Контакт

Македонија

(Видео) СДСМ: Стабилно мнозинство ќе донесе минимална плата од 18.000 и недела неработен ден

Објавено пред

Знаеме зошто пратениците од ВМРО-ДПМНЕ, Алијанса и Левица ги блокираат измените во Законот за работните односи: тоа го прават за нашето општество да не добие позадоволни и попродуктивни работници и работнички на пазарот на труд, иако од тоа бенефит да имаат сите, рече на денешната прес-конференција, Милан Живковиќ, претседател на Комисијата за труд и социјална политика на СДСМ.

„Ваквите измени на Законот, нормално, не им одговараа да се случат пред локалните избори.

Од истите причини ги блокираат и законските измени со кои 4.700 наставници и стручни соработници во основното и средното образование ќе добијат решение за трајно вработување со што ќе стенат правна и економска сигурност.

Од истите причини го блокираат и предлог Законот за отпис на камати на долгови, со што на над 150.000 граѓани ќе им се помогне да го решат проблемот со задоцнетото плаќање на долговите кон јавните и државни претпријатија.

Од истите причини пратениците од опозицијата најверојатно ќе се обидат да го блокираат и веќе најавеното зголемување на минималната плата на 18.000 денари планирано за јануари 2022 година.

Долго време го блокираа и субвенционирањето на платите од 14.500 денари со пакетите антикризни мерки и не ни помислија како преживуваат работниците и работничките тие неколку месеци колку што им траеше блокадата“, посочи Живковиќ.

Тој ги повика пратениците од опозицијата да престанат, со како што кажа, евтините политички трикови и да ги тргнат блокадите што континуирано ги поставуваат.

Во исто време Живковиќ ги увери работничките и работниците дека зголеменото и стабилно парламентарно мнозинство повторно ќе ги порази блокадите.

„Владата предводена од СДСМ, како и досега ќе продолжи да работи во интерес на сите граѓани и граѓанки, ќе обезбеди повисока минимална плата а недела ќе биде неработен ден“, кажа претседателот на партиската комисија за труд и социјална политика.

 

Македонија

Законот за родова еднаквост се подготвува низ процес на широки консултации

Објавено пред

Министерката за труд и социјална политика Јагода Шахпаска одржа работна средба со Симона Граната Менгини, секретарката на Венецијанската комисија, на која се разговараше за процесот на подготовка на законското решение за родова еднаквост и опсежните консултации што Министерството ги води со сите засегнати страни и институции.

Министерката Шахпаска информираше дека веќе е изготвена драфт верзија на Законот за родова еднаквост и дека до крајот на месецот се очекува и стручни лица од ЕУ да дадат мислење за првичната верзија.

„Ова законско решение го подготвуваме низ процес на широки консултации како со невладиниот сектор и експерти за човекови права, така и со сите институции кои ќе добијат одредени обврски и надлежности. Работната верзија на Законот веќе е презентиран и пред дел од пратениците и пратеничките во Собранието на Северна Македонија. Само на тој начин, преку широка дебата ќе добиеме добро решение кое ќе даде резултати“, информираше министерката Шахпаска и додаде дека на сличен начин преку широки консултации со опозицијата и со невладиниот сектор успеа со консензус да бидат усвоени законите за спречување дискриминација и насилство врз жените и семејно насилство.

Таа нагласи дека со новиот закон за родова еднаквост, кој се очекува да биде финализиран и пуштен во процедура кон крајот на оваа или на почетокот на идната година, се обезбедуваат три нови механизми кои ќе обезбедат зајакнат надзор на спроведувањето на политиките на родова еднаквост и на централно и на локално ниво, но и воведување на принципот на задолжително родово одговорно буџетирање за сите институции.

Секретарката на Венецијанската комисија, Граната Менгини, го поздрави процесот на подготовка на Законот за родова еднаквост и нагласи дека широките консултации се многу важни за креиање на добри законски решенија. Таа изрази задоволство што Венецијанската комисија е консултирана уште во рана фаза на неговата подготовка.

Истовремено министерката Шахпаска информираше дека со новиот системски закон за работни односи, кој е во завршна фаза, во рамките на породилното отсуство, се предвидува отсуство и за таткото, што е уште еден значаен чекор во градењето на рамноправност меѓу мажите и жените.

