Контакт

Македонија

(Видео) Двегодишно дете од Скопје во последен момент испратено на операција на коскена срцевина во Турција

Објавено пред

Социјалните мрежи викендов се преплавени со честитки и благодарности до докторката Аспазија Софијанова – Цули од Детската клиника и нејзиниот тим оти во петокот со, како што велат, натчовечки напори, во последен момент успеале да испратат двегодишно дете на операција во Турција.

Софијанова за „Макфакс“ објасни дека девојчето со неспецифична ретка болест блиска до леукемија, било пациент на Универзитетската клиника за детски болести од мај годинава. Било сместено на онколошкиот оддел, а последниве денови пред да замине, по влошувањето на состојбата, било симнато на одделот за интензивна нега. Тука му ја следеле состојбата додека траеле преговорите за операција на коскената срцевина. Успеале да најдат соодветен донор на клиника во Турција, а итноста ја забележала Софијанова, која во петокот попладне на дежурство забележала дека се бројат часови до моментот кога ќе стане неопходно детето да биде ставено на апарати оти му се влошувало дишењето.

„Тоа беше моментот кога морав да алармирам дека детето веднаш треба да се пренесе на клиниката во Турција, каде што веќе е договорена операцијата. Ако го ставевме на апарати, тоа дополнително ќе го отежнеше транспортот и можеше да ја комплицира операцијата. Успеавме заедно со тимот за само неколку часа да најдеме авион што функционира како мини интензивна нега, да го организираме превозот од клиниката до аеродромот, а наидовме и на голема соработка од вработените на аеродромот, кои многу помогнаа детето и мајката да ги поминат административните процедури по скратена постапка. Медицинската екипа од Турција го прифати детето, а им го предадовме јас и една дежурна сестра од Детската клиника“, вели докторката Софијанова.

Нагласува дека заедно со Фондот за здравствено осигурување и со Министерството за здравство успеале да се организираат во секунда до дванаесет. Конзилиум со лекарите од онколошкото одделение на Детската клиника имале во четвртокот, на кој ги усогласиле ставовите дека детето треба да отпатува, а во петокот, кога состојбата со дишењето се влошила, доцна вечерта детето било пренесено на клиниката во Турција, каде што веќе е договорена операција на коскена срцевина.

Болеста хистоцитоза, која според Софијанова е уште полоша од леукемијата, на девојчето му била дијагностицирана на Детската клиника, но со помош од Фрајбург, Германија, каде што неколкупати испраќале материјал пред да ја одредат дијагнозата.

Клиниката, пак, во Турција ја избрале поради тоа што таму се пријавиле вкупно 30 компатибилни донори на коскена срцевина. Софијанова е оптимист дека операцијата ќе заврши со посакуваниот резултат. Таа нагласи дека успешна трансплантација на коскена срцевина веќе била направена и кај нас, но на 15-годишно дете.

Транспортот на двегодишното дете со специјален медицински авион од Турција чини 15-20 илјади евра, а операцијата речиси 150 илјади евра, кои ќе ги покрие Фондот за здравствено осигурување.

Македонија

Невреме во Скопје со пороен дожд и град

Објавено пред

Силно невреме со пороен дожд, грмежи и град го зафати попладнево Скопје. Улиците побелеа од градот што паѓаше, а беше со големина на орев.

Според најавите на метеоролозите и утре ќе биде променливо облачно, нестабилно и посвежо време со повремени врнежи од дожд и грмежи во делови од земјата.

„Локално процесите ќе бидат поинтензивни во форма на невреме, особено утре и задутре, кога локално се очекува обилен пороен дожд (над 30 л/м2), силен ветер, елатектрични празнења и изолирана појава на град“, информира УХМР.

Прикажи повеќе...

Македонија

Кривична пријава против градоначалникот на Боговиње

Објавено пред

СВР Тетово поднесе кривична пријава против градоначалникот на општина Боговиње поради постоење основано сомнение за сторено кривично дело несовесно работење во службата и против правно лице од с. Боговиње, сопственост на М. А. (51) од с. Боговиње, поради постоење основано сомнение за сторено кривично дело бесправно градење.

