Контакт

Македонија

(Видео) Арсовски: Случај како од времето на транзицијата, од МВР ургирале за прикривање на шверц

Објавено пред

Низ медиумите вчера излезе сериозна вест придружена со слики, според која фатен бил камион со нецаринета брендирана стока, која вклучува и автомобилски делови, а крајната дестинација била скопската населба Шуто Оризари, посочи на денешната прес-конференција портпаролот на ВМРО-ДПМНЕ, Димче Арсовски.

Тој јавно праша дали камионот што ја превезувал стоката е на блискиот соработник и пријател на семејството Заеви, кој имено е и сопственик на фирмата „Сакаов транс“, која, пак, е вршител на транспортот на стоката.

„Дали стоката што била превезувана, за којашто медиумите пишуваат дека е на фирмата ‘Винекс текстил’, е на блискиот пријател на Заеви и бизнис-партнер во одредени бизниси на семејството Заеви, Крмзов, кој, пак, важи и за близок пријател на братот на Зоран Заев, Вице Заев. Дали во моментите кога бил камионот однесен во полициската станица од страна на службените лица, превезувал нецаринета, односно шверцувана стока и дали има некаква белешка за тоа? Бидејќи службените лица за тоа и го застанале и го однеле во станицата“, се дел од објаснувањата кои во врска со овој случај ги побара претставникот на ВМРО-ДПМНЕ.

Тој исто така посочи дека ова е вест како од времето на транзицијата, исполнето со шверц и криминал.

„Дали е вистина дека вчера откако камионот бил фатен со оваа стока што неофицијално чини над стотици илјади евра, половина Министерство за внатрешни работи, вклучувајќи ги и раководните структури на министерството се јавиле да интервенираат за камионот да биде ослободен и пуштен“, праша Арсовски и посочи дека во овој случај МВР е најповикано и доколку има вакво заташкување, сите оние коишто ѕвонеле да ургираат треба да одговараат.

Македонија

Милошоски: Заев и Бучковски заедно ќе тргуваат со македонските национални интереси

Објавено пред

Антонио  Милошоски, член на Извршниот комитет на ВМРО-ДПМНЕ на обраќањето пред Владата на денешниот протест „Оставка за Заев, слобода на народот“ рече дека сега Зоран Заев со Владо Бучковски како едни од најкорумпираните политичари заедно ќе тргуваат со македонските национални интереси.
 
„Ако до вчера бевме сигурни дека Заев е подготвен да ги распродаде националните интереси на Македонија како еден од најкорумпираните политичари денес заедно со Бучковски како тандем на најкорумпирани политичари во Македонија дефинитивно не можат да направат ништо освен да тргуваат со националните интереси. Морам да изразам жалење што еден од нив како господинот Бучковски како професор на Прaвниот факултет заради лукративни причини се вклучува во оваа опеарција за неправда кон Македонија“, рече Милошоски.

Милошоски напомена дека тие двајцата има едно заедничко, едниот аболициран за својот криминал, а другиот одбегна да отслужи правосилна пресуда.

„Затоа нашиот апел денес е не само оставка од заев, Османи и Димитров туку и оставка од Бучковски од позицијата која не ја заслужува никој во  државата не смета дека тој може да биде претставник во Бугарија. Тој нема легитимитет, бидејќи ниту владата нема легитимитет“, кажа Милошоски.

Милошоски истакна дека државниот секретар на МНР кажа дека се водат преговори со Бугарија, но дека не се тајни. Според Милошоски ако не се тајни зошто тогаш Заев, Димитров и Османи бегаат од пратениците и Собранието како средношколец неподготвен и бега од часовите по математика.

„Затоа почитувани пријатели кога збориме за национални интереси треба Владата да биде отчетна пред Собранието затоа што таму има пратеници избрани од народот“, рече тој.

Милошоски укажа дека бегањето од Собранието е само доказ дека прават  нешто тајно и не им е во интерес да го обзнанат и да чуе јавноста. „Доколку тие не дојдат во Собранието, тогаш народот ќе дојде пред владата и пред МНР додека не си дадат оставка“, рече Милошоски.  

Прикажи повеќе...

Македонија

Силјановска-Давкова: Излеговме да ја одбраниме Македонија од вирусот што ги напаѓа националните интереси

Објавено пред

Пред Владата на протестот „Оставка на Заев, слобода на народот“ на граѓаните им се обрати Гордана Силјановска-Давкова, пратеник од редовите на ВМРО-ДПМНЕ и коалицијата „За обнова на Македонија“. Таа им се заблагодари на граѓаните што излегоа на протест и во време на Ковид-19.

