Со средства од буџетот на општината во вредност од 2.608.080 денари се подобруваат условите за работа во средното општинско медицинско училиште „Д-р Јован Калаузи“ во Битола.

Градоначалничката Наташа Петровска, заменик градоначалничката Емилија Костурски и менаџерскоит тим на училиштето денеска разговараа за извршените санации и моменталните актвиности во оваа образовна установа.

„Целосното осветлување, вклучувајќи го и осветлувањето во спортската сала, е заменето со ЛЕД осветлување и поставени се енергетски ефикасни ПВЦ прозорци“, се наведува во соопштението.

Во тек е поставување на настрешница на задниот влез од училиштето, кон спортската сала и целосно обновување на вториот кат од училиштето, каде се врши реновирање на кабинетите, бојадисување, менување на подот, реновирање на скалите и менување на дограма.

„Паралелно со инфраструктурните зафати, училиштето се опремува и со нагледни средства. Покрај опремата за квалитетно изведување на онлајн настава, за која општината издвои средства на почетокот од оваа учебна година и со која беа набавени нови компјутери, со дополнителна опрема од камери и звичници, дополнително се набавени 3 телевизори со големина од 55 инчи и 4 смарт табли. Обновена е целосната опрема за практична работа (ново торзо, лабораториска опрема и комплетно обновување на лабораториите)“, стои во соопштението од Општина Битола.

Државниот студентски дом ја информира јавноста дека благодарение на донација, во текот на вчерашниот ден (14 јануари) обезбедена е доволна количина на екстра лесно масло за затоплување на студентите сместени во студентскиот дом „Кузман Јосифовски Питу“ во Скопје.

Со тоа е надминат проблемот, кој, како што информираат надлежните, настанал поради технички причини.

Директорот на Државниот студенски дом, Виктор Велевски, во соопштението изразува благодарност до компанијата Gulf Oil, која го обезбедила маслото за греење.

Основното јавно обвинителство Струга отвори предмет по допрен глас во врска со написите во одредени медиуми дека за време на одржувањето на Вевчанскиот карневал било запалено знаме на Бугарија.

„Предметот е оформен со цел да се испита постоење на кривично дело повреда на угледот на странска држава од член 181 од Кривичниот законик“, соопшти обвинителството.

Јавен обвинител издал наредби до СВР Струга со цел утврдување на идентитетот на сторителот, како и идентификација на други присутни на настанот.

Во исто време, по наредба на јавен обвинител ќе бидат обезбедени евентуалните снимки од камери на кои е регистриран инцидентот, а ќе бидат преземени и други дејствија за расчистување на настанот.

(Фото: илустрација)