучувајќи и разговори за безбедност при користење интернет.

Инвестирање во едукативни програми за безбедно користење интернет за деца и млади кои ќе опфатат повеќе содржини, а не само информации за заштита на податоци. Децата треба да бидат свесни и за придобивките и за ризиците од нивното ангажирање преку интернет, треба да знаат дека по својата природа интернет не е приватен и дека сѐ што се споделува останува постојано таму. Освен тоа, им треба вистинска поддршка која ќе спречи нивно вклучување во ризично однесување и ќе ги поттикне да се однесуваат со почит едни кон други секаде, вклучувајќи и на интернет.

Инвестирање во подготвеност на училиштата да одговорат на траума и да обезбедат професионални услуги. Има потреба од професионална едукација која ќе ги подготви вработените во училиштата да ги забележат предупредувачките знаци на насилство и да одговорат соодветно на нив. Наставниците и психолозите во училиштата треба да имаат знаење како да водат отворен разговор со децата на теми поврзани со врсничко насилство, емотивна болка, анксиозност и самодоверба.

Јавноста и професионалците треба да знаат да препознаат дека децата се пред сѐ деца, мора да внимаваат да не ги понижуваат, да не ги етикетираат, виктимизираат и да не ги изложуваат на секундарна виктимизација. Во работата со сите деца мора да се раководиме според принципот на најдобар интерес на детето.

Во ноември 2019 Владата потпиша формална заложба за пристапување кон Глобалното партнерство за ставање крај на насилството врз децата. УНИЦЕФ ја повикува Владата да стави крај на сајбер насилството како една од првите приоритетни акции за зајакнување на превенцијата, митигацијата и целен одговор на насилството врз децата.
УНИЦЕФ ги повикува медиумите кога известуваат за вакви и слични случаи да се воздржат од споделување на слики во своите медиумски извештаи и ги поттикнува јавните лица и јавноста да се воздржат од прикажување на тие фотографии со цел да ги засилат своите пораки затоа што правејќи го тоа го зголемуваат протокот на овие лични фотографии.

Прикажи повеќе...

Најново

Македонија1 час

(Видео) Евакуиран цел „Сити мол“ по дојава за бомба

Поради дојава за бомба, вработените и посетителите во трговскиот центар „Сити мол“ во моментов се евакуирани. Им било соопштено да...

Македонија1 час

Затворена порнографската група на „Телеграм“, избришани се сите членови

Повеќе не постои порнографската група на „Телеграм“ во која имаше над 7.000 членови, а се постираа фотографии и видеа од...

Македонија2 часа

Обвинение против негувателката која малтретираше дете во игротека во Аеродром

Скопското основното јавно обвинителство поднесе обвинение против негувателката која на 21 ноември минатата година беше забележана како малтеретира двегодишно дете...

Македонија3 часа

(Видео) Лила Филиповска дала 25 илјади евра донација и 8 илјади евра позајмица за 1ТВ

„Не сме скарани, но не сме повеќе пријатели со Боки 13”. Вака го почна сведочењето водителката Лила Филиповска за случајот...

Македонија3 часа

Судијка сведочи во „Рекет“: Боки 13 доаѓа од просечно семејство, но неговата финансиска состојба брзо се подобри

Апелациската судијка Мери Дика-Георгиевска сведочи пред судот за случајот „Рекет“ каде што обвинети се Бојан Јовановски и ексшефицата на СЈО,...

Македонија3 часа

Напладне запираат вонредните мерки за загадувањето, се укинува и бесплатниот јавен превоз

Град Скопје ги известува граѓаните дека денеска од 12 часот се укинуваат вонредните мерки меѓу кои сe и бесплатниот јавен...

Свет3 часа

Австралиски научници на чекор од откривање вакцина против коронавирусот

Научници од Австралија соопштија дека во лабораторија успешно развиле верзија на новиот коронавирус, што би можело да го забрза создавањето...

Регион4 часа

Српски стилист уапсен поради педофилија

Полицијата во Нови Сад го уапсила стилистот и диџеј Срѓан Швељо под сомнение дека сексуално вознемирувал и злоупотребувал малолетни лица,...

Свет5 часа

Турција го отфрли планот на Трамп: Ова е кражба на палестинската земја

Турција го отфрли мировниот план на американскиот претседател Доналд Трамп за Блискиот Исток како обид за анексија на палестинска земја....

Регион5 часа

Сасоли: Регионот и ЕУ имаат заедничка судбина, итно е потребен нов поттик за проширување

Претседателот на Европскиот парламент, Давид Сасоли, по средбата со спикерите на парламентите од западниот Балкан повика на нов поттик за...

Регион6 часа

Србија ќе забрани увоз на автомобили со Евро 3-мотори

Во Србија се подготвува забрана за увоз на стари автомобили со Евро 3-мотори, која може да стапи во сила во...

Економија6 часа

Без работа 3,5 милиони Руси

Во декември во Русија имало речиси 3,5 милиони невработени. Тоа е 4,6 проценти од економски активната популација, покажуваат прелиминарните податоци...

Македонија16 часа

Земјотрес со јачина од 4,5 степени почувствуван во земјата

Земјотрес со јачина од 4,5 степени вечерва беше почувствуван во земјата и регионот. Епицентарот, како што јавуваат медиумите од регионот,...

Македонија18 часа

(Видео) Јовески: Потребно ни е силно, професионално и одговорно обвинителство

Државниот јавниот обвинител, Љубомир Јовески, смета дека треба да има силно, професионално и одговорно обвинителство, да не се задоволуваат дневнополитички...

Македонија18 часа

Владата бара од инспекторите да извршат увид на градбите во Охрид и Струга

Владата на денешната седница го задолжи Државниот инспекторат за градежништво и урбанизам да изврши надзор над изградбата на градби од...

Македонија20 часа

Жбогар: Да продолжат реформите, законот за Јавното обвинителство да се донесе пред да се распушти Собранието

Евроамбасадорот Самуел Жбогар порача дека земјава треба да продолжи со реформите во клучните области и дека новиот закон за Јавното...

Спорт20 часа

За 24 часа милион ипол луѓе се потпишаа Коби да е на новото лого на НБА

Повеќе од 1.5 милиони луѓе за помалку од 24 часа се потпишаа на он-лајн петицијата силуетата на Коби Брајант да...

Македонија21 час

„Анима мунди“: Ужас на скопските улици, се превезува распнат коњ

Здружението за заштита на животните „Анима мунди“ објави вознемирувачка фотографија на распнат коњ како со камион го превезуваат на скопските...

Македонија22 часа

Откриени креаторите на „Јавна соба“, МВР ќе ги достави доказите до Обвинителството

Министерство за внатрешни работи, сектор за компјутерски криминал и дигитална форензика, во координација со СВР Скопје изврши идентификација на сопственикот...

Македонија23 часа

Вештак во судењето за Ласкарци: Човечкиот фактор пресуден за несреќата

Првата реакција и обидот за сопирање кај возачот настанала во првата секунда, кога ја кренал ногата за гас и ја...

Досие