Контакт

Македонија

Велјановски: Ќе побара ли некој одговорност од Рашковски поради индициите дека е вмешан во сериозен криминал?

Објавено пред

Александар Велјановски, пратеник од ВМРО-ДПМНЕ, денеска на собраниската седница за пратенички прашања обвини дека владини функционери се претвориле во организатори, соработници и соучесници во криминал.

Првото прашање на Велјановски беше дали против владиниот функционер Драги Рашковски ќе биде поднесен обвинителен акт или ќе биде отворена предистражна постапка.

„Она што го слушнавме од медиумите е дека компанијата ‘Јелак градба’, со седиште во Тетово, чиј управител е контроверзниот црногорски политичар и бизнисмен Миодраг Давидовиќ – Дака, неодамна го откупила целиот имот од објектот на поранешниот ‘ШИК Јелак’. Но, исто така добила и решение за приватизација на градежно земјиште во државна сопственост“, посочи пратеникот на ВМРО-ДПМНЕ.

Велјановски зборуваше и за други скандали, кои, како што рече, се поврзани со Рашковски, меѓу кои и случајот „Леонардо“ и набавката на софтвер за потребите на МВР.

„Дали ќе побарате одговорност што Драги Рашковски како висок владин функционер за кој има индиции дека е вмешан во организиран криминал е надвор од државата, далеку од органите на прогонот и Обвинителството, конечно, ќе се охрабри да поднесе акт, односно истрага против него“, запраша Велјановски од собраниската говорница.

Македонија

Намален е притисокот врз болниците, вели министерот Филипче

Објавено пред

Притисокот брз болниците е намален, а состојбата со вирусот се смирува, оцени денеска министерот за здравство, Венко Филипче, по состанокот со директорите на ковид-центрите.

„Состојбата со вирусот се смирува, епидемиолошката крива спласнува, а тоа го гледаме по бројот на новодијагностицирани случаи, кои повеќе денови по ред се намалуваат. Спласнува притисокот врз болниците иако не се целосно ослободени голем број одделенија бидејќи карактеристично за овој бран е влошувањата кај пациентите да настапуваат малку подоцна, па оттука циклусот на ослободување на болничките капацитети доаѓа 2-3 недели подоцна“, истакна министерот.

Тој апелира на максимална внимателност и во периодот што претстои.

Во изминатите 24 часа во ковид-центрите во Скопје беа хоспитализирани 48 нови пациенти поради компликации од коронавирусот, а вкупно во главниот град се лекуваат 661 пациент, соопшти Министерството за здравство. Во целата држава се лекуваат 1.585 пациенти и има околу 400 празни болнички кревети во ковид-центрите.

Прикажи повеќе...

Македонија

Ангелов во посета на јужната граница: „Се надевам нема да има поголем бегалски бран“

Објавено пред

Директорот на Центарот за управување со кризи, Стојанче Ангелов, заедно со преставници од француската амбасада, оствари работна посета на Транзитниот прифатен центар „Винојуг“ на јужната граница, а и на Регионалниот центар за упраување со кризи РЦУК Гевгелија.

Тоа е во корелација со активностите и за непосредно запознавање со реалната состојба и ситуација во согласност и со одлуката на Владата за постоење кризна состојба на дел од територијата на државата, и тоа на подрачјата на јужната и северната граница, и акциски план за превенција и справување со влезот и транзитирањето на мигрантите низ територијата на државата.

„Се надевам дека нема да дојде до бегалски бран каков што некои најавуваат и покрај тоа што постои некое олабавување на мигрантите и ковид-мерките, што ќе придонесе за раздвижување и проток на луѓе преку границите“, рече Ангелов.

Тој истакна дека некои држави ги користат мигрантите за со нив да вршат и политички притисоци, но кај нас се земаат предвид сите тие факти при носењето на одлуките.

Ангелов ја посети и граничната позната локација Камен 59, а потоа оствари средба и со градоначалникот на општина Гевгелија, Сашо Поцков.

Потоа беше остварена и работна средба во РЦУК Неготино.

