Контакт

Македонија

(Видео) Заев на ифтарска вечера: Да ѝ дадеме сила на нашата заедница, ние сме едно општество со различни вери

Објавено пред

За време на рамазанскиот пост да ја споменеме и да ѝ дадеме сила и на нашата заедница – Република Северна Македонија – една држава, едно општество на различни вери, изјави премиерот Зоран Заев, кој синоќа организираше ифтарска вечера.

На вечерата  присуствуваа претседателот на Собранието, Талат Џафери, пратеници во Собранието, поглаварот на ИВЗ Сулејман Реџепи, министри во Владата, градоначалници од повеќе општини во нашата земја, ректори на државните универзитети, бизнисмени и претставници на стопанските комори, како и претставници на граѓанските организации.

По ифтарската вечера, премиерот Заев имаше свое обраќање пред присутните,  при што истакна дека ова е празнично време кога семејствата се собираат и се осврна на значењето на муслиманскиот празник.

„Рамазан е време на интензивна посветеност, саморефлексија и размислување. Време кога се извршуваат молитвите и се читаат сурите, поглавјата, кога се рецитираат ајетите, стиховите од светата книга – Куранот. Поглавјата и стиховите од  Куранот потсетуваат на принципите и на нашата должност за меѓусебно почитување, за залагање за правда, за напредок, толеранција и достоинство на сите луѓе. За време на светиот месец рамазан, се посветуваме на закрепнување на духот, на обновување на духовните сили и на волјата за да се усовршиме според божјите пораки“, рече Заев.

Тој додаде дека подвигот за време на постот и наградата за посветеноста, го помагаат унапредувањето на заедничките желби, меѓу кои да живееме во мир, да шириме добрина меѓу соседите и да ги јакнеме пријателствата.

„Со секој ифтар за време на рамазанскиот пост да ја споменеме и да ѝ дадеме сила и на нашата заедница, Република Северна Македонија. Една држава, едно општество на различни вери, кои меѓу себе живеат сложно и ја продолжуваат традицијата што ни е оставена да ја чуваме и да ја негуваме. Тоа е нашата цел. За нас и за нашите деца. На тој пат сме сите заедно. Нека е благословена оваа вечера и светиот месец Рамазан, и нека ве придружуваат мирот и спокојството за време на светиот пост“, изјави Заев во обраќањето пред присутните.

Македонија

Димитров на средбата со ЕУ-амбасадорите: Усвојувањето на преговарачката рамка ќе ги заокружи историските успеси на Македонија во 2020 година

Објавено пред

Заменик-претседателот на Владата задолжен за европски прашања, Никола Димитров, имаше видеоконференциска средба со амбасадорите на земјите членки на ЕУ во Северна Македонија. На иницијатива на амбасадорот и шеф на Делегацијата на ЕУ, Дејвид Гир, средбата се одржа по повод неодамнешниот извештај на Европската комисија за Северна Македонија и пакетот за проширување.

„2020 е година на предизвици, како на глобален, така и на домашен план, но истовремено и година која ја одбележаа многу важни пресвртници кога станува збор за стратешките приоритети на Северна Македонија. Зеленото светло за отворање на пристапните преговори од март годинава, заедно со членството во НАТО-алијансата се историски успеси на Владата и на граѓаните. Се надеваме дека заедничкиот успех ќе биде комплетиран со усвојување на Преговарачката рамка и одржување на првата Меѓувладина конференција до крајот на годината“- истакна Димитров.

Осврнувајќи се на наодите од извештајот, Димитров посочи дека истиот претставува објективна и сеопфатна проценка на нашиот напредок, идентификувајќи ги областите на кои треба да ги фокусираме реформските активности, со посебен акцент на приоритетните области поврзани со првиот Кластер – Темели.

„Како Европската Унија ќе се постави кон ова прашање – правото на македонскиот народ на самоопределување – ќе влијае врз тоа дали и понатаму ќе можеме на Унијата да гледаме како на заедница на вредности и принципи“, рече вицепремиерот Димитров, во однос на предизвиците со коишто Северна Македонија се соочува во светло на одржувањето на Првата меѓувладина конференција.

Тој информираше и за мерките што Владата ги презема за подобрување на ИПА- структурата, односно за капацитетите на апсорпција на ЕУ-фондовите.

Прикажи повеќе...

Македонија

Османи во Хрватска: Заслужуваме до крајот на годината да ги почнеме и формално пристапните преговори

Објавено пред

Мора да продолжи европската интеграција на западниот Балкан како заеднички интерес и на земјите од регионот и на Унијата, заклучија министерот за надворешни работи, Бујар Османи, и неговиот хрватски колега, Горан Грлиќ Радман, за време на состанокот во Загреб. Билатералните односи беа карактеризирани како динамични и пријателски, со интензивен политички дијалог на највисоко ниво, преку успешна соработка во бројни области од заемен интерес.

За двајцата министри продолжувањето на политиката на проширување на ЕУ ќе биде позитивен сигнал за целиот регион како суштински интерес и на земјите членки на Унијата, за европски Западен Балкан.

