Контакт

Македонија

Бугарскиот парламент ја усвои декларацијата за Македонија и Албанија за ЕУ

Објавено пред

Бугарскиот парламент денеска ја усвои декларацијата за поддршка на Северна Македонија и Албанија за отпочнување на преговорите за членство во Европската Унија.

„За“ деклрацијата гласаа 129 пратеници, 4 беа против, а еден воздржан, јави „БГНЕС“.

Во текстот на декларацијата во која поставени се бројни услови, се нагласува дека Бугарија е посветена на проширувањето на ЕУ и Процесот за стабилизација и асоцијација на Република Северна Македонија и Република Албанија.

Започнувањето на преговорите не треба да се толкува како гаранција за членство во ЕУ, туку како поттик за забрзување на реформите, зајакнување на владеењето на правото и одржување на добрососедски односи, се вели во декларацијата.

Во документот е наведено дека бугарскиот парламент е против препишувањето и присвојувањето на историјата по 1944 година, што е меѓу столбовите на антибугарската идеолошка конструкција на југословенскиот тоталитаризам.

До властите во Македонија во декларацијата се посочени неколку точки, како услови на бугарската страна. Меѓу нив е спроведувањето на Договорот за пријателство, добрососедство и соработка од 2017 година кое треба да се случи ефикасно, без одлагање и со добра волја. Понатаму, властите во земјава да се придржуваат до, како што е наведено во декларацијата, објективните, автентичните и историските извори засновани на докази за научно толкување на историските настани. Од македонските власти се бара „да се ​​воздржат од дејствија што се однесуваат на обиди за поддршка и поттикнување на тврдења за признавање на т.н. ‘македонско малцинство’ во Бугарија, вклучително и во меѓународни организации како што е Советот на Европа и мултилатерални формати“.

„Строго да се придржуваат до клаузулата утврдена и ратификувана од страна на парламентите на двете земји во врска со официјалниот јазик на Република Северна Македонија; Целосно спроведување на договорите постигнати во рамките на Заедничкиот мултидисциплинарен експертски комитет за историски и образовни работи, рефлектирајќи ги во наставните планови и материјали што е можно поскоро; Запрете ги сите форми на „говор на омраза“ против Бугарија и граѓаните на Република Северна Македонија со бугарска самосвест, вклучително и во медиумите, натписите на спомениците, плакетите и многу повеќе. Да се ​​помогне во потрагата, реставрацијата и зачувувањето на бугарските воени споменици и гробишта на територијата на Република Северна Македонија во духот на европските вредности“, е наведено во декларацијата што ја усвоија бугарските пратеници.

Од друга страна, од Албанија се бара навремено за го спроведе законот за малцинства. Понатаму, „да се ​​гарантира во целост правото на бугарското национално малцинство да го изучува литературниот бугарски јазик како мајчин јазик во регионите што ги населуваат традиционално, како што се Голо Бардо, Гора, Преспа, Корча, Кукус, Елбасан, Поградец и на други места на територијата на Република Албанија, каде што живеат во моментот; Спроведување на попис на населението во согласност со највисоките европски стандарди“, се наведува во декларацијата.

Национално собрание на Република Бугарија ја повикува сегашната и секоја наредна влада и сите бугарски институции внимателно да го следат спроведувањето на условите на оваа декларација за време на преговорите со Република Северна Македонија и Република Албанија.

„Врз основа на ова и под овие услови, четириесет и четвртото Национално собрание на Република Бугарија го поддржува започнувањето на претпристапните преговори на ЕУ со Република Северна Македонија и Република Албанија“, се додава во декларацијата.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Јункер: Одлуката за Северна Македонија и Албанија е историска грешка

Објавено пред

Претседателот на Европската комисија Жан Клод Јункер на прес-конфернецијата по завршувањето на дводневниот Самитот на ЕУ во Брисел рече дека не отворањето на пристапните преговори со Северна Македонија и Албанија е историска грешка.

