Контакт

Македонија

(Видео) Арсовски: Нов бран непотизам буквално во сите градови

Објавено пред

Сè уште не се завршени истрагите за првиот бран непотизам пред една година од страна на антикорупциската комисија, а сега веќе имаме нови бранови непотизам буквално во сите градови во Република Македонија. Нови вработувања, нови прераспределувања и нови унапредувања на блиски роднини и луѓе на функционерите од СДСМ на раководни позиции, изјави портпаролот на ВМРО-ДПМНЕ, Димче Арсовски.

„Свесни за падот на владата што ги чека, функционерите на СДСМ побрзаа повторно да си ги згрижат и унапредат своите блиски. Како пример, прв град ќе го земеме Штип. Штип сега станува град за пример на непотизам, каде што за да се вработиш или да добиеш раководна функција, мора да си брат братучед или роднина на некој функционер. Штип стана дувло на непотизам, каде што владеат 5 семејства со целиот град.

Ајде да почнеме со ред. Најпрвин вработени и унапредени се прва братучетка и зетот на Шекеринска, сестра на директорот на затворот во Штип. Именувани на раководни позиции се и ќерките на поранешниот пратеник Рамбабов. Мики Тодоров, поранешен втор човек во СДСМ Штип, инаку секретар на општинската организација, е поставен за директор на затворот во Штип, без соодветно образование и спротивно на законот и без ниту еден ден работно искуство. Не бележи некои успеси во работењето, дури имаше и бунт во затворот од страна на затворениците, но бележи успеси во вработувањето своите роднини. Истиот Мики Тодоров си ја вработил сестра си како библиотекарка во ООУ „Тошо Арсов“.

Втор пример, ќерката на експратеникот од СДСМ, Рамбабов, Емилија Рамбабова, е назначена за нов директор на медицинското училиште во Штип, а сестра ѝ на Емилија, односно втората ќерка на поранешниот пратеник Рамбабов, е назначена за нова директорка на Клиниката за нефрологија во државната болница во Скопје.

Трет пример, нормално покуса не останала ниту Радмила Шекеринска, каде што имаме пример нејзината прва братучетка Дијана Шишкова е именувана за началник на инфективното одделение во Клиничката болница Штип, а нејзиниот сопруг, односно зетот на Шекеринска, е назначен за раководител на одделението за ортопедија.

Ова е само дел од примерите на непотизам, каде што СДСМ јасно покажува со ова дека е уплашен од претстојните избори. Свесни дека ќе паднат од власт, ја окупираат државната и јавната администрација со блиски роднини вршејќи непотизам од највисоки размери. Оваа епидемија на непотизам, која со тек на време, изминатата година прерасна во чума во целата држава и мора да прекине. Се ближи 12 април и веднаш потоа почнува обновата на Македонија. Одговорност за сè мора да има и ќе има“, истакна Арсовски.

Македонија

Николовски: Со измените на Статутот воведуваме мерит систем и ја зголемуваме мобилноста на партијата

Објавено пред

Генералниот секретар на СДСМ Љупчо Николовски во обраќањето на 25-тиот Конгрес на партијата најави дека со новиот Статут се предвидуваат и организациите на СДСМ во другите држави, кои ќе учествуваат во работата на партијата преку свои делегати и ќе добијат официјално и статутарно признание за нивната долгогодишна несебична помош и нивниот третман во партијата.

„СДСМ за прв пат воведе мониторинг систем врз работата на Општинските организации и мерит систем. Тоа ќе го надградиме. Реализација на дадените задачи од страна на централата на СДСМ, по предвидениот Фиксен месечен календар кои општинските организации преку претседателот го следат и реализираат. Нашата цел е зголемена ефикасност и мобилност на партијата која ќе овозможи континуитет во работата на партијата, исполнување на програмите и ветеното како и присутност помеѓу граѓаните“, порача Николовски.

Во обраќањето, генералниот секретар Николовски се осврна и на целите на идното работење на партијата.

