Контакт

Македонија

(Видео) Бајкерски адреналин и рок музика на мото собирот во Свети Николе

Објавено пред

Супер е, одлично е, многу е убаво, секоја година поубаво … Вакви беа коментарите на оние кои го посетија петиот „Интернационален мото собир“ во Свети Николе. Над 2.000 моторџии и скоро 11.000 посетители го раздвижија малото градче во Овчеполието. За прв пат оваа година, настанот беше организиран во две дена.

„Имаме гости од повеќе држави, Србија, Црна Гора, Хрватска, Босна и Херцеговина, Словенија, Австрија, Грција, Бугарија, но се надеваме дека ќе дојдат и ненајавени, отворено е за сите! – изјави Борче Серафимовски, организатор од „Мото клуб Свети Николе“. Настанот е од е од значење за Општината, која застана со поддршка на мото собирот.

„Овој „Мото собир“ за Свети Николе значи многу, токму затоа Општината е покровител на оваа манифестација. Значи голема промоција на градот не само за публиката од Македонија, туку и пошироко. Ова е најголемиот собир на Балканот и им благодарам на ентузијастите од „Мото клуб Свети Николе“ кои се погрижија овој настан да добие ваква димензија, кажа Сашо Велковски, градоначалник на Свети Николе.
Организаторите на овој мото хепенинг се луѓе со големо срце кои активно се вклучуваат во многу хуманитарни активности, па очекувано и овој настан имаше хуманитарна основа, посветен на прерано починатиот член, Влатко Цветковски – Фафа.

Овој „Мото собир“ има хуманитарен карактер и е посветен на една млада личност која трагично го загуби животот пред два месеци во сообраќајна несреќа со мотор. Во негова чест, во негово сеќавање, овој „Мото собир“ е посветен на него“, додаде организаторот Борче Серафимовски.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Попладнево нестабилно со дожд и грмежи

Објавено пред

Попладнево времето е нестабилно, на повеќе места со пороен дожд и грмежи, особено на југоистокот каде за кратко време наврна поголема количина на воден талог, а имаше и појава на суградица. Доцна попладнево со интензивна нестабилна маса е зафатена и Скопската котлина, а од појави беше регистриран интензивен пороен дожд, силен ветер, како и појава на ситен град.

Во моментов на повеќе места во земјава има пороен дожд, но поинтензивната нестабилност е во планинското подрачје југозападно од Скопје, како и северозападно од Велес.

И во наредните часови ќе се задржи нестабилно со пороен дожд и грмежи, но силинита на процесите се очекува да слабее. Во текот на ноќта атмосферата постепено ќе се стабилизира.

Сончево и потопло со мала до умерена облачност. Во крајните западни и источни делови ќе има услови за изолирана појава на пороен дожд и грмежи. Т-мин. од 12 до 19, а т-макс. од 27 до 35 степени.
Во Скопје сончево и топло со мала до умерена облачност. Т-ра: 17 / 32 степена.

Во сабота ќе преовладува сончево и топло време. Во недела попладне и во следните денови повторно ќе биде нестабилно, на повеќе места со пороен дожд и грмежи. Во недела ќе дува повремено засилен југозападен ветер, а од понеделник ветерот ќе се промени во северен и тоа ќе услови опаѓање на температурата за неколку степени..

Прикажи повеќе...

Македонија

Владата и „Макам Транс“ потпишаа Меморандум за соработка на граничните премини

Објавено пред

Националниот координатор за гранично управување при Владата, Владимир Пивоваров и Билјана Муратовска, генерална секретарка на Асоцијацијата на превозници „Макам Транс“- Скопје, денеска во присуство на заменикот на претседателот на Владата и министер за внатрешни работи, Оливер Спасовски и директорот на Царинската управа, Ѓоко Танаскоски потпишаа Меморандум за заедничка соработка, во борбата против корупцијата на граничните премини при влез и излез во земјата, како и граничните премини во странство.

Националниот координатор за гранично управување, Владимир Пивоваров истакна дека најважно средство во борбата против криминалот е информацијата за направени незаконити дејствија, навремено да стигне до надлежните институции кои понатаму ќе дејствуваат.

