Контакт

Македонија

(Видео) Арсовски: Советник од ДУИ незаконски гради бетонска база во Охрид

Објавено пред

Безвластието и самоволието на локалните шерифи во Охрид е само слика и прилика од владеењето на Зоран Заев и СДСМ, изјави портпаролот на ВМРО-ДПМНЕ, Димче Арсовски.

Тој посочи дека власта ги става политичките, партиските и бизнис-интересите пред интересите на Општина Охрид и сите граѓани што живеат таму.

„Молк владее и кај локалната, а богами и кај централната власт, за нелегалната градба што никна на самото крајбрежје на Охридското Езеро. Овој пат тоа е бетонска база, која без дозвола ја гради добро познатиот советник од Охрид, Нефи Усеини, кој инаку е многу близок со раководството на СДСМ во Охрид и со градоначалникот. СДСМ за оваа бетонска база се прави недоветен, иако ги има сите гранки на системот во свои раце. Да потсетиме дека истиот овој советник е поврзан со изградбата на нелегалната тераса во охридската чаршија покрај Чинарот во самиот центар на чаршијата. Ниту за ова немаше никаква реакција од институциите од проста причина што со истиот Нефи Усеини, СДСМ и градоначалникот имаат направено политички пазар. Сега гледаме дека политичкиот пазар подразбирал и изградба на бетонска база, повторно нелегално, на самиот брег на Охридското Езеро, со цел да се бетонира упропастувањето на целиот Охрид“, рече Арсовски.

Портпаролот додаде дека Охрид се претвора во џунгла од дивоградби и ќе биде тргнат од листата на УНЕСКО бидејќи нелегално се градат хотели, минариња, тераси и бази, а сето тоа оди на душата на Зоран Заев, кој тоа го одобрува и дозволува.

„Бараме надлежните институции, како локални така и централни, да се охрабрат, да не се плашат и покрај притисоците што ги врши Заев и да преземат соодветни мерки и да го санкционираат ваквиот башибозук. Урбаната мафија во Охрид можеби сега се чувствува заштитена од Заев и не се плаши, ама верувајте дека со падот на овој криминален картел на власт сигурно ќе дојде време кога сите тие ќе одговараат за сите постапки што ги прават на нелегален начин бидејќи кривичните дела не застаруваат“, додаде Арсовски.

Македонија

Чулев законски делел решенија во МВР, Управниот суд утврди дека Владата погрешно ги поништила

Објавено пред

Управниот Суд на седница одржана на 7 мај донесе пресуда со која тужбата на тужителот Министерство за внатрешни работи застапувано од Министерот за внатрешни работи Наќе Чулев, се усвојува, додека Одлуката на Влада со која се поништуваат решенија за распоредување на работно место се поништува.

Тужбата на Министерот Чулев се однесува на одлука на Владата донесена на почетокот на февруари, а со која беа поништени вкупно 88 решенија за распоредување донесени од страна на Министерот за внатрешни работи Наќе Чулев.

„Ваквата одлука на Управниот суд е уште една потврда за погрешните политики кои ги спроведува Владата, а кои се спротивни на законот, но и доказ дека зад сите одлуки на Владата поврзани со Министерството за внатрешни работи стојат исполнување исклучиво на политички цели. Претходната одлука донесена од страна на Државната комисија за спречување на корупција и оваа пресуда од Управниот суд се потврда на моите тврдења дека распоредувања во Министерството за внатрешни работи се во согласност со законот. Во таа насока ги охрабрувам вработените во Министерствот за внатрешни работи и во иднина да постапуваат соглсно со законот и да ги почитуваат актитe кои се донесени од моја страна, затоа што тие се во согласност со законот што во суштина и единствен концепт на кои се заснова моето работење и раководење со министерството, а што потврда се и одлуките на ДКСК и Управниот суд“, вели министерот Чулев.

Прикажи повеќе...

Македонија

(Видео) Општина Центар со протокол за безбеден прием на првачиња во новата учебна година

Објавено пред

Согласно препораките од Комисијата за заразни болести и насоките од Министерството за образование и наука, Општина Центар во соработка и по иницијатива на воспитно-образованиот кадар од ООУ „Коле Неделковски“ креираа протокол за безбеден прием на првачиња во учебната 2020/2021 година. Овие мерки се преземаат како дополнителна заштита од новонастаната ситуација со коронавирусот, а протоколот ќе се применува и почитува во сите основни училишта во Центар.

Во текот на месец мај, сите основни училишта во Општина Центар формираа електронски систем за аплицирање и упис на првачињата, додека од први јуни официјално ќе се отворат училишните порти за учениците кои ќе бидат тестирани за упис во прво одделение.

