Контакт

Македонија

(Видео) Демонстрантите се жалат на употребата на шок-бомби, МВР вели – полициска процена

Објавено пред

Демонстрантите што синоќа протестираа пред Собранието реагираат дека полицијата прекумерно употребила сила врз нив, како и дека без потреба биле растерувани со шок-бомби и солзавец. Учесниците во протестите се жалат дека меѓу нив имало и жени со мали деца, како и повозрасни граѓани, кои биле повредени од шок-бомбите. Меѓу повредените е и актерката Арна Шијак, која завршила во болница со повреди на двете нозе. Во видеопорака објавена на фејсбук-страницата на неформалната организација „Сите за унитарна Македонија“, Шијак обвинува дека полицијата фрлала шок-бомби за да ги уплаши граѓаните да не протестираат повторно.

„Не бев единствена повредена, не добивме никакво предупредување од полицијата дека ќе следува напад или нивна реакција по проценување. Седевме во Паркот на жената борец кога шок-бомба падна пред моите нозе. Полицијата ова го направи намерно за да предизвика повреди и страв кај луѓето“, вели Шијак.

Од МВР велат дека полицијата постапила во согласност со процената на состојбата на терен и ги презела сите мерки и активности за да се спречи понатамошно нарушување на јавниот ред и мир. Толпата, според МВР, била насилна и се обидела да влезе во Собранието кога ја турнала заштитната ограда. Оттаму негираат дека била употребена прекумерна сила.

– Во текот на вчерашниот јавен собир во Скопје пред зградата на Собранието некои од демонстрантите, од кои голем број маскирани, насилно ја турнаа заштитната ограда и почнаа со фрлање камења и пиротехнички средства и други предмети кон зградата на Собранието и полицискиот кордон, воедно обидувајќи се насилно да влезат во Собранието – вели портпаролот на МВР, Тони Ангеловски.

За време на вчерашниот протест биле повредени десет полицајци, а седуммина побарале лекарска помош. Полицијата привела 26 демонстранти, меѓу кои имало и петмина малолетници.

Од Хелсиншкиот комитет за човекови права ги осудија насилствата од страна на демонстрантите врз полицајците, а реагираат и на прекумерна употреба на хемиски средства врз граѓаните што протестираат за што најавуваат и пријава до одделот за вантрешна контрола во МВР.

Македонија

Симулациска вежба – ќе се спасуваат лица при пороен дожд крај реката Кумановка

Објавено пред

поплава, Охрид, невреме

Симулациска вежба за спасување на лица при пороен дожд ќе се одржи денеска крај реката Кумановка, која понекогаш се излева во градското подрачје и ги поплавува околните куќи. Министерот за здравство, Венко Филипче во 12.00 часот ќе присуствува на симулациска вежба, која се одржува во Куманово (населба „Средорек“).

Вежбата ја спроведуваат Министерството за здравство, со поддршка од Светската здравствена организација (СЗО) и Фонодот за население на Обединети нации (УНФПА), а ќе присуствуваат и високи претставници на овие меѓународни организации.

Целта на симулациската вежба е да се зајакнат капацитетите на тимовите за укажување итна медицинска помош во Куманово, да се одговори на потребите за време на поплава. Вежбата вклучува координирање на активностите на повеќето тимови, тестирање на итните медицински служби и капацитетот на одговор при итни состојби на оперативните тимови во Куманово, унапредување на координацијата, комуникацијата и соработката меѓу разните институции и чинители, идентификување на силните и слабите страни, како и можностите за подобрување.

Прикажи повеќе...

Македонија

Управата за извршување на санкциите ќе го зајакнува казнено-поправниот систем и пробациската служба

Објавено пред

Управата за извршување на санкциите ќе го промовира твининг проектот „Зајакнување на казнено – поправниот систем и пробациската служба”, кој започна да се реализира на 31.08.2018 година. Проектот се имплементира во соработка со Фондацијата за меѓународна правна соработка од Германија и Центарот за меѓународна правна соработка од Холандија, а во кој главен корисник е Управата за извршување на санкциите при Министерството за правда.

