Контакт

Македонија

(Видео) Драма во Пржино: Се излизга пат, жителите стравуваат за домовите

Објавено пред

Се излизга дел од улицата Пандо Кљашев во скопско Пржино поради градилиште за нова зграда. Асфалтот сосе лимените тараби за градилиштето и старите потпорни ѕидови се одронил утрово во шест часот. На улицата немало никој па нема повредени. Поради опасност од нов одрон, полицијата го огради просторот па неколку семејства останаа без пристап до домовите.

Жителите од околните куќи се огорчени од нереагирањето на Општината. Велат дека ги предупредиле и општинските власти и инвеститорот дека земјиштето ќе се излизга оти багерите ги откопале старите потпорни ѕидови кои го држеле патот и каналот за одведување на атмосферските води од Водно, но копањето за новата зграда не сопрело.  Распаметени од можноста  целото земјиште да се излизга и да им ги поклопи куќите, жителите дежураат покрај градилиштето.

„Ова не е еден ден. Веќе еден  месец ги предупредуваме градежниците. Им кажуваме дека ќе ни го уништат патот, ќе пропадне. Јас живеам на улицата кај почетната кривина. Борот цел го искршија. Им реков да не ми го фрлаат ѓубрето пред гаража,  да си го земат и да си го однесат. По неколку дена улициве почнаа да пукаат, почнаа да пропаѓаат. Пак ги викнавме. Им го блокирав патот таму, а тие ми викнаа полиција. Полицијата место  да нè штити нас, ги штитеше нив. Сè што пробавме беше попусто. Ги стопиравме, не можат да поминат, камионите им стоеја, ни се закануваа – знаете со кого си имате работа. Им кажавме дека овде е дозволено да проаѓа само петтонски камион, а не камион од 40 тона како што одат сега тука. Пријавено е во Општина не само од еден туку од речиси сите куќи што живеат тука, сите имаат пријавено“, вели жител на Пржино.

Соседите рекоа дека просторот на кој сега се гради зграда им служел како паркинг и повеќе од 50 години на него не било дозволено да се гради што било. Сметаат дека ова не е последен градежен атак на нивната населба.

„Градоначалникот ветуваше дека ќе прекине градежното лудило, но ова продолжува. Дознавме дека има маркици и во парк-шумата“, вели сосед на новата зграда.

Увид на местото на одронот, два часа по пријавата, направи и градежната инспекција од Општина Кисела Вода. Жителите со аплауз ги дочекаа инспекторите за иронично да им кажат дека одронот е нивна вина оти не постапиле по пријавите и ја поддржале урбаната мафија.

Уште еднаш им посочија дека на локацијата нема место за паркинзи за наводните 12 стана во зградата, нема соодветно решение за вода, струја за новиот објект и прашаа дали на инвеститорот му дале одобрение да урива и уништува општински имот алудирајќи на улиците. Општинските инспектори немаа одговор на бројните прашања на жителите и кажаа само дека инвеститорот имал одобрение за градење.

„Откако ќе ви скршат глава и ќе добиете потрес на мозок што ќе ви е санирање?“, прашаа жителите, на што инспекторката од Кисела Вода одговори со прашање „Зошто ми кажувате мене, дали јас сум виновна за тоа што се случило?“

Инспекторката немаше што да изјави велејќи дека треба да дојде фирмата инвеститор и да преземе заштитни мерки, тврдејќи дека на местото имало потпорен ѕид, но паднал. Како што рече таа, позитивно е што ќе добијат нов пат, изграден од инвеститорот.

„Што да утврдам? Тоа што гледате. Што да кажам? Улицата паднала, попуштило земјиштето. Јас ѝ укажав на фирмата да дојде и да преземе заштитни мерки. Имало потпорен ѕид, но паднал“, вели инспекторката од Кисела Вода.

Одобрението за градење на оваа локација е потпишано од новиот градоначалник, Филип Темелковски, кој за „Макфакс“ спротивно на кажувањето на инспекторката, вели дека на локацијата немало потпорни ѕидови, а општината ќе ја запре изградбата на определен период.

„Правниот тим на Општината и инспекцијата ќе дадат претставки и ќе се запрат градежните активности. Факт е дека при градењето фирмата не се грижела за безбедноста. Дополнително, на барање на граѓаните, ќе го лимитираме движењето на тешки товарни возила на горниот пат, кој воедно поради оштетувањата кои досега настанале ќе треба да ги санира. По долниот пат ќе можат да се движат градежните возила, а потоа инвеститорот ќе треба и тој пат да го санира. Не можеме да му ја одземеме маркицата за градба бидејќи тој има стекнатно право на земјиштето“, вели градоначалникот на Кисела Вода, Филип Темелковски.