„Европската Унија треба да донесе неколку исклучително важни чекори и одлуки за нас, и тоа: да ја одобри преговарачката рамка за пристапните преговори, да ја закаже првата Меѓувладина конференција и да започнат и формално пристапните преговори. Сакам да бидам искрен, со оглед на постигнатиот реформски напредок, со оглед на нашиот долг европски пат, сметам дека заслужено очекуваме ова да се случи до крајот на оваа година, за време на германското Претседателство со Советот на ЕУ“, рече министерот Османи, упатувајќи притоа благодарност до колегата Грлиќ Радман, за силната поддршка од страна на Хрватска за нашите европски амбиции, која беше крунисана со одлуката на Советот на ЕУ за почеток на преговорите во рамки на Хрватското претседателство со ЕУ во првата половина од годинава.

„Круна на таквата поддршка беше одлуката за почеток на пристапни преговори на нашата држава со ЕУ во март оваа година, за време на вашето претседателство, а Декларацијата од Загреб 2020 беше дополнителна поткрепа на определбата на земјите од Западен Балкан за инклузивна регионална соработка и зајакнување на добрососедските односи“, нагласи Османи на средбата.

Османи го информираше министерот Радман за неговата посета на соседна Бугарија, потенцирајќи ја притоа важноста од продолжувањето на меѓусебната комуникација на највисоко ниво, како единствен начин за надминување на евентуалните разлики и отстранување на сите предизвици за нормален контиуитет на европските интеграции на Северна Македонија.

„Ги засиливме политичките комуникации со соседна Бугарија на повеќе нивоа, а својата работа ја интензивираше и заедничката мешовита комисија за историски прашања. Верувам дека во периодот што следи соодветно ќе ги адресираме сите предизвици и нема да дозволиме да пропадне големата заедничка политичка инвестиција за европските перспективи на целиот регион“, потенцираше Османи.

Соговорниците се осврнаа и на соработката во рамките на НАТО, економската соработка, туризмот, иницијативата за отворање на Културно-информативни центри во Скопје и Загреб, како и за активностите врзани за заштита и промовирање на правата на малцинствата во двете земји, кои претставуваат мост за меѓусебно зближување. Посебно се осврнаа на актуелните состојби во регионот и пошироко, регионалната соработка, вклучително и мерките за координација во справувањето со Ковид-19.

Прикажи повеќе...

Македонија

(Видео) Арсовски: Димова доделила речиси 55.000 евра на училиште во кое работат роднини на Маричиќ и неговата сопруга

Објавено пред

Лидија Димова мора веднаш да си даде оставка од позицијата директор на Националната агенција, бидејќи е заглавена во сомнеж за криминал до гуша, обвини портпаролот на ВМРО-ДПМНЕ, Димче Арсовски.

„Денеска сакаме да поставиме неколку прашања во врска со проект кој е доделен на средното  општинско училиште ‘Коле Нехтенин’ од Штип, проект во вредност од над 54.000 евра, за едукација за туризам на Кипар. Прашањата коишто сакаме да бидат одговорени, коишто јавноста бара да бидат одговорени се следни:

Дали за овој проект што го споменав претходно, во вредност од 54.000 евра, за ова училиште да го добие  главен протеже во Националната агенција била претседателката на Управниот одбор во истата агенција, Маринела Тушева, инаку сопруга на министерот за правда Бојан Маричиќ?

Бидејќи, прва братучедка на Маринела Тушева е Јулијана Саздова, наставник вработен во средното општинско училиште „Коле Нехтенин“, кое го добило проектот, додека, пак, нејзиниот татко, а вујко на Маринела Тушева е Нако Ташков, инаку член на училишниот одбор во училиштето.

Дали Маринела Тушева помогнала проектот да го добие училиштето во кое работи нејзината прва братучетка, а нејзиниот вујко е член на училишниот одбор?

Дали има одлуки на наставнички совет, училиштен одбор и Управен одбор за подготовка на апликацијата и реализација на истиот проект за кој се побарувани парите? Дали поминала одлуката на гласање на некое од овие тела коишто ги споменав?

Потребно е да се направи план за посебна проектна сметка во буџетот на училиштето, преку која ќе се реализира овој проект. Дали има таква сметка во училиштето?

Дали воопшто некој знае дека овие средства влегле во училиштето?

И за крај, каде и на чии сметки завршиле овие пари, односно кој е финалниот извештај, и дали ќе може да биде објавен од страна на Националната агенција и училиштето за да се отстранат сите сомнежи?

Па така, ако сè уште не ви е јасно од каде ѝ е силата на Лидија Димова и зошто сè уште не е сменета и разрешена од директор на институцијата, од страна на Управниот одбор на Агенцијата кој го води Маринела Тушева, одговорот може да го добиете во оваа прес-конференција“, порача Арсовски.

Прикажи повеќе...

