Контакт

Македонија

(Видео) Заев: Казнивоста нема да се избегне во ниту еден случај на корупција

Објавено пред

Премиерот Зоран Заев денеска учествуваше на конференција посветена на антикорупциските процеси и проекти на Владата, институциите и граѓанското општество „За општество ослободено од корупција“ во организација на „Цивил“ и „Зелена лупа“. На конференцијата свои воведни обраќања имаа претседателот на Владата на Република Македонија, Зоран Заев, генералниот секретар на Државната комисија за спречување  корупција, Розета Трајан, универзитетската професорка и експертка за човекови права, Мирјана Најчевска, претседателот на „Цивил“, Џабир Дерала, и претседателот на здружението „Зелена лупа“, Ване Цветанов.

Премиерот Заев изрази благодарност за поканата и ја истакна определбата на Владата за транспарентно креирање на политиките преку заеднички дијалог со сите општествени чинители.
„Денес нема да зборувам и објаснувам колку корупцијата ни ги јаде и труе општеството и системот, туку ќе ги потенцирам најважните антикорупциски процеси во државата со кои се спротивставуваме на оваа заедничка општествена рана. Во насока на воспоставување независно, непристрасно и ефикасно судство, засновано на европските стандарди и најдобрите пракси, презедовме активности за реконструирање на законската рамка со цел да се обезбедат процедури кои ќе ја зајакнат независноста, транспарентноста и отчетноста на судството. Еднакво внимание, во широката рамка законски прописи, кои се во завршна фаза, посветивме и на препознавањето и санкционирањето на непрофесионалното и пристрасно однесување од страна на судската власт. Во овој процес постојано го имавме предвид и огромното значење на правилното функционирање на судскиот систем и ефикасната борба против корупцијата, но и почитувањето на човековите права. Во закон и во пракса“, рече премиерот Заев во своето обраќање и додаде дека Европската Унија става силен акцент на судството во претпристапниот и пристапниот процес, на начин што преговорите за полноправно членство започнуваат и завршуваат токму со поглавјето 23 „Правосудство и фундаментални права“.

Премиерот Заев соопшти дека Владата го усвои предлог-законот за спречување корупција и судир на интереси, во кој се уредуваат мерките и активностите за спречување на корупцијата, но и мерките и активностите за спречување на судирот на интереси за кои е надлежна ДКСК во кој се адресирани препораките од Европската комисија, извештајот на Прибе и извештајот на ГРЕКО кои се однесуваат на законската рамка и во чија изработката беа вклучени експерти, претставници на невладините организации и претставници на институции.

„Со овој закон, се воведува транспарентна постапка за избор и именување на претседателот и членовите на ДКСК и се зајакнуваат условите за избор и именување. Предлогот е да се спроведува на интервју со кандидатите кое ќе го врши Комисијата за прашања на изборите и именувањата на Собранието, при што прашања можат да поставуваат и претставници на граѓански организации, и здруженијата на новинари. Интервјуто ќе биде јавно и ќе се пренесува на собранискиот ТВ-канал“, рече Заев.

Во однос на одредбите што ги содржи ова законско решение, Заев рече дека се предлага зајакнување на надлежностите на ДКСК во контролата на финансирањето на политичките партии и финансирањето на изборни кампањи, се предлага да се утврди дека доставувањето на бараните податоци не претставува повреда на банкарска тајна, утврдување должност за одговорното лице во надлежната институција или од него овластено лице да ги презема сите мерки и активности за доставување на бараните информации до ДКСК, како и утврдување можност за ДКСК да бара податоци и информации од надлежни институции, правни и физички лица, заради целосно утврдување на фактичка состојба, вклучително и пристап до 17 бази на податоци.

„Внесуваме одредби согласно кои постапка за проверка на податоци од изјавата за имотна состојба, покрај во утврдените случаи, ДКСК ќе може да врши и врз основа на проценка за ризикот за корупција. Се предлага утврдување должност, доколку постојат докази дека член на семејството или блиско лице на службеното лице, се стекнал со значителен имот за време на вршење на јавните овластувања на службеното лице, ДКСК да иницира покренување постапка за испитување на основот на стекнување на имотот на тој член на семејството“, истакна премиерот Заев и додаде дека новина е и пријавувањето промени на имотната состојба да се врши и во период од две години по престанокот на функцијата и анкетниот лист доставен до ДКСК да биде јавно достапен и уште две години од денот на престанокот на функцијата на лицето што ја поднело изјавата.