Главната цел на овој проект е да ја унапреди ефективноста и ефикасноста на пенитенцијарниот систем и развој на ефективна и одржлива служба за пробација, почитувајќи ги човековите права и достоинството на лицата на кои се извршуваат пробациски мерки со цел нивна успешна ресоцијализација во заедницата.

Со помош на овој проект, ќе се зајакне системот на пробација преку подобрување на менаџментот и мониторингот над пробациската служба и на казнено-поправните и на воспитно-поправните установи, а ќе се развие и институционалната и организациската струкутра на пробациската служба.

Од овој проект се очекува да ја зајакнувa работата на пробациската служба и да поттикне изрекување на алтернативни мерки и санкции спрема сторителите на кривични дела. Сите институции и тела на системот за правда, како и општеството и јавната администрација ќе бидат сензибилизирани за алтернативни мерки за избегнување на затворската казна преку изрекување на алтернативна санкција.

Професионално и ефикасно организирана и управувана пробациска служба која ќе работи заедно со останатите структури на кривично-правниот систем и други релевантни институции и организации во делот на менаџирање на сторителите на кривични дела во заедницата за извршување на изречената санкција, а со цел опсервација, рехабилитација и реинтеграција на сторителите на кривични дела во заедницата, ќе доведе до зајакнување на јавната безбедност и безбедноста во рамките на заедницата.

Прикажи повеќе...

Македонија

МЗД: Да се разреши составот на Комисијата која утврди дискриминација кон Груевски

Објавено пред

Со утврдувањето дискриминација кон Никола Груевски, Комисијата за заштита од дискриминација покажа селективно и непрофесионално работење, смета Мрежата за заштита од дискриминација (МЗД). Преку соопштение, членките на МЗД велат дека со последното мислење на Комисијата во случајот со Груевски, целосно се доведува во прашањe кредибилноста за вршењето на мандатот на ова институција.

Оттаму апелираат до Собранието итно да се пристапи кон усвојување на новиот Закон за спречување и заштита од дискриминација, врз чија основа ќе се разреши сегашниот состав на Комисијата согласно засилени критериуми за избор и пошироки надлежности за превенција и заштитата од дскриминација.

„Комисијата не само што утврди дискриминација без да ја образложи дискриминаторската основа (личен и семен статус) и ја закажа седницата надвор од воспоставената пракса, туку на претставката на поранешниот премиер ѝ даде предност пред другите претставки за кои законскиот рок од три месеци е одамна истечен. Утврдувањето на дискриминација во случајот на поранешниот премиер е само уште еден показател за непрофесионалноста и пристрасноста на Комисијата, чии членови очигледно ја злоупотребуваат својата функција за да утврдуваат дискриминација кон своите политички истомисленици дури и во случаи каде очигледно нема дискриминација“, се вели во соопштението.

Од Мрежата за заштита од дискриминација додаваат дека само во последните три години доставиле 19 претставки во случаи на дискриминација кон маргинализирани групи граѓани, за кои Комисијата во просек доцни по речиси 4 месеци, а за три од поведените претставки Комисијата доцни и повеќе од една година. Наспроти ваквиот однос на игнорирање на маргинализираните заедници, велатд од МЗД, Комисијата постапи брзо и пред законскиот рок во предметот на поранешниот премиер, Никола Груевски.

 

Прикажи повеќе...

Најново

Свет25 минути

(Видео) Напад во Денвер, едно лице загина, двајца напаѓачи се уапсени

Доцна синоќа во центарот на Денвер две лица отвориле оган при што неколкумина беа ранети, а едно лице загина. Шефот...

Свет41 минута

(Видео) Американскиот Сенат преку писмо побара од Трамп втора истрага за Кашоги

ЦИА не успеа со сигурност 100 %, да утврди дали саудискиот престолонаследник го наредил убиство на новинарот Џамал Кашоги, изјави...

Македонија43 минути

МЗД: Да се разреши составот на Комисијата која утврди дискриминација кон Груевски

Со утврдувањето дискриминација кон Никола Груевски, Комисијата за заштита од дискриминација покажа селективно и непрофесионално работење, смета Мрежата за заштита...

Македонија11 час

СЈО барало притвор за Мијалков поради оперативни информации дека ќе бега

Во решението на кривичниот суд за притворот на ексдиректорот на тајната полиција, Сашо Мијалков, пишува дека мерката му е определена...

