Контакт

Македонија

(Видео) Арсовски: СЈО нема повеќе кредибилитет

Објавено пред

,,СЈО нема повеќе кредибилитет. Нема кредибилитет ниту Катица Јанева, ниту некој од обвинителите кои постапувале по нејзините насоки и молчеле за целиот криминалот кој што се случува, ниту пак истражителите и останатите вработени. Сите се дел од криминална мрежа”, изјави Димче Арсовски, портпарол на ВМРО-ДПМНЕ.

Според него, пред само два дена имавме можност во медиумите да прочитаме дека има отворен сомнеж за платен рекет од 260.000 евра од страна на Адријан Амзоски на хуманитарната фондација на Боки 13, а најверојатно за возврат Катица Јанева најпрвин преземала надлежност врз обвинение од основното јавно обвинителство, а потоа истото тоа обвинение, односно обвинителен акт го повлекла во една кривична постапка која се водела против истиот Адријан Амзоски.

,,Жалосно ни е ова што ни се случува, каде што Катица Јанева, Зоран Заев, Бојан 13 и сите околу нив биле недопирливи и вршеле тортури и рекет кон граѓаните. Класични и обични криминалци.Да одиме по ред, фактите и хронологијата велат вака:

Во март 2017 година е поднесен обвинителен акт од ОЈО против Адријан Амзоски и фирмата „ФИНЕ“ ДОО Скопје поврзана со изградбата на објектот „Космос“ каде што Адријан бил инвеститор. Се работи за нелегалностите во изградбата на објектот „Космос“ и обвинителниот акт бил во судот.Само една недела по доаѓањето на власт на СДСМ на 7-ми јуни, Бојан Јовановски односно Боки 13 го отвора „Меѓународен сојуз“ и на самото отворање се редат сите инволвирани во случајот „Рекет“ во моментот во кој што можеме да ги видиме и чуеме. Значи планот бил разработен, рекетарите подготвени, само требало основање, односно основачко собрание на пералницата на пари од рекет и целиот план да почне да функционира.

Еден месец после ова или три месеци после обвинителниот акт против Адријан Амзоски и фирмата „ФИНЕ“, се поднесува обвинение од страна на СЈО и Катица Јанева за случајот „ТНТ“ односно за случајот „Космос“.После низа пропусти во постапките кои се тераа од страна на СЈО, за кои што уште тогаш укажувавме и ние и експертите дека се случуваат и СЈО не си ја работи својата работа онака како што треба во името на правдата, Катица Јанева веќе во октомври месец бара стварна надлежност на предметот против Адријан Амзоски и добива решение, исто така под низа нејаснотии кои ќе треба да ги објасни, под изговор дека истиот тој предмет, односно обвинителниот акт против Адријан Амзоски и „ФИНЕ“ ДОО е надлежност на СЈО заради поврзаноста со случајот „ТНТ“.

Само една недела подоцна, Катица Јанева откако добива надлежност без никакво образложение, без ниту едно рочиште, без ниту еден доказ, без ниту еден сослушан сведок го повлекува обвинителниот акт врз Адријан Амзоски, токму тој практично е на слобода. Преседан на правото.Но, зошто сето ова го направила Катица Јанева? Одговорот го знае целата јавност. Откако сето ова се завршило во корист на Адријан Амзоски и на фирмата „ФИНЕ“ ДОО и откако Адријан Амзоски бил безбеден, фирмата „ДРИМ БИЛДИНГ“ од Струга, каде што овластено лице бил истиот тој Адријан, а брат му и татко му биле дел од сопствеништвото на фирмата, префрла 260.000 евра или 16.103.986 денари на „Меѓународен сојуз“ на Боки 13 за проект кој што никогаш не е реализиран”, вели Арсовски.

Според него, она што е интересно и зачудувачки е што фирмата „ДРИМ БИЛДИНГ“ во целата 2017 година остварила нето добивка од само 7.000 евра или 420.000 денари, а уплатила веќе во 2018 година кај Боки 13 260.000 евра. Целиот обрт на фирмата во 2017 не достигнува сума од 260.000 евра, туку нешто помалку од 230.000 евра или околу 14 милиони денари.