Уништен од градежната механизација е целиот пат што води до градилиштето. Жителите велат дека не е исклучена можноста да се појават одрони и на други места оти патот е со пукнатини насекаде, а оштетувања имало и на одводниот канал покрај патот. Сите оштетувања се пријавени во Општината од каде не презеле мерки да сопре уништувањето.

Градежната компанија „Хантерс“,  која воедно е и инвеститор на зградата, не испрати свој претставник на градилиштето, а не одговори ниту на повиците на „Мафакс“ за објаснување по уривањето на патот.

Кристијан Ландов

Македонија

Манчевски: Повисоки плати и поголема заштита за инспекторите

Објавено пред

Повисоки плати, поголема заштита за инспекторите со законот за инспекциски надзор, изјави министерот за информатичко општество и администрација, Дамјан Манчевски.

„Очекуваме позитивно да влијае врз фирмите, особено помалите кои најчесто мора да затвораат пред да им се даде шанса да ги исправат неправилностите.

Манчевски рече дека вкупно има 1000 инспектои ви сите служби што е недоволно и дека до претходните правила никој не можел да стане инспектор.

За платите, вели Манчевски, предност имаат оние кои се изложени на ризик како пазарната инспекција, кои работат ноќе во клубовите со алкохолизирани лица, што не е исто со инспектори во образование.

„Планот е платите да се зголемуваат годишно за 10 отсто и да достигнат до 30 проценти“ истакна Манчевски.

Прикажи повеќе...

Македонија

Манчевски бара оставки од сите роднини на функционери од опозицијата

Објавено пред

Министерот за информатичко општество и администрација, Дамјан Манчевски,  побара да се повлечат од работните места сите роднини на функционери, не само од власта туку и од опозицијата.

Тој на денешната прес-конференција рече дека со години алармирале за непотизам додека СДСМ биле во опозоција, но тогаш јавноста не била информирана како сега.

На прашање зошто сега се бараат откази откако изби скандалот со вработувањата, а СДСМ се на власт две години тој повтори дека овие теми ги отвориле и кога биле во опозиција.

Во однос на анализата која се прави за начинот на вработувањата и дали имало непотизам и судир на интереси, министерот рече  дека извешатите ќе ги доставеле до антикорупциска.

Во иднина Манчевски посочи дека ќе се менува начинот на кој се бираат луѓе во јавна служба. Проблемот според него е во раководната служба и со новите законски решенија кои се во подготовка ќе се консултираат експерти, невладини организации и сл.

 

Прикажи повеќе...

Македонија

МЗЗПР: Работодавачите да ги пријават настраданите од автобуската несреќа за дополнителни бенефиции

Објавено пред

Според Законот за безбедност и здравје на работа, сите патници што настрадаа во автобуската несреќа кај селото Ласкарци, а кои биле во работен однос и патувале кон својот дом, при што се повредиле или загинале во сообраќајната несреќа, потребно е од страна на работодавачите да бидат пријавени во Државниот инспекторат за труд како несреќи на работното место, соопшти Македонско здружение за заштита при работа. Оттаму предупредуваат дека непостапувањето на овој начин е прекршување на Законот и е предмет на прекршочна постапка.

Со пријавата од страна на работодавачите, на повредените вработени ќе им следуваат следните законски можности:

-Да имаат можност  полн износ (100%) од платата да им биде исплатен за време на периодот на заздравување (имајте предвид дека при боледување, а кое не е поврзано со несреќа на работното место, можно е исплатената плата да биде помала и до 70%);

-Отсуството од работното место да биде заведено како „повреда на работа”, а со тоа, во понатамошниот работен век, доколку се појават одредени компликации, истите да може да се утврдат од каде потекнуваат и да се придонесе за превенција;

-По враќањето на работното место, вработените е неопходно веднаш да бидат упатени на насочени медицински прегледи, а со тоа да биде утврдена нивната преостаната работна способност. Ова е исклучително важно за секој од нив индивидуално доколку се јават одредени ограничувања во можностите за нивно целосно исполнување на работните задачи, а со првенствена цел да се заштити здравјето и интегритетот на работникот!, додаваат од здружението.

Прикажи повеќе...

Најново

Македонија5 минути

Манчевски бара оставки од сите роднини на функционери од опозицијата

Министерот за информатичко општество и администрација, Дамјан Манчевски,  побара да се повлечат од работните места сите роднини на функционери, не...

Македонија1 час

Пратениците ќе расправаат за интерпелацијата за Спасовски

Собранието треба да се ја продолжи 86. седница на која на дневен ред е интерпелацијата на министерот за внатрешни работи,...