Македонија13 часа

Адвокатот на Мијалков: Недозволиво е што тој не беше известен за притворот

Недозволиво е судија на претходна постапка или кривичен совет да не ја извести странката, во случајов Сашо Мијалков, дека за...

Македонија14 часа

(Видео) Мијалков спроведен во затворот во Шуто Оризари

Поранешниот шеф на УБК, Сашо Мијалков, вечерва е спроведен во истражниот затвор во Шуто Оризари поради опасност од бегство, велат...

Македонија15 часа

Владата го одби предлог-законот за амнестија предложен од ВМРО-ДПМНЕ

Владата на денешната владина седница донесе негативно мислење за предлог-законот за амнестија за настаните од 27 април. „Владата донесе негативно...

Uncategorized18 часа

Амнестија во текот на судскиот процес, прекин на постапката за тие што не тепале на 27 април?

Кој ќе се спаси од кривична одговорност за инцидентите од 27 април, најверојатно ќе се утврдува според обвинителниот акт, односно...

Македонија18 часа

Влада: Очекуваме Будимпешта да го предаде Груевски во Македонија

Владата соопшти дека официјално покрај протестната нота доставена вчера за улогата на амбасадите на Унгарија во бегството на Груевски од земјата,...

Бегството на Груевски19 часа

Груевски: Добив азил во Унгарија, продолжувам да ја барам правдата

Поранешниот премиер Никола Груевски, на неговиот „Фејсбук“ профил, ги потврди информациите дека добил политички азил во Унгарија. Тој себе си...

Македонија19 часа

Кривична за директор на јавно претпријатие кој незаконски си зел аванси од над 2 милиона денари

Гевгелиската полиција поднесе кривична пријава против 29-годишен директор од Дојран поради сомнение за сторено кривично дело „проневера во службата“. Како...

Бегството на Груевски20 часа

Министерството за правда го испрати барањето за екстрадиција на Никола Груевски

Министерството за правда го испрати барањето за екстрадиција на Никола Груевски до Министерството за правда на Република Унгарија. „Барањето за...

Македонија22 часа

Сведокот ги препозна двајцата напаѓачи што го претепаа Никола Саздовски

На денешното рочиште за убиството на 20-годишниот навивач на групата „Комити“ повеќе од два часа сведочи сведокот Миле Алексовски, кој...

Свет23 часа

(Видео) Девојка со српско потекло меѓу убиените во Чикаго

Една од трите жртви на пукањето во болницата „Мерси“ во Чикаго е 25-годишна девојка со српско потекло, пишуваат српските медиуми....

Македонија23 часа

При апсењето на Бошкоски пронајдени се пиштол и хрватски пасош

Денешното рочиште за случајот „Тортура“, кој се однесува на апсењето на претседателот на партијата ОМ, Љубе Бошкоски, продолжи со репродуцирање...

Афера „Банки“24 часа

(Видео) Афера „Банки“ – како банката му ја одзеде болницата на доктор Адил Мустафа!?

Приватната болница „Шендети“ во Мала Речица, Тетово, неколку години по отфрлената кривична пријава од Обвинителството, остана со катанец на вратата....

Бегството на Груевски1 ден

(Видео) Дескоска: Ќе бараме екстрадиција на Груевски и да му е доделен азил

Македонија, денеска, или најдоцна утре ќе го достави барањето за екстрадиција на поранешниот премиер Никола Груевски. Министерката за правда, Рената...

Бегството на Груевски1 ден

Груевски добил азил во Унгарија?

Канцеларијата за имиграција и азил во Унгарија донела одлука за барањето на бегалецот Никола Груевски, но оттаму, нема детали дали...

Европа1 ден

(Видео) Избоден полицаец во напад во Брисел, напаѓачот повреден

Во историскиот центар во Брисел утрово непознат напаѓач со нож нападна еден полицаец кој се збоди со повреди. По нападот...

Македонија1 ден

Дисциплинска за полицаец кој употребил сила врз актерката Ирена Ристиќ

Одделот за внатрешна контрола при МВР поведе постапка за дисциплинска одговорност на полицаец од полициската станица Центар, кој пред два...

Досие