Контакт

Македонија

(Видео) Багери на Нефи Усеини копаат песок за неговата база која требаше да биде урната

Објавено пред

Граѓанската иницијатива „Охрид -СОС“ на нивата фејсбук-страница објави видео на кое се гледа како багери на охридскиот советник Нефи Усеини копаат песок на крајбрежјето на езерото за неговата бетонската база. Од граѓанската инцијатива посочуваат дека локацијата каде што се копа песок е во близина на базата, а видеото објавено на нивниот профил е од граѓанин кој го снимал ископот, при што во моментот кога се обидел да се доближи до механизацијата добил вербални закани од вработените со зборовите „ знаеш ли дека тука е забранет пристап“ и „тргни го телефонот, ќе ти го фрлиме у езеро!“.

Викендов се формализираше новата владина коалиција на Guns N' Roses, или попрецизно, надградената и проширена верзија на…

Posted by Охрид SOS on Среда, 02 септември 2020

Од „Охрид СОС“ порачуваат до власта да го запрат дивото копање на песок и да ги казнат сторителите кои го правеле тоа, а бетонската база да ја затворат и да наложат нејзино рушење.

„Ако на почеток Усеини побарал сам да го стори тоа, а се покажа дека само излажал и купувал време, сега најдете фирма која ќе го стори тоа. Не чекајте, ако ‘Македонијапат’ ја руши дивоградбата во Скопје, нека дојдат по  тоа и во Охрид, да се продолжи низата. Во спротивно од старт ќе покажете дека новата Влада е само лицемерие и неспособност завиткано во убава хартија. Само вистинска и решителна акција ќе покаже дека сите тие зборови не се само празни фрази во етерот“, пишуваат од иницијативата „Охрид СОС“ .

Од иницијативата ги повикаа и охрабрија граѓаните да го следат примерот на овој кој го снимил видеото, да го сторат истото и да пријават незаконски дејства на јавни функционери, а воедно ги повикаа и медиумите да го пренесат видеото за да допре информацијата до јавноста и надлежните.

Македонија

ВМРО-ДПМНЕ на протест во сабота: „Мафија те тужи, мафија те суди“

Објавено пред

ВМРО-ДПМНЕ за в сабота во 18.30 часот најавува протест пред Министерствоот за правда, пеку улица Македонија до Основното јавно обвинителство против неправди, реваншизам и политичко насилство.

„Мафија на власт, колку повеќе тоне во својот криминал и корупција, толку повеќе удира по својот народ и политичките неистомисленици. Оваа власт во недостаток на успеси и во услови на секојдневни порази на секое поле, сѐ повеќе се врти кон политички прогон и застрашување.
Министерот за неправда наместо да прави реформи, јавно се заканува и им прејудицира казни на сите кои не мислат како Заев. Тоа е таа Заев-неправда по рецептот јавно да се најавуваат пресудите и од страна на Заев и од страна на министер за правда и од страна на обвинители и судии. Мафијата работи по принципот, ‘мафија те тужи, мафија те суди“, соопшти ВМРО-ДПМНЕ.

„Затоа гледаме стотици случаи кај што мафијата на власт удира по новинари, удира по опозицијата, удира и по народот. Кацарска е наградена со место во Уставниот суд. СЈО ги изеде народните пари, а народот не виде правда.Селективната Луј Витон правда не е правда, туку маша како да се заштити криминалот на екипата на Заев“, додаваат од партијата.

Според нив, оние судии и обвинители кои работат по директивата на Заев потоа се унапредуваат и наградуваат. Тоа народот го гледа и затоа довербата во правосудството е минорно. Народот и ВМРО-ДПМНЕ ќе се спротивстави на неправдата и на мафијата на чело на Заев која владее султански со Македонија.

„Доаѓа време кога овој султанизам ќе падне и кога мафијата ќе одговара за целата неправда заедно со нивните помагачи и слепи послушници кои го газат својот народ“, се додава во соопштението.

Прикажи повеќе...