,,Дали некој од институциите кои што се нормално партизирани од страна на СДСМ и под палка на Заев, се позанимавал да провери од каде е потеклото на овие пари кои легнале во „Меѓународен сојуз“ кај Бојан 13, бидејќи гледаме дека фирмата има добивка од само 7.000 евра, и практично прашуваме и сите се интересираме од каде нашле уште 253.000 евра да префрли кај Бојан 13? На кој начин се уплатени истите пари?

Дали Адријан Амзоски платил 260.000 евра на Бојан 13 за Катица Јанева да му повлече обвинителен акт за кој сигурно ќе одговарал?Кои се причините заради кои Катица Јанева го повлекла овој обвинителен акт, т.е. причините ги видовме, најверојатно се тие 260.000 евра.
Дали Вилма Русковска и ОЈО веќе се занимаваат со овој случај каде што се зацрнети судбини на луѓе поврзани со случајот „ТНТ“ од страна на СЈО? Дали некој се занимава со овој платен рекет од 260.000 евра за повлекување на обвинение?

Сега гледаме дека се било шема од Катица Јанева, Заев и останатите за да се вршат притисоци и да се рекетираат пари.Додека Катица Јанева дивеела и рекетирале, луѓе лежеа по затвори невини.Затоа, како никогаш до сега потребно е оваа криминално – рекетарска група да влезе во затвор. Доста се одолговлекува, доста се закажуваа распити и слично, досега Катица Јанева требаше да биде во притвор. Затоа, како никогаш до сега потребни се предвремени парламентарни избори и потребна е обнова на Македонија која веднаш после падот на СДСМ од власт ќе почне и конечно државата ќе тргне на прав пат.Доволно е од рекет, доволно е од мито, доволно е од сите криминалии и лудории кои што ги прави оваа влада”, додаде Арсовски.

Македонија

Новата шведска амбасадорка порача дека е видлива позитивната трансформација на земјава

Објавено пред

Премиерот Зоран Заев се сретна со Кристин Форшгрен Бенгтсон, новата шведска амбасадорка во државава.

Како што информираат од владината прес-служба, на средбата било заеднички констатирано дека Шведска е голем и искрен пријател кои ги поддржува евроинтеграциските аспирации на Северна Македонија и дека пријателството продолжува да се развива низ меѓусебната соработка на двете држави.

„Кралството Шведска е важен партнер на нашата држава во сите важни процеси и пример на држава кон каква што се стремиме да ја развиеме Република Северна Македонија. Работиме на развојот на капацитетите на институциите, на нивната транспарентност и одговорност. Посебно сме фокусирани на независноста на правосудството. Се надеваме дека низ политиките на дијалог и консензус со опозицијата, со коишто ги направивме потребните реформи, ќе најдеме решение и за Законот за јавно обвинителство, бидејќи граѓаните очекуваат одговорно однесување. Придобивките од реформите, од изградбата едно општество за сите, од затворањето на билатералните прашања со соседите, од очекуваното заокружување на интеграциите во НАТО и добивањето датум за почеток на преговорите со ЕУ се предвидливост на економијата и економски развој. Првите резултати веќе ги имаме со растот на сите параметри во економијата, растот на БДП, растот на платите, нови инвестиции, намалување на невработеноста. Нашата држава верува во европските вредности значајни за граѓаните, како што верува и Шведска“, изјавил Заев на средбата заблагодарувајќи се за континуираната и принципиелна поддршка.

На состанокот со новата шведска амбасадорка посебно беше нагласена видливата трансформација на нашата држава и развојот, како во поглед на демократијата и реформите на домашен план, така и на меѓународен план, се наведува во извештајот за средбата.

 

Прикажи повеќе...

Македонија

(Видео) Стоилковски: На Рашковски му се остава простор да влијае врз сведоци и докази

Објавено пред

Драги Рашковски, генералниот секретар на Владата, јасно и гласно на снимката објавена во домашните и странските медиуми, вели: Leonardo will win, односно „Леонардо ќе победи“. Ова е местење што треба да го добие тендерот, јасно е дека Рашковски преговарал задолжен од Зоран Заев, кој стои зад нарачката на скандалозниот тендер, обвини портпаролот на ВМРО-ДПМНЕ, Наум Стоилковски.