Свет2 часа

Силна зимска бура завеа со снег и дожд низ 39 американски држави

Силната зимска бура што провеа во САД вчера завеа во снег и во обилни дождови дури 39 американски држави на ...

Крвав четврток12 часа

Притвор за Јанакиески и Ристовски, за Груевски нова екстрадиција

Судијата на претходна постапка по барање на Јавното обвинителство им одреди мрека пртивор од 30 дена на поранешните министри Миле...

Македонија13 часа

(Видео) Мицкоски: „Апси Заев, можеш да нарачуваш и убиства, но нема да ти се исплашиме“

По информациите за вечерашното приведување на тројцата функционери на ВМРО-ДПМНЕ – Трајко Вељаноски, Спиро Ристовски и Миле Јанакиески, вечерва прес-конференција...

Крвав четврток14 часа

Русковска: Бараме притвор за Јанакиески и Ристовски поради опасност од бегство

Шефицата на Обвинителството за организиран криминал при ЈО, Вилма Русковска, изјави дека распитот на осомничените ексфункционери од ВМРО-ДПМНЕ, Спиро Ристовски...

Крвав четврток15 часа

Вељаноски: Не чувствувам вина за упадот во Собранието

Поранешниот претседател на парламентот, Трајко Вељаноски, штотуку излезе од Основниот суд Скопје 1, каде што беше повикан на распит за...

Македонија17 часа

Трамп со писмо до Заев: Ви честитам за лидерството, обезбедивте просперитетна иднина за Северна Македонија

Премиерот Зоран Заев денеска прими писмо од американскиот претседател, Доналд Трамп, во кое тој нагласува дека Северна Македонија е голем...

Македонија18 часа

Зелената градина на ГТЦ му се наметнува исто како и барокот, архитектите разочарани

Зелената градина за покривот на Градскиот трговски центар ги разочара архитектите како стручна јавност, а незадоволни се и скопјани, кои...

Македонија19 часа

Половина милион евра исплатени лани за патни трошоци на пратениците

Над 525 илјади евра биле исплатени за патни трошоци на пратениците во Собранието минатата година, покажува анализата на „Макфакс“ од...

Македонија20 часа

Заев потврди, Села му се налутил поради одземените ингеренции на Таравари

Зоран Заев одговарајќи на новинарски прашања потврди дека Зијадин Села не дошол на денешната средба за консензуален претседателски кандидат поради...

Македонија21 час

Бектеши не чувствува морална одговорност за вработувањето на сестра му во МЕПСО

Министерот за економија, Крешник Бектеши, изјави дека не чувствува морална одговорност за вработувањето на неговата сестра во МЕПСО. Тој вели...

Топ21 час

Села му се налути на Заев, не доаѓа на средба

Лидерот на Алијансата за Албанците, Зијадин Села, одби да присуствува на закажаната средба со премиерот Зоран Заев, на која требаше...

Македонија22 часа

Ниту еден родител не е казнет за невакцинирано дете од почетокот на епидемијата на морбили

Ниту еден родител не е казнет за невакцинирано дете од почетокот на епидемијата на морбили иако пред два месеца само...

Топ22 часа

Дедото на Кирацовски ќе се повлече од работното место

Таткото на сопругата на пратеникот Александар Кирацовски, Борис Поповски, ќе се повлече од работното место, објави на „Фејсбук“ Кирацовски. Тој...

Македонија23 часа

Заев и Димитров нема да одговараат за велепредавство

Скопското обвинитeлство ја отфрли кривичната пријава на Светскиот македонски конгрес поднесена против премиерот Зоран Заев и министерот за надворешни работи,...

Македонија24 часа

Сопругата на директорот на ЕЛЕМ вработена како шефица на кабинет во Централен регистар

Александра Миновска, сопруга на директорот на ЕЛЕМ, Драган Миновски, од октомври минатата година е вработена како шефица на кабинет кај...

Македонија1 ден

Две бомби од Првата светска војна пронајдени во Битола

Вчера на булеварот 1 Мај во Битола, во близина на местото викано Црн Мост при изведување на градежни работи при...

Регион1 ден

Непознат маж му се заканувал на Мицотакис со бомба

Лидерот на опозициската Нова демократија во Грција, Киријакос Мицотакис, пријавил синоќа закана со бомба која ја добил додека сè уште...

Македонија1 ден

Бугарија го ратификуваше протоколот за НАТО

Со 140 гласа „за“, бугарскиот парламент го ратификуваше протоколот за пристапување на Северна Македонија во НАТО, објави бугарската новинска агенција...

Досие