Македонија

Пендаровски на проштални средби со амбасадорите на Франција и Канада

Објавено пред

Претседателот Стево Пендаровски, денеска на проштални средби ги прими амбасадорот на Француската Република, Кристиан Тимоние, и амбасадорката на Канада, со седиште во Белград, Кетлин Чаба.

На средбата со Тимоние беше оценето дека односите меѓу двете земји се карактеризираат со пријателство и меѓусебна доверба. Претседателот истакна дека Северна Македонија во Франција гледа сојузник во остварувањето на стратешките цели.

Претседателот изрази задоволство што за време на четиригодишниот мандат на амбасадорот Тимоние двете држави станаа сојузници во НАТО, и беше донесена одлука за почеток на пристапните преговори со Европската Унија. Во тој контекст, Пендаровски го истакна значењето на поддршката што Франција ја дава на европската перспектива на Северна Македонија и на регионот, посочувајќи дека по усвојувањето на новата методологија за водење на преговори, на државите-кандидати им е овозможено интеграцијата во ЕУ да се одвива преку имплементација на темелни реформи.

На средбата со Чаба беше потврден заемниот интерес за унапредување на соработката во повеќе области, особено во економската, како и натамошно продолжување на успешната мултилатерална соработка.

Претседателот Пендаровски, изразувајќи задоволство од традиционално добрите односи меѓу двете држави, засновани на заеднички вредности, се заблагодари за постојаната канадска партнерска соработка на нашиот евро-атлантлантски пат.

„Поддршката од Канада за нас е од големо значење и очекувам од нашите канадски пријатели и партнери уште позасилена помош во претстојниот период“, рече претседателот Пендаровски на средбата.

Амбасадорката Чаба, поздравувајќи ги надворешно-политичките активности кои нашата држава ги презеде изминатиот период, изрази задоволство што Северна Македонија во март годинава стана полноправна членка на НАТО Алијансата и ја пренесе канадската поддршка во процесот на пристапување кон Европската Унија.

Прикажи повеќе...

Македонија

Царовска: Во 600 училишта настава со физичко присуство, во останатите на далечина

Објавено пред

Утре официјално започнува новата учебна година, 600 училишта ќе одржуваат настава со физичко присуство, за останатите достапно учење на далечина, истакна на прес-конференција министерката за образование и наука Мила Царовска.

Таа потенцираше дека оваа година ќе биде многу поразлична од другите бидејќи, како што рече, пандемијата предзвика тектонски промени во нашите животи, а образовниот процес за многу кратко време мораше да претрпи целосна трансформација. Изрази благодарност до сите што помогнаа во организацијата за успешен старт и очекува соработката да продолжи и во периодот што следи.

Осврнувајќи се на Националната платформа, министерката рече дека вчерашниот тест на Тимс системот се покажал успешен и учениците ќе почнат да ја следат наставата согласно планот. Часовите ќе се одвиваат онлајн онака како што е планирано, додека продолжува оптимизацијата на останатите модули од самата платформа кои сé уште не се активни.

„Со задоволство можам да кажам дека ја завршивме успешно обуката на наставниците за користење на платформата. 1.600 наставници ги поминаа обуките од мастер тренерите и станаа училишни обучувачи. Тие понатаму ги обучуваа наставниците во сите училишта во државата. Најважно е што во секое училиште имаме училишни обучувачи кои вештините за работење на платформата ги пренесуваат на нивните колеги и ќе бидат нивна поддршка“, нагласи Царовска, додавајќи дека колегите од ФИНКИ во текот на целата учебна година ќе бидат на располагање за наставниците, родителите и учениците, а со цел навремено надминување на евентуални предизвици од техничка природа.

Царовска се осврна и на, како што рече, едно од најгорливите прашања изминатите денови, а тоа е како децата кои немаат компјутери ќе ги следат предавањата, потенцирајќи дека на ниедно дете правото на образование нема да му биде ускратено.