На почетокот на месецот, прво, по заседавањето на групата за процена под раководство на Ангелов, а по седницата на Управувачкиот комитет, па потоа по разгледувањето на заклучоците од тие седници на Главниот штаб при ЦУК, од тие две владини тела е донесена одлуката на Владата на Република Северна Македонија за постоење кризна состојба на дел од територијата на државата, и тоа на подрачјата на јужната и северната граница. Тоа, како што е децидно наведено во одлуката, е поради висок ризик од зголемен обем на влез и транзитирање мигранти на територијата на нашата држава и поради заштита на јавното здравје од илегална миграција во услови на постоење пандемија прогласена од Светската здравствена организација на вирусот SARS-CoV-2 и спречување негово ширење, со што се загрозуваат безбедноста, здравјето и имотот на населението и тие беа преточени во заклучоци за идни активности. На седницата се утврдија оперативно стручни заклучоци, при што беше донесен акциски план за превенција и справување со влезот и транзитирањето на мигрантите на територијата на Република Северна Македонија.

Прикажи повеќе...

Македонија

Царовска: Со новиот закон обезбедуваме учебници во аудиоформат и со Брајово писмо

Објавено пред

Правото на образование е основно човеково и уставно загарантирано право на секој поединец и тоа мора да му биде овозможено. За актуелната Влада и МОН, оваа цел е врвен приоритет и ние сме максимално насочени кон обезбедување целосно инклузивно образование. Ова го истакна министерката за образование и наука, Мила Царовска, на онлајн-средбата со здруженијата на родители на деца со атипичен развој, која денес беше организирана со цел да се чујат размислувањата во однос на образовниот систем и неговата инклузивност, како и во однос на искуствата, предизвиците, проблемите, но и да се предложат можни решенија од страна на родителите за подобрување на образовниот процес во тој дел.

Осврнувајќи се на новото законско решение за изработка и употреба на учебници, Царовска истакна дека за да бидат учебниците и другите наставни и дидактички материјали достапни за учениците со попреченост, нивната електронска форма треба да ги задоволи стандардите за е-пристапност.

„Во новиот Закон за учебниците обрнуваме особено внимание на пристапноста и на достапноста на наставниот материјал. За учениците во основното образование, учебниците задолжително ќе се поставуваат и во аудиоформат на интернет-платформата, а за учениците со оштетен вид Министерството за образование и наука ќе обезбедува учебници испечатени со Брајово писмо. Исто така, со поддршка на УНДП во тек е подготовка на читач за екрани на македонски и албански јазик, кој треба да биде готов до септември 2021 година“, посочи Царовска.

Советникот во МОН задолжен за следење и унапредување на процесот на инклузија, Душан Томшиќ, истакна дека Министерството првпат системски ја воведува услугата образовна асистенција како еден од предусловите за обезбедување инклузивно образование. Образовната асистенција ќе се испорачува во согласност со Законот за основното образование, ќе се финансира од буџетот на РСМ, односно преку буџетот на МОН за 2021 година, за што се обезбедени финансиски средства во висина од 59 милиони денари.

Информира и дека во соработка со Канцеларијата на УНИЦЕФ во мај почнуваат обуките на кадарот во посебните училишта, односно тренинг за тренери за образовни асистенти, кои понатаму треба да ја спроведат обуката на образовните асистенти што ќе бидат селектирани. Во наредниот период ќе се одржат и обуки за наставниците во чии паралелки ќе бидат вклучени овие ученици.

На состанокот беше посочено и дека во согласност со новиот Закон за основното образование, специјалните училишта, односно училиштата во кои се воспитуваат и образоваат ученици со попреченост, добиваат и дополнителна дејност, односно се трансформираат во ресурсни центри, со што ќе се овозможи мобилност на веќе постојниот искусен кадар да дава поддршка на инклузираните ученици, како и на инклузивните тимови во редовните училишта.

 

Прикажи повеќе...

Најново

Македонија3 часа

Намален е притисокот врз болниците, вели министерот Филипче

Притисокот брз болниците е намален, а состојбата со вирусот се смирува, оцени денеска министерот за здравство, Венко Филипче, по состанокот со...

Топ5 часа

Девојка од Гостивар, без нејзина согласност, била омажена и силувана

Без нејзина согласнот, 19-годишна девојка од Гостивар била предадена за брак во Шуто Оризари по што била силувана. Според твдењето...

Македонија5 часа

Заев за повлекувањето на Шекеринска: Таа е моја другарка, без разлика каде ќе биде во иднина

Премиерот и лидер на СДСМ, Зоран Заев, изјави дека тој и потаму ќе соработува со Радмила Шекеринска по најавата дека...