Граната Менгини го поздрави овој предлог и оцени дека на тој начин на жените им се дава можност да создаваат семејство, без притоа да трпи нивниот кариерен развој.

Министерката за труд и социјална политика Шахпаска учествуваше на тридневната 8ма Меѓународна конференција за жените Ромки и патувачи во организација на Совет на Европа во Стразбур, Франција, на која се разговараше и за правата на Ромките, но и влијанието на пандемијата Ковид-19 врз нив.

Прикажи повеќе...

Македонија

Маричиќ: Политичарите, но и дел од судиите и обвинителите треба да преземат одговорност за да имаме функционални институции

Објавено пред

Интересот на граѓаните е да има функционални институции, а за тоа мора и политичарите, но дел и судиите и јавните обвинители да преземат одговорност, порача министерот за правда Бојан Маричиќ во интервјуто за Радио телевизија Црна Гора.

Според него воопшто не беше лесна задача да се почне реформирање на правосудството со деструктивна опозиција, со блокади од внатре од институциите и со отворени прашања со соседите.

„Денес имаме правосилни пресуди против поранешни и сегашни функционери, тоа значи дека направивме еден сериозен процес во којшто никој не беше над законот, имаше неселективно спроведување на законот и процес кој мораше да го прочисти правосудството. Тоа не е сè уште не е завршена работа“.

Маричиќ на прашањето за реформите кажа дека целата на Владата е со законодавна интервенција и нормално со имплементација на законите да дојдеме до точка кога ќе имаме доверба во правосудството, одговорност и отчетност на секој судија и секој обвинител, без разлика што имаат неограничен мандат, без разлика што се независна власт, секој којшто е на јавна позиција, на јавна функција треба да се чувствува одговорност и да биде одговорен пред граѓаните..

За евроинтеграциите на земјава, во период којшто следи Маричиќ очекува од Унијата и сите држави членки поголем ангажман затоа што како што вели, единствен начин е тоа да се надмине кризата на европската политика на Балканот.

„Ние како Влада направивме многу последните 4 години и решавањето на спорот со Грција и враќање на државата на проевропскиот пат и крупни реформи, не добивме за жал датум за почеток на преговорите и тоа направи фрустрација кај граѓаните. Тоа е важен сигнал и за Европската Унија“, рече Маричиќ.

Прикажи повеќе...

Македонија

Мигранти од Куба нелегално влегле во земјава

Објавено пред

Тројца мигранти од Куба синоќа биле затекнати во автомобил во близина на Гевгелија.

Како што информираат од МВР, приведен е возачот на автомобилот, а станува збор за 28-годишник од селото Долно Коњари.

„При контрола на автомобилот се пронајдени Р.С.Х. (37), Ц.С.Ј.П. (26) и В.Ц.Д. (25), сите од Куба, за кои по извршените проверки во службената евиденција е констатирано дека немаат остварено легален влез во државата. Известен е јавен обвинител, мигранти се предадени на полициски службеници од полициска станица Богородица за понатамошна постапка и по целосно документирање на случајот ќе биде поднесен соодветен поднесок“, велат од МВР.

Прикажи повеќе...

Најново

Македонија1 час

Филипче предлага матичните лекари да бидат парично наградени ако 70 отсто од нивните пациенти се вакцинирани

Министерот за здравство Венко Филипче вели дека во последниве неколку дена се разгледуваат мерки за невакцинираните лица кои нема да...

Македонија2 часа

Преживеаните патници кои ќе пристигнат денеска ќе бидат хоспитализирани, уште тројца ќе допатуваат в понеделник

Во текот на денешниот ден се очекува од Бугарија да пристигнат двајца, од седумте преживеани пациенти од тешката автобуска несреќа...

Македонија2 часа

Бугарското обвинителството ги презеде материјалите од Македонија за истрагата за автобуската несреќа

Македонското државното јавно обвинителство денеска ги предаде на бугарското обвинителство материјалите поврзани со истрагата и со идентификацијата на жртвите во...

Македонија2 часа

Османи: Со Бугарија сме најблиски соседи, блиски пријатели и можеме да си помагаме и во добро и во лошо

„Бугарските институции постапија професионално и им обезбедија мир на семејствата на жртвите, бидејќи имаше премногу шпекулации, што дополнително ги оптоваруваше...