Пред влезот на училиштето, со специјална пумпа ќе се дезинфицираат чевлите,како мерка за заштита и зголемена безбедност при слободно движење во училиштето, потоа, со дигитален бесконтактен топломер, на брз и ефикасен начин ќе им биде измерена телесна температура на децата и родителите од страна на стручниот тим во училиштето. Секој ќе добие хигиенски „каљачи“ за еднократна употреба и ќе биде извршена хигиенска дезинфекција на рацете, а родителите дополнително ќе користат заштитни маски и стерилни ракавици.

„Со оглед на условите во кои се наоѓаме во време пандемијата, јас и мојот тим од ООУ „Коле Неделоковски“ креиравме протокол за безбеден прием на првачиња за учебната 2020/2021 година, согласно препораките од Комисијата за заразни болести и насоките од МОН. Во рамки на овој протокол се почитуваа сите безбедносни мерки и затоа би сакала да ги охрабрам сите родители со оглед на тоа дека првиот уписен ден започнува на први јуни, слободно да дојдат затоа што навистина сме подговтвени и со нетрпение ги очекуваме првачињата во нашето училиште. Се надевам дека овој протокол кој што го смисливме дека ќе го почитуваат и другите училишта, не само во Општина Центар, туку и на ниво на цела држава. Истиот протокол е поддржан од Општина Центар“ – изјави директорката Светлана Масларевска.

Учениците ќе се тестираат во неколку простории со еден тестатор, почитувајќи ги препораките за одржување дистанца на растојание од 2 метри. Преку дидактички материјали за бесконтактно тестирање и сопствени боички, првачињата ќе се подготвуваат за почетокот на новата учебна година, а родителите ќе бидат ангажирани во пополнување на потребните материјали за упис.

„Во учебната 2020/2021 година, очекуваме да бидат запишани 550 првачиња во осумте основните училишта на територијата на Општина Центар. Ја поздравувам иницијативата на креативниот тим од ООУ „Коле Нелковски“ за спроведување на овој протокол за безбеден прием на нашите првачиња. Би сакал да ги информирам родителите дека ние како општина, во соработка со училиштата во Центар, подготвени сме во однос на безбедноста за нивните деца и дека со нетрпение ги учекуваме учениците да им посакаме добредојде и да им го честитаме уписот во прво одделение“ – изјави градоначалникот Саша Богдановиќ.

Прикажи повеќе...

Македонија

Град Скопје објави конкурс за идејни решенија за 3 летни сцени во Градскиот парк

Објавено пред

Градот Скопје објави конкурс за избор на 3 партерни идејни решенија за „Летна отворена сцена“ на 3 локации во зелениот појас на Градскиот парк.

Целта на оваа иницијатива е со дефинирање на локациите на Летната отворена сцена во партерното уредување да се зголемат содржините во паркот и на тој начин да стане еден несекојдневен природен амбиент, поинвентивен и попривлечен за посетителите.

Идејните решенија се однесуваат на следните 3 локации:

– Локација број 1 : Површина во Градски Парк Скопје , која се наоѓа во првиот дел на паркот, односно во непосредна близина на езерцето;

– Локација број 2 : Површина во Градски парк Скопје, која се наоѓа спроти Сточарски институт;

– Локација број 3 : Површина во Градски парк Скопје , која се наоѓа во вториот дел на паркот, односно во непосредна близина на езерцето, спроти Кајак Кану клубот „Илинден 90.

Предмет на работа на конкурсот е партерно уредување на Летна отворена сцена која треба да претставува тридимензионален материјален исказ поставен во отворен простор. Идејата на овој проект е преку партерно уредување на локациите да се предвидат позиции на кои би се поставиле монтажни бини во рамките на Летната отворена сцена со што ќе се направи интерактивно место на кое ќе се одржуваат културни манифестации на отворен простор и ќе овозможи поголем пристап на посетители кои ќе посетуваат одреден вид на настани од областа на културата.

Исто така, идејата е да се запази природниот амбиент на наведените 3 (три) локации на кои ќе се постави оваа летна сцена, односно, да се искористат рељефните содржини на самите локации за поставување на гледалиштето наспроти сцената.

Партерното уредување на Летната сцена, особено треба да се одликува со високи естетски вредности.

Идејните решенија треба да се достават најдоцна до 16.06.2020 година во 12:00 часот во Град Скопје – Барака 1а.

На конкурсот ќе бидат доделени три главни награди во бруто износ од 70.000 денари за секоја локација.

Прикажи повеќе...

Најново

Свет1 минута

Бројот на заразени со коронавирусот во светот надмина шест милиони

Бројот на заразени со коронавирусот во светот надмина шест милиони. Со коронавирусот се заразени 6.035.071 луѓе, 366.913 починале, а 2.66.658...