„Граѓаните денес излегоа на протест бидејќи сега во моментот ѝ се заканува смртоносен вирус на Република Македонија. Вирус што се заканува дека ќе ги загрози идентитетот, јазикот и историјата на Република Македонија. Тој вирус се нарекува Зоран Заев. Ви благодарам за храброста, знам дека се грижите за здравјето, како и јас. А денес сме овде бидејќи во прашање е здравјето на Македонија. Покрај почитувањето на мерките за заштита од Ковид-19, нè штити и правото, правдата, ама се чини и севишниот. Што сакам да кажам? Забележувате дека ако сакате да ве почитуваат, мора да имате самопочит. Јас за тоа им благодарам на сите оние, не само оние што се овде, туку и на оние што се охрабрија гласно да ја изразат самопочитта кон себе, кон својот народ, кон своите граѓани, кон својата држава. И тоа не е случајно. Горда сум на Универзитетот на кој многу генерации сум учела на право, правда и морал, исто така што се огласија Универзитетот „Кирил и Методиј“, Институтот за национална историја, МАНУ, Машинскиот факултет, Европското движење, чиј еден од основачите сум и јас, и уште многу други институции, но и интелектуалци, но и луѓе што се основачи на многу партии“, истакна Силјановска-Давкова.

Таа посочи дека Македонците не се без корен. „Република Македонија има длабоки корени во минатото. Името Македонија се споменува и во Библијата. Оваа држава не може никој да ја уништи, нејзината историја е длабока што не може ниту еден договор да ја избрише. Македонците, како и сите народи, имаат право на своја историја, свој јазик и свој идентитет. Не сме ние без корен. Името Македонија ќе го најдете не само во Библијата туку во многу, многу книги. Името ќе го најдете во многу, многу анализи, на многу карти“, рече Силјаноска-Давкова.

Прикажи повеќе...

Македонија

Шилегов: Вчера загубивме голем човек, голем пријател

Објавено пред

Во чест и сеќавање на Енвер Малиќи, денеска, со едноминутно молчење почна и се одржа онлајн-комеморативната седница, која беше пренесувана на фејсбук-каналот на Град Скопје. На комеморацијата од починатиот заменик-градоначалник на Скопје се простија членовите од неговото семејство, пријателите и соработниците.

„Со длабока тага и чувство на голема загуба вчера ја примив веста за смртта на мојот добар пријател Енвер Малиќи, заменик-градоначалник и успешен бизнисмен. Со неговото заминување изгубивме голем и искрен пријател, но и соработник, кој несебично го делеше своето обемно искуство во повеќе области. Бидејќи беше човек со ведар дух, со него лесно се разговараше на сите теми, па, така, често разменувавме мислења за развојот на локалната самоуправа, за економијата, како и за политички теми поврзани со земјата и регионот. Тие што го познаваа Енвер знаат дека тој од ништо не се плашеше и секогаш беше подготвен за нови предизвици. Енвер беше еден од највлијателните стопанственици во државата и затоа беше почитуван во бизнис-заедницата како успешен бизнисмен, но и како голем хуманист и филантроп. Нема зборови што може да му ја ублажат болката на семејството, кое доживеа ненадоместлива загуба, но изгубивме и сите ние што го познававме Енвер. Тој беше човек со големо срце и со разбирање за проблемите и потребите на своите сограѓани. Нека ти е светол патот, мој пријателе, и почивај во мир“, реле Шилегов на комеморацијата.

Во име на советниците на Советот на Град Скопје длабоко сочувство до семејството Малиќи изрази Бесник Ајети од ДУИ.

„Дозволете, во мое име и во име на колегите, да ви изразам длабоко сочувство по повод заминувањето од овој свет на најскромниот колега, бизнисмен и човек што некогаш сум го познавал, покојниот г. Енвер Малиќи. Несомнено, господин Енвер беше посебен во својата професија и пошироко. На овој почесен ден, духовно и во молитва сме заедно со семејството Малиќи. Нека е вечен споменот за него“, рече Бесник Ајети.

Денеска, во просториите на Град Скопје (пред влезот во кабинетот на градоначалникот, барака број 4) е отворена книга на жалост за прерано починатиот заменик-градоначалник Енвер Малиќи. Сите граѓани што сакаат да се запишат во книгата на жалост тоа ќе може да го направат од 11 до 16.30 часот до петок.

Прикажи повеќе...

Најново

Македонија1 час

Сеизмолошка опсерваторија: Земјотресот во Скопје со јачина од 3,5 степени

Телеметриската сеизмолошка мрежа во Македонија објави дека денешниот земјотрес бил со јачина од 3,5 степени според Рихеровата скала. Епицентарот на...