„Овој закон е усвоен на седница на Влада и по неговото донесување во Собранието, очекуваме Собранието согласно со новите критериуми да започне постапката за избор на членовите и претседател на новиот модел на ДКСК. Воведуваме транспарентни постапки за избор на ДКСК со учество на невладиниот сектор и медиумите. Се проширува надлежноста на ДКСК, со зајакната надлежноста и овластувања за следење на финансирање на политичките партии. Се прецизира правото на ДКСК при проверка на податоците од изјавите за имотна состојба и интереси да бара податоци за физички, но и правни лица од банки и други финансиски институции, при што доставувањето на бараните податоци нема да претставува повреда на банкарска тајна“, порача премиерот Заев.

Во однос на досегашните активности што се спроведуваат, премиерот посочи дека имаме видливи резултатите од имплементацијата на концептот за Отворена и транспарентна влада, односно „Според индексот на отвореност, Владата како централно извршно тело е на прво место во регионот со 76% исполнување на индикаторите“, утврди истражувањето за „Отвореност на институциите на извршната власт во Југоисточна Европа и во Македонија“.

„Воведовме алатка за отчетност за трошоците на носителите на јавни функции. Jавноста доби увид за трошењето на функционерите. Сега премиерот и министрите прават три пати помалку трошоци за непродуктивни активности. Ја менуваме перцепцијата во јавноста во насока дека постои политичка волја и подготвеност на Владата за справување со корупцијата во Македонија. Тоа го покажавме во повеќе случаи кога во јавноста беа покренати сомневања за судир на интереси или несовесно работење. Тоа го покажавме во повеќе случаеви кога во јавноста беа покренати сомневања за судир на интереси или несовесно работење. Знаевме да се повлечеме, знаевме да го слушнеме крикот на јавноста, но чесно е да кажеме дека во последните 12 месеци имаме заштедено повеќе од 100 милиони евра само заради транспарентност на постапките при јавните набавки“, рече премиерот Заев во своето обраќање и како конкретни активности што Владата ги презема во оваа насока ги наведе разрешувањето на претходниот директор на Агенцијата за туризам со образложение за несовесно и невнимателно работење, разрешувањето на директорот на Бирото за јавна безбедност, чиј службен автомобил беше забележан во странска држава.

„Владата апсеше градоначалник од своите редови кога имаше комплетни докази за криминал. Откако се појави сомнеж за транспарентноста и кредибилитетот на првиот инвестициски бран на Фондот за иновации и технолошки развој, беше воведен протокол за постапување при проценка на ризик за компании апликанти од аспект на поврзаност со носители на јавни функции и нивно влијание и сите се повлекоа од етички аспект. Политичките партии го зголемија државното финансирање за да не бидат повеќе зависни од бизнисмените кои им помагаат при нивното редовно функционирање или при кампања, а потоа им бараат одредени услуги, што многу често се сведува на корупција“, потенцираше премиерот.

На крајот од своето обраќање премиерот Заев ги потврди позициите на Владата за независно судство и обвинителство во борбата против корупцијата.

„Пред точно една година Владата, вклучувајќи ги и партиите од владината коалиција, локалната самоуправа и граѓанските организации, заеднички потпишавме декларација за борба против корупцијата. Преку неа, меѓу другото, испративме јасна порака до корумпираните дека казнивоста нема да се избегне во ниту еден случај. Од таа наша заложба ви ветувам нема да отстапиме“, рече премиерот Заев на конференцијата посветена на антикорупциските процеси и проекти на Владата, институциите и граѓанското општество „За општество ослободено од корупција“ во организација на „Цивил“ и „Зелена лупа“.

Македонија

(Видео) Стаменковска: Фрчат дисциплински за тие што не се блиски до СДСМ, човек беше казнет што не вклучил греалка

Објавено пред

Фрчат дисциплински постапки, незаконски распределувања и се подговуваат откази на административци кои не се партиски истомисленици на СДСМ, за да си вдомат свои партиски кадри на кои им ветиле работа уште пред изборите во 2016, обвини дополнителната заменик- министерка за администрација и информатичко општество Невенка Стаменковска-Стојановски во интервју за „Макфакс“. Таа рече дека овие вработени биле казнувани за банални работи, посочувајќи дека човек добил дисциплинска зошто не ја вклучил греалката кога дошол на работа.

„Тортурирани се и казнувани на разни основи, затоа што не се блиски до СДСМ или, пак, воопшто немаат партиска книшка. Едно лице има 4 до 5 дисциплински постапки за разни неважни работи, како што се зошто вклучил или неисклучил греалка, не вратил клучеви и слично. Се знае дека за ова треба само опомена или укажување, а не казна. Намерата им е да се избркаат овие луѓе и да донесат нивни, оние кои останаа невдомени од шарената револуција, потоа партиски тркачи кои треба да им одработат за изборите, а имам информација и дека се вработуваат и нивните претседатели на општинските ограноци. Немам конкретна бројка колку лица им се на список за ваква пресметка, но имам сознание дека само во Генералниот секретаријат на Владата има над 150 изречени дисциплински. И нема да останат само на оваа бројка, имам најава за нов бран кој допрва ќе следи“, рече Стамековска-Стојановски.