Најново

Македонија1 час

Собранието не расправаше за новите мерки, опозицијата побара дополнително време за да ги разгледа

На барање на опозицијата, во Собранието денеска не се расправаше за измените и дополнувањата на Законот за заштита на населението...

Македонија3 часа

Заев: Директорот на Македонска пошта, Ејуп Рустеми од ДУИ, ќе биде директор на ЈП „Државни патишта“

Актуелниот директор на Македонска пошта, Ејуп Рустеми од ДУИ, ќе биде назначен за директор на ЈП„Државни патишта“, потврди денеска премиерот...

Македонија3 часа

За една недела 49 лица починале од коронавирус во Македонија

Министерството за здравство информира дека согласно извештајот на Институтот за јавно здравје кој се однесува на периодот од 12 до...

Европа4 часа

Ломбардија воведува полициски час од 22 октомври

Од 22 октомври ќе се воведе полициски час во северната италијанска покраина Ломбардија, која се смета за „локомотива“ на италијанската...

Македонија4 часа

(Видео) Заев: Оваа Влада ќе го негува и унапредува македонскиот јазик

Сè дури постои македонскиот јазик ќе постојат и Македонците, сè додека постојат Македонците ќе постои и македонскиот јазик, изјави премиерот...

Македонија4 часа

МОН објави упатство: Наставниците да го прилагодат оценувањето согласно учењето на далечина

Министерството за образование и наука и Бирото за развој на образование ги известија училиштата за начинот на следење и оценување...

Европа5 часа

Курц: До следното лето ќе се вратиме во нормала

Австрискиот канцелар, Себастијан Курц, верува дека вакцината против коронавирус ќе биде достапна во првата половина на следната година. „До следното...

Македонија6 часа

Весковски: Водоснабдувањето во Скопје нормализирано, ваков дефект се јавува еднаш на 10 години

Водоснабдувањето кое во текот на вчерашниот ден беше прекинато во голем дел од Скопје, како резултат на голем дефект на...

Македонија6 часа

Новите мерки против коронавирусот на дневен ред во Владата и Собранието

Новите мерки во борбата против коронавирусот денеска ќе се најдат на седници на Владата и на Собранието. Владата треба да...

Свет6 часа

Во Москва 49 нови смртни случаи од коронавирус за 24 часа

Рускиот главен град во понеделникот регистрираше 49 нови смртни случаи поврзани со коронавирус, соопшти Московскиот кризен штаб. „Четириесет и девет...

Свет7 часа

Ирска воведе најстроги мерки против коронавирусот во Европа

Ирскиот премиер Михаел Мартин го потврди враќањето на највисоко, петто, ниво на ограничувања во борбата со коронавирусот, кое ќе трае...

Свет7 часа

Норвешки лекар тврди дека коронавирусот мутирал

Нова мутација на САРС-КоВ-2 коронавирус е откриена во Норвешка, тврди главниот лекар на општината Трондхајм, Тове Рестад. Од друга страна,...

Македонија21 час

Во Скопје 2.674 активни случаи на коронавирус, најмногу во Аеродром, Карпош и во Центар

Во Скопје во моментот има 2.674 активни случаи на коронавирус од вкупно 5.550 во целата држава. Најмногу активни случаи во...

Свет22 часа

Студија: повеќе од половина од луѓето што прележале Ковид-19 чувствуваат симптоми и по неколку месеци

Повеќе од половина од луѓето што биле отпуштени од болница по заболувањето од Ковид-19, чувствуваат симптоми, како што се отежнато...

Македонија24 часа

Дванaесет починати и 161 нов случај на коронавирус во Македонија

Дванaесет лица починаа, а потврден е 161 нов случај на коронавирус во земјата во последните 24 часа, соопшти Министерството за...

Македонија1 ден

Кумот на Груевски во притвор поради плацовите на Водно

Кривичниот суд во Скопје му изрече 30 дена притвор на Ристо Новачевски, кој се товари за сторено кривично дело перење...

Македонија1 ден

Филипче: Ситуацијата е навистина сериозна, следен чекор би бил полициски час

Министерот за здравство, Венко Филипче, соопшти дека утре до Владата ќе биде предложен дополнителниот сет мерки за превенција од коронавирусот....

Свет1 ден

Европската агенција за лекови ќе ги разгледа резултатите од студијата на СЗО за лекот ремдесивир

Европската агенција за лекови (ЕМА) ќе ги разгледа резултатите од студијата на Светската здравствена организација (СЗО) за антивирусниот ремдесивир, што...

Македонија1 ден

(Видео) Пендаровски: Научните аргументи и вистината за јазикот се на наша страна и од нив никој разумен не може да се откаже

Претседателот Стево Пендаровски денеска се обрати на отворањето на манифестацијата Отворени денови на Институтот за македонски јазик „Крсте Мисирков“. Овогодишниот...

Топ1 ден

Инспекторите растурија свадба во Глумово со 250 гости, следи кривична пријава

Инспекторите откриле уште еден случај на масовно непочитување на мерките против коронавирус во околината на Скопје. Синоќа во периодот од...

Досие