„И по три месеци директни повикувања оттука и од јавноста да се расчисти случајот, Рускоска-обвинителството вчера праќа содржински празно соопштение дека е почната постапка, внимавајте ‘по реакциите во јавноста’! По три месеци, безмалку секој ден, прашања до каде е случајот со Леонардо, се вади соопштение за правната фарса бидејќи:

1. Рашковски уште не е приведен, не е ни притворен,
2. Уште е генерален секретар на Владата,
3. Има натпозиција да влијае врз сведоци и докази,
4. За скандал што е меѓународен,
5. Му се остава простор тој да се заканува и гони медиум, новинари и опозициски функционери,
6. Нема резултат ниту за тоа кој му дал наредба да го мести тендерот?

Притоа, и Комисијата за борба со корупцијата по наведено сопствено барање прифаќа да го влече предметот, сега допрва и Државната ревизија ја вметнува да истражувала за МНАВ. И така да мине времето, сè да се забошоти, да се заборави случајот. За потсетување, договори како овој на Рашковски се можност за повторување инциденти, како оној кога два авиона на интернационални лета ќе се судреле на македонското небо минатиот септември.

Па наместо фарсата од соопштение, Рускоска-обвинителството требаше да има одговори:
1. Како е можно да биде доделен тендер на компанија со истечена тендерска документација?
2. Како и дали Рашковски го повлекол заклучокот на Владата за кој претседателот на М-НАВ укажува дека е спорен?
3. Кои закони и подзаконски акти Сугарески и неговиот шеф на кабинет ги испратиле во Собранието за изменување и што се требало да се смени за да може да го доделат тендерот на договорената фирма?
4. Што вели наодот од Бирото за судски вештачења, кој се крие од компаниите учеснички на тендерот?
5. Зошто и до кога Рашковски ќе биде во позиција со простор да го повтори делото и да влијае врз сведоци и докази? Тоа требаше да биде во писанието испратено од Рускоска-обвинителството.

Фарсата од соопштение на Рускоска-обвинителството и водењето на истрагата за Леонардо се доказ за постоење октопод, за можно криминално здружување на власта и целиот правно-обвинителски систем, за уцени, рекет и неказнивост за криминал и висока корупција. Со ваква власт Македонија само повеќе и повеќе ќе тоне. Доста е! Потребни се избори веднаш“, порача Стоилковски.

Прикажи повеќе...

Македонија

Персонализираната „Скопска“ траела само 4 години, граѓаните мора да ја заменат на свој трошок

Објавено пред

Граѓаните што поседуваат персонализирана картичка „Скопска“ за возење со автобусите на ЈСП ќе мора да ја заменат со нова ако ѝ е поминат рокот од четири години, и тоа на свој трошок. Притоа на самите картички нема дата на издавање, а граѓаните важноста ќе може да ја проверат на шалтер.

„Ги информираме граѓаните, корисници на јавниот превоз, сопственици на персонализираната електронска картичка ‘Скопска’, на која ѝ е истечен рокот на важност, кој изнесува четири години од издавањето, дека треба да ја заменат за да го користат превозот. Обновата, односно замената на картичките, може да се направи во центрите за персонализација на Транспортен центар (во автобусот), во центарот за персонализација во Карпош 2 и во Аеродром (до ТЦ „Капитол“), од 6 до 19.30 часот“, соопштија од ЈСП.

Од таму напоменуваат дека замената на картичките е на трошок на сопственикот на картичката.

„Во случај картичката да е истечена, а на неа да има неискористени средства, тие системски ќе бидат префрлени на новата картичка. Заинтересираните статусот на картичката може да го проверат во некои од центрите за персонализација“, велат од ЈСП.

Прикажи повеќе...

Најново

Европа7 часа

Макрон: „Жолтите елеци“ ме наведоа подобро да ги слушам луѓето

Францускиот претседател Емануел Макрон откри дека кризата со граѓанското движење „Жолти елеци“ на некој начин била добра за него, бидејќи...

Свет9 часа

Трудо среде скандал, најмалку трипати се маскирал како црнец

Канадскиот премиер Џастин Трудо денеска западна во голем скандал. Утрово беше објавена негова стара фотографија на која тој е облечен...

Македонија14 часа

Обвинение против ексградоначалник на Демир Хисар, незаконски вработувал луѓе

Битолското Обвинителство поднесе обвинение против три лица за незаконски вработувања. Обвинети се поранешен градоначалник на Демир Хисар, раководител на Центарот...