„Првопријавениот во текот на јули 2020 година како градоначалник на општина Боговиње постапил несовесно во вршење на својата службена должност и овластувањето и спротивно на законот овозможил почеток на изградба на водовод за потребите на граѓаните на с. Синичане, Тетовско, без да обезбеди потребна документација и одобрение за почнување градба.

Притоа во име на Општината, преку Јавното комунално претпријатие, Џ. A. дал насоки да се ангажира економскиот оператор, односно второпријавеното правно лице, чиј сопственик M. A., иако знаел дека за изградбата на водоводот не постои одобрение, го прифатил ангажманот и почнал со градежни активности“, соопшти СВР Тетово.

Прикажи повеќе...

Македонија

Мицкоски: Ќе се фокусираме на предлози што значат борба против криминалот и корупцијата

Објавено пред

Претседателот на ВМРО-ДПМНЕ, Христијан Мицкоски, најави дека неговата партија ќе биде фокусирана да состави парламентарно мнозинство и да ја состави новата влада. Тој во своето обраќање посочи дека ќе има преговори со сите албански, но и со македонските партии. Мицкоски додаде дека што и да се случи, пратениците на ВМРО-ДПМНЕ ќе бидат фокусирани на сите предлози за борба против криминалот и корупцијата.

„ВМРО-ДПМНЕ во изминатиот период и во периодот што е пред нас ќе биде силно фокусирана на формирање ново парламентарно мнозинство, кое ќе поддржи влада што ќе ја предводи ВМРО-ДПМНЕ, влада што вистински ќе се справи со предизвиците, а не влада што ќе фингира справување и од предизвиците ќе создава уште поголеми предизвици, само да може одговорноста да ја префрли на друг. Но, што и да се случи, во преговорите што ќе ги води ВМРО-ДПМНЕ и што ги водеше во деновите пред нас, пратениците на ВМРО-ДПМНЕ, кои ќе бидат дел од овој парламентарен состав, ќе бидат фокусирани исклучиво на предлози што ќе значат вистинска борба против криминалот и корупцијата, нешто што претставува исклучителен предизвик за сите политичари бидејќи на овие избори граѓаните силно говореа дека довербата во политичките елити е на најниско ниво“, рече Мицкоски.

Тој во обраќањето рече дека со Заев се согласува само во делот дека државата треба да има влада што ќе биде стабилна и да трае четири години.

„Се согласувам дека се потребни четири години стабилна влада, која ќе биде реформски ориентирана, влада што ќе нема луѓе зад кои ќе има многубројни коруптивни афери, луѓе што во минатото видовме како посегнуваат по мито и корупција, луѓе што се аболирани за сторен криминал. Да, се согласувам со господинот Заев во една работа, дека е потребна влада во која ќе партиципираат луѓе што нема да бидат обременети со криминал и афери од минатото нивно политичко дејствување, туку вистинска четиригодишна влада, која ќе ги спроведе сите оние реформи што се неопходни, пред сè, реформите во судството, реформите во здравствениот систем“, додаде Мицкоски.

Прикажи повеќе...

Најново

Топ38 минути

Уапсена скопјанка, членка на ИСИС

Полицијата уапси 38-годишна скопјанка која патувала во Сирија и учествувала во активности на ИСИС. Според информациите на МВР, Секторот за борба...

Македонија1 час

Мицкоски: Ќе се фокусираме на предлози што значат борба против криминалот и корупцијата

Претседателот на ВМРО-ДПМНЕ, Христијан Мицкоски, најави дека неговата партија ќе биде фокусирана да состави парламентарно мнозинство и да ја состави...

Македонија2 часа

Пронајдено телото на 16-годишното момче што се удави во Преспанското Езеро

По два дена трагање, пронајдено е телото на 16-годишното момче што се удави во Преспанското Езеро. Од МВР велат дека...