„Пред нас имаме нови цели во однос на напредокот на државата но и во однос на работата на партијата. Време е да ја зголемиме динамиката на работа во СДСМ на сите нивоа. Партијата да работи со полна пареа, соодветно на одговорноста што ја има добиено од граѓаните. Заедно, можеме да постигнеме се. Продолжуваме уште повеќе и уште подобро! Ве повикувам заедно да продолжиме по патот кој го трасиравме, по вистинскиот пат. Не само затоа што можеме уште повеќе и уште подобро! Пред се, затоа што сакаме!, порача генералниот секретар на СДСМ Љупчо Николовски.

Прикажи повеќе...

Македонија

Внатрепартиски избори, Форум на пензионери, црвената да биде боја на СДСМ- Заев ги најави промените во статутот

Објавено пред

Партискиот претседател да се бира на внатрепартиски избори, целосна родова еднаквост, форумот на жени и СДММ да се воведат како трајни партиски тела, формирање Форум на пензионери, црвената станува партиска боја. Ова се дел од измените на статутот кои денеска ги најави претседателот на СДСМ и премиер, Зоран Заев за време на обраќањето на 25. партиски Конгрес.

„СДСМ е првата партија во нашата држава која на следниот Конгрес својот претседател ќе го бира на директни внатрепартиски избори, непосредно, секој член ќе може да гласа и дирекнто да одлучува кој и како ќе ја води партијата. Првите вакви избори е планирано да се одржат веќе следната година, кога истекува мандатот на ова раководство“, рече Заев.

Со предлог измените кои денеска се пред делегатите, СДСМ воведува и родова еднаквост меѓу мажите и жените, во органите на партијата.

Заев вели дека прв пат во историјата на партијата, Форумот на жени на СДСМ и Социјалдемократската младина на Македонија  со измените се регулираат како трајни и статутарни форми на организирање, чие постоење не зависи од политичката волја на моменталното раководство. Претседателите на Форумот на жени и на СДММ ќе учествуваат во работата на извршните органи, со право на глас. На сите нивоа, државно, градско и општинско. За првпат, СДСМ ќе добие и Форум на пензионери, подвлече Заев.

Статутарните измени предвидуваат и зајакнувања на капацитетите и овластувањата на Форумот на жени, Социјалдемократската младина на Македонија, Организациониот секретар, Секретарот за меѓународна соработка, како и Комисиите на партијата.

На овој Конгрес, рече Заев, СДСМ ја впишува црвената боја, како своја боја – тоа е бојата на социјалдемократијата, на победата, на левицата, бојата на слободата, бојата на животот, тоа е бојата на македонската иднина.

„Новит лик на СДСМ не се случи преку ноќ – заедно, напорно работевме сите наши членови, годините наназад и успеавме. Имаме силен СДСМ, динамичен, моќен, цврст, стабилен, прогресивен. Тоа е нашиот бренд. Цврст, моќен и прогресивен СДСМ, партија и организација која ги следи најновите европски патокази на Европската социјалистичка партија“ посочи Заев.

Претседателот Заев истакна дека измените на Статутот ја прават СДСМ уште поодговорна и поевропска партија и изрази уверување дека предложените измни ќе бидат усвоени.

„Преку овие измени на Статутот СДСМ станува уште поодговорна, уште поевропска и помодерна партија посветена на реалзиација на мерки и политики што значат подобра иднина за сите. Очекувам дека низ плодна, аргументирана дебата тие ќе бидат усвоени од страна на Конгресот. Би сакал да се заблагодарам на Прогрес Институтот за Социјална Демократија за помагањето на работната група при изготвувањето на статутарните промени, а со тоа и на нашите партнери, Меѓународниот Центар Олоф Палме од Шведска.“заклучи Заев.

Прикажи повеќе...

Македонија

Заев од партискиот Конгрес: Македонскиот национален идентитет е обезбеден и признат од целиот свет

Објавено пред

Во скратен мандат, за помалку од три години постигнавме многу, на речиси сите полиња, рече претседателот на СДСМ, Зоран Заев во обраќањето на 25. Конгрес на СДСМ.