„Сите деца кои немаат опрема, компјутери или од било кои причини не можат да следат настава онлајн, можат истата да ја следат од училница. Доколку пак не можат или родителите одлучиле да не одат во училница за сите ќе биде обезбеден потребниот печатен материјал за да учат дома. Овие ученици ќе бидат во постојана комуникација со наставниците, а сите предавања ќе може да ги следат и на телевизија како снимени часови“, рече министерката, додавајќи дека можеби ова не е најидеалното решение, но сепак овозможува опфат на сите ученици за редовно следење на наставата. Информираше и дека во околу 600 основни и средни училишта е дозволено да се организира настава со физичко присуство, од вкупно пристигнати 864 барања од страна на основачите“, рече Царовска.

Посакувајќи им успех на сите ученици и наставници, Царовска апелираше сите да бидат трпеливи, истрајни и почитувајќи ги мерките за заштита од Ковид 19, како што рече, заеднички да придонесеме за успешен старт и заокружување на новата учебна година.

На прес конференцијата се обрати и заменик министерот за образование и наука Арафат Шабани, кој рече дека пандемијата само го забрза процесот на модернизација на националниот образовен систем, во кој, прв чекор е дигиталната транзиција преку изработката на Националната платформа за далечинско учење. Шабани рече дека предизвици секако ќе има во новата учебна година, бидејќи се соочуваме со целосно нова состојба, но ќе се надминуваат тековно, за што, како што рече очекува соработка и разбирање од наставниците, учениците и родителите.

Во името на работниот тим задолжен за развој и имплементација на Националната платформа за учење на далечина, се обрати Александра Наќева Ружин која нагласи дека конципирањето и развојот на решение бил исклучително динамичен и комплексен процес, кој се спроведува во крајно лимитирани временски услови.

„Да се дизајнира и развие онлајн решение кое ќе биде функционално и стабилно, и имплементирано на унифициран начин од страна на 26.000 наставници при одржување настава на над 250.000 ученици,и тоа на различни наставни јазици, е исклучително комплексна задача, и неверојатно амбициозна земајќи ги во предвид кусите временски рокови. Но, со јасна цел, безпрекорен план, и пред се, одличен тим, за безмалку еден месец успеавме да развиеме и подготвиме за имплементација интегрирано решение за онлајн образование во сите, над 1.000 јавни основни и средни училишта, на територија на целата држава. Платформата ги зближи академијата и јавниот сектор, и е резултат на егземпларна соработка помеѓу Министерството за образование и наука и ФИНКИ, која треба да се развива и негува и понатаму“, рече Наќева Ружин.

Продеканот на ФИНКИ проф. д-р Боро Јакимовски рече дека факултетот ја презеде одговорноста да ја подготви платформата, при што за неполн месец ја постави инфраструктурата којашто е основата за развој на платформата.

„Платформата тековно има околу 270 илјaди корисници, на истата се креирани околу 150 илјади предмети и тековно до сега се имаат најавено околу 160 илјади корисници. Корисничките лозинки беа искреирани и дистрибуирани како за наставниците така и за учениците. Мајкрософт Тимс е делот којшто поактивно ќе се користи во претстојниот период со цел да се одржат онлајн предавањата, а платформата ќе ја ставиме на располагање преку која ќе бидат достапни материјалите како и тестовите и други содржини во електронска форма“, рече Јакимовски.

Прикажи повеќе...

Најново

Регион51 минута

Грчките свештеници загрижени за барањето до Вартоломеј за автокефалност на македонската црква

Грчките црковни кругови ги коментираа барањата на македонските власти до Вселенскиот патријарх Вартоломеј за автокефалноста на македонската црква. „Задната врата“...

Македонија1 час

Сојузот на средношколци најави бојкот во ноември ако не се дозволи комбинирана настава

Сојузот на средношколци најави бојкот на наставата од ноември, доколу во октомври остане стабилна епидемиолошката состојба, а институциите не дозволат...

Македонија2 часа

Милошоски: Пратеничката група на ВМРО-ДПМНЕ ќе гласа против одлуките за вонредна состојба

Заврши координацијата на пратеничката група на коалицијата „За обнова на Македонија“, по којашто пратеникот на ВМРО-ДПМНЕ, Антонијо Милошоски информираше дека...

Регион3 часа

Албанија го одложи почетокот на училишната година

Албанија го одложи почетокот на училишната година за ноември откога бројот на заразени од коронавирусот во еден ден се зголеми на...