Македонија2 часа

Заев: За 10 до 15 дена ќе има исход од преговорите за влада, сите опции се отворени

Претседателот на СДСМ и пратеник во Собранието, Зоран Заев, посочи дека во деновите што следуваат ќе се разговара со сите...

Македонија2 часа

Петмина починати и 75 новозаболени од Ковид-19 во земјата

Министерството за здравство информира дека во последните 24 часа се направени 830 тестирања, а регистрирани се 75 нови случаи на...

Македонија3 часа

Собранието им ги верификува мандатите на сите 120 пратеници

Со 116 гласа „за“, без ниту еден воздржан ниту, пак, против, верифицирани им се мандатите на сите 120 пратеници, со...

Македонија3 часа

42-годишен маж спасен на Клиниката за кардиологија со стентирање на трауматска трансекција на торакалната аорта

Маж на возраст од 42 години е спасен од сигурна смрт кога на Клиниката за кардиологија му било извршено стентирање...

Македонија3 часа

Јагода Шахпаска избрана за претседател на Верификациската комисија на Собранието

Со интонирање на химната почна првата седница на новиот парламентарен состав, која се одржува во салата Голема купола, со засилени...

Свет5 часа

В година Русите ќе ја тестираат вакцината против коронавирусот врз деца

Националниот истражувачки центар „Гамалеи“ во Русија планира да почне со тестирање на вакцината против коронавирусот врз деца во јануари-февруари в...

Регион6 часа

Грчките премини Дојрани и Ники ќе се отворат по 15 август

Министерството за внатрешни работи ги известува граѓаните дека грчките гранични премини Дојрани и Ники ќе бидат целосно затворени за сообраќај до 15.8.2020...

Топ6 часа

Прегазена жена во Охрид

Деветнаесетгодишен скопјанец со „мерцедес“ на улицата Сирма Војвода во Охрид удрил во пешакот М. Т. (58) од Охрид. Жената била...

Свет7 часа

Гутереш: Коронавирусот ќе уништи генерации поради затворањето на училиштата

Генералниот секретар на Обединетите нации, Антонио Гутереш, предупреди дека светот се соочува со генерациска катастрофа поради затворањето на училиштата во...

Свет8 часа

СЗО ќе распореди меѓународен тим експерти во Вухан

Светската здравствена организација соопшти дека тимот што го истражува потеклото на пандемијата на коронавирусот ја завршил својата мисија во Кина...

Европа8 часа

Расте бројот на тешко заболени од коронавирус во Франција

Бројот на пациенти заразени со коронавирус во одделите за интензивна нега во Франција денеска се искачи на 384, што е...

Македонија20 часа

Привремено е прекината потрагата по момчето кое се удави во Преспанското езеро

Потрагата по момчето кое исчезна во водите на Преспанското езеро е привремено прекината поради временските услови. Како што информираат од...

Регион20 часа

Преглед на состојбата во регионот: Во Албанија почина уште еден лекар, во Србија пад на бројот на новозаразени

Преглед на состојбата со коронавирусот во регионот во изминатото деноноќие. Уште еден лекар почина во Албанија од коронавирус Во болницата...

Македонија22 часа

Поранешни вработени во СЈО бараат од Пендаровски да им се извини: „Обвинителството не беше една личност“

Поранешни вработени во Специјалното јавно обвинителство реагираа на говорот на претседателот Стево Пендаровски во Пелинце. Тие велат дека СЈО не...

Топ24 часа

Лекар од Итната помош физички нападнат од татко на починато лице

Taтко на момче кое починало во сообраќајна несреќа, нападнал лекар од Итната медицинска помош. Лекарот бил на интервенција по претходно...

Македонија24 часа

Досега 500 лица починаа од коронавирус во Македонија

Бројот на починати од коронавирус во земјава достигна 500 лица, откако денеска беа потврдени 3 нови смртни случаи. Тројцата починати...

Македонија1 ден

Гостивар со најмногу новозаразени во изминатото деноноќие

Гостивар е на врвот на листата со најмногу новозаразени од коронавирус во земјава во изминатите 24 часа. Според податоците на...

Досие