„ Соработката со „Макам Транс“ предвидува, превозниците на кои на граничните премини ќе им биде побарано мито од страна на цариник, полицаец или инспектор за храна и ветерина, таквата информација да ја достават до нивната централа, која потоа ќе биде проследена до Дежурниот Оперативен Центар при Национален Координативен Центар за Гранично Управување. Центарот ќе има обврска таа информација веднаш да ја сподели до надлежната институција за понатамошно постапување“, рече Пивоваров додавајќи дека за бројот на примените и дистрибуирани информации, Координативниот Центар ќе доставува месечен извештај до Владата на Република Северна Македонија.

Министерот за внатрешни работи Спасовски подвлече дека Меморандумот за заедничка соработка на граничните премини е од исклучителна важност за одржување на континуитетот во воспоставувањето потесна, оперативна и ефективна соработка меѓу институциите и граѓаните при обезбедувањето на проток на патници и трговска стока.

„Овој Меморандум ќе обезбеди и навремено детектирање и анулирање на сите пречки за обезбедување на безбеден и слободен транспорт. Меморандумот обезбедува практично следење и конкретна размена на информации, кои превозниците ќе имаат можност преку Информатичка Технологија (ИТ) да ја пријават и истовремено очекуваме намалување на ризиците и реално намалување на криминалот и корупцијата. Ве охрабруваме, Вас превозниците, а и полицајците, цариниците и сите институции на системот, заедно да застанеме во борбата со корупцијата на границите“, истакна во своето обраќање министерот за внатрешни работи, Спасовски.

Подетално за апликацијата, која ќе биде бесплатна и ќе ја има на веб страницата на Асоцијацијата „Макам Транс“ и ќе биде достапна и за корисниците на мобилни телефони, говореше генералната секретарка Муратовска.

„Апликацијата ќе може да ја користи било кој превозник, не мора да биде член на нашата Асоцијација“, рече Муратовска нагласувајќи дека пријавувањето на незаконските дејности ќе биде анонимно. Муратовска се заблагодари на Владата за вклучувањето во борбата со корупцијата и за залагањето за надминување на пречките со кои се соочуваат превозниците.

Според директорот на Царинската Управа, Танаскоски, мерките и соработката кои се регулираат во Меморандумот ќе обезбедат подобри услови за внатрешен и меѓународен транспорт на стока и проток на патници и со тоа директно ќе се влијае на олеснување и зголемување на трговијата и подобрување на економската соработка и раст.

Прикажи повеќе...

Македонија

Камчев: Никој не ми доставил покана да сведочам за апсењето на Бошкоски

Објавено пред

Бизнисменот Орце Камчев, во писмо до медиумите извести дека покана за сведочење во случајот „Тортура“ од судот не добил.

„Во врска со наводните тврдења пласирани денеска во медиумите, во кои се наведува дека сум бил уредно повикан, но не сум присуствувал како сведок на денешното рочиште за случајот ‘Тортура’ под полна морална и кривична одговорност ве известувам дека до мене ниту лично, ниту на кој било друг начин не е доставена покана за присуство на горенаведното рочиште“, напиша Камчев.

„Доколку бев уредно повикан и ја имав примено поканата нема причина поради која што не би се јавил во судот како сведок во случајот“, наведе тој во реакцијата.

Поради отсуство на обвинетиот Метуш Шабани, бидејќи го повредил коленото на 16 јуни, судијката Александра Ристеска го одложи денешното рочиште за предметот на СЈО, „Тортура“.

Судијката констатира дека бизнисменот Орце Камчев ја примил поканата за сведок во предметот на петти јуни, но денеска не дојде да сведочи.

Обвинителот од СЈО, Љубомир Лапе, побара Камчев да биде донесен со полиција на наредното рочиште. Ако бизнисменот го оправда отсуството, ќе биде повлечена наредбата за стражарно приведување.

За новинарката Оливера Трајковска немало уредна достава на поканата да сведочи во судот. Трајковска, како што образложи судијката, не се јавувала на вратата.

За експортпаролот на МВР, Иво Котевски, кој исто така е повикан како сведок на СЈО нема доказ за уредна достава на поканата за сведочење.

Нив повторно ќе им биде испратена покана да сведочат на следното рочиште закажано за петти јули.

Прикажи повеќе...

Најново

Свет2 часа

(Видео) Демонстранти се обидуваат да влезат во парламентот на Грузија

Илјадници демонстранти се собраа пред парламентот во Тбилиси со намера да влезат во зградата на Законодавниот дом, за време на...

Македонија9 часа

„Ле Монд“: Франција, Холандија и Германија со црвено светло за Скопје и Тирана

Францускиот весник „Ле Монд“ пишува дека Франција, Германија и Холандија се трите земји што го блокирале почетокот на преговорите за...