„По решавање на спорот со Грција во интерес на двете држави, по Договорот со Бугарија, после темелниот демократски и реформски пресврт во земјата, се отворија вратите на евроатлантската перспектива. Денес сме 30 земја членка на НАТО, остваривме една од двете стратешки цели. Денес, Северна Македонија е еднаква и рамноправна со останатите 29 земји членки на најсилниот воено-безбедносен сојуз. Имаме обезбеден и признат македонски национален идентитет од целиот свет. Македонскиот јазик е впишан во нашата лична карта во ОН, имаме држава со имотен лист“, рече Заев.

Тој нагласи дека очекувањата на патот кон ЕУ е одржувањето на првата меѓувладина конференција и започнување на преговарачкиот процес. Силна поддршка за тоа, вели Заев, меѓу другите имаме и од нашите пријатели од Партијата на европски социјалисти. Токму оваа европска партија пред неколку денови донесе заедничка изјава со која од Советот на ЕУ бара, преговарачката рамки со Северна Македонија да биде усвоена до 10 ноември, а првата меѓувладина конференција да се одржи до крајот на оваа година.

„Драги пријатели од ПЕС, ви благодариме на оваа силна поддршка. Нашето членство ви благодари, нашиот народ ви благодари“, порача Заев.

Претседателот на СДСМ и премиер се осврна и на постигнувањата на домашен план, особено во делот на економијата и спраување со последиците од коронавирусот.

„Покрај на надворешен план, остваривме сериозни успеси и дома. Веднаш се фативме во костец со долгогодишните проблеми и еден по еден ги решававме во интерес на граѓаните. Преку сериозен и одговорен процес, преку политики отворени кон и за сите граѓани, успеавме сериозно да ги зголемиме платите во нашата држава. Денес, минималната плата е повисока за 5.500 денари, а просечната за над 4.700 денари споредено со 2017 година. Сериозно ја намаливме стапката на невработеноста, а ја зголемивме социјалната помош и креиравме мерки за трајно извлекување од сиромаштија. Ја вративме демократијата, слободата и правдата во државата, градиме силен правосуден систем кој ефикасно и неселективно се бори против секаков вид на криминал и корупција“, смета Заев.

Во врска со коронавирус, тој вели дека и ние и светот се соочивме со досега непозната состојба која барала внимателност, но и решителност и подготвеност брзо, ефикасно и навремено да се дејствува.

Заев оценува дека биле преземени навремени чекори кои првенствено имале за цел ублажување на првите удари врз здравствениот систем.

„Паралелно со здравствените мерки, носевме и економски мерки и политики за помош и поддршка на граѓаните и стопанството. Справувањето со последиците од коронавирусот останува врвен приоритет за владата и институциите што ги предводиме. Посветени сме да го заштитиме сечие здравје, да спасиме што повеќе работни места, да помогнеме на што повеќе граѓани и компании и тоа ќе го правиме уште повеќе во следниот период.“ порача Заев.

Прикажи повеќе...

Најново

Македонија1 час

Внатрепартиски избори, Форум на пензионери, црвената да биде боја на СДСМ- Заев ги најави промените во статутот

Партискиот претседател да се бира на внатрепартиски избори, целосна родова еднаквост, форумот на жени и СДММ да се воведат како...

Македонија1 час

Погребан Амди Бајрам

Поранешниот пратеник и претседател на Сојузот на Ромите, Амди Бајрам попладнево беше погребан на муслиманските гробишта во Бутел. Амди Бајрам...

Европа4 часа

Шпанија прогласи вонредна состојба

Шпанската влада прогласи вонредна состојба во земјата поради коронавирусот и воведе полициски час од 23 до 6 часот наутро. Со...

Регион5 часа

Од денеска во болниците во Словенија само пациенти со корона и итни случаи

Од денеска приемот на сите пациенти во словенечките болници ќе биде прекинат, освен за итните случаи и оние кои страдаат...