Македонија3 часа

Пратениците да покажат бојадисано јајце за Велигден, бара опозицијата во еден од амандманите

Во еден од амандманите на опозицијата се вели дека за време на велигденските празници, пратениците кои ќе учествуваат во работата...

Македонија4 часа

ИЈЗ: Се намалува бројот на новозаболени, расте бројот на оздравени пациенти

Бројот на новозаболени со коронавирус во периодот од 23 до 29 ноември се намалува, додека расте бројот на оздравени пациенти,...

Македонија4 часа

Филипче: Го подготвуваме здравствениот систем за вакцинација за Ковид-19

Здравствениот систем го подготвуваме за вакцинација за Ковид-19. Ова ќе биде една од најголемите логистички операции која ќе треба да...

Македонија4 часа

Кузеска: ВМРО-ДПМНЕ не ги исплатила долговите за 270 уметнички слики со позлатени рамки

ВМРО-ДПМНЕ е партија во стечај со блокирани сметки и замрзнати недвижности, меѓу кои и мегаломанското квази барокно здание, седиште на...

Економија4 часа

Групацијата АРИКОМА ја купува компанијата „Сеавус“

Претставниците на Групацијата АРИКОМА (ARICOMA), која е дел од чешката Групација ККЦГ(KKCG) на Карел Комарек, најавуваат значаен чекор поврзан со...

Свет5 часа

Русија почна со вакцинација на војниците против коронавирус

Во Централниот воен округ на Русија почна вакцинација на војниците со вакцината против коронавирус „Спутник V“ и прво ќе се...

Регион5 часа

„Коха“: Тачи ќе го бранат пет адвокати во Хаг

Поранешниот претседател на Косово, Хашим Тачи, ќе го бранат пет адвокати пред Специјалниот суд во Хаг, пишува „Коха“. Специјализираниот совет...

Свет5 часа

Интерпол предупредува на опасноста од лажни вакцини

Интерпол предупредува дека меѓународната мрежа на организиран криминал може да се насочи кон новите вакцини против Ковид-19. Како што е...

Регион6 часа

Во Хрватска 3.539 новозаразени и 55 починати од Ковид-19

Според официјалните податоци, во Хрватска денес има 3.539 новозаразени лица со Ковид-19, а 55 пациенти починале. Хоспитализирани се 2.408 пациенти,...

Македонија6 часа

Во изминатите 24 часа во ковид – центрите во Скопје се примени 30 нови пациенти

Во изминатите 24 часа во ковид – центрите во Скопје се хоспитализирани 30 нови пациенти поради компликации од коронавирусот. Вкупно...

Македонија7 часа

ВМРО-ДПМНЕ ќе протестира во 16 града

ВМРО-ДПМНЕ денеска ќе протестира во 16 града. Од партијата најавија дека на протестите ќе биде испратена порака до премиерот Зоран...

Свет8 часа

Во САД повеќе од 2.500 починати од коронавирус за 24 часа

Соединетите Американски Држави во вторникот потврдија повеќе од 2.500 смртни случаи за 24 часа, што е најголем број смртни случаи...

Свет8 часа

Велика Британија ја одобри вакцината против коронавирус на „Фајзер“

Велика Британија е првата западна земја што одобри вакцина против коронавирус од производителот „Фајзер“. Британскиот регулатор, МХРА, вели дека вакцината,...

Свет9 часа

Американскиот секретар за правда: Нема докази за изборна измама

Американскиот секретар за правда, Вилијам Бар, рече дека Секретаријатот за правда не нашол докази за широко распространета изборна измама што...

Свет9 часа

Макрон: Вакцинацијата во Франција ќе почне во јануари

Францускиот претседател, Емануел Макрон, синоќа изјави дека програмата за вакцинација на коронавирус најверојатно ќе се активира на почетокот на јануари...

Македонија22 часа

Регистрирани 1.069 новозаразени, 1.242 оздравени и 29 починати лица од коронавирус

Во последните 24 часа се направени 3.012 тестирања, а регистрирани се 1.069 нови случаи на Ковид-19, и тоа во: Скопје-489,...

Македонија22 часа

Со посебни протоколи ќе се отворат скијачките центри

Владата го прифати мислењето на Комисијата за заразни болести дека скијачките центри може да работат во согласност со соодветен протокол,...

Македонија22 часа

Владата предлага продолжување на кризната состојба до јуни

Владата ќе достави до Собранието предлог за продолжување на кризната состојба до јуни в година. Владата на денешната седница го...

Топ1 ден

Украден паричник од покојник во ковид-центар во Скопје

Украден е паричник од маж што починал во ковид-центарот на комплексот клиники „Мајка Тереза“. Случајот вчера во полицијата го пријавил...

Досие