Свет9 часа

Сајбер-напад врз Путин

Забележан е сајбер-напад на кол-центарот „Директна линија“ со Путин. Нападот беше одбиен. Затоа имаше проблеми со повиците. Ова го соопшти...

Македонија11 час

Кривичниот суд: Сеад Кочан од 17 јули во затвор

Судија за извршување санкции при Основниот кривичен суд во Скопје, надлежен да постапува по предметот на СЈО – „Труст“, изготвил...

Македонија12 часа

(Видео) Камчев да биде донесен со полиција да сведочи, бара СЈО

Поради повреда на коленото на обвинетиот Метуш Шабани, која се случила на 16 јуни, судијката Александра Ристеска го одложи денешното...

Македонија13 часа

Канада го ратификува протоколот за членство на земјава во НАТО

Канада е најновата во низата земји што го ратификуваа протоколот за членство на земјава во НАТО. „Денес, Канада со задоволство...

Македонија14 часа

Осумката од ВМРО-ДПМНЕ бара место во работните групи за Изборниот законик

Осумката од независната група од ВМРО ДПМНЕ бара место во работните групи за измени на Изборниот законик со цел демократизација...

Македонија14 часа

Културните работници со апел до Заев: Метлата нека го одмине МКЦ

Поголема група работници во културата испратија отворено писмо до премерот Зоран Заев во кое се противат на најавените промени во...

Регион15 часа

„Вечерњи лист“: И Мирослав Шкоро во трката за претседател на Хрватска

Хрватскиот „Вечерњи лист“ објави дека пејачот Мирослав Шкоро неделава официјално ќе ја објави својата кандидатура за претседател на Хрватска. Шкоро...

Македонија1 ден

Захариева: Можно е до октомври да биде донесена одлуката за почеток на преговори со ЕУ за Северна Македонија и Албанија

Министерката за надворешни работи на Бугарија, Екатерина Захариева изјави дека е можно до октомври да биде донесена одлуката за почеток...

Топ1 ден

Три години затвор за жената што прегази 13-годишно дете на Илинденска

Основниот кривичен суд денеска ја објави пресудата за предметот со сообраќајната несреќа, која на 18 септември 2015 година се случи...

Топ1 ден

Татко и љубовник сексуално експлоатирале 15-годишно девојче

Основното јавно обвинителство за гонење организиран криминал и корупција поднесе обвинение против пет лица за трговија со дете. Меѓу нив...

Свет1 ден

Тројца Руси и еден Украинeц обвинети за уривањето на малезискиот авион во Украина

Четири мажи се обвинети за убиство при уривањето на авионот на „Малезија ерлајнс“ во источна Украина во 2014 година, при...

Свет1 ден

Кашоги е жртва на намерна, претходно испланирана егзекуција – покажа независната истрага на ОН

Саудискиот новинар Џамал ​​Кашоги е жртва на намерна, претходно испланирана егзекуција, заклучи специјалниот известувач на Обединетите нации, Агнес Каламард, по...

Екологија1 ден

Арктичкиот вечен лед се топи 70 години порано од очекувањата на научниците

Пермафрост или трајно замрзнатата почва во канадскиот дел на Арктикот почнала да се топи 70 години порано од прогнозите на...

Македонија1 ден

Заев: Ниту една земја членка на ЕУ не е против отворањето преговори со Северна Македонија

Ниту една земја членка на Европската Унија не е против отворањето преговори со Северна Македонија, изјави премиерот Зоран Заев на...

Топ1 ден

Откриени злоупотреби со службени возила во општина Велес

Поранешен градоначалник и поранешен претседател на Советот на Општина Велес се обвинети за злоупотреба на службената положба. Според велешкото Обвинителство,...

Свет1 ден

Русија претстави доказ дека терористите се обидуваат да добијат биолошко оружје

Меѓународните терористи се обидуваат да добијат пристап до нуклеарно и биолошко оружје, а и до токсични хемикалии за да ги...

Свет2 дена

Во земјотресот во Јапонија повредени 26 лица

Најмалку 26 лица се повредени, од кои едно критично, кога земјотрес со јачина од 6,7 степени го погоди во вторникот...

Свет2 дена

(Видео) Запленети 16,5 тони кокаин во Филаделфија вреден една милијарда долари

Американските власти открија 16,5 тони кокаин во товарен брод „МСЦ Гајан“ во пристаништето во Филаделфија. Станува збор за една од...

Досие