Топ3 часа

Приведена дилерка на кокаин во Тетово

Полицијата приведе 45-годишна жена од Теотово осомничена за продажба на кокаин. Според информациите од МВР, таа ја криела и ја...

Свет3 часа

Гејтс потпиша договор со 16 фармацевтски компании: го зголемуваме производството на вакцини со невидена брзина

Фондацијата на Бил и Мелинда Гејтс потпиша договор со 16 фармацевтски компании за да соработуваат во производството на вакцина против...

Македонија4 часа

Потрошени 6,7 милиони евра за итни набавки за заштита од Ковид-19, најмногу потрошило МВР

За итни набавки за заштита од коронавирусот, во првите шест месеци од кризата биле потрошени 6,7 милиони евра, покажува извештајот...

Македонија5 часа

Филипче на средба со медицинските сестри кои дадоа отказ од Инфективна – се обидел да ги убеди да останат

Министерот за здравство, Венко Филипче, утрово се сретнал со трите медицински сестри од Инфективната клиника кои дадоа отказ. Според објавата...

Свет6 часа

(Видео) Хаотична прва дебата меѓу Трамп и Бајден

Американскиот претседател Доналд Трамп и неговиот противкандидат, поранешниот потпретседател и сенатор Џо Бајден, синоќа ја имаа првата од трите дебати...

Свет6 часа

Премиерот на Ерменија: За конфликтот во Нагорно-Карабах нема воено решение

Премиерот на Ерменија, Никол Пашињан изјави дека за конфликтот во Нагорно-Карабах нема воено решение. Пашињан за телевизијата Русија 1 рекол...

Свет20 часа

Кремљ: Путин планира да се вакцинира со руската вакцина против коронавирус

Рускиот претседател, Владимир Путин, планира да се вакцинира со руската вакцина против коронавирус, рече неговиот портпарол. „Путин планира да се...

Македонија21 час

Алаѓозовски и Поповски именувани за национални координатори во Владата

Владата на денешната седница ги именува поранешниот министер за култура Роберт Алаѓозовски и поранешниот министер без ресор задолжен за комуникации,...

Македонија21 час

Игротеките почнуваат со работа

Владата на денешната седница го усвои протоколот за работа на игротеките. „Владата го усвои протоколот за работа на игротеките во...

Македонија21 час

Владата одобри целоднeвна настава во училиштата

По препорака на Комисијата за заразни болести, Владата на денешната седница одобри целодневна настава во училиштата. „Одобрена е организацијата на...

Македонија24 часа

(Видео) Потпишан етичкиот кодекс, функционерите се обврзаа на транспарентно и одговорно работење

На седница на Владата денеска беше потпишан кодексот за етичко однесување на носителите на јавни функции. По тој повод, заменик-претседателот...

Свет24 часа

(Видео) Војската на Нагорно-Карабах соборила два азербејџански хеликоптера

Војската на Нагорно-Карабах собори два азербејџански хеликоптера користејќи ракети „земја-воздух“ – „игла“, објави прес-секретарот за ерменското Министерство за одбрана, Шушан...

Македонија1 ден

Осум починати и 112 новозаболени од Ковид-19 во земјата

Министерството за здравство информира дека во последните 24 часа се направени 1.372 тестирања, а регистрирани се 112 нови случаи на...

Македонија1 ден

(Видео) Фетаи ќе бара затворски казни за сите обвинети во „Насилство во Центар“

Обвинителката Фатиме Фетаи ќе бара затворска казна за Миле Јанакиески и другите обвинети со жалба во апелација откако Кривичниот суд...

Македонија1 ден

Царовска: Место да ја бојкотираат онлајн-наставата, родителите, градоначалниците и директорите да седнат и да се договорат

Бојкот на онлајн-наставата нема да им донесе ништо добро на децата, рече денес министерката за образование и наука, Мила Царовска....

Македонија1 ден

(Видео) Затворска казна за Груевски, а условна за Јанакиески и за извршителите во „Насилство во Центар“

Судот изрече казна затвор од 1 година и 6 месеци за Никола Груевски, а за Миле Јанакиески условна казна од...

Досие