Свет3 часа

Можеме да ги приспособиме вакцините кон новата варијанта за околу 100 дена, велат од „Фајзер“

Производителите на вакцини изразија уверување дека ќе можат брзо да ги приспособат своите вакцини доколку се прошири варијантата Омикрон. Новиот...

Македонија3 часа

Двајца од повредените во несреќата се отпуштени од болницата „Пирогов“

Двајца повредени во сообраќајката на автопатот „Струма“ се отпуштени од болницата во „Пирогов“. Отпуштените се во добра и стабилна состојба,...

Македонија3 часа

ВМРО-ДПМНЕ: Кој дал наредба автобусите на „Беса-транс“ да поминуваат граница над 100 пати без дозвола?

„Оставки и Спасовски и Бочварски, Беса транс возеле без дозволи, минувале граници и контроли, системот работел за мафијата. Скоро 140...

Македонија13 часа

Прифатена оставката на Заев, на 12 декември ќе се бира нов претседател на партијата

На 12 декември, недела, ќе се одржат внатрепартиски избори во СДСМ, откако Централниот одбор на партијата вечерва ја констатирал оставката...

Регион15 часа

(Видео) Пукање во автобус со калашников во Косово, убиени возачот и двајца ученици

Во автобус вечерва е пукано од калашников кај селото Глоѓане кај Дечани, во Косово, а според последните информации загинале четири...

Македонија16 часа

Алтернатива ќе преговара за влез во Владата

Алтернатива одлучи претседателот Африм Гаши да преговара со премиерот Зоран Заев или идниот мандатар за влез во Влада. Според нив,...

Топ19 часа

Скопјанец повикан во полициска станица поради говор на омраза за автобуската несреќа

Скопјанец бил повикан во полициска станица на информативен разговор поради говор на омраза за автобуската несреќа во која загинаа 45...

Популарно20 часа

Македонија ќе игра против Италија во полуфиналето на плејофот за Светското првенство во Катар

Фудбалската репрезентација на Македонија ги доби ривалите за баражот за пласман на Светското првенство во Катар. Денешната ждрепка во Цирих...

Македонија20 часа

Возачите на автобусот што изгоре не биле вработени во „Беса транс“

Ниту еден од возачите кои го управувале автобусот на „Беса транс“ кој изгоре не бил вработен во компанијата. Еден од...

Македонија20 часа

Автобусот бил технички исправен, годинава 113 пати ја поминал државната граница

Автобусот на „Беса транс“ минатата година во 22 случаја остварил влез – излез од државата, додека, пак, во 2021 година...

Македонија21 час

(Видео) Утре ќе бидат префрлени во Скопје првите двајца преживеани во автобуската несреќа

Утре ќе бидат донесени првите двајца од седумте преживеани во автобуската несреќа во Бугарија. Тие прво ќе бидат сместени на...

Македонија21 час

19 починати и 434 новозаболени со Ковид-19

Министерството за здравство информира, согласно податоците од Институтот за јавно здравје дека во последните 24 часа: Направени се 3.026 тестирања,...

Македонија23 часа

Изгорениот автобус бил произведен 2007 година

Автобусот на компанијата „Беса транс“, кој изгоре во Бугарија и однесе 45 животи, бил стар 14 години. Од македонското МВР...

Македонија1 ден

Пронајдено уште едно тело, дете е 45. жртва во изгорениот автобус во Бугарија

При дополнителен преглед на изгорениот македонски автобус што се запали на автопатот „Струма“ пронајдено е уште едно тело, пренесе Бугарската...

Македонија1 ден

Невакцинирани се 69 проценти од новите случаи на коронавирус во Македонија

Министерството за здравство ја објави анализата на вакцинирани од позитивни случаи на коронавирус во период од 6 август заклучно со...

Македонија1 ден

Заев денеска ќе ја поднесе оставката во партијата, Алтернативата одлучува дали ќе стане дел од владината коалиција

Претседателот на Владата и лидер на СДСМ, Зоран Заев, денеска ќе поднесе оставка од лидерската функција во партијата. Несреќата на...

Досие