Стаменковска-Стојановски посочи дека бројката од 139 илјади вработени не е реална, затоа што тука не биле пресметани привремените вработувања и вработените по договори на дело.

„Бројките не се реални, тоа се само лица на неопределно време. Еве за илустрација, сега имаше оглас за 100 договори во една институција. Имаме случај каде возачот во Град Скопје е вработен како инспектор со несоодветно образование, а извршува должност како шофер. Имате еден куп вакви примери, за кои јавноста нема информација“, рече Стаменковска- Стојановски.

Стаменковска сè уште стои на ставот дека во моментот распишаните над 4.000 огласи за вработување се за партиски поткуп на гласачи пред изборите. Посочи дека огласите треба да бидат разгледани во согласност со дополнителениот заменик-министер и одобрени заеднички , за да не биде нарушен демократскиот процес пред изборите.

Прикажи повеќе...

Македонија

Пендаровски на Меѓународниот форум „Сеќавање на холокаустот и борба против антисемитизмот“

Објавено пред

Претседателот Стево Пендаровски денеска присуствуваше на форумот „Сеќавање на холокаустот и борба против антисемитизмот“, којшто се одржа во Ерусалим, Израел.

На форумот, покрај претседателот и премиерот на Израел, Реувен Ривлин и Бенјамин Нетанјаху, се обратија и претседателот на Руската Федерација Владимир Путин, потпретседателот на САД Мајк Пенс, претседателите на Франција и на Германија, Емануел Макрон и Франк Валтер Штајнмаер, како и Неговото Височество, принцот Чарлс. На конференцијата во Ерусалим зборуваа и Авнер Шалев, претседател на Јад Вашем, претседателот на советот на Јад Вашем, Рабинот Меир Лау и Моше Кантор, претседател на Фондацијата на Светскиот форум на холокаустот.

Нагласувајќи дека ниту еден политичар или поединец повеќе не смее да дозволи да се случи ист или сличен настан како холокаустот, говорниците и присутните им оддадоа почит на околу 6 милиони Евреи од целиот свет коишто беа убиени во Втората светска војна.

Положувајќи меморијален венец, претседателот Пендаровски им оддаде почит и на илјадниците убиени македонски Евреи кои беа депортирани во логорот на смртта во Треблинка, во Полска. Претседателот Пендаровски им оддаде почит и на сите останати жртви, коишто во периодот од 1941 до 1945 година биле немилосрдно измачувани, а потоа и убиени.

По повод Меѓународниот ден за сеќавање на холокаустот 27 јануари и 75-годишнината од ослободувањето на нацистичкиот логор на смртта Аушвиц, во рамки на конференцијата во Ерусалим, двајца преживеани од холокаустот го запалија меморијалниот факел.

Прикажи повеќе...

Македонија

Од почетокот на годинава скопските пожарникари изгаснале 28 огнови на отворено

Објавено пред

Бригадата за противпожарна заштита на Град Скопје во периодот од 01.01-23.01.2020 година на телефонскиот број 193, кој е дел од кампањата „Пријави оган на отворено“, регистрирала 41 пријава од граѓаните. Од вкупниот број јавувања, во 28 случаи пожарникарите излегле на терен со противпожарни возила и го изгаснале огнот што горел на отворено. Преостанатите 13 пријави од граѓаните се проследени кај инспекторите на Град Скопје за да покренат постапка против сторителите.

Во сезоната со зголемено загадување на воздухот, Градот Скопје ја продолжи кампањата за пријавување огнови на отворено на бесплатната телефонска линија 193. Градот Скопје преку својот инспекторат и Територијалната единица за противпожарна заштита, а во соработка со Министерството за труд и социјална политика, Министерството за внатрешни работи и Црвениот крст организира мешани тимови кои работат секој ден, 24 часа, и се справуваат со огновите на отворено.

Оваа кампања се спроведува трета година по ред. Градот Скопје и Бригадата за противпожарна заштита апелираат граѓаните да ги пријавуваат сите случаи на палење оган на отворено, за да може огнот што побрзо да се изгаси, а сторителите да се санкционираат.

Прикажи повеќе...

Најново

Свет1 час

Вирусната болест во Кина не е вонредна глобална здравствена ситуација

Во седиштето на Светската здравствена организација, во Женева, беше одржан состанок на кој е одлучено дека вирусната болест во Кина...

Регион2 часа

(Видео) Маж се самоуби пред парламентот во Белград

Непознат маж, на околу 50-годишпна возраст, изврши самоубиство вечерва пред зградата на Собранието во Белград, соопшти српската полиција, пренесуваат српските...