Регион5 часа

Мас: Добар момент за поддршка на дијалогот меѓу Србија и Косово

Сакам да видам на самото место како можеме да го поддржиме нормативниот дијалог меѓу двете земји, рече германскиот министер за...

Македонија6 часа

39 починати и 603 нови случаи на Ковид-19

Министерството за здравство информира дека во последните 24 часа се направени 2.596 тестирања, а регистрирани се 603 нови случаи на...

Топ7 часа

Приведено лицето што утрово пред кривичниот суд ѝ избега на затворската полиција

Единицата за прв одговор и интервенција при МВР кај Камениот мост во Скопје го привела 30-годишниот А.З. од Скопје, кој...

Македонија9 часа

Тројца обвинители од поранешното СЈО во тимот на Русковска

Пет кандидати од кои тројца обвинители од поранешното специјално јавно обвинителство се избрани за нови јавни обвинители во Обвинителството за...

Топ10 часа

Уапсен 59-годишен маж кој им испраќал еротски фотографии на малолетнички на „Фејсбук“

Полицијата приведе 59-годишен маж од село Ораовица, Радовишко, со престојувалиште во село Ерџелија, Светиниколско, кој е обвинет дека им испраќал еротски...

Македонија10 часа

Браќа од Сарај заболени од Ковид-19 фатени со лажни ПЦР-тестотви на скопскиот аеродром

Скопското oсновно јавно обвинителство поднесе предлог за парични казни против двајца браќа од Сарај, на возраст од 24 и 26...

Европа11 час

ЕУ подготвува тужба против „Астразенека“

Европската комисија се подготвува да преземе правни активности против „Астразенека“, објави „Политико“, повикувајќи се на пет неименувани европски дипломати. Вчера...

Топ11 час

Обвинение за српски државјанин за сообраќајката кај Ростуше во која загинаа две лица

Основното јавно обвинителство Гостивар поднесе обвинение за српски државјанин кој предизвика сообраќајна несреќа со камион кај Ростуше во која загинаа...

Свет11 час

Во Индија откриен троен мутиран вид на Ковид-19

Индија откри нов троен вид на ковид во време кога се бори да го спречи најлошиот бран на коронавирус од...

Свет12 часа

Вакцинирани лица во старски дом во Америка масовно се заразиле со нов вид на вирусот

Случаи на Ковид-19 „експлодирале“ во март во пензионерски дом во САД каде што голем дел од корисниците биле вакцинирани, откако...

Македонија1 ден

Рашковски, од куќен притвор, ќе оди во затворот во Шуто Оризари, одлучи Кривичниот совет

Кривичниот совет ја преиначи одлуката и, наместо куќен притвор, на ексгенералниот секретар на Владата, Драги Рашковски, и на сопственикот на...

Македонија1 ден

Нови 627 случаи на Ковид-19, починати се 47 лицa

Министерството за здравство информира, во согласност со податоците од Институтот за јавно здравје, дека во последните 24 часа, од направени...

Македонија1 ден

Инспекторите утврдија дека немало прекршувања за гласањето во скафандери

Не се констатирани неправилности и протоколите се обезбедни од страна на Собранието, извести Државниот инспекторат за труд по направениот вонреден...

Македонија1 ден

Владата за комплексот спроти „Холидеј ин“: Ќе се гради ако е во согласност со Законот за градење

Одобрението за градба се издава доколку се исполнети сите услови пропишани во Законот за градење, изјави владиниот портпарол Душко Арсовски, прашан...

Македонија1 ден

Шилегов: Го остваруваме 40 години стариот сон на скопјани за трамвај, обезбедувајќи систем подобар од трамвајот

Со денешното потпишување на договорот за заем меѓу Град Скопје, Министерството за финансии и Европската банка за обнова и развој...

Топ1 ден

(Видео) 12-годишно девојче тепа врснички во Велес, во полиција повикан и родителот

Малолетничка од Велес нападна врсничка, а настанот беше снимен со мобилен телефон и објавен на социјалните мрежи. Видеото на кое...

Македонија1 ден

Филипче: Иако бројките на заразени се намалуваат, периодов мора да бидеме претпазливи

Мерките даваат резултати, оцени министерот за здравство, Венко Филипче, по редовната утринска координација со директорите на клиниките. На состанокот се...

Досие