„Не станува збор за тоа дали земјите се подготвени за влез во ЕУ, туку дали кандидатите ги исполнија условите за почеток на преговори. Многу земји сметаа дека немало таква подготвеност. Јас мислам дека тоа е историска грешка“, изјави Јункер.

Запрашан кои се последиците доколку ова е почеток на крајот на процесот на проширување на ЕУ, Јункер одговори дека ако ова е крај на проширувањето, треба да се соочиме со сериозни критики.

„Ние ги охрабрувавме, им помагавме и ги посетувавме и им дававме јавни ветувања на овие земји. Ако сакаме да бидеме почитувани, мора да ги одржуваме нашите ветувања“, изјави Јункер.

Прикажи повеќе...

Македонија

Туск: Верувам дека ова е кратка криза, а не крај на проширувањето на ЕУ

Објавено пред

По завршувањето на самитот на ЕУ во Брисел, претседателот на Европската комисија, Жан-Клод Јункер, и претседателот на Европскиот совет, Доналд Туск, одржаа заедничка прес-конференција на која зборуваа и за процесот на проширување, односно за недавањето датум за пристапни преговори за Северна Македонија и Албанија.

На пресот Туск порача дека во однос на ваквата одлука не се работи за неуспех, туку за грешка.

„Tешко е да се биде оптимист во оваа ситуација, но не треба да се гледа како на тотален неуспех“, порача претседателот на Европскиот совет и го истакна неговото уверување дека станува збор за кратка криза во Унијата, а не за крај на процесот на проширување.

„Многу земји (24-25) го поддржуваат процесот и сакаат да го продолжат“, нагласи Туск и додаде дека ЕУ треба да се заложи да го исправи овој пропуст пред мај 2020.

Јункер, пак, рече дека доколку ЕУ има намера да го сочува својот кредибилитет во глобалната политика, треба да ги исполни дадените ветувања.

„ЕУ е почитувана во светот и за да остане почитувана, треба да ги исполни своите ветувања“, порача Јункер и истакна дека многу е тешко да се зборува за крај на проширувањето кога во безброј наврати ЕУ дала ветувања, нејзини претставници ги посетувале Северна Македонија и Албанија и ги поттикнувале да работат на нивните евроинтеграции.

Прикажи повеќе...

Македонија

Конте: Одлуката на ЕУ за Северна Македонија и Албанија е историска грешка

Објавено пред

Италијанскиот премиер, Џузепе Конте, изјави дека одлуката на Европската Унија да не го отвори пристапниот процес за Северна Македонија и за Албанија ќе биде запаметена како историска грешка.

„Им кажав на колегите дека ова е средба со историја. Тој регион потпаднал под Отоманската Империја во 1400 година. По Втората светска војна, овие две држави потпаднаа под комунистичкиот блок. Нивната желба е да се приклучат кон Европа“, рече Конте.

Италијанскиот премиер рече дека се надева оти очајот нема да доведе до најдлабока болка.

Прикажи повеќе...

Најново

Европа38 минути

Макрон: Земјите од соседството на ЕУ не е нужно да бидат нејзини членки

Францускиот претседател, Емануел Макрон, во првото обраќање во јавноста откако стави вето за пристапните преговори за Северна Македонија и Албанија...

Македонија1 час

Туск: Верувам дека ова е кратка криза, а не крај на проширувањето на ЕУ

По завршувањето на самитот на ЕУ во Брисел, претседателот на Европската комисија, Жан-Клод Јункер, и претседателот на Европскиот совет, Доналд...

Македонија2 часа

Конте: Одлуката на ЕУ за Северна Македонија и Албанија е историска грешка

Италијанскиот премиер, Џузепе Конте, изјави дека одлуката на Европската Унија да не го отвори пристапниот процес за Северна Македонија и...

Македонија2 часа

(Видео) Пендаровски свика лидерска: Не е време за разочарување, туку за обединување

По одлуката на Советот на Европската Унија да не даде датум за почеток на преговорите за членство на нашата држава...