Македонија14 часа

(Видео) Трајанов: Со една изборна единица ќе се стави крај на прелевањето на гласовите на малите партии

Претседателот на Демократскиот сојуз, Павле Трајанов, рече дека очекува поддршка со консензус на иницијативата за промена на Изборниот законик да...

Македонија15 часа

Судењето за „Талир 2“ повторно одложено

Судењето за предметот „Талир 2“ на СЈО, судијката Даниела Алексова-Стојановска го одложи за 15 октомври. Причина за одлагањето е доуредување...

Регион15 часа

Mакедонски државјанин фатен при шверц на антички предмети на граничниот премин Прешево

Српските цариници во соработка со полицијата, во вторникот, 17 септември, на граничниот премин Прешево спречија обид за шверц на антички...

Топ16 часа

Обвинение и за девојката што учествувала во убиството на Пино Секондо

Обвинителството поведе обвинение и против девојка од Скопје за која се смета дека е соизвршител во убиството на Пино Секондо,...

Македонија16 часа

Палмер: САД се надеваат дека Северна Македонија ќе ги почне преговорите во октомври

Специјалниот претставник на државниот секретар на САД за Западен Балкан, Метју Палмер, вели дека очекува Северна Македонија да ги почне...

Топ17 часа

Тракторист загина во сообраќајна несреќа на патот Струга – Дебар

Четириесет и осумгодишен тракторист од струшкото село Велешта загина во сообраќајна несреќа што се случи синоќа на регионалниот пат Струга...

Свет18 часа

Обелоденети 76 милиони податоци од Mинистерството за внатрешни работи на Австрија

Во Министерството за внатрешни работи на Австрија, според информациите од интернет-страницата „Буре без дно“, дошло до масивно обелоденување полициски податоци....

Свет18 часа

(Видео) Уапсен маж кој пукаше и го блокира стратешкиот мост во Киев

Украинските специјални сили уапсија вооружен маж кој го блокира стратешкиот мост во Киев и се закани дека ќе предизвика експлозија...

Свет18 часа

Њујорк и Мичиген ги забранија ароматизираните електронски цигари

Њујорк е првата сојузна американска држава која забрани продажба на ароматизирани електронски цигари по речиси 400 случаи на сериозни болести...

Македонија19 часа

Собранието ја почнува расправата за ребалансот на буџетот

Во Собранието од денеска почнува расправата по ребалансот на буџетот за 2019 година. Предлогот за изменување и дополнување на Буџетот...

Македонија19 часа

Здружението Е.Д.Е.Н. предлага субвенционирање фотоволтаици за борба против загадувањето

Според извештајот на Европската агенција за животна средина објавен во 2018 година во земјава околу 3.000 смртни случаи годишно се...

Спорт1 ден

Македонец станува селектор на светските шампиони САД?

Македонецот Влатко Андоновски, тренерот на НВСЛ тимот Рејн ФЦ е главен кандидат да стане нов тренер на светските шампиони во...

Македонија1 ден

Продолжен притворот на Катица Јанева

Судот ѝ го продолжи притворот на поранешната специјална јавна обвинителка Катица Јанева, која е осомничена во случајот „Рекет“ на Основното јавно...

Македонија1 ден

Со лажна диплома од Приштина работел како професор по математика во Куманово

Педесет и едногодишен маж со фалсификувана диплома од универзитет во Приштина, Косово, се вработил како професор по математика во основно училиште во...

Македонија2 дена

Ексминистерот за правда, Беџети, одбил да ја потпише екстрадицијата за обвинети во „Монструм“

Ексминистерот за правда од ДУИ, Блерим Беџети, одбивал да го потпише барањето за екстрадиција за двајцата обвинети во „Монструм“, Африм...

Македонија2 дена

Случај „Монструм“: во судницата се слушаат разговори во врска со настанот на луѓе блиски до Груевски

Приватни и несуштински разговори беа пуштени во 13 од 25 бомби во судницата за случајот „Монструм“. Во разговорите се слушаат...

Македонија2 дена

(Видео) Филипче: Полицајци ќе патролираат кај најкритичните здравствени објекти

Министерот за здравство, Венко Филипче, го поддржа денешниот протест на здравствените работници против насилството врз нив. Тој рече дека почнале...

Досие