Топ6 часа

Автомобил прегази 15-годишно дете во Скопје

Петнаесетгодишно дете вчера напладне било прегазено од автомобил на булеварот Александар Македонски во Скопје. Со возилото управувал Т.В. од Крива...

Македонија7 часа

Шилегов: Би ги укинал централните инспекции, да не постои државен инспекторат

На дебатата „Како до ефикасни и независни инспекциски служби во Скопје“ што ја организираше НВО Инфоцентарот, градоначалникот Петре Шилегов се...

Македонија8 часа

Во болниците се лекуваат 595 пациенти од коронавирус, капацитетите се прошируваат

Со вчерашните нови 404 случаи со Ковид-19 регистриани во земјава, во болниците низ Македонија се лекуваат 595 пациенти. Од нив...

Македонија8 часа

Маричиќ: Судството покажа дека може да функционира онлајн

Судството покажа дека може да функционира онлајн, вели министерот за правда Бојан Маричиќ по повод Европскиот ден на правдата. „Ова ново...

Македонија21 час

Амди Бајрам бил позитивен на коронавирус, епидемиолозите ќе прават анкети со семејството

Министерството за здравство информира дека кај починатиот Амди Бајрам постмортем е утврдено дека бил позитивен на Ковид-19. Од страна на...

Македонија24 часа

Починаа 14 лица, регистрирани 404 новозаразени

Денеска се регистрирани 404 нови случаи на Ковид 19, оздравени се 182 пациенти, а починаа 14 лица. Министерството за здравство...

Регион24 часа

На Балакнот рекордни бројки на заразени со коронавирус

Дел од државите на Балканот денеска регистрираа рекордни бројки на заразени со коронавирус од почетокот на пандемијата. Во Србија рекордни...

Свет1 ден

(Видео) Трамп гласаше на претседателските избори во САД

Претседателот на САД, Доналд Трамп гласаше на претседателските избори во САД. „Само што гласав! Голема чест“, напиша Трамп на социјалните...

Свет1 ден

Американските компании продолжуваат со тестирање на вакцината против Ковид-19

Фармацевтската компанија „Астра Зенека“ ќе продолжи со клиничките испитувања на својата експериментална вакцина против Ковид-19 во САД, откако доби одобрение...

Македонија1 ден

Филипче најави проширување на болничките капацитети и надополнување на кадарот

Прширување на болничките капацитети и надополнување на кадарот најави министерот за здравство Венко Филипче, кој денеска ги посети болниците во...

Македонија1 ден

Почина Амди Бајрам

Поради кардиоваскуларни проблеми, почина Амди Бајрам, експратеникот и претседател на Сојуз на Ромите. Тој починал на приватна клиника во Скопје....

Економија1 ден

(Видео) Компаниите кои се потешко погодени од кризата ќе добијат поголема финансиска поддршка

Со измените на Законот за поддршка на исплата на плати, компаниите кои се потешко погодени од кризата, ќе добијат поголема финансиска...

Регион1 ден

Грција воведе дополнителни мерки, вклучително и полициски час во Атина и Солун

Поради зголемувањето на ширењето на Ковид-19, Грција воведе дополнителни мерки, вклучително и полициски час во Атина и Солун. Мерките стапуваат...

Македонија1 ден

Георгиевски во Софија: Историската комисија има направено големо поместување

Претседателот на ВМРО-Народна партија, Љубчо Георгиевски при својата посета во соседна Бугарија оствари средби со министерката за надворешни работи, Екатерина...

Свет1 ден

СЗО работи на насоки за употреба на Ремдесивир

Светската здравствена организација објави дека работи на развој на упатства за употребата на лекот Ремдесивир за третман на пациенти со...

Македонија1 ден

Активни 6.861 случаи на заразени со коронавирус во земјата

Во моментов бројот на активни случаи со коронавирус во земјата изнесува 6.861 лице, откако вчера потврдени 518 новозаразени, 200 оздравени...

Досие