Јоханес Хан Јоханес Хан
Македонија2 часа

Хан: Одговорноста за овој неуспех не е на Северна Македонија, туку на ЕУ

Еврокомесарот за проширување, Јоханес Хан, вели дека одговорноста за одлуката да не им се додели датум за преговори на Северна...

Македонија3 часа

(Видео) Мицкоски: Предвремени парламентарни избори за да се надмине кризата

Одлуката за недобивање датум е пораз, но не пораз на народот, туку на политиките на Заев и оваа власт, навлезена...

Македонија3 часа

Димитров: ЕУ јасно да каже дали е отворена за европска иднина на Западен Балкан

Министерот за надворешни работи, Никола Димитров, преку својот налог на „Tвитер“ побара од Европската Унија да биде директна со земјите...

Европа5 часа

Пучдемон им се предаде на белгиските власти

Поранешниот лидер на Каталонија, Карлес Пучдемон, им се предаде денеска на белгиските правосудни органи кога Шпанија издаде нов налог за...

Топ6 часа

Воз удри во автомобил во Прилеп, повредени четири лица

Четири лица се повредени во железничка несреќа што се случила во близина на меѓуградската автобуска станица во Прилеп. Според информациите на...

Свет7 часа

Трамп во нова трговска офанзива, воведе царини на многубројни европски производи

Дополнителни царини во вредност од 7,5 милијарди американски долари за низа европски производи денеска воведоа САД, што претставува нова трговска...

Свет7 часа

Eксплозии и пукање во Сирија еден ден по договорот за прекин на огнот

Експлозии на гранати и пукање во областа на градот Рас ел-Ајн во североисточна Сирија на само еден ден по договорот...

Европа8 часа

(Видео) Барселона во пламен, протестите излегоа од контрола

Илјадници луѓе синоќа излегоа на протест на улиците на Барселона, четврти ден по ред. Како што пренесуваат локалните медиуми, на...

Свет20 часа

Турција ги прекинува воените операции во Сирија

Американскиот потпретседател Мајк Пенс изјави дека постигнал договор со турскиот претседател Реџеп Таип Ердоган за прекин на огнот во северна...

Регион22 часа

Рама: Направивме сè што побараа од нас

Го направивме тоа што го бараа, изјави албанскиот премиер Еди Рама., по состанокот со комесарот на ЕУ за соседска политика...

Македонија23 часа

Францускиот сенат го ратификуваше Протоколот за членство во НАТО

Францускиот Сенат го усвои предлог-законот за ратификација на Протоколот за членство на Република Северна Македонија во НАТО. Предлог-законот беше усвоен...

Свет23 часа

Лајен: Длабоко жалам, но најверојатно и денеска нема одлука за проширување

Нема сигнал дека на состанокот на лидерите на ЕУ во Брисел ќе биде постигната одлука за процесот на проширување на...

Регион1 ден

(Видео) Борисов: Македонија е колку Софија, каков ризик може да биде?

Бугарскиот премиер Бојко Борисов пред почетокот на самитот на лидерите на ЕУ рече дека Македонија и Албанија треба да добијат...

Македонија1 ден

(Видео) Пакети со хигиенски влошки ќе се донираат на сиромашни жени и девојчиња

Пакети со хигиенски влошки, кои граѓаните ги донираа денеска на собирен пункт во „Веро Центар“, ќе бидат поделени на жени...

Македонија1 ден

(Видео) Манчевски: Регистарот на населението ќе помогне за прочистување на Избирачкиот список

Регистарот на населението ќе биде алатка што ќе го помогне спроведувањето на пописот, а податоците од Регистарот ќе бидат искористени...

Македонија1 ден

Сивиот дом замина во историјата, децата од „Ранка Милановиќ“ сместени во групни домови

Во двата мали групни дома отворени денеска се згрижени децата што досега престојуваа во поранешната установа „Ранка Милановиќ“. Од денеска...

Досие