Македонија1 час

Oд Македонија и Филипините биле објавувани теории на заговор поврзани со коронавирусот, соопшти „Фејсбук“

Еден од најголемите дезинформатори за коронавирусот на Фејсбук е забранет од платформата поради користење т.н. Трол-фарми од Македонија и Филипините,...

Македонија2 часа

На 264 лица издадени им се решенија за изолација

Во текот на изминатото деноноќие,  на 264 лица им се издадени решенија за изолација, а 52 лица потпишале изјави за...

Македонија2 часа

СДСМ посочува на одговорност кај министерот Чулев за зголемувањето на бројот на новозаразени

Наместо да работи на почитување на мерките од страна на граѓаните и санкционирање на прекршувањата, министерот за внатрешни работи, Наќе...

Македонија2 часа

ВМРО-ДПМНЕ бара разрешување на членовите на Комисијата за заразни болети

Повикуваме да се разрешат членовите на Комисијата за заразни болести и на нивно место да дојдат експерти со морален интегритет,...

Македонија2 часа

Денеска ќе се одлучува за укинување или воведување нова вонредна состојба

Денеска во Кабинетот на претседателот на државата, Стево Пендаровски, во „Вила Водно“, ќе се одржи седница на Советот за безбедност....

Свет14 часа

Трамп и официјално соопшти: САД ги прекинуваат сите врски со СЗО

Американскиот претседател Доналд Трамп на прес-конференција во Белата куќа објави дека Соединетите држави ги прекинуваат сите врски со СЗО. Тој...

Македонија18 часа

Над половина од новозаразените во Скопје се од Сарај, Бутел и Чаир

Шест лица од денешните 26 случаи на Ковид-19 регистрирани во главниот град се од општина Сарај, покажуваат статистиките на Министерството...

Регион19 часа

Вратите за македонските туристи во Грција отворени од 15 јуни, тестови за корона ќе се прават по случаен избор

Грција од 15 јуни ќе ги отвори своите врати за туристи од 29 земји, објави денеска министерот за туризам, Хари...

Македонија20 часа

(Видео) Пауновски: Некои угостители ги понижуваа инспекторите, се однесуваат како да нема вирус

Одредени угостители со понижување се однесувале кон инспекторите од Пазарниот инспекторат велејќи им: „Едуцирајте нè и напуштете го локалот“, посочи...

Македонија21 час

Филипче: Да знаевме дека нема да се почитуваат мерките, немаше да дадеме препорака за отворање на кафеаните

По објавата на фотографиите од скопски кафеани, каде што, наместо почитување на препораките, се правеле забави, без одржување дистанца, без...

Македонија22 часа

(Видео) Филипче: Мерките не се почитуваат, можен е карантин во некои општини

Новозаболените од коронавирусот се резултат на непочитувањето на мерките, вели министерот за здравство, Венко Филипче, кој рече дека има информации...

Македонија22 часа

Загинувањето на планинарите на Кајмакчалан било несреќа, отфрлена кривичната пријава

Основното јавно обвинителство Скопје донесе решение за отфрлање кривична пријава против водичот на планинарската тура, во која пред 2 години...

Македонија22 часа

Потврдени 52 нови случаја на заразени, починаа 4 лица

Денеска, потврдени се 52 нови случаја на Ковид-19, оздравени се 30 пациенти, а починати се 4 лица, информира Министерството за...

Македонија23 часа

Се бара казна од 10.000 евра за поранешната директорка на кожната клиника

Скопското Обвинителство денеска до надлежниот суд поднесе предлог за издавање казнен налог против поранешната директорка на ЈЗУ Клиника за дерматовенерологија,...

Економија23 часа

(Видео) ФИТР објави повик за финансиска помош, фирмите со добивка ќе треба да ги вратат парите

Речиси 150 домашни микро, мали и средни компании имаат можност да добијат поддршка за брзо приспособување на последиците од Ковид-19...

Македонија23 часа

(Видео) Американски и грчки воени авиони летаа над нашата земја

Два авиона на американското воено воздухопловство, придружувани од четири воени авиона на Грција, околу 11 часот извршија прелет над територијата...

Македонија23 часа

Бугарија го укинува задолжителниот карантин за патниците од Македонија од 1 јуни

Бугарија планира од 1 јуни да го укине задолжителниот 14-дневен карантин за патниците од Македонија и од повеќето земји на...

Свет24 часа

Нов Зеланд има само еден активен случај на коронавирус

Седум дена по ред Нов Зеланд не потврди ниту еден нов случај на коронавирус. Здравствените власти соопштија дека во моментот...

Свет1 ден

(Видео) Немири во Минеаполис поради смртта на црнецот, запалена полициската станица, прогласена вонредна состојба

Демонстрантите влегоа во полициската станица во Минеаполис, предизвикаа пожари и уништија сè што им се нјаде на патот во текот...

Досие