Македонија4 часа

(Видео) Стаменковска: Фрчат дисциплински за тие што не се блиски до СДСМ, човек беше казнет што не вклучил греалка

Фрчат дисциплински постапки, незаконски распределувања и се подговуваат откази на административци кои не се партиски истомисленици на СДСМ, за да...

Европа5 часа

Смртоносниот корона вирус стигна во Европа, четири лица во карантин во Шкотска

Корона вирусот пристигна и во Европа. Британските медиуми пренесуваат дека најверојатно корона вирусот стигнал во Велика Британија, каде четворица кинески...

Македонија6 часа

(Видео) Со хипотека на имот од над 3 милиони евра, Камчев бара да му се вратат пасошите

Орце Камчев понудил хипотека на недвижен имот од над 3 милиони евра, за да му се вратат македонскиот и бугарскиот...

Македонија6 часа

(Видео) Таткото на исчезнатиот Арбен Аслани бара средба со Чулев

Таткото на исчезнатиот Арбен Аслани бара средба со техничкиот министер за внатрешни работи Наќе Чулев. Бекир Аслани вели дека и...

Македонија8 часа

ЕСЧП пресуди во корист на детето со попреченост, кое беше врзувано за кревет – државата системски потфрлила

Хелсиншкиот комитет за човекови права во 2015 година, во име на малолетниот Л. Р., лице со повеќекратна попреченост, поднесе апликација...

Топ9 часа

Скопјанец со тупаници го тепал едногодишното дете на својата партнерка

Триесет и четиригодишен скопјанец е обвинет дека физички го малтретирал едногодишното дете на својата партнерка. Според истрагата, тој го тепал...

Свет9 часа

Во Кина прогласен најголемиот карантин во историјата

Кинеските власти во средата прогласија најголем карантин во историјата за да спречат ширење на новиот корона вирус за кој во...

Свет11 час

Си-ен-ен: Откриен е изворот на корона вирусот

Изворот на новиот корона вирус, кој се појави во Кина, би можеле да бидат змиите кинеска кобра и кинески краит,...

Македонија11 час

(Видео) Бојан Јовановски: Не играјте си со мојот живот, 55 пати сум носен во болница

Педесет и петпати сум носен во болница. Пред малигнитет сум. Ве замолувам, не играјте си со мојот живот, изјави денеска...

Свет11 час

Кинеското министерство: Автобусите и траектите повеќе не одат во Вухан

Кинеското Министерство за транспорт го прекина целосно автобускиот и траектниот сообраќај кон градот Вухан поради епидемијата на вирусот корона, од...

Македонија12 часа

(Видео) Рочиштето за „Рекет“ одложено вторпат

Поради влошена здравствена состојба на адвокатите на ексшфицата на СЈО, Катица Јанева, Дељо Кадиев и Ирена Фрчкоска, вторпат се одложува...

Регион12 часа

По 20 дена, ослободени киднапираните грчки морнари

Осум члена на екипажот на грчки танкер се ослободени по 20 дена од киднапирањето од вооружени напаѓачи на брегот на...

Свет13 часа

СЗО денеска ќе одлучува дали ќе прогласи вонредна состојба

Светската здравствена организација (СЗО) денеска ќе донесе одлука дали да прогласи глобална вонредна состојба поради избувнување на новиот корона вирус,...

Македонија1 ден

Изгласан Законот за младински додаток: Младите до 23 години ќе добиваат по 3.000 денари за работа во производство

Вечерва во Собранието пратениците го изгласаа Законот за младински додаток по скратена постапка. Овој закон предвидува на младите до 23...

Македонија1 ден

Раскината концесијата за Охридското Езеро, Димковски тврди дека концесионерот ги кршел законите

Владата донесе одлука за раскинување на договорот за концесија за Охридското Езеро со концесионерот „Летница-Белвица“. Причината за оваа одлука, како...

Македонија1 ден

Костадинов: ВМРО-ДПМНЕ со 3.000 амандмани го блокира предлог-законот за отпис на камати

ВМРО-ДПМНЕ поднел 3.000 амандмани за предлог-законот за отпис на камати и репрограмирање на долгови и трошоци на јавните препријатија, за кој...

Македонија1 ден

ВМРО-ДПМНЕ ќе ја тужи Царовска за в.д. директорите во центрите за социјална работа

Опозициската ВМРО-ДПМНЕ најави дека ќе биде поведена постапка за злоупотреба на службена дожност против ексминистерката Мила Царовска поради тоа што,...

Топ1 ден

Измамник во Свети Николе изнудил 2.000 евра од жена, ја излажал дека е полицаец

Седумдесет и осумгодишна жена од Свети Николе пријавила дека била измамена за сума од 2.000 евра. Според пријавеното